النتائج 1 إلى 17 من 17

الموضوع: أحلام للبيع

     
  1. #1
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    أحلام للبيع

    نحن اولاد الليل والغربة والشتا الما ليهو اول ولا اخر ... ذي كل الناس بنحس .. بنحب ونكره .. بنبكي طبعا .. ونضحك لو طلت شمس دافية ..
    أمبارح كان البال مشغول .. عصفورة جناحها وردي ركت في غصن أجمل منها تقريبا .. ركت شوية وطارت .. يا ريت لو قعدت شوية على الاقل كنت حأونسها .. حأحكي ليها عن حاجات كتيرة
    فيها الجميل ذي غيمة عرفت ياتو ريح بتسوقها وزاملت كمين نسيم .. وحاجات تاني حزينة حد الحزن ما شال ... وطالما نحن اولاد الغربة والشتا الما ليهو اول ولا اخر ما حأتعب كتير في انو القى حكاية حزينة ... شوفو مثلا :
    ... البنات ببيعن احبابن بأرخص حزن .. الحنين عندهن بنتهي وكت ما يقصر الضل وتستاذن انت عشان عندك مشوار .. مسكين الحنين ومساكين الاولاد النسجو من كريات دمهم الحمراء عقود وهدوها للحبيبات الببيعن أحبابن بأرخص حزن .. ( عصام الباهي) ولد هو والجمال تيمان كلما لاقيتو يقعد يونسني.. ويبكي قبال ما يتم الونسة ويوعدني انو يتم لي الحكاية في وكت تاني .. عصام سافر في الشتا براهو ذي النورس وخلى لي ورقة في البيت كتب لي فيها :
    [ ككل النساء ...
    باعت مواعيدي ومضت
    وانا صنعت لها من دمي عرشا ..
    ومن روحي مديً لكنها ... أعرضت
    قل لها انني سأسامحها على كل شئ .. سأسامحها حتى على هذا الجرح الذي يسكت صراخه فقط اذا ضمني شبر في ارض ما .. وسأهديها حتى شاهد قبري .. فقط قل لها اذا مرت بمكان ما كان لنا فيه ذكرى ان تذكر ان هنالك من احبها كيفما امكن لكائن ان يحب .
    لا تنسى ان ترجع لها صورة فوتغرافية لوجهها الجميل .. ستجدها في اقصى ركن لخزانة ملابسي .
    الى اللقاء
    عصام ]
    عصام سافر براهو ذي النورس وشتان بين سفر وسفر .. ممكن تسافر عشان لقيت ليك فرصة عمل في ركن من اركان الدنيا .. وممكن تسافر عشان تقابل ليك صديق طوووولت ما شفتو .. وممكن تسافر عشان وعشان .. وده سفر الرجعة منو ما متعبة كتير يعني الشارع الوداك بجيبك برضو لكن لما تسافر عشان في زول سرق منك احساس وما رجعو ليك وغلبك التسويهو غير انك تسافر أظن ده سفرا ما منو رجعة .. عشان كده عصام لتاريخ اللحظة ما جا وما اظنو يجي ..( بخت الملايكة البجيها زول ينقط صدق) .
    البنات الببيعن أحلامهن واحلام ناس تانيين ليهن في جووووة الروح حتة غريبة .. نفس الحتة دي هي البتخليك تحزن لما يضيق عليك حتى جلدك .. بعدين الحجاب الحاجز بدل يضغط على الرئتين بضغط على القلب وكتير من الحاجات الما حتلقى ليها تبرير حتحصل ليك .. وده سر الحتة الساكنات فيها البنات الببيعن احلامهن واحلام ناس تانيين .. حتة كده الاحساس بيها ذي لما تفتح ليك كتاب قديم وتجيك ريحة ما تقدر تميز دي ريحة شنو وهل هي حلوة ولا مزعجة وينتابك تجاه الريحة دي احساس ما تقدر تميزو هل هو حنين ولا حزن ولا شنو .. ما علينا .. الاحلام رخيصة والله ومتاحة لأي زول يعني كلنا ممكن نحلم لكن بتبقى غالية لما زول يشيل حلمك ويبيعو .

    اضطريتنا نروح بوراك ..
    لا استنيتنا نلومك حتى ولا خليتنا نضاري هواك
    يا ما عشانك شلنا اللوم ..
    ووسدناك في الجوف احساس
    وكم ضارينا دموعنا عليك ..
    واتناسينا كلام الناس
    وقلنا اكيد حترجع لينا ..
    يا الشاركتنا في الانفاس
    وتخلينا تفوت زعلان ..
    وتصر تسقينا بنفس الكاس

    ما هماك تتناسى عذابنا
    لا هماك في السكة جرحنا
    يحصل ايه لو مرة غشيتنا
    ونحن بجيتك يا ما فرحنا
    ليه بتغيب عن دارنا بعيد
    وعارفو غيابك ما بريحنا
    قول في حقنا مهما تقول
    غلطانين في حقك نحن

    ودي المشكلة ذاتها .. يعني حتى في اللحظات البتتفرج فيها على بيع احلامك تقعد برضو تفتش لانو انت غلطت وين .. وتقول يمكن ... اليمكن شنو ؟

    التعديل الأخير تم بواسطة كاظم ; 09-05-2007 الساعة 05:28 AM
    كاظم الزعيم
  2.  
  3. #2
    فخر المنتديات
    Array الصورة الرمزية اميمه عشريه
    تاريخ التسجيل
    Jun 2005
    الدولة
    من مدني فكل مدني دياري
    المشاركات
    1,486

    كيف سولت لها نفسها ان تتجرأ على احلام غيرها تنهبها وتبيعها ؟؟ هناك جرائم تحدث في حق البشريه لا يعاقب عليها القانون وتسقط بالتقادم ولكن جريمه انتهاك الاحلام الجميله لدي احدهم وسرقتها بهذه الصوره تجعل من الحياه على كوكب الارض متاهه في طرق وعره ومعتمه وملئيه بأنفاس تذكرنا بهم هؤلاء المذنبون .. لذا كاظم الان قد تكون تيقنت لما توقفنا جميعنا عن الاحلام لان هناك من خلف الستار ايادي وعيون متلصصه تترقب ولاده حلم بعد مخاض عسير لتستولي عليه وتدير لك ظهرها ...فيا للوجع ... ويا للحلم المذبوح ..

    لولا هذا الجـــدار لما عرفنا قيمة الضؤ الطلـــــيق


    اميمه صلاح الدين عشريه
  4.  
  5. #3
    فخر المنتديات
    Array الصورة الرمزية سواااح
    تاريخ التسجيل
    Feb 2006
    الدولة
    مدني - الدرجة الاولي
    المشاركات
    7,978

    الجميل كاظم ..

    ربما هي مفارقة

    وربما هي نكران او جحود

    وربما هي حب زائد للنفس دون اعتبار للاخرين

    لكن .. اليس هناك من الرجال من فعل مثلها بالنساء ؟؟

    واذاق سيدة هنا او هناك من كاس الالم والمرار الحزن والسهاد ؟؟

    الغريب .. انو الراجل ممكن يسافر .. يهاجر .. المهم انو عندو خيارات

    لكن المسكينة دي تمشي وين ؟؟ ما اظن عندها الا البحر ....

    تسلم يا غالي ..

    دمـــــــــت ،،

    العقول الصغيرة تناقش في الأشخاص،

    والعقول المتوسطة تناقش في الأشياء،

    أما العقول الكبيرة .. فإنها تناقش في المبادئ !!


  6.  
  7. #4
    عضو مميز
    Array
    تاريخ التسجيل
    Feb 2006
    الدولة
    الخرطوم-امتداد الدرجة الثالثة سوق الندا
    المشاركات
    412

    زعيمنا كاظم

    وقفت هنا كثيراً ، اجتر شريط ذكريات لا استطيع شرح معاني الالم الكامن بها ، حاولت كثيراً عزيزي

    في اوقات سابقة ان اعتصر دواخلي مداداً ليراع جهل كيف يفك طلاسم هذا الوجع الذي امتنع مبارحتي

    الا حين الفظه سطوراً ، و جئت هنا فوجدته عصام فصل اخر لمسرحية ذات الرواية و بكل تفاصيلها الدامعة

    انها احلام نرفض استرجاعها و تذكرها و لكنها باقية داخل ذاك الجرح القديم الذي يتجدد كل يوم الاف المرات

    حقيقة رائعنا كاظم مبدع بكل ما تحمله الكلمة من معنى

    لك الروعة

  8.  
  9. #5
    عضو مجتهد
    Array
    تاريخ التسجيل
    Oct 2005
    المشاركات
    134

    الصديق (واسمح لى بذلك ) الشفيف الرهيف / كاظم

    الحنين الذى يقودك الى مرافئ من تعشق ، هو حنينٌ بطعم كل الاشياء المتوردة الى بعضنا بعض ... مسحة الحزن اضحت طابعاً يومياً لملائكة الدهشه ،،ثم ،، دعنى اتكئ عليك قليلاً ،، وانا احمل جُرحاً من تلك العذابات ،، ليس سهلاً ان تعشق !! وما ان تعشق ..سرعان ما تكون الصدمه ،، ويكون صعباً ان تنسى ،،، واظنه عصامك ( عصام الباهى ) هو وجهاً آخراً لعذاباتى ولكنى لم ارحل بعد ،، اصبحت
    مقيماً على هذا الالم منذ ان رحلت هى .... الى حيث هو ... (واظنه إلتقاها !!) حلوة كطعم كل الاشياء التى تذيق الروح شهداً ،،، لم انسى !! وتسعة اعوام قد مرت ،، لا زالت احس بانفاسها حولى .... تسعة اعوام وانا اعاف النساء إلا يسيراً ( بكل الصدق ) ... حتى اننى
    كنت انظرهن ،، وكأنهن رجالاً من مسحتى ....ثم كان اللقاء بيننا بعد ذلك ،،، صبيةٌ حلوة .. نديه ... حينما تضحك عبر وصلات (التكنولوجيا) اشعر بأن كل الدنيا تضحك معى ،،، واظنه ( خالقها ) كان يضحك معنا .... ثم شئياً فشئياً .... اكتشفت زيف تلك المحطات التى تبث الوهم ... انا يا ( صديقى ) احببتها حتى نخاع الحرف تجلة وجمال ... وهى تقول ذلك ( كذلك ) .... واعترف بانها حازت قصب السبق فى أسرى ... وقصب الإتصال الذى جعلنى اتعلق بأهداب خطوتها على الارض لو تخيلتها تمشى .... سألتنى هذا الغياب ... وانا اقول وبكل ( الصدق ) يا سيدى ... اننى كنت فى دوامة انستنى لغة الحرف او حتى الإحساس بجماليات الروح التعبه ،،، كنت اروض نفسى على نسيان ما مضى لأجل حاضر جديد ،،، وما ان انسى .... حتى يجئنى صوتها عبر تلك الوصلات وهى ( تضحك ) لتحيل حياتى فرحاً ،،، و ،،، همّاً ،،، فرحاً لانى ما زلت اعشقها .... وهماً ،،، لان هذا الصوت اعادنى الى مربعى الاول .... ومن جديد اعود انا الى ممارسة الرقص على ( حبال ) تنسجها بكل ودٍ ... وروعه ... تعلقنى عليها ذبيحة ... تهديها فى حجها الى بيت العشاق ، كى تكفر عن خطاياها وهى ملبية فى إحرامها .... اعترف بأننى تعبت من تلك الاشكال اللطيفه ... سئمتها ،، حتى اننى اشعر برغبة ما لأترهب .... ( احمل قلباً من زجاج اخاف عليه ان ينكسر ) ،،، وقد كان .... الجميل ( كاظم ) ،،، هل تعلم سيدى وطيلة هذه الفتره ،، اننى ما نسيتك وآخرون احملهم ها هنا ،،، مشتاقٌ لك انا يا رجل ..... بكل الصدق ...... وذلك الندى سوباوى ،،و،،،و،،،و،،،و،، الكثير يا سيدى .. وانت اعلم ... اشكر لك هذه المساحة التى اراحتنى كثيراً من وعثاء السفر الطويل .... وتلك ( المُعلّقةُ ) على كعبة الحسن والقصائد ( إضطرتينا نروح بوراك ) ..... ودعنا سيدى نرتاح من هذه ( الروحه ) ،،، اصبح يقينى اقوى من ذى قبل،، لان اضطر
    فقط (ان اروح وراء قصيده ) ،،، او وراء من يريحنى القول ،،، مثلك سيدى ... لك العُتبى حتى ترضى لهذا الغياب القسرى ،،، وبالتأكيد لنا لقاء ..... انتظر منك هذا فى الرسائل الخاصة سيدى ...... ولك كل اشياء البوح الجميل

  10.  
  11. #6
    عضو فضي
    Array
    تاريخ التسجيل
    Nov 2004
    المشاركات
    1,395

    الرحيب .. كاظم وهنا قلت أنت :


    "وان البنات اذا ضيعن وجه من احببن ..

    لن ينسين من قابلنه ليلا بفاضحة المكان"

    لك ودي عصام .. هل يمكن أن تكون "جبر الله كسركم" مكانها الصحيح هنا أم أن

    الدمع داخل في العتمة مني بيوتات الحزن .. من تسرق صادق الإحساس كأنها سرقت

    روح عزيز لديك .. وهنا أنثاك عزيزي قد مزقت وجدانك .. وكما يقول صديقي

    يوسف أوان الفجائع ..

    "مزقتني …

    كالثوب خرقاً ما سترتُ فجيعتي

    فتبرجت آلام وجدي

    بين أيدي السابلة

    كيف إرتضيتَ لذات نفسك

    أن تداري - خلسة – أثر البكاء على الجفون

    براءة ..

    ثم أحتدمتَ كما الرياح

    دون خشية لائمٍ

    ثم استدرت

    فظنك الراءون ظلاً للسماء

    فسارعوا للارتماء على يديك تبتلاً

    وحرمتني

    دون اكتراث – طعم فاكهة احتضارك في دمي"

    اليمكن شنو يا كاظم .. نعم اليمكن شنو .. هن ذاتن بعض مرات بيتلفن أدوات عاطفة

    كثيرة جداً .. وبيكون التقديس مرحلة ملائكية غلط تتفرد لأي قلب .. ما هو ذاتو الحب

    عند روايش وشظايا يعني بعد مرات بيبقى حالة عنف بتخلف خسائر ..

    يا كاظم أنا الموضوع ده بدأ يفتح فيني حاجات كتيرة .. وبتوديني لدرب السماح

    والعفو وكيف أنو الحب بيكون حالة من حالات سماح .. لكن ما بيقبل النسيان المطلق

    ولاالغفران لأنها دي بتاعة الله براهو ما بشاركو فيها جنس بشر .. والقلب بيسامح

    لكن ما بينسى وإلا يكون صاحب القلب معذرة للمفردة النشاز "مغفل" يعني سفر

    عصام ده بخليه مخدر لكن بيظل الجرح يتاور وما يتنسي.. ياااااهـ .. الآن سأعتق

    الكيبورد وإلا لن يعتقني ما يجيش بالخاطر الآن ..


    تحياتي كاظم وكن بألف خير ...

    وما كنت حزين لما افوتك وسط الفقراء بيوت الطين ...
  12.  
  13. #7
    عضو مجتهد
    Array
    تاريخ التسجيل
    Mar 2005
    الدولة
    مدني
    المشاركات
    145

    اخترقت كلماتك حواف القلب المثخن بالهجر، يا لك من مبدع يا يا كاظم بالله كيف سولت لك نفسك ان تنكأ تلك الجراح بهذه الروعة هلا امسكت والا اعدك بمخبول آخر يضاف الي مجنون ليلي ، وكثير عزة،والزمرة التي لولا هي لما عرفت حوائهم... لأسالني كيف سقاك قلبي بسفور رحيقه لتسيري بكل يسر في الاتجاه الآخر ... الا هواك نبت تاني و.. حاسب يا رائع فقلمك يصيب في مقتل .. لن تكون مبدعا اختر شئا آخر لا تختذله اللغة في كلمة .. وواصل .. بس .. حاسب علينا شوية .

    mooona 86
  14.  
  15. #8
    عضو مجتهد
    Array
    تاريخ التسجيل
    Mar 2005
    الدولة
    مدني
    المشاركات
    145

    كاظم والله قريت الكلام ده تاني الليلة ولقيت نفسي مدفوع بي حزن شيطاني وكلمت فيهو .. الباعت ني بارخص حزن .. وكلمتها كتير يمكن ساعة وشوية وما خليتها لامن بكت وقفلت الخط من الغربة ..

    mooona 86
  16.  
  17. #9
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    نايرة الحس .. أميمة عشرية ..

    يا للوجع ..

    كاظم الزعيم
  18.  
  19. #10
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    الجميل سواح .. سلامات يا زول ..
    بتفق معاك .. عصام الباهي كتار زيو .. اولاد وبنات .. وكل زول جميل بنكتب عنو مافي شك .. والاجمل لو الدنيا بقت ما فيها زول بيسرق حلم التاني ..
    شكرا لهذه الطلة يا سواح

    كاظم الزعيم
  20.  
  21. #11
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    الباشا ناصر .. تحياتي يا رجل وامنياتي بدوام العافية ..
    على ذات النسق وبذات التفاصيل ستجد في داخل كل من تعرفهم (وجعا) يشبه (عصام) وانا وانت وكلنا .. سيفيض باحدنا الكيل فيكتب .. سيدعي انه يكتب عن (وجعه) الخاص فاقفز انا لاقول (هذا وجعي ) وتقفز انت لتقول ( لا انت ولا هو انه يخصني ) وهكذا حتى لتخال ان الدنيا كلها تحمل وجعا واحدا ..
    لا عليك يا صديقي ان ضقت ذرعا ( سافر)
    شكرا على حضورك البهي ايها الجميل وكن دائما بخير

    كاظم الزعيم
  22.  
  23. #12
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    الجميل لواء .. استبح ما طاب لك من مسميات ما يجمع الناس على (الفة) ان كان هذا يجعلني قريب الى نفسك ..
    سأفرد لك مساحة أخرى .. انتظرني

    كاظم الزعيم
  24.  
  25. #13
    فخر المنتديات
    Array الصورة الرمزية سواااح
    تاريخ التسجيل
    Feb 2006
    الدولة
    مدني - الدرجة الاولي
    المشاركات
    7,978

    صديقي .. كاظم

    تساؤل دار بخاطري
    وانا اعيد قراءة النص :
    " هل للاحلام .. ثمن ؟؟ "
    كما للهدايا .. ثمن ندفعه
    حقيقةً ازعجني جدا هذا التساؤل
    وما زلت في حيرة وشعور بالضياع
    فهناك كثير من الاحلام ندفع مقابلها ثمناً باهظا
    مقارنة بماهية الحلم نفسه " حلم !!!!! "
    " حلم " لا اكثر ولا اقل
    "حلم " بان تكون جوار انسان يوماً ما
    " حلم " يان تسطر اسمه باحرف من نور
    لا ادري ساترك لك البقية
    مع الوعد بالعودة ..

    دمـــــــــــــــــــــت ،،

    العقول الصغيرة تناقش في الأشخاص،

    والعقول المتوسطة تناقش في الأشياء،

    أما العقول الكبيرة .. فإنها تناقش في المبادئ !!


  26.  
  27. #14
    عضو فعال
    Array الصورة الرمزية صالح شرف
    تاريخ التسجيل
    Feb 2007
    الدولة
    مدني ـ حنتوب
    المشاركات
    346

    هل لي في الدخول

    كنت اقولها علي باب الفصل وانت استاذي في العطلة الصيفية
    كنت صغيرا مُدهشا حسب تعبيرك
    كبرت الآن... ويا ليتك ..أخي ... نصحتني با لا اكبر...
    بالمناسبة ما كنت لاسمع كلامك فقط لاني لا اقدر...كبرت رُغماً عني

    ...ولم تكبر احزاني ...فقط...بالتسكين كلها كما يحلو لاخي اسامه حسن الشاعر النائم في حي الاندلس الان...
    لم تكبر بل اسرتني بالكامل...وربطني علي وتد الطاعة العمياء...
    احببت... بطريقتي التي اعرف...ما احد علمنيها...
    ثم قتلوها فقط لانها ارادت بيّ النجاة... وتعلقت باستار كعبة ... صدقي واخلاصي...
    ونسيت ... لاعيش...فحتي غوانتامو لا تملك الا ان تعيش فيها ما بقي لك ايام... هنا وفي هذه الحالة لا مناص ولابد.. ولا طريق يُنجيك...اخي كاظم الزعيم...

    حرصت ان اكون بهدها بل بعدهن ... صالحا...
    ولكن يبدو ان كرت صلاحيتي لم يتبق فيه لايام قادمات الكثير ولا حتي النذر اليسير...
    زاملنبي النفاد...
    والكساد...
    وقلة الحيلة والعتاد
    وجئت ارضك فلاحا يزرع الغبن ...السواد...
    ويسقسه بما الخوف والكبت والشذوذ...الشذوذ هو الخروج عن المألوف عندي فقط لاغير...كما تكتب علي اوراق الشيكات الاورلق الوحيدة التي لم تلامس اناملي حتي الان...فلا شئ اغطي رصيدها به...
    مسكين انا ..غنيتها مع مصطفي مضوي...
    مسكين انا ... تجدها في قصائدي...
    مسكين انا ان لم تتذكرني...
    ولم تعرفني ...

    ولي في إثرك عودة ... ومجئ...

    صااااااااااالح

    عذراً أيتها المصائب فما أنا بالخانع أو المستكين ...انما هي استراحة مُحارب
  28.  
  29. #15
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    سواح باشا ... تحياتي يا صديق ...
    هههههههههههههههههههههه والله يا سواح ما عارف ذاتو ارد اقول ليك شنو .. لانو ما جربت اشتري ولا ابيع في حلم زول على الاقل لحدي هسة لانو ما عارف يمكن يوم من الايام تكون سايق عربيتك تلقي يافطةمكتوب عليها (سوق الاحلام انعطف شمالا) .. بعرف انو في زول ببيع حلمك يعني انت ذي ما قلت تحلم بوجود شخص ما الى جوارك وهو عارف حلمك ده يقوم بمنتهى السهولة يبيعو ويمشي يشوف ليهو زول تاني يكون جنبو ..
    ما عارف والله الموضوع شوية شايك وبعتمد على الاحساس في التقييم اكتر من اي شي تاني ..
    كدي تعال راجع نتفاكر ..
    دمت بخير

    كاظم الزعيم
  30.  
  31. #16
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    صالح شرف .. تماما كما توقعت ..
    أذكرك جيدا .. ذاك الوميض الغريب في عينيك الواسعتين كنت اعلم تمام العلم انه وميض لروح فنان تسكنك .. لكم كنت معجبا بدماثة خلقك وعذوبة ترحابك وتبسمك الدائم الذي يصدر الى كل من يقابلك احساسا جميلا و نقيا حد النقاء ..
    صالح .. ترى كيف انت الان ؟ سنوات طويلة مرت على اخر مرة التقيتك فيها .. اذكر جيدا انك قابلتني بترحابك المعهود وابتسامتك التي لاتفارق وجهك وحدثتني بحماس عن اشياء لا اذكر منها الان سوي (الاذاعة) ..
    صالح .. لا اظن البتة ان (صلاحيتك) قابلة للنفاد .. انا عرفتك طفلا .. ثم صبيا يافعا .. وها انت ذا الان تقاسمني احرفك اليانعة لاقرا من خلالها كل هذا الجمال الذي يسكنك كرجل ..
    لك من الود أنقاه
    وسنلتقي

    كاظم الزعيم
  32.  
  33. #17
    عضو فعال
    Array الصورة الرمزية صالح شرف
    تاريخ التسجيل
    Feb 2007
    الدولة
    مدني ـ حنتوب
    المشاركات
    346

    الوعد بالقاء هو سبب بقائي

    صدقا انتظر ان التقيك(هذا ان ترك لي احبابك فيك جانب)
    التقيك ناصحا
    ذكيا
    نابغا
    لغويا لا يُجاري
    اخا
    وها هو المهم
    في انتظار التلاقي
    يقبع الصليح

    دمت له

    عذراً أيتها المصائب فما أنا بالخانع أو المستكين ...انما هي استراحة مُحارب

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid