مالك على
مالك علي يا سوسنه
وانا ايه جنيت في دنيتي
شان القي كل الصد دا منك والعنا
صديتي قلت اتحملك
وجفيتي قلت في يوم تليني وتنهدي
خليتي قلبي علي العلي
في هم بزيد كل ما بتجي
وكل ما بيطوف في عيني خيالك
ليك بهاتي وارتجي
حاولت اقلد قسوتك
حنيت عليك قبل ابتدي
وحلفت ليك ما ابتسم
ولقيتني يا جنة هواى
اضحك مع الطيف البجي
وحلفت قلت ابعد واغيب
ولقيتني دون ما احس بشي
واقف بحدق في عينيك
وانتي بغرورك تصرفي
مالك علي وانا ايه جنيت
شان القي قسوه
من اغلي زول في دنيتي
هاتيت وبي اسمك شكيت
ووقفت في بابك وجيت
اطلب رضاك وما لقيت
غير اني راجع منكسر
وخطواتي سايباك جايه ليك
غازلت عينيك ما نفع
وكتبت شعري دا كلو فيك
وما شفع
وزرعت في دربك
حروفي هوي وولع
وحولت ليك
معسول كلامي اسي ووجع
ورفعت اسمك بي حرفي
علي النجوم
ما طلت غير همي النبع
من قسوة القلب البحب
لكين باسلوب مبتدع
قوليلي هل غلطان
عشان حبيت عينيك بكل صدق
غلطان لاني انا قلت فيك
معسول شعرراقي وحزق
غلطان عشان ضميت عيون
فيك تحترق
قولولي هل غلطان انا
مالك علي
يا روعة الكون دا وهنا
ومالك علي يا سوسنه
رد مع اقتباس
المشاركة الأصلية كتبت بواسطة المبارك ود إبراهيم
المفضلات