ضل الطريق

[خالد علونى]

ضل الطريق
وخطاة ماشة علي السراب
كم من مسافات ودرت
اقداموا في حضن اليباب
مسكينة قايلاه بيحن
وامالوا في حضن العزاب
شادد علي وتر الحروف
ماسك خيوط القول سراب
وعيونا بتشوف لي مدي
احساسوا بي وجع القراب
ضل الطريق
وفي خاطروا كمين من شقا
رجعة صداه
احساسوا بي انوا بيعيش
وقلبيوا بي الاحزان شقا
ودربوا ماشة علي الجمر
سيل من عزاباتوا بيمر
عمرا بشوفوا كما السراب
في دنيا ما بتعرف صبر
حس التعابا الزيوا كم
ومدة يدية علي الصبر
يلقاه مليان بي العدم
واحساسوا زي عايش غريب
وفي بالوا كم ساكن القرب
ما بينوا والدمعات حرف
وقليبوا ما شايف درب
غير البودي علي الحزن
وياريتوا لو لاقي الدرب
وما بين شفايفوا خصام سنين
لي بسمة ترتاح لي وترق
ويا وجعة القلب ان بعد
والدنيا ما بتديك شي
ضيعت خطواتك عبس
في زمة الاحلام مشي
ويا ريتا لو صحت خطاك
كان بي المواويل تنتشي
ضلت خطاك
احساسا بي قرب المكان
والجرح مازال فية شي
وشتان تحس بي صوت خطاك
يوم تمشي فوق جمر الاسي
وبين صوتا يوم تمشيها هي
بين ضحكة الايام معاك
وبين بسمة الزمن العصي
وما بجي لو لمت الزمن
ما الكل مسير فيها هي
لكين خطاك لابد تصل
والماشة لي الله بتجي

[يسري الياس]

الرائع
علوني
ها عدت تضيؤ الثقافي
تشكرات على تلك المفردات الأنيقة

[أبوبكرحامد]

نص يشبه فى روعته نصوص الزمن الجميل ، يشبه ماتغنى به الراحل المقيم مصطفى سيدأحمد ، فيه أنفاس عاطف خيرى والصادق الرضى وكل من تغنى للحبيبة الوطن والوطن الحبيبة.
لك التحية علونى

[خالد 000 ابقرجة]

ضلت خطاك
احساسا بي قرب المكان
والجرح مازال فية شي
وشتان تحس بي صوت خطاك
يوم تمشي فوق جمر الاسي
وبين صوتا يوم تمشيها هي
بين ضحكة الايام معاك
وبين بسمة الزمن العصي
وما بجي لو لمت الزمن
ما الكل مسير فيها هي
لكين خطاك لابد تصل
والماشة لي الله بتجي

خالد علوني 000
أجمل مافي طرق العشق 000 أننا نمشيها بالقلوب 000
وخطا القلوب 000 دوما تصل 000 وان ضلت الطريق 000

والماشة لي الله بتجي 000

جميل دوماً 000 وجميلة عودتك 000 وجميل أنك أتيت بود المأذون الي هنا 000

خارج النص 000
أهم حاجة ترجع لينا الصورة الرمزية 000
ولازم النضارة الشمسية :d

[خالد علونى]

الرائع
علوني
ها عدت تضيؤ الثقافي
تشكرات على تلك المفردات الأنيقة

يسري لك خالص ود والتحايا علي هذه الكلمات الجميلة ومنتديات ود مدني هي اكبر متنفس لنا لذلك لا بد ان نعود ولو علي صورة اعضاء جدد
والثقافي مصدر الالهام واشراقة المنتديات ولولا اني اخاف من زعل اهلنا في الاقسام التانية كنت قلت الثقافي الاول علي نطاق منتديات ودمدني
تشكرااااااااااااااااااااات ول خالص الود

[خالد علونى]

نص يشبه فى روعته نصوص الزمن الجميل ، يشبه ماتغنى به الراحل المقيم مصطفى سيدأحمد ، فيه أنفاس عاطف خيرى والصادق الرضى وكل من تغنى للحبيبة الوطن والوطن الحبيبة.
لك التحية علونى

استاذنا ابو بكر كبرت راسي وخليتي اعاين في المرايا
لك خالص التحايا علي هذا الاطراء الجميل واتمني دوما ان اكون كما تريدون لا كما تريد هي

[خالد علونى]

خالد علوني 000
أجمل مافي طرق العشق 000 أننا نمشيها بالقلوب 000
وخطا القلوب 000 دوما تصل 000 وان ضلت الطريق 000

والماشة لي الله بتجي 000

جميل دوماً 000 وجميلة عودتك 000 وجميل أنك أتيت بود المأذون الي هنا 000

خارج النص 000
أهم حاجة ترجع لينا الصورة الرمزية 000
ولازم النضارة الشمسية :d

وجميل انت برغم تاخر الخريف ووعورة طرق الاحباب دوما انت في الخاطر اشراقة ومساحة للتواصل الشفيف




تخريمة الله يرحم الزمن الجميل يا خالد اخوي الصور القديمة زمنا فات وغنايا مات والله تاني ما اظنها تتلقي الجهاذ اخد دش بتاع فورمات وحالتي بقت حال عدوك

[عبدالرحمن مدثر]

ها قد عاد علونى اكثر قوة

شادد علي وتر الحروف

تسجيل حضور

فحروفك وحدها تحتفى بهذه العودة الجميلة

فكن الروعة على الدوام

ولن نضل الطريق

وانت معنا ياصديقى

[خالد علونى]

ها قد عاد علونى اكثر قوة

شادد علي وتر الحروف

تسجيل حضور

فحروفك وحدها تحتفى بهذه العودة الجميلة

فكن الروعة على الدوام

ولن نضل الطريق

وانت معنا ياصديقى

الغالي خرباش كل التحايا
والخربشات علي جدار الجمال أحيانا تزيده جمالا لا يكون البخربش خرباش
لك مني كل التحايا والود




خربيشة: وين إنت ياخ؟

[ودتابر]

الأخ الشاعر المبدع .. خالد علوني


لكم افتقدناك يا مبدع .. وها أنت لن ضل الطريق وعدتنا إلينا بمن ضلوا الطريق غايةً في الروعة والجمال


تسلم أناملك يا راائع .. نض في غاية الروعة ومضمخ بالجمال الشعري .. عكس ما يحمل مضمون اسمه .


تقبل مروري يا شفيف .

[كاظم]

يا علوني انت بتكتب بي مزااااااااااااااااااااااااااج
لي عودة لهذا النص السمح جداً
كن بخير حبيبنا خالد

[خالد علونى]

يا علوني انت بتكتب بي مزااااااااااااااااااااااااااج
لي عودة لهذا النص السمح جداً
كن بخير حبيبنا خالد

حبيبنا كاظم
تحياتي وودي


انتظر عودتك فكن بكل الخير

[ابراهيم]

واحساسوا زي عايش غريب
وفي بالوا كم ساكن القرب
ما بينوا والدمعات حرف
وقليبوا ما شايف درب
غير البودي علي الحزن
وياريتوا لو لاقي الدرب

صديقي خالد
شكراً كتير
وليتك تعلم كم انا سعيد بقراءة النص!

[خالد علونى]

الأخ الشاعر المبدع .. خالد علوني


لكم افتقدناك يا مبدع .. وها أنت لن ضل الطريق وعدتنا إلينا بمن ضلوا الطريق غايةً في الروعة والجمال


تسلم أناملك يا راائع .. نض في غاية الروعة ومضمخ بالجمال الشعري .. عكس ما يحمل مضمون اسمه .


تقبل مروري يا شفيف .

استاذي الرائع ود تابر


كم مرة بخش البوست واقرا المشاركة بتاعتك اقول اعلق علي مرورك الجميل دا

اجي اكتب اقول هسي يا علوني عليك الله زول في قامة ود تابر تلقي ليه حروف تشكروا بيها علي كلاموا الجميل دا وين



اعتزر لتاخري في الرد عليك



لك مني خالص الود ودمت

[خالد علونى]

صديقي خالد
شكراً كتير
وليتك تعلم كم انا سعيد بقراءة النص!

بل انا الذي فرح بمرورك علي وسعادتك بقراءة اشعاري


دمت كما تود

[بنت النيل]

المبدع دوما خالد
يعجز قلمي عن التعليق على كتابات الرائعه
ولكن اريد ان انال فقط شرف المشاركة
تقبل مروري

[خالد علونى]

المبدع دوما خالد
يعجز قلمي عن التعليق على كتابات الرائعه
ولكن اريد ان انال فقط شرف المشاركة
تقبل مروري

يكفيني أن النيل مر من بين يدي يوماً



لك مني كل الود

[أبوعبيدة (سامبا )]

جرة قلم
أبوعبيدة (سامبا)
السامق خالد علونى
أرتال من التحايا
كم أعجبنى نصك المتبرج الذى كشف لى عن براعة ابداعك وتمكنك ،لك التحية والتجلة.
وكن دائما كما تشتهى نفسك

[خالد علونى]

جرة قلم
أبوعبيدة (سامبا)
السامق خالد علونى
أرتال من التحايا
كم أعجبنى نصك المتبرج الذى كشف لى عن براعة ابداعك وتمكنك ،لك التحية والتجلة.
وكن دائما كما تشتهى نفسك

سامبا


لك مني كل الود علي هذا المرور الأنيق

دمت بكل الود