للحنينة اللما تبكي...
ما بكون للدنيا لون
ولما تضحك..مرة ساكت...
يبتسم ريش النعامة...
وتضحك أوراق الغصون
للصغيرة... ومنها...
مولود أنا ...
وبي حنها...مفروض يكون...
كل الزمن مليان غنا ...
ورضعان سكون...
كيفنها..
انا لي زمان من حِنها...
لا مرة جات ...لا اظنها
عرفت بشارات العيون..
غير ما أكون انا منها...
يا كون يكون...
ما منها ...مجبورة هي؟
ولا الزمن حالف يسد وجعي البتاوق..
شان يطول رشفات قليلة ...تكون كمان من دنها
يا فكرة الزمن البمش
سلم عليها ... علي العيون
القامة والخد والخدار القالو لون
ما عرفوا هم
دي الدنيا كلها والبرق
زي كانوا في يوم في اجتماع
شان يكسوا قامتك ما لقوا
في القصة والاخر كمان
خلوكي زي ما انتي ...
بس زادوكي ..منها أنهر جنانا وسرها...
للحنينة اللما تبكي...
ما بكون للدنيا لون
ولما تضحك..مرة ساكت...
يبتسم ريش النعامة...
وتضحك أوراق الغصون...
وروني بس
كيفنها..
قصيدة كتبت الآن
صاااااااااااااااالح
المفضلات