تربية الآباء لآبنائهم

[مزوني]

السلام عليكم ورحمة الله وبركاته

بصراحه جاي اتناقش معاكم في موضوع كان داير مع بعض الأًصدقاء في مدني

وجيت أنقلو ليكم هنا

وهو بختص في تربية الآباء لآبنائهم

بصراحه في آباء ممكن نشبه علاقتهم مع أبنائهم زي أي شركه تجاريه أو اعلانيه

يعني الليله مثلا شركة أريبا (mtn) تدفع مبلغ وقدره لناديي القمه على ان يكون الشعار

على القميص وطبعا بعد كده مافي أي علاقه بتلم الشركه مع الأحد الناديين

نفس الحال بنطبق على بعض الآباء انو علاقتو مع ابنو تكون المصاريف وبس

لا بجي يقعد يتونس معاه أو حتى أبسط حاجه يقول أقعد معاه أشوف عقلية ولدي بقت كيف

أو بفكر كيف أو ياخد رأيو في الحاجه البتخص الولد نفسو

وتتدرج انو تصل للأسوء من كده انو الأب يمشي أولادو بي كلام الغير

سواء واحد مدعي انو صاحب أو صديق أو أيا كان

والأب تاخدو الهاشميه ويجبر ولدو الضحيه انو يعمل الحاجه غصباً عنو

ومرات تصل لمرحلة عدم العفو انو لو ما عمل الحاجه دي

وفي نفس الوقت تلقى الأب يتباهى انو ما مقصر مع أولادو و عامل ليهم أي حاجه

( وطبعا ده واقف على حتة المصاريف ) و تلقى العلاقه بيناتهم حدها السلام عليكم وعليكم السلام بس

وفي النهاية هو بكون الوالد الحنين المحب لي أولادو والوصانا عليه ديننا الحنيف

اننا نكون تحت قدميه لي آخر يوم في عمرو وطبعا ده حق شرعي ما في زول بقدر

ينكرو

ولكن تبقى العقبه انو كيف يوصل المشاعر الفي قلبو لي ابنو ( الولد تحديداً )

ويزيل العقبه والحواجز البيناتهم

اللهم أحفظ ابائنا وادم عليهم الصحه والعافيه وقدرنا على رد ولو جزء بسيط من حقهم

حاجه سريعه :-

طبعا أكيد ما كل الاباء بالشكل ده لكن نقولها صريحه انو التصرفات دي موجوده

وداير أرائكم معاي في الموضوع ده

ودمتم بود

[مدنيّة]

تعرف يا جدو الابناء ديل ما بيعرفوا قيمة اباءهم الا بعد ما يصيروا هم بدروهم اباء
ومهما حس الابن بجمود في العلاقة مع ابوه مفروض يكون واثق من حاجة واحدة وهي انه دي طبيعة ابوه كدا ومفترض انه يتعامل معاه علي الاساس دا
باعتبار انه ( اصابعك ما زي بعضها )
ممكن تلقي اب بيعرف يعبر عن ما يكنه لاولاده من مشاعر وممكن تلقي اب ما عنده المقدرة دي ، دا ما بيعني انه هو ( الاب ) ما عايز يعبر عن مشاعره بس ما عارف كيف يعبر ودي بتبقي طبيعة انسان من الصعب جدا انها تتغير خصوصا لو بقي الاب كبير في السن

[عثمان جلالة]

طرح جيد .. وفعال .. والموضوع في مجملوا يتعلق بالأزمة الحقيقية الموجودة في الشعب السوداني .. عامه ... وهي عدم القدرة في التعبير عن مشاعره ... أو الخوف من التعبير عن مشاعره .. أو الخجل من التعبير عم مشاعره .. الأب مثلا من المفترض إنو يكون أقرب ... لبنتو .. في الفترات الحرجة .. زي فترة المراهقه .. بكون في خجل مشترك في الفترة دي ... ولااغلبيه تحب أن تكون بعيده .. إلا ما ندر ... انت أو انا لما تغيب من امك ولا زوجتك .. فترة طويلة .. ما بتقدر تعبر عن شوقك .. بالحضن مثلا .. ما عارف .. يمكن خجل .. والأمثلة كثيرة .. ومحتاجين .. لنقاش كتير في الموضوع .. وسلمت

[صالح شرف]

يا ود يا مزوني
احيك لاااااااااااااااااااااااااااامن تستغيث شنو لامن نلاقيك وننجدك نحن...صدقني ناس المطافي ذاتهم ما بنخلهم يقربوا ليك
اسمع يا حبيب تحياتي لكاتم الاحزان
وسلام

[محمد السر احمد]

عزيزي مزوني
في حديث بقول : انت ومالك لابيك
يعني حق الابن علي الاب اكبر من حق الاب علي الابن
والواحد بحمد ربو انو عندو ابو
ونسلم يا غالي

[مزوني]

تعرف يا جدو الابناء ديل ما بيعرفوا قيمة اباءهم الا بعد ما يصيروا هم بدروهم اباء
ومهما حس الابن بجمود في العلاقة مع ابوه مفروض يكون واثق من حاجة واحدة وهي انه دي طبيعة ابوه كدا ومفترض انه يتعامل معاه علي الاساس دا
باعتبار انه ( اصابعك ما زي بعضها )
ممكن تلقي اب بيعرف يعبر عن ما يكنه لاولاده من مشاعر وممكن تلقي اب ما عنده المقدرة دي ، دا ما بيعني انه هو ( الاب ) ما عايز يعبر عن مشاعره بس ما عارف كيف يعبر ودي بتبقي طبيعة انسان من الصعب جدا انها تتغير خصوصا لو بقي الاب كبير في السن

الغاليه مدنيه صدقتي وما قلتي غير الحق

والأب نعمه من الله مناها علينا وهو السبب بعد ربنا في الوجود

ولكن مجرد تعليق وما أظن انو في عاقل بقدر يعترض أو يسب والده

ولا كيف

تسلمي على مرورك يا غاليه وما عدمناك

[مزوني]

طرح جيد .. وفعال .. والموضوع في مجملوا يتعلق بالأزمة الحقيقية الموجودة في الشعب السوداني .. عامه ... وهي عدم القدرة في التعبير عن مشاعره ... أو الخوف من التعبير عن مشاعره .. أو الخجل من التعبير عم مشاعره .. الأب مثلا من المفترض إنو يكون أقرب ... لبنتو .. في الفترات الحرجة .. زي فترة المراهقه .. بكون في خجل مشترك في الفترة دي ... ولااغلبيه تحب أن تكون بعيده .. إلا ما ندر ... انت أو انا لما تغيب من امك ولا زوجتك .. فترة طويلة .. ما بتقدر تعبر عن شوقك .. بالحضن مثلا .. ما عارف .. يمكن خجل .. والأمثلة كثيرة .. ومحتاجين .. لنقاش كتير في الموضوع .. وسلمت

تصدق انو بالجد دي أكبر مشكله ( الخجل )

ودي بقت عاده عندنا السودانيين لو قدرنا نتخلص منها

لكن ان شاء الله أخوي جلاله بجي اليوم البنعيش في زمن معافى خالي من أي مشاكل

وتسلم على مرورك يا غالي وربنا يديك الصحه والعافيه

[مزوني]

يا ود يا مزوني
احيك لاااااااااااااااااااااااااااامن تستغيث شنو لامن نلاقيك وننجدك نحن...صدقني ناس المطافي ذاتهم ما بنخلهم يقربوا ليك
اسمع يا حبيب تحياتي لكاتم الاحزان
وسلام

أخوي صالح يوسف والله مشتاقين كيفك وكيف أراضيك ؟؟؟

ومنور الموضوع وننتظر رأيك في الموضوع

مشاققه :-

انا حسه في التلفزيون مع كاتم وذا النون أحمد نايل الدرويش

وليك مننا خالص التحايا والتقدير

[مزوني]

عزيزي مزوني
في حديث بقول : انت ومالك لابيك
يعني حق الابن علي الاب اكبر من حق الاب علي الابن
والواحد بحمد ربو انو عندو ابو
ونسلم يا غالي

وما في زول بقدر يعترض على الحته دي يا أبو حميد

ولكن عشان جيل معافى من العقد النفسيه والمشاكل مع الآباء

و كفايه انو بقاك راجل ووقف عليك لحد ما كبرت

دي براها جميل يصعب رده ...

تسلم على مرورك يا محمد

ودمتم سالم