المشاركة الأصلية كتبت بواسطة عبدالرحمن مدثر
وبمناسبة المقاولون
فى كلمات كدا ورينا معناها فى تعاملك
مقاول - استشارى - مالك - طلبة - بناى - كاادر موية (دى فى الجامعة)
الخرباش 000
عارف عندي صاحبي عندو مصطلح لذيذ 000
لمن تغيظو بقول ليك ياخي راسك ده بستم 000؟؟؟
أول مرة قالا لي طبعا أجلتا رد فعلي لحدي ما سمعتا الترجمة 000
يعني مخك اتجاه واحد 000 ؟؟؟
أها في حاجات كدة قاعدة في راسي من زماااااان علي الطريقة البستمية 000
يعني استشاري دي لمن أسمعا بنسا أني مهندس 000 ومخي بمشي طوالي لي استشاري الصدرية 000
واستشاري الصدرية بالنسبة لي طوالي د حسن حسين رحمه الله 000
زي ما كان واحد قريبي بقول لي أي عسكري يا نميري 000
ومرة لاقا بنات الشرطة الفنية قال ليهم ازيكم يا نميريات 000
واستشاري الصدرية زمان زيارتي ليهو كانت شبه اسبوعية 000
لأني كنتا جامع بين حب متضادتين 000
الكورة الملعونة 000 الماكنتا بقدر أقاوم دقت صوتا العصرية 000
والأزمة التي كانت تبيت كل ليلة في حضن صدري 000
عارف مرة مشيت مع موسي خالي رحمه الله لدكتور حسن حسين 000
لاحظ أني تعبان وبجيهو بصورة متكررة 000
رجعني تاني ورا ستارة الكشف وبعيد من خالي 000
لقيتو بهمس لي براااحة 000
بتسجر ؟؟؟؟ 000 كان خايف أكون بدخن 000 وما عاوز احرجني قدام خالي 00
عارف من اللحظة ديك اتمليت حب بالراجل ده 000
وبقت كلمة استشاري دي عندي معناها استشاري صدرية واسمو د حسن حسين 000 رحمه الله رجل من الزمن الجميل 000
أما في مجالنا المقاول والاستشاري العلاقة لو بقت بيناتم سمن علي عسل 000 بكون المشروع حاجة من اتنين 000
إما قمة الاتقان في العمل 000 والتفاهم علي الجودة 000
أو حضيض السرقة 000 والتفاهم برضو بس علي القسمة 000
والله النيمة دي لذيذة ياخي 000
عارف اتخيلتا ليك نفسي قاعد ماسك مفكرتي 000 بتدفق فيها 000
وصوت الجماعة حوالي في ضل النيمة مالي أضاني 000
وبدوزن لحظة التداعي 000 بكتب 000 ومتابع ونستم 000
عصمت والملكة بكوركو في بعض 000 بس صاحبك قلبو رهيف 000
ختا وش دكتور عيون 000 قطرة ومس 000 تبكي بس يا صاحبي 000
وبيغادي كيكل بعد في حاجات الشنطة 000 وعصمت زاريهو في الـ 800
والستة ستة ما عاجباهو 000
والتنين كالعادة نافخ نيرانو يمين وشمال 000 وشرك بي جاي وشبكة بي هناك ( بكسر سنونو يوم ) وقال شنو قال داير يعرس 000
وميادة توزع في البث بثة 000 وماشفتا ليها أي عصير الليلة 000
و ادروب لسع ما فاق زي من صدمة ام بارح 000
وأثناء ما بتكتب 000 بجيك كوز موية من زير النيمة بتمسكو 000
وتقطعو كلو بدون ما تعاين للمداهو ليك 000 وانتا بتكتب 000
ياااااااااااه 000 تصدق حسيت بالهمبريب 000
و الله حقو أسي أقفل المكيف ده 000
Array
Array
Array
ضوابط المشاركة
رد مع اقتباس
قصدي الفضية يااااااخ
المفضلات