وعد الغمامات


	19-09-2007 11:45 AM #1 إيهاب الأمين الملف الشخصي مشاهدة المشاركات عضو جديد Array تاريخ التسجيل Sep 2007 الدولة مدني حي ناصر المشاركات 46 وعد الغمامات أمسياتي الحالمة جنّـك دغدَغِن شوق التلاقي ومن ضلامن كحّلنك والنجيمات ما بفوتن لو ما بي شوقن غِشنك والقصايد ليك بقولن ويكتبن بالريدة عنك * * * ما أظنك... تنسي ما بين أمنياتك إني لا زال ليك ومنك وإني مستني الخواطر في الغمامات يوعدنك المواني تدور فنارك والفنارات يشتهنك والخيول في عز صهيلن والعصافير في رحيلن يحلمن لو يوصلنك شوفي ليلات السهاد كيف شلهتني وشهّلنك عذبني وشيّلنك ضيّعني وسيّرنك سهّرني وهدهدنك خوفي من سكك الضياع واللوعة زي ما جرّحني يجرِّحنك خوفي من لحظات تعيسة يوجِّعني ويفجعنك خوفي تبعد بيك ظنونك وتاني ليْ ما يرجِّعنك 19/4/2000 رد مع اقتباس


	19-09-2007 12:38 PM #2 بورتبيل الملف الشخصي مشاهدة المشاركات عضو فضي Array تاريخ التسجيل Jan 2007 الدولة بورتبيل المشاركات 1,897 الرائع الاســـتاذ / ايهاب الامين (( ما بين ود المنسى ,, ومدني مشاويــر من الالق والتحليق في دنيوات الكلمة الجميلة)) حقيقة انا اكثر سعادة عندما تتواجد هنا في هذا المنتديات التى انارتها كلماتكم وكتاباتكم ,, فمنكم واليكم كل هذا العشق وكل هذا الجمال , واليك نشيل الصمت ونرحل فــي مسارب كلماتكم ودوزنة قلمكم الرصين. كل عام وانت بخيـــــــــــر والف مرحب بك وبكل الكتابات الجميلة ,, فابقى ايــهاب الاميــــن نورســاً في هذا المنتدى واركز للبجيبها الريح تقيف انت ويشيلها الريح وابقي العاتي والدرب الوراك مسدود و شيل شيلتك بقيت للنص لاحلماً بجيب البر ولا حَدُوُدُ رد مع اقتباس


	19-09-2007 03:35 PM #3 امنية بكري الملف الشخصي مشاهدة المشاركات عضو مميز Array تاريخ التسجيل Jul 2007 الدولة من مدني حي مايو نص المشاركات 462 كل هذا الجمال اغمق وبهت كل جميل غيره فابدعنا دائما وابدا والف شكر رد مع اقتباس

الموضوع: وعد الغمامات