***عنقريب هباب فى ضُل نيمة مرشوشة ***

[ود الجعلي]

العزيزة ملكة ....
كلنا بنخطئ وكلنا في لحظة زعل بنقول كلام يمكن يجرح ويمكن يزعل لانو في انحنا بشر وليس ملائكة .... بس المؤمن بيرجع لي نفسو ... وبيستغفر

في رسالة جميلة جاتني من شخص عزيز ... وعلي اساسا حبيت اني تاني مااخوض في
الموضوع والرسالة كانت دي :

*=== (( ما يلفظ من قول إلا لديه رقيب عتيد )) ===*

ومافي زول عندو حاجة تجاه شخص لانو اصلا مافي شي رابطنا غير هذا المنتدي ... وياها السيرة العطرة
والكلمة الطيبة هي البتبقي ...
ياستي عفا الله عما سلف ... والعفو والعافية .... ونحنا علي مشارف الشهر الكريم
وايام العتق من النار ... ربنا يكفينها شرها ....

وكما قال صلي الله عليه وسلم : اتق الله حيثما كنت واتبع السيئة بالحسنة وخالق
الناس بخلق حسن .

وكل سنة وانتي طيبة ... وربنا يكفيك شر الحاسدين والراصدين ... ويحفظك من كل شر
ويسهلها عليك محل ماتقبلي ويوقف اولاد وبنات الحلال في طريقك ...
ويرزقك بالزوج الصالح المتدين البيخاف ربنا فيك ....

وعافين ليك لله والرسول ...............

بت مارنجان

يا سلام عليك يا بت القبائل ..


التسامح والتصافي اصالة متفرده في شخصك النبيل


تحياتي وكل الذين حولك واهل النيمة الطيبين

[هيثم ادروب]

اهداء لي سيد النيمة ..



كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

[محمد هاشم]

مرحب بيك بيناتنا اخي محمد

انت ومولودك الجديد

بس ابعد من بت مارنـ.....

الله يبارك فيك لكن بنت مارنجان دي أبعد منها كيف دي بتنا وأنا زاتي من مارنجان

[حسام التنين]

السلام عليكم ورحمة الله تعالي وبركاته ..

نهاركم بااااااااااااااااااااااااسطة ..

وعليكم السلام

[فراس]

السلام عليكم ورحمة الله تعالي وبركاته ..

نهاركم بااااااااااااااااااااااااسطة ..

وعليكم السلام
واسعد الله اوقاتك بك خير ادروب

[نزار السر]

النيامة كيفنكم

[حسام التنين]

يلا سلام

ده كلوا عشاان بكره الجمعة ومابناقيكم

[فراس]

النيامة كيفنكم

هلا اخونا ود السر وينك يارجل

[فراس]

يلا سلام

ده كلوا عشاان بكره الجمعة ومابناقيكم

تنين الوقت مابدري وين ؟

[نزار السر]

هلا اخونا ود السر وينك يارجل

فراس كيفنك إنشاء الله طيب
موجووووووووود

[فراس]

أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ
أبوابَ النِّيرانِ ، وَوَفِّقْني فيهِ لِتِلاوَةِ القُرانِ يامُنْزِلَ
السَّكينَةِ في قُلُوبِ المؤمنين
ذهب الظماء وابتلت العروق وثبت الاجر ان شاء الله
نعيما بعد الافطار

[الملكة اسماء ( ام محمد )]

مساء الخيرات



ونشوفكم بعدين
باذن الله

[الملكة اسماء ( ام محمد )]

تتم مصاااادر النبلة الخاصة بملكتنا

من غير عودة

[الملكة اسماء ( ام محمد )]

بس حسي خلوني ادق لي حنك مع الملكة دي ياخ

مشتاقين لي وشوشها

[فراس]

الملكة وكل المتواجدين مساء النور

[الملكة اسماء ( ام محمد )]

الملكة وكل المتواجدين مساء النور

نظرا لانه لا يتواجد غيري حاليا
فاهلا ومرحبا اخوي فراس

[محمد هاشم]

الملكة وكل المتواجدين مساء النور

مساء الورد يا فراس

[محمد السر]

السلام عليكم ورحمة الله تعالى وبركاته

[فراس]

وعليكم السلام ورحمة الله
هلا ودالسر كيف بعد الافطار

محمد هاشم هلا بيك

[فراس]

القمر يغني للقمر ياعقبة وينك

[العاقب مصباح]

اهداء لي سيد النيمة ..
كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

الليلة جيت ...... جيت وجيت
يا حبيبو جيت شايل الفرح
قصدك تعوضني اللي فات
حسيت بحنية عيون
ما لقيتا في اقرب صفات
ادتني احساس بعمر
حاضنو الربيع ونسايمو جات
يوم كنا في جلسة نديم
نحكي ونعيد في الذكريات
ما تشيل مع الحنية هم
ما تخاف من الايام تدور
ما تخاف يغيرني الزمن
واعبر بدون عينيك بحور
انا روحي تعرف عزتك
=================

زيك كمان صادق شعور
انا روحي تعرف عزة الشوق
زيك كمان صادق شعور
وانا بيتي منور والدنيا ليل
ليلنا هالي هالي عليهو نور
خليتني ليه عشت الشقا
قبال اعرفك من زمان
مرة لا قيتك انا ... لمحت ليك وابيت كمان
خليتني ليه عشت الشقا
قبال اعرفك من زمان
مرة لا قيتك انا ... صرحت ليك وابيت كمان
ومن بدري ليه ما قلت لي
انا قلبي ليه مليان حنان
وبالريد كمان صارحتني شوف كان يسوي الزمان __________________

مدخل للفرح

يزدحم الفرح فى بابى الليلة

الليلة يستقبلنى أهلى :

أرواح جدودى تخرج من

فضَّة أحلام النّهر ، ومن

ليل الأسماءْ

تتقمص أجساد الأطفالْ.

تنفخ فى رئةِ المدّاحِ

وتضرب بالساعد

عبر ذراع الطبّالْ.

الليلة يستقبلنى أهلى :



جميل أن نحتفظ بمساحة تعنى الامل

والامنية

وتتسابق القلوب

فى فرح طفولى بهيج

احتفاء بعودة الرائعين

وبإنضمام رائعين

لهيثم ادروب باسطة خاااااااااااصة

يهبنا اياها عند كل حضور

ومع البشارات والفال دائما ما تحضر الحلوى

وها هو ادروب يحملها وفى الكف الاخرى كوب قهوة نشربه على الريق فيأخذ منا كل ضيق

أتت ملكة إلى بيتها

إلى اخوانها واخواتها

الى بيتها الاول

ونقول ليك انتى ست نيمة

والبيت بيتك

وفعلا انتى ملكة

وطبائع الملوك جلية فى تواضعك

وفى قوتك

دمتى بالف خير

والبينا عامرة

وما حدش واخد منها حاجه

وخليك هنا

بس النبلة ما بضمن ود مدثر يخليها ليك ولا لا

وهو متجرس شديد اليوم لمن غالبه الكلام والحروف

هسع بيكون خلاص روحه رجعت ليهو

جاتنا الافراااااااااااااااااااااااااح

يا جماعة كنا بنهظر ونحن نفتش لى افراح

وما قايلين بتجى

الجماعة قالو لى غير الاسم لى عربى وبتجى الافراح

وما صدقنا يا افراااااااح عودتك

حبابك الف

ومن يوم الكرسى الساخن وانتى غايبة

حبابك الف يا راقية

وخلينا نقول ليك مشتاقين جد جد

ومحمد هاشم تبارك الله بى احرامو

كل ما اشوف صورتك يا استاذى بطلب منها تدعى لينا تفك بورتنا

وبورة كل النيامة

وحبابك الف

وشايف ود الجعلى جايينا بعد كم يوم غياب

فى يوم جميل كله فرح

بس ما اظنه جاب الخروف بتاعه


ود الجعلى دايرين كرامة

حتى لو بليلة

وحبابك يا راقى

ومحب جايينا

وعنده الحب

وما اعظم الحب فى الله ولله

وعندما يكون الاسم محبا سيكون الحب صفة ملازمة له

اسمح لنا بحبك يا محب وابقى سيد بيت

فراس والله تبارك الله عينى باردة

منورنا وجاهرنا بى جيتك

ابقرجة فى حضرؤة جلالك يطيب الجلوس مهذب امامك يكون الكلام

داير لى يوم كامل عشان اقدر ارد على مداخلة منك

يا زول براحة علينا


واحلى شئ رجعت لينا بى لونك القديم

وحجم الخط الحبيناهو

وما حب الديار شغفن قلبى ولكن حب ابقرجة نفسه

مريم الاخرى

ولا سامية

ولا نقول شنو

قلت افتش لى مقطع يشبه قلبك الابيض

وما لقيت صراحة

وانت يا الابيض ضميرك

صافى زى قلب الرضيع

فى كلامك

وفى ابتسامك

احلى من زهر الربيع

يخليك لينا رب

مانجو

داير لى مكنونات فى العيد

ترسليها لى

رغم انى ما جبت ليك ام بى ثرى

بس لازم تجيبى المكنونات

نغتسها فى الخبيز

زمان الواحد بيخت الخبيز فى جيبه يوم العيد

واخر اليوم بنكون بقينا من فصائل الزيوت وكدا

ناس البيت الاعزاء

محمد السر

نزار السر

تنين النقار

ود البلال

ود مامون

وبقية العقد الفريد شديد

وما ننسى رضا


والجميع

احبكم فى الله

[فراس]

عقبة والله انت صاحب التواضع وصاحب
كل جميل ربنا اديك الصحة والعافية
واديم كل الاخوة الصافية الصادقة
لوجه الله تعالي

[فراس]

وين ودمدثر وودابقرجة وبقية العقد الفريد

[محمد السر]

وعليكم السلام ورحمة الله
هلا ودالسر كيف بعد الافطار

محمد هاشم هلا بيك

مرحب بالغالي فراس

[عمر المامون]

سلام عليكم يا ناس جميعا دون فرز

وذهب الظماء وابتلت العروق