سؤال عادي

[ابو منجدة]

السادة رؤساء واعضاء منتدى ود مدني الاعزاء السلام عليكم ورحمة الله وبركاته
لقد انضممت الى هذا المنتدى العامر في 28/2/2010 ولدي احساس بان هذا المنتدى
خاص باهل مدني لكنني واصلت الانضمام ومازال هذا الاحساس يراودني بين فترة واخرى
وسؤالي هل احساسي صحيحا ؟ ان كان ذلك شكرا على حسن الضيافة .

[ود الزين]

أخى أبو منجدة هذا المنتدى لكل أهل مدنى الكبرى والصغرى ولكل من أحب مدنى أو من عاش على ارضها ، ضيفا كريما وأخا عزيزا . لم لا وقد كانت يوما ما عاصمة لكل أهل السودان .فانت الان يا اخى بين أهلك وأحبائك فالبيت بيتك والاهل أهلك . دع احساسك جانبا فأهل مدنى لا تحس بينهم بالغربة مهما عا شرتهم,,,,

[mutasim]

الاخ ابو منجده انت بين اهلك واخوانك وفى عدد كبير من الاعضاء مش من مدنى وانا والله اعجبتنى مشاركاتك فواصل معنا ومدنى هى شعب السودان
تحياتى لك

[نزار حسن محمد]

ابومنجده يازول ادخل لجوه ساى
كدى النسعلك انت لو جيت السوق الشعبى
مش بتلقى الباصات لمدنى ولى كوستى والابيض وبورسودان
وجميع مدن السودان ..اها نحن ناس مدنى لمن واحد اركب الباص
بتاعنا اولا بنرحب بيه ونقوله ابتسم انت فى ودمدنى تانى شى بنكتب ليه
قطعة ارض باسمه واهم شى البند الثالث ..لو بدور العرس تب بنعرس ليه
اها شن قولك يا ابومنجدة محللات اربع

[الجندي المجهول]

ابشرك اخووووووووي لكل السودان ولكل جميل يا (جميل) فنحن هنا نلتقي لنرتقي

[esmat]

الاخ ابو منجدة
انت مننا وانت فينا
ابقى داخل

[النويري]

الأخ أبو منجده ما يميز أهل مدني أنك لا تحس إلا وأنت منهم كيف راودك هذا الإحساس إنها من الشيطان فالدار دارك وأنت أهل لها كن كما تحب ونحبك نحن أيضاً

[بت أم درمان]

شايف الروعة دي يا ابو منجدة
اها بعد كلام الناس الرائعين ديل
عندك كلام ؟
خلي االاحساس لانه مرات بيخدع
واتعامل مع الناس كما يعاملوك به
وجد ما حا تلقى الا احسن معاملة
واحلا عشرة

[ابوالنور]

اها يا ابو منجده احساك كيف ؟ وانت داخل منتديات ودمدني

[ابو منجدة]

السلام عليكم ورحمة الله
الحمد لله الذي اذهب عني هذا الاحساس وجزاكم الله الف خير الاستاذ نزار والاخوان
ود الزين/معتصم/الجندي المجهول/عصمت/النويري/ابو النور/ وبت ام درمان والى
الى جميع افراد الاسرة الكريمة اهدي :
بهواك يا ارض المحنة والجمال
اهواك يامصنع الرجال
انت الخير والنعيم وفيك اجمل خصال
الطيبة والمحنةوالخضرة والسحر الحلال
مدني يا احلى المدن ما اغلاك مدني يا اغلى المدن ما احلاك
كل شيئ فيك جميل واصيل حتى منتداك .