ديـــانا وسيلـــفانا ,,,, ووجع الوش الجـــــانا ,,,,,!!!

[اميمه عشريه]

بسم الله الرحمن الرحيم

والله انا عديل كده ما صدقت يكون عندنا قسم الواحد يقول فيهو احييييييييييييييي ويطلق زفيييييير من اخر القفص الصدري يطير الكي بورد القدامو ده من زمان حايص لي موضوع وبصراحه جماعه المنتدي ديل ( اللوبي ومجموعات التطرف ) حبسوني حبسه بطاله في الثقافه ما حسو بالانتصارالا لمن كرهوني قرايه الجرائد وسماع الاخبار وبقي (صلاح) ( صغيري وخطيري) في البيت كلامو كلو (تتخيل ....وتتوقع... وفي رأيك.... وما مطلب حقيقي الخ) الود عذبني كتلني وفقع مرارتي بالثقافه,,,,,,, ده كلو لاني عايزه اكون في حته كده انضم فيها واتنفس فيها بقي هو زاتو يمارس فيني سلطات القهروالشايفاهو ده اني بقيت بالجد مصبوبه في قالب صبه 20 سم في 40 من خرسانه الثقافه الجاهزه عليكم الله تاوقو لي بغادي تلاقوني بس بوليس الحركه ما زيي قطعو لي نفسي ناس المسافر والمغادر في كل صالات الوصول .. وناس شبارقه وود المطامير جابو آخري ووصلوا كثافتي درجه الغليان والايامات دي اوتار الليل عامل لينا غلبه هههه عاد يا اخواتي لمن سمعت انو فتحو لينا باب بجاي فيهو النضم الدقاق خلاص حلفت افك نضم خشم الباب عكس الهواء واجيبو كلو بهنا لاني نسيت اني امرأه واعطني حريتي اطلق يدي .... المهم يا نواعمنا عندي ونسه رايحه لي انتو عارفين شنو انا عايزه اعرف بس تعالوا بالجد كده نتناقش اول امبارح الحجه امي قاعده في التلفزيون ماسك الريموت ده ( حجه بتاعه عولمه باقي ليكم ) فاتحه حلقه لاوبرا المره دي ظريفه بالمناسبه وتحسو بيها كده حقانيه المهم جاب ليها موضوع عن النسوان فوق الاربعين لغايه السبعين اقسم بالله حيروني عديل وعقدوني بقيت كلي ( فيونكات ) من اليوم داك مكنكشه في المرايه وختيت في كل ركن مرايه وشنطه اليد دخلت فيها مرايه واييييييييييييك نكت منها الورق التقول مطبعه ما شنطه يد بتاعه مره ( نواعم ) نرجع لاوبرا قامت تسال عن الحريم ديل سر التألق ديه والاحتفاظ بالشباب شنو كلهم اجمعوا انه الترطيب هو السبب برطبو بشرتم طول اليوم طالعين داخلين التجلبط حاصل قامت خالتكم ام ولاء عشريه اتلفتت وعاينت عيون ناظرات زمان كلها شررررر قالت لهبه اختي والله يا هبه بختك خليها تقعد اختك الضاربا جفاف ديه ( طبعا هبه دي ما عندها اخت شقيقه غيري انا هههه) طوالي مسكني اكفهرار شديد واتكهربت وبقيت ارجع واعمل( فوكسينغ) واشوف الحولي من حيث الترطيب كيف وبديت اقيم... والله ما بهتوني... انا عندي اخت قبال كده قالوا ليها الزيت الراجع بتاع العربات بغذي الشعرمن منبتوويغزره ويضفي له اللمعان فقامت مشت شالت الجركان,,, وعدييييييييييل للمنطقه الصناعيه .. في الطريق للعوده قابلت وحده شايله ليها لفه قالت ليها اجي ما سمعت الايامات دي( الانتي بايوتك) ( المضاد الحيوي) تخلطيهو بالمويه وتجلطيهو تلاته مرات الرابعه بتكوني في بيت عدلك . .. والله اختي اشتغلت جلبطه الشعر جابو ليهو شامبوالدوف ربعه كريم مرطب غيرو( للهيمالايا) والجسم بدو (بصابونه بلوك اند وايت) معاهو (جرجنز) ومرتين صابونه ( نتروجينا) غيروهو للوشن ملطف ومنظف في النهار وفي الليل (كريم ليلي) ما بين الظهيره والعصر في( كريم سكن ساكسيس) تعالوا للوش بقي دخلوه مخرطه( ديانا وسيلفانا) واخوات آآآآآآآنا كلهم يا جماعه الخير والله احيانا بجيني تخيل كده انو الوش من كتر الخراطه ده لمن بقي شكلو مخروطي ولسه هاك يا فرك وهاك يا دعق .. الجماعه بصراحه في البيت اتعقدوا مني ( في حقيقه اخري بقوا يخجلوا مني ) زوله مغبشه الاربعه وعشرين ساعه بحب اللوكس والكامي في الصابون وديل الوحيدات البنفعوا معاي غير كده مافي شي في الدنيا بنفع معاي طبعا الحقيقه دي ما في زول مصدقا غيري انا وعايشه الوهم ده عشان بتوافق مع فكرتي انو اهتماماتي بتختلف عن بقيه اخواتي ماشرط يعني كل ما القي لي شويه قريشات اتابع كل اعلان وامشي اقرب مول اخم منو اللوشنات ما اخلي الببرطو بيهو وما اخلي البنعموا بيهو ما اخلي البرطبو بيهو والبقشروا بيهو كانو الوش ده صبيته موز.. وعشان انا طبعا ما لاقيه لي زمن في الحياه دي لعمل حاجاتي الاساسيه بقيت بس متابعه مجلات الصحه والطب هي بس البتدعم نظرياتي كلها كل يومين جايبين خبر اكتشاف ان بعض كريمات البشر يسببن الفشل الكلوي اكتشاف انا كريم فلان الفلاني به مواد مسرطنه واكتشاف واكتشاف بس اختكم اميمه بقت مباريه الاكتشافات دي ..( الللللللللللله عليها من اكتشافات ) كمان لازم اثبت نظريتي ولا اخلي اخواتي يسرحو ويمرحوا فيني !! وكل يوم رافعين لي ضغطي ... اها كمان اتسطلت علي وحده صحبتي رغم معرفتا اللصيقه بي ( حسكنيت بس) الظاهرفي يوم كده لقتني مرتاحه نفسيا والراحه دي معكوسه في وشي بكل بجاحه بتسالني انت يا اميمه اليومين ديل بتستعملي شنو وريني عليك الله الخلطه العامله وشك كده شنو !!!! هههههه واختكم طبعا ما بتعرف ليها خلطه غير 1:2:3 واحد اسمنت واتنين حصي وتلاته مويه دي مثلا خلطه للارضيات وارتحنا من النسب دي لمن اخترعو الردي ميكس ( خرسانه جاهره ) اها طيب صحبتي دي ارد اقول ليها شنو النبي فيكم ؟؟

تجليطه وتمسيحه بزاويه :
في يوم من الايام حبيت ابقي استاذه ومعلمه في الشغلانيه( ضهب مني ) سقتي صبحتي (ساس) ( سليمي احمد صالح ) ومشينا العطارين قلنا ليهو نزل عندك : ما تجادلنا اعلنا الحرب علي الغبشه والتصحر ...
1- صابون قار
2- جليسرين
3- جلسلويد
4- زيت زيتون
5- زيت خروع
6- زيت صبار
7- كركم
8- ماء ورد
9- فكس
10- لوشن مرطب جونسون
11- مويه زمزم من الحجه ام ولاء الدين
12- كريم الجزر
وجبنا ليكم الخلاطه وهاك يا اووووووووووووووووررررررررررررررررر عبيناهم في برطمانيات بلاستيك واشتغلنا (فيسفيس ومنز) سمينا المنتج بتاعنا ( اوماساس) اوماس اختصار لاميمه عشريه بالانجليزي وساس اختصار سليمي احمد صالح برضو بالانجيزي ( عشان الحقوق للمنتج الخاص ديه تكون محفوظه بس ...!! )البرطمانيه ب45 درهم غايتو لو ما مبادئي البتوجعني طوالي دي كانت الشغلانيه دي اخير لي من الهندسه تطير الهندسه واليوم اللمانا فيها ....!!!D ههه اها في زول حجز فيكم برطمانيه والله مش بتبقي الوش مرايه لالالا سيرامييييييييييييييييييك ارضيات مطار عديييييييييييل هههههه

كدي يا نواعم كل وحده تديني خلطتا البتعملا لوشها شنو ورأيها بصراحه شديده في الحاجات دي شنو بالجد كده وانا بوريكم صوره سحنتي المغبشه صيفا وجافه شتاءا وعايزه وحده تكون اخصائيه حاجات من النوع ده توريني البناسبني شنو من ناس ديانا المجننانا ..عايزين نبقي مرايه عندنا ربه في الابواب جايه ههههههه

اهاالمايك معاكم .... هسي النبي فيكم لو ساي بتجلبط بقدر امسك الماوس ده كيف وادوس على الازرار .. سؤال عجيب مش ..!! يلا بالله خلو الونسه تحلا

والكريم يحلنا منو الكريم ,,,,,,,,,,,


هل يصلـــــــــــح العطار ما افسده الدهر ,,,,,,,,,,؟؟

منتظرين نسمع من الجميع يا نوااااااااااااااعم ,,,,,,,,

[سواااح]

الراقية اميمة وخفة الحديث ورعة انتزاع الضحكة
غايتو انا طبعا ما بقدر ادلك بمعلومات
لكن بس بجيب بنبري واسمع كلامكم
ما انتي عارفو الواحد شهرين ويتاهل
برضو منكم نستفيد وبعدين لو سالتني الكلام
ده عرفتو من وين اقول ليها داك درب اميمة
واجيبها لي عندك واقول ليها ده صالون اميمة
وكل العايزاهو بتلقيهو عندها وكمان اميمة دي
شايفه انو الهندسة والدراسة ما منها فائدة
قالت الاعمال الحرة احسن رايك شنو تنضمني ليها
في شركة التسويق الجديدة العلملتها وقالت اسمها
شنو كده حاجة ما عارفها ....
اها افوتك وبجيك راااااااجع ..

دمـــــــــــــــــــــــــــــــــــتي ،،

[مدناوية]

ونستك لذيذة جداً ياأميمة عشرية,,,

كدا أحجزي لي علبة و خلينا نجرب لكن على مسؤليتك,,, لأنو أنا لاحقاك وجاي,,, مابجلط حاجة في سحنتي عشان بشرتي حساسة,,,

بس لازم تعملي لي ديسكاوند في مسألة ال45 درهم دي عشان أنا أول زبون,,,


وربنا يديم المعروف,,,

[نور العيون]

الاخت الفاضله اميمه عشريه
تسلمي على المداخلات اي احياء هذا المنتدى الجميله و الكلام
الرائع و الجميل و تسلمي يا غاليه
و نشكر الادمن و الاخوه الذين ساعدونا في اضافه هذا المنتدى و الذى اتمنى
ان يكون فريد من نوعه و الذي اتمنى من بنات حواء مساعدتنا في اضفاء الروح
الانثويه و التي هي حواء معروفه فيها
و دمتم يا اخواتي

[سوار الياسمين]

اهئ اهئ اهئ اهئ اهئ اهئ

كررررررررررررر علي يا اميمة

خليتيني اقعد ابكي عليك

عليك الله شوفو المنتدى الثقافي خلاها تهضرب وتنضم بالكمية ده

بركة اللقيتي ليك شباك تاخدي منو هوا

وتبري يا يمة من الغبشة والبشتة

ست الناس اني والله شاهد

وونستك وكلامك راقي وزوق ومفهومية وخفة دم ووووووووو

وانا من اسه حاجزة منك علبتين واستني تحويلة القروش اخر الشهر

والنقول ليك خلطة سمعتها من بنات الجامعة الوشهم زي الحيطة الضاربنها بهية جديييده
(انتهيت منهم طبعا )

قيدو يا بنات عندكم

(ديانا + كلي + فيداوت + سمودريم )

جربوها وادوني خبر

وتحياتي ليك يا ست الزوق والونسة الجميلة أميمة

[samah]

بت عشرية بركة الله الحلاك..........وشفناك برة الثقافي ...........والله الغبشة حاصلة يابت امي ..........والحال من بعضو.......اها عاد النقول ليك ..........وكلام حبوبتك سماااح مابقع الواطه.........عاد انا كنت ماشاء الله اريتا سماحة بنياتك.......قولي اااامين..........بقولو لي سماحة ماسماح......انا بحدثك..........مامخلي لي شيتا الامجلبطة في وشيى عاد.....اها الوش كان مراية.......مااطول عليك من ماجبتا المفعوص حمودي......الله يرحم زمنك ياسماح......مسوح مافي......اليوم كلو جري معه......ومابصدق الزم السرير انوم متل الجنازة.......ويابت امي المسوح بره خلي الطابق مستور........اها انا بقول البركة في صلاح .........وتخريمة لماذا بعد اول مولود ننسي اننا نواااعم.........ونتبهدل.......مع انو في نسوان تبارك الله

[المسافر]

أول حاجة جيبوا المايك ده جااااااااااااااااااي
أنا حلفت المكان ده ما أخشو كلو كلو ، إلا بعد الشمار الخطير ده
حيبقى زي بيتنا . . . .
والله يا أم أحمد أنا لما ألقاك بهناك بقول المرأة المتفلسفة دي شنو
ورافعة نخرتا للسماء والواحد ما يعارف يأخذ منها لا حق ولا باطل
عِلا يا أختي الفيك إتعرفت . .
قال صلى الله عليه وسلم ( كيدهن عظيم ) وكان يقصد بيهو حريم زمااان
لكن حريم اليومين ديل ( كيدهن مبالغ فيهو عديل كده ) . . . وبعد ده
كلو ما قادرة عن الوليدات ديل ( ود المطامير وشبارقة وأوتار الليل )
والمسافر ما معاهم !!!!!!!!!!!!!
وبصراحة حالتكم صعبة وتحنن عديل كده . . . ولكن لا مانع بأن
أقدم الخلطة السحرية : ( الودك والكركار
والدهن واللخوخة ) وبطلي حركات المغتربات دي . .
وقبل الحاجات دي الجمال الحقيقي جمال الروح
وبعدين إنتِ ما ناقصك حاجة ماشاء الله خمسة
وخميسة وعيني باردة . . .
( وراك وراك وين ما تمشي وراك )

ودمتِ أبداً

[سوار الياسمين]

أول حاجة جيبوا المايك ده جااااااااااااااااااي
أنا حلفت المكان ده ما أخشو كلو كلو ، إلا بعد الشمار الخطير ده
حيبقى زي بيتنا . . . .
والله يا أم أحمد أنا لما ألقاك بهناك بقول المرأة المتفلسفة دي شنو
ورافعة نخرتا للسماء والواحد ما يعارف يأخذ منها لا حق ولا باطل
عِلا يا أختي الفيك إتعرفت . .
قال صلى الله عليه وسلم ( كيدهن عظيم ) وكان يقصد بيهو حريم زمااان
لكن حريم اليومين ديل ( كيدهن مبالغ فيهو عديل كده ) . . . وبعد ده
كلو ما قادرة عن الوليدات ديل ( ود المطامير وشبارقة وأوتار الليل )
والمسافر ما معاهم !!!!!!!!!!!!!
وبصراحة حالتكم صعبة وتحنن عديل كده . . . ولكن لا مانع بأن
أقدم الخلطة السحرية : ( الودك والكركار
والدهن واللخوخة ) وبطلي حركات المغتربات دي . .
وقبل الحاجات دي الجمال الحقيقي جمال الروح
وبعدين إنتِ ما ناقصك حاجة ماشاء الله خمسة
وخميسة وعيني باردة . . .
( وراك وراك وين ما تمشي وراك )

ودمتِ أبداً

اب صلعة ( المسافر)

الغازيك بي جاي شنو

كمان بقيتو للمسوح

للخلف دور سرييييييييع

والولية ده خلوها في حالها

كفاية السويتوهو فيها

[مدناوية]

أول حاجة جيبوا المايك ده جااااااااااااااااااي
أنا حلفت المكان ده ما أخشو كلو كلو ، إلا بعد الشمار الخطير ده
حيبقى زي بيتنا . . . .
والله يا أم أحمد أنا لما ألقاك بهناك بقول المرأة المتفلسفة دي شنو
ورافعة نخرتا للسماء والواحد ما يعارف يأخذ منها لا حق ولا باطل
عِلا يا أختي الفيك إتعرفت . .
قال صلى الله عليه وسلم ( كيدهن عظيم ) وكان يقصد بيهو حريم زمااان
لكن حريم اليومين ديل ( كيدهن مبالغ فيهو عديل كده ) . . . وبعد ده
كلو ما قادرة عن الوليدات ديل ( ود المطامير وشبارقة وأوتار الليل )
والمسافر ما معاهم !!!!!!!!!!!!!
وبصراحة حالتكم صعبة وتحنن عديل كده . . . ولكن لا مانع بأن
أقدم الخلطة السحرية : ( الودك والكركار
والدهن واللخوخة ) وبطلي حركات المغتربات دي . .
وقبل الحاجات دي الجمال الحقيقي جمال الروح
وبعدين إنتِ ما ناقصك حاجة ماشاء الله خمسة
وخميسة وعيني باردة . . .
( وراك وراك وين ما تمشي وراك )

ودمتِ أبداً

هيييييييييي يا أب صلعة,,,
الجابك هنا شنو ياتالتن,,,
يلا زي ماقالت ليك سوارنا للخلف دور وأدينا قفاك,,,

[صباح]

الجميله والمتالقه دوما اميمه عشريه

الجمال اول شي جمالك الداخلي ,, نفسيات يعني ,, لو ما كنت مرتاحه نفسيا في بيتك والمحيط البيدور حولك ما اظن لو جابو ليك برميل كريمات وخلطات ينفع معاك ,, انسي الهموم اي شي شاغلك حاولي حليهو ,, خلي نيتك صافيه سليمه ولو عندك غتاته بطليها لانو السودانيات دائما تلقاهم حاسدين وحاقدين في الفاضيه والمليان ,, وجد صدقيني لو شفتي ليك واحده وشها يلمع زي المرايه وسالتيها بتستعملي شنو ؟؟ تاكدي بس انها ما حتقول ليك الحقيقه وما حتكلمك بالخلطه والكريمات البتستعملها ,, البنات بطبيعتهم غيورات ,, وما بفضلو انو اي واحده تكون احسن منهم ,, او حتي تبقي زيها.

انا شخصيا يمكن ما بتصدقيني ,, جسمي غير الصابون ما بستعمل شي واذا مسحت اي كريم طوالي ببقي سوداء نهائي نهائي ما بستعمل ,, صدقتيني ؟؟؟ واحتمال ما تصدقيني لكن دي الحقيقه ,, ما بستعمل موش لانو كسلانه او ما دايره ,, جسمي بطبيعيتو دهني ,, وما محتاج وطوالي لوني بقلب ما ناقصه ابقي فحمه وازيد الطينه بله ,,

انتي مرأه متزوجه عليك بالدخان برضو ,, ووشك ده زاتو اغميته جوه الحفره بس حاسبي ما تختنقي ,, والعروكه واللخوخه علي قوله المسافر فوق ,, ده يمكن اهم وصف ماشه بيهو بالنسبه لي ,, وعلي شرط يكون بشكل متواصل ,,

بجيك راجعه تاني

[المسافر]

اب صلعة ( المسافر)
الغازيك بي جاي شنو
كمان بقيتو للمسوح
للخلف دور سرييييييييع
والولية ده خلوها في حالها
كفاية السويتوهو فيها

أنا بتفش لي في علاج للصلع قلت
أمكن ألقاهو عندكم عشان كده
جيت ما تفهميني غلط . . .

[المسافر]

هيييييييييي يا أب صلعة,,,
الجابك هنا شنو ياتالتن,,,
يلا زي ماقالت ليك سوارنا للخلف دور وأدينا قفاك,,,

أختي نفحات بصراحة أنا بعمل في دراسة بتاعت
جدوى وعايز أفتح كوفير . . . يعني ما معقولة
أمشي أفتحو في المنتدى العام لزول فردة
وود المطامير وابو رجاء . . . صح .
وفي شيء تاني أختي أميمة دي غالية
علي ما بخليها في محنتنا دي براها
ولازم أقيف معاها لغاية ما تسترد
الذي مضى .

[zoolfrda]

أختي نفحات بصراحة أنا بعمل في دراسة بتاعت
جدوى وعايز أفتح كوفير . . . يعني ما معقولة
أمشي أفتحو في المنتدى العام لزول فردة
وود المطامير وابو رجاء . . . صح .
وفي شيء تاني أختي أميمة دي غالية
علي ما بخليها في محنتنا دي براها
ولازم أقيف معاها لغاية ما تسترد
الذي مضى .

قالوا يا القاعدين يكفيكم شر الجايين

أنا هسي مالي جايبين سيرتي بيجاي

وبعدين إنت يا المسافر صالونك ده القال ليك حنجيهو منو

الحمد لله يا خوي ما محتاجين ليهو

أبقوا عافية

[سوار الياسمين]

أنا بتفش لي في علاج للصلع قلت
أمكن ألقاهو عندكم عشان كده
يجيت ما تفهميني غلط . . .

خلاص نفتش ليك في علاج

ولما نلقاه بنديك خبر

وليساعتها ما نشوفك بيجاي

يلا للخلف دور سرييييييييع

[سوار الياسمين]

قالوا يا القاعدين يكفيكم شر الجايين

أنا هسي مالي جايبين سيرتي بيجاي

وبعدين إنت يا المسافر صالونك ده القال ليك حنجيهو منو

الحمد لله يا خوي ما محتاجين ليهو

أبقوا عافية

زول فردة

ما لاقيك مسكين عشان كدا جاب إسمك

وانت شفتى جنس الحالة ده

اصلع وعايز يعمل ليه كوافير

ياهو زاتو باب النجار مخلع


دمتم بخير

[BiT@lNiLe]

عاين عليك الله المااااااان دا ماسك المايك دا كيف التقول بيتاعوا؟! ومستمخ شديد قال ..هووووووي يالمسافر ..قوووووم فيز علي حيلك..ما شايف اللوحة البرا دي مكتوب فيها شنو؟؟!! نواعم ود مدني ..اتخيل لي الكلام دا وااااااااااااااااضح وصريح ..ولا شنو ياجدع؟؟؟!! يلا أسمع كلام البوس بيتاعتنا سوار العثل وللخلف دوووووور ما نشوفك مزروع هنا تاني؟! وقع ليك ولا نعيدوا ليك ..هع هع هع..!!

يلا النجي للبت أميمة دي ..عادي يابنتي قالوا بقولوا علي براية وضاربني جن وشعنونة وجرسة وكلام كثيييييييييييييييييييييييير كدا ..يابت أنا جنبك طلعتا صفر علي الشمال ..يابت أنا هسي شدة ما بقيت سغتووووووووووتة من بريتك دي لمن ما شايفة الشاشة ذي الناس : ..هع هع هع..كدي براحة..أرقدي لينا في الكنبة دي وأشربي لليمون وأحكي لينا الحاصل؟؟؟ يعني معقولة النفسيات والجرسة دي كلها من وشك ومن المنتدي الثقافي؟؟ خلاص المنتدي الثقافي أتحليتي منوا..خلينا في وشك ياعثل..النقول ليك..أحسن حاجة تعمليها لوشك وطبعا دا لو ما بستخدمي كريمات من قبل بس أنك تستعملي الغسول..ناس دوف وناتروجينا وكلين اند كلير..أنا غايتو غير كدا ما بعمل..كان وشي كويس لغايت ما السنة الفاااتت ذي المواعيد دي ضربني ليك برجم ..اهئ اهئ اهئ..بشتن لي وشي..لكين وووووووووين؟ برجعوا..وأنتي ذاتك بتقدري ترجعي وشك يأختي ما تشيلي هم..أهااااااا حاولتا أستدا البرية ديك لكين برضو ما حصلتك ..خلاص حنيت عليك..يلا ياعثل مشكوووورة علي المساحة الجميلة وعلي الموضوع اللذيذ يالذيذ..يديك لينا الف عافية وما يحرمنا من هضربتك..هئ قصدي ونستك..تحياتي الحاااااااااارة ياقلب ..!!

ســـــــــــــــــــــــــــــــــــــــــــــــــ ــ(بت النيل)ــــــــــــــــــــــــــــــــــــــــــــ ــــرورة!!

[اميمه عشريه]

هسه يعني ابدا من وين زاتو ارد علي البشريه دي ...........!!!! اها عرفتو انا ليه ما عندي وقت للجلبطه ياهو مبارياكم انتو ديل ... نص اليوم والنص التاني جاريه سك سك مع صلاح ومجتبي,,, عاد وشي وسحنتي دي ليها الله بس .... وصابونه اللوكسس سسسسس سسس

[اميمه عشريه]

الراقية اميمة وخفة الحديث ورعة انتزاع الضحكة
غايتو انا طبعا ما بقدر ادلك بمعلومات
لكن بس بجيب بنبري واسمع كلامكم
ما انتي عارفو الواحد شهرين ويتاهل
برضو منكم نستفيد وبعدين لو سالتني الكلام
ده عرفتو من وين اقول ليها داك درب اميمة
واجيبها لي عندك واقول ليها ده صالون اميمة
وكل العايزاهو بتلقيهو عندها وكمان اميمة دي
شايفه انو الهندسة والدراسة ما منها فائدة
قالت الاعمال الحرة احسن رايك شنو تنضمني ليها
في شركة التسويق الجديدة العلملتها وقالت اسمها
شنو كده حاجة ما عارفها ....
اها افوتك وبجيك راااااااجع ..

دمـــــــــــــــــــــــــــــــــــتي ،،

ما انتي عارفه الواحد شهرين ويتاهل,,,,,,,


اها يا عريسنا نقدر نقول انك حجزت برطمانيه فاملي سايز من كريم (((((اوماساس الفاملي سايززززز .))).!!؟؟

شكرا سواح والنبي فيك خليك في بنبرك ده والله تستفيد جنس استفاده تمشي جاهز مرتك زاتو تستغرب معلوماتك دي جبتها من وين .!!!.. كلما بالله قول ليها تابعت حلقات((( ديانا وسليفانا ووجع الوش الجانا))) الفلم السوداني المدبلج

[اميمه عشريه]

ونستك لذيذة جداً ياأميمة عشرية,,,

كدا أحجزي لي علبة و خلينا نجرب لكن على مسؤليتك,,, لأنو أنا لاحقاك وجاي,,, مابجلط حاجة في سحنتي عشان بشرتي حساسة,,,

بس لازم تعملي لي ديسكاوند في مسألة ال45 درهم دي عشان أنا أول زبون,,,


وربنا يديم المعروف,,,

والله يا نفحات الصباح اسمك زاتو يعيد ترتيب الاشياء في دواخل الانسان ( عاد فلسفه الثقافي اخليها لمنو ؟؟ )
اها يا نفوحه وصبوحه عشانك انت حاعمل الاوفر الطالع جديد الايامات دي اول عشره زبونات لكريم اوماساس حيكون ليهم مجاني وتاني عشره بتكون في برطمانيه تيست اربعه جلبيطات في اليوم فري ( مجاني ) اها كيف معاك .. لو وشك ما اتعدل رجعيهو .. ما وشك طبعا البرطمان ههههههههه

شكرا نفحات
خليك قاعده انت لسه ما عرفت الحصل شنو لسسسسسسسسسسسسسسسه دي المناظر بس الصور ما جات ..؟

[عبدالمجيد عشريه]

قال نواعم جنس بشتنه طيب غيروهو الاسم ده هههههههههههه طبعا انا متابعكم من بعيد وبعدين كنته خايف ادخل ههههههههههههه لمن لقيت اخواني ناس الكاشف وحسن عطيه بيجاي قلته عااااااادي انا زاتي داير استشاره مدام مبشتنات ومنكوشات كده ياخي الاسم ده حاولو غيروهو لأنو ما بينطبق مع المواصفات الشايفها دي غايتو فضايحكم بدت تطلع الواحد يسمع ردودكم في المنتدي يقول خلااااااااص ناس ديانا روووس وبيونسي ديك ههههههههههههههههههههههههه غايتو ... اها يعني المواصفات البتقولوها دي عسكري في مدرعات الشجره ممكن يعملها غااايتو شكيتكم المهم ارجع انا للاستشاره ياخي شعري المبرمو ده داير لي ليهو كريم بقي اغبش حته اعمل شنو ..اميمه شكرا لا غيرك لو سمحتي هههههههههههههههه

[اميمه عشريه]

الاخت الفاضله اميمه عشريه
تسلمي على المداخلات اي احياء هذا المنتدى الجميله و الكلام
الرائع و الجميل و تسلمي يا غاليه
و نشكر الادمن و الاخوه الذين ساعدونا في اضافه هذا المنتدى و الذى اتمنى
ان يكون فريد من نوعه و الذي اتمنى من بنات حواء مساعدتنا في اضفاء الروح
الانثويه و التي هي حواء معروفه فيها
و دمتم يا اخواتي

تحياتنا نور العيون
وتسلم عيونك ..وربنا يعينكم على هضربات نواعم ..

[اميمه عشريه]

اهئ اهئ اهئ اهئ اهئ اهئ

كررررررررررررر علي يا اميمة

خليتيني اقعد ابكي عليك

عليك الله شوفو المنتدى الثقافي خلاها تهضرب وتنضم بالكمية ده

بركة اللقيتي ليك شباك تاخدي منو هوا

وتبري يا يمة من الغبشة والبشتة

ست الناس اني والله شاهد

وونستك وكلامك راقي وزوق ومفهومية وخفة دم ووووووووو

وانا من اسه حاجزة منك علبتين واستني تحويلة القروش اخر الشهر

والنقول ليك خلطة سمعتها من بنات الجامعة الوشهم زي الحيطة الضاربنها بهية جديييده
(انتهيت منهم طبعا )

قيدو يا بنات عندكم

(ديانا + كلي + فيداوت + سمودريم )

جربوها وادوني خبر

وتحياتي ليك يا ست الزوق والونسة الجميلة أميمة

سوار الياسمين .. جيتك هنا كانك بس ختيتي لينا كم مزهريه بتاعه ياسمين ...
وصلتني مشاركتك الحسيه لي وانا في كامل اساي علي بشتنتي وسعدت ايما سعاده وانت تبثين فيني روح الامل بكلامك من نوع (وونستك وكلامك راقي وزوق ومفهومية وخفة دم ووووووووو) يا سوار بس ونستي الحلوه وزوق واي شي لكن اعمل شنو للطله ,,,,,العطله هنا بقت هههه

[اميمه عشريه]

بت عشرية بركة الله الحلاك..........وشفناك برة الثقافي ...........والله الغبشة حاصلة يابت امي ..........والحال من بعضو.......اها عاد النقول ليك ..........وكلام حبوبتك سماااح مابقع الواطه.........عاد انا كنت ماشاء الله اريتا سماحة بنياتك.......قولي اااامين..........بقولو لي سماحة ماسماح......انا بحدثك..........مامخلي لي شيتا الامجلبطة في وشيى عاد.....اها الوش كان مراية.......مااطول عليك من ماجبتا المفعوص حمودي......الله يرحم زمنك ياسماح......مسوح مافي......اليوم كلو جري معه......ومابصدق الزم السرير انوم متل الجنازة.......ويابت امي المسوح بره خلي الطابق مستور........اها انا بقول البركة في صلاح .........وتخريمة لماذا بعد اول مولود ننسي اننا نواااعم.........ونتبهدل.......مع انو في نسوان تبارك الله

سماح .. جينا طالبين السماح..
اها انا وجيتكم هنا تاني البرجعني الثقافي الا الشديد القوي ولا بهناك يقوموا يخترعوا ليهم (وش للزراعه )حتي امشي بغادي غير كده الله تعلللللللللللللم...
قلت لي يا سماح الود (مودي) جاب سماحتك الواطه استغفرتك يا مالك روحي طيب ابو مودي ده قاعد بعمل في شنو ؟؟ ما تقولي لي اخير منو مودي ؟؟هههههه
يا سماح انحنا السودانين ( السودانيات في الحقيقه لانو النوع التاني ما عندو دخل !! ) جننا ملاهده بنلاهد طول اليوم وعندنا اولاد دلع وافتري بشغلوك دوامين التقولي بدفعوا ليك والله عشان كده الوحده مننا ما بتصدق بس بتين تصل السرير زحفا ( زي منظر العساكر زاحفين تحت الاسلاك الشائكه بس اهو ده زاتو بكون حالنا لمن تجي الساعه 2 ص وانت تكوني لافه فركانيه في البيت تلقطي وتضايري وتجرجري وتصلحي وتشري وتختي وتطبقي وتحمري وتنضفي وتحنسي ...يكون الزول ودي السواد وجاب البياض انا غايتو بطيروا لي فوق راسي عصفورتين كل يوم ( زي بتاعين افلام الكرتون ديك)عشان يتموا الناقصه ...

تقولي لي اتجلبطي واتمسحي ( انا من وقع عليه الفعل )انا الممسوح بيها في الحقيقه .....ههههههههه وده طبعا ردا علي سؤالك لماذا بعد ان نضحي امهات ننسي اننانواعم لاجل كل ما ذكرا اعلاه .. هذا والله اعلم هههه دمت سماح وسلام لمودي

[اميمه عشريه]

أول حاجة جيبوا المايك ده جااااااااااااااااااي
أنا حلفت المكان ده ما أخشو كلو كلو ، إلا بعد الشمار الخطير ده
حيبقى زي بيتنا . . . .
والله يا أم أحمد أنا لما ألقاك بهناك بقول المرأة المتفلسفة دي شنو
ورافعة نخرتا للسماء والواحد ما يعارف يأخذ منها لا حق ولا باطل
عِلا يا أختي الفيك إتعرفت . .
قال صلى الله عليه وسلم ( كيدهن عظيم ) وكان يقصد بيهو حريم زمااان
لكن حريم اليومين ديل ( كيدهن مبالغ فيهو عديل كده ) . . . وبعد ده
كلو ما قادرة عن الوليدات ديل ( ود المطامير وشبارقة وأوتار الليل )
والمسافر ما معاهم !!!!!!!!!!!!!
وبصراحة حالتكم صعبة وتحنن عديل كده . . . ولكن لا مانع بأن
أقدم الخلطة السحرية : ( الودك والكركار
والدهن واللخوخة ) وبطلي حركات المغتربات دي . .
وقبل الحاجات دي الجمال الحقيقي جمال الروح
وبعدين إنتِ ما ناقصك حاجة ماشاء الله خمسة
وخميسة وعيني باردة . . .
( وراك وراك وين ما تمشي وراك )

ودمتِ أبداً

شووف أأبصلعه هوي لو ناوي انت تقعد لغايه ما نخترع هنا كريم شعرللراس الدلجه العندك ده فده بعدك ..؟!!. فقبال ما اعمل اعتماد مشاركتي دي واعمل ليها سيند دايراك تلملم اوراقك وبرطمانياتك دي وتطلع من هنا عارفاك ماشي بغادي تفتني تقول ليهم الحقو المتفلسفه بتاعتكم دي كابه الجرسه بهناك وبتتمسح بالجرسلين انا عرفتك شيل كركارك ده ولخوختك دي بهدلت لينا ريحه المزهريه بتاعه الياسمين.. بقولوا ليك نواعم نواعم جايب لينا ودك والله ناس حمله دوف ونيفيا ما سمعوك حيسجلوك ضار بالبئيه وتسهم في ذياده خرم الاوزون ههههه
يلا شتت قبال ما اكشح ليك قدام الباب هنا لوشن مرطب للاطفال تاني الا يختو ليك متاريس عشان ما تتزحلق هههه

[المسافر]

عاين عليك الله المااااااان دا ماسك المايك دا كيف التقول بيتاعوا؟! ومستمخ شديد قال ..هووووووي يالمسافر ..قوووووم فيز علي حيلك..ما شايف اللوحة البرا دي مكتوب فيها شنو؟؟!! نواعم ود مدني ..اتخيل لي الكلام دا وااااااااااااااااضح وصريح ..ولا شنو ياجدع؟؟؟!! يلا أسمع كلام البوس بيتاعتنا سوار العثل وللخلف دوووووور ما نشوفك مزروع هنا تاني؟! وقع ليك ولا نعيدوا ليك ..هع هع هع..!!
ســـــــــــــــــــــــــــــــــــــــــــــــــ ــ(بت النيل)ــــــــــــــــــــــــــــــــــــــــــــ ــــرورة!!

هوووي إنتي . . . ليه تطرديني
أنا ما سرقتا أنا جيت أعاين