التساكن

اخوتي
لقد شاهدت في قناه النيل الازرق سهره بعنوان السكوت جهرا وكان موضوع السهره التساكن اول مره اسمع بهذه الكلمه
لقد كان الموضوع فعلا خطير لقد تحدثو عن وجود اولاد وبنات من طلبه الجامعه وغيرهم يستاجرون بيت ويسكنون فيه ويمارسون حياه الازواج بالكامل من غير زواج ولاحتي زواج عرفي الذي انتشر في البلاد واخص الخرطوم بصوره كبيره
اين الراعي علي بناتنا هل اغلق الاب او الاخ عينيه عما تفعله اخته اوزوجته لقد تحدث احد الذين قامو ببحث هذه الظاهره وجدو زوجات وعلي زمه ازواجهم يقومون بهذه المساكنه
اين ناس الفريق الذي استاجر فيه هولاء الناس لايشعرون مايحدث في حيهم
الموضوع طويل لكن ماذا اقول.........................................

لا حول ولا قوة الا بالله والعياذ بالله

هؤلاء ليسو ببشر وان كانو بشرا لابد انهم بشر ناقصي دين وعقل وهذا من عمل الشيطان بل ليس لهم دين ولا عقل من الاساس

غريب على سوداننا مثل هذه الاشياء التي نستعجب ونستغرب عندما نسمع بها في بلاد لا يلفظ فيها اسم الله فما بالك ان نسمع بها في بلد من بلاد المسلمين وفي بلد عربي وفي العرب كمان ناس اهلي السودان الناس الطيبين الحنان ناس الدين والاخلاق والشهامة والكرم


رحماااااااااااااااك ربي
رحماااااااااااااااك يالله
رحماااااااااااااااك ربي
رحماااااااااااااااك يالله
رحماااااااااااااااك ربي
رحماااااااااااااااك يالله
رحماااااااااااااااك ربي
رحماااااااااااااااك يالله
رحماااااااااااااااك ربي
رحماااااااااااااااك يالله

يا اخي امير والله هذه مصائب من مصائب الزمان وهكذا يأتينا الهلاك من السيئات ومعصية الله وما الضيق في العيش والتكدر وتكالب الامم علينا ما هو الا ناتج عن معصية الخالق وبجرائم تهتز لها السموات والارض وبظلم منا حرمنا كثير من المتع .. كنت قد رديت على احد الاخوة كتب عن سفر البنات الى الخارج الى القراءة وشاركت وكان ضمنها ان الاولاد والبنات في سوريا يستأجروا شقة واحدة اولاد وبنات ويسكنوا فيها وتكون جارتك في السرير المجاور ليك بنت ولابسة لبس النوم وترقدوا جنب بعض .. وهناك ما خلا رجل بامرأة الا كان الشيطان ثلاثهما .. اذا اين الشيطان من ذلك مافي شيطان انما يوجد شيطان وشيطانة على شاكلة رجل وامرأة وانا لا ادري ان الظاهرة المصيبة هذه موجودة داخل السودان فحسبنا الله ونعم الوكيل .. هذه مسئولية الحكومة الوقائمين على الأمر هذه معلقة في رقابهم وانا سائلوهم بها يوم القيامة.
لكن لا يجب ان نقف مكتوفي الايدي يجب ان نثير الموضوع في كل مجلس وفي كل ركن وفي كل حي واذا صدف ومرت بك حالة مثل هذه فكن انت المنفذ لحكم الله وزيل هذه المفسدة بيدك ونحن نتحمل جزء من ذلك سواء كنا سكان الحي الذي يحدث فيه ذلك او زملاء لهؤلاء الفسقة او رجال امن او نظام عام ما ما شابهه من هذه المسميات الكثيرة
ولا حول ولا قوة الا بالله
ربنا لا تواخذنا بما فعل السفهاء منا واغفر لنا وارحمنا ..
مع تحياتي ابو احمد

والله ياأمير سبقتني في الكتابة عن هذا الموضوع وأنت دائما سباق لما فيه خير المنتدي.
اخي امير :
انا كمان كنت من حضور السهرة وجاني صداع وبطني طمت من الكلام الحاصل. ياجماعة كل حاجة عرفناها كمان جابت ليها ( مساكنة) وبعدين ليه نطلق عليها الإسم الظريف الخفيف ده ؟؟؟؟ وليه مانقول عليها ( قلة أدب وصعلقة ) بل ( زنا رسمي ) ياجماعة الموضوع كبير وعامل لي هلع.
ومعظم الشرائح التي تم عمل البحث عليها كانو من بنات المغتربين. ياجماعة المغتربين ناقصين ؟؟؟؟؟ يعني الواحد يلقاها من الغربة ولا من الشغل ولا من الكفيل ولا من الدولة وضرايبها ؟؟؟؟ كمان تتم الناقصة وتجي بنته وتديهو القاضية.
ياجماعة نحن شفنا ولفينا وإتصعلقنا بس والله جنس ده ماسمعنا بيهو ، وحتي الفساد كانت له اماكن معروفة واشخاص معروفين. لكن الآن إختلط الحابل بالنابل.
وين الناس ؟؟؟؟ وين الجيران ؟؟؟؟ وين الأب وين الأم ؟؟؟؟ وليه المغترب يسيب بنته تنزل السودان براها للقراية ؟؟؟ ياخي منعول أبو الغربة والريال لو كان الثمن عرضك . ياخي سيب كل حاجة وأرميها وراء ضهرك وأمشي أحمي بنتك من الضياع وأعرف هي وين ومشت وين ؟؟؟؟ وصلها الجامعة ووصي عليها، تعال راجع وسوقها من الجامعة ( وأوع من ماشة لي صاحبتي ).
الحكاية متفشية عند الوافدات إلي الخرطوم بصفة عامة ( وعادة بتحصل عندما تكون البنت من خارج المنطقة واسرتها غير مقيمة بالمنطقة ) يعني مافي رقيب ولا حسيب ومامعروف هي باتت وين. وكمان عرفت إنو الحاجة دي موجودة حتي في مدني ومن مصادر موثوقة. يعني الحكاية ما الخرطوم وبس .
الأدهي وأمر إنو السبب ما إقتصادي بس لأنو في حالات كانت البنات هم البصرفو علي الأولاد. يعني الحكاية عبارة عن إستعداد تام للفسق والرذيلة.
طيب ياأخوانا الحل شنو؟؟؟؟؟ .
رسالة للمغتربين:
أخي وزميلي في الغربة : ( لو بنتك دخلت الجامعة سيب البلد وأرجع معاها وحرص عليها ، والقروش مابتنفعك لمن عرضك ينتهك)

الأخ أمير
سلام كتييييييير

شاهدت السهرة فعلا وكانت الطامة الكبرى كلمة المساكنة الكلمة الدخيلة على المجتمع السودانى المحافظ ، ومن وجهة نظرى هذة الظاهرة نتاج تفكك أسرى أو إنشغال الوالدين بأمور الدنيا ، أو لظروف إقتصادية ، أو عدم وجود وازع دينى لهذه الفئة التى إنحرفت عن المسار الصحيح ، أو كثرة المال عن حاجة هذه الفئة الميسورة الحال ، وهى حرام شرعا لأن ماخلا رجل بإمرأة إلا كان الشيطان ثالثهم ، نسأل الله الهداية لهذه الفئة .

ولا حولة ولا قوة إلا بالله

الاحوه الاعزاء
ابوروان
ابواحمد
خالد هاشم
ابوريلان
يديكم الف عافيه ومشكور كتير علي المرور ؛ فعلا ياخالد دي مصيبه والطامه الكبري ياريت كل واحد يكون مسئول عن رعيته كما يجب ودي مسئوليه سوف نحاسب عليها جميعا من راي منكم منكرا فليغيره لو بابسط الاشياء
لكم مني الف تحيه

مشكور اخ ابراهيم على فتحك لهذا الموضوع ...

رغم اننى لم احضر السهرة و لكن من خلال موضوعاتكم و سردكم اتضحت الصورة كاملة للمشكلة ،، فالشكر للاخوة المشاركين فى البوست ،،
و اريد ان ادلو بدلوى فى الامر ....
اولا المسؤلية المباشرة هى مسؤلية اولياء امور هولاء الطلبة من الجنسين فمن لم يزجر ابه فى عمل الفواحش يرتد الامر اليه فى عقر داره ،، اما مسألة ان الظروف المعيشية و الضغوط الاقتصادية فى اصبحت شماعة كل مشاكلنا الاجتماعية ،،
عموما كوننا نواجه هذا المشكلة بعرضها فى الفضائية فهى تعنى انها فعلية و مقلقة و لكن ان نواجهها فهذا امر مستحسن ،، و راى الدين فى هذا الامر اتفق فيه كليا مع من سبقونى حرام شرعا و لا يجوز ...

اما علاجها. عقاب و زجر من فعلوا هذا الجرم مع جعل اسرهم تشارك فى شكل المحاكمات و اذا كان بالسودان منظمة اى كان نوعها لشؤن الاجتماعية و الاسرة يجب ان تشارك فى الموضوع ،، التوعية للطلاب و متابعتهم عن طريق مؤسساتهم التعليمية ،،

ثانيا اين اهل الحى الذى حدثت فيه هذه الاحداث من صاحب المنزل المستاجر لمثل هذه المسائل المشينة

كل هؤلاء شركاء فى الجرم ......
فل يعلم المغتربين انهم بإقامتهم فى الخارج يصبح السودان بلاد اجنبية لا يجوز ان تسافر فيه حرمة من غير محرم
و الله نساله الهداية لانفسنا و لأبنائنا و بناتنا و لجميع المسلمين
هداكم الله اجمعين

لاخ المريح
اشكرك علي المشارك يدك العافيه

اقتباس:

---

كاتب الرسالة الأصلية aborawan
لا حول ولا قوة الا بالله والعياذ بالله

هؤلاء ليسو ببشر وان كانو بشرا لابد انهم بشر ناقصي دين وعقل وهذا من عمل الشيطان بل ليس لهم دين ولا عقل من الاساس

غريب على سوداننا مثل هذه الاشياء التي نستعجب ونستغرب عندما نسمع بها في بلاد لا يلفظ فيها اسم الله فما بالك ان نسمع بها في بلد من بلاد المسلمين وفي بلد عربي وفي العرب كمان ناس اهلي السودان الناس الطيبين الحنان ناس الدين والاخلاق والشهامة والكرم


رحماااااااااااااااك ربي
رحماااااااااااااااك يالله
رحماااااااااااااااك ربي
رحماااااااااااااااك يالله
رحماااااااااااااااك ربي
رحماااااااااااااااك يالله
رحماااااااااااااااك ربي

مع حبي
فاقد
رحماااااااااااااااك يالله
رحماااااااااااااااك ربي
رحماااااااااااااااك يالله

---

المحيرني يا جماعة في الموضوع ده وذكروه كثير من الأخوان أنو ناس الحلة وناس الفريق والأولاد الصعاليق البقعدوا في الشارع وين ، يعني زمان لما تجي تأجر ليك بيت ،، يقولوا ليك عزابي ما بتسكن ،، مع العلم أنو كان في عزابة محترمين والظروف أجبرتهم يسكنوا عزابة ، لكن هسع حاجة غريبة يكونوا طلبة وبنات وأولاد ساكنين ومافي واحد ولا حتى صعلوق يكرهم حياتهم ،، يا حليل الصعاليق والله كانوا بحرسوا الفريق والحي كلوا ، بعدين بقول أنو المسئولية مسئولية دولة لأنو عملوا الجامعات وما عملوا ليها داخليات دي نمرة واحد ، وثانياً يعني القروش البشيلوها من المغتربين دي ما بقدروا يعملوا بيها سكن للطلبة منفردين والطالبات ، ونجي لمسئولية الأسرة المغتربة وطبعاً كان صموا أضنيهم المصيبة كبيرة ليه البت تمشي تقرأ براها وما في عليها ولي ولا الولايا كملوا خلاص ، آلهم لا حول ولا قوة إلا بالله ، بس الواحد بتو كان كبرت بلا قراية بلا مشاكل أحسن يشوف ليها السترة ويفكها عكس الهوى ، والموضوع طويل كان قلنا للراجل العندو شباب بقروا أرجع أحرس أولادك -- يعني زي البمسك الموية في الترع في مشروع الجزيرة -- يأكل من وين يعني ويأكلهم من وين وطبعاً ما عاوز أدخل في موضوع رسوم ومصاريف الدراسة ،، والله إلا يبقى حاوي ، وزي ما قال الراجل سألوه قالوا ليه شغال شنو ؟ قال ليهم حاوي 00 قالوا ليه كيف ؟؟ قال ليهم عندي خمسة أولاد بالمراحل الدراسية وماهيتي 300 الف ما حاوي بالله 00 نسأل الله الستر والصحة وأنو نرجع قبل أولادنا ما يدخلوا المدرسة 00 آمييييييييييين يا رب لطفك 0

اخي رشيد...
المشكلة إنو الداخليات موجودة وطبعاً داخليات البنات لوحدهم والأولاد لوحدهم ، وحكاية المساكنة دي مابتتم في شكل مجموعات، يعني واحد يكون بعرف ليهو واحدة ويتفق إنو هي تسكن معاهو ( يإجر بيت ليهم الإتنين وبس ) يعني الحكاية ما حكاية مجموعة شباب إتفقوا إنهم يسكنوا مع بعض ويعملوا ميز ، لا أبداً الحكاية ومافيها إنو الواحد منهم بدل مايمشي ويفتش للصعلقة والإنحلال ( يجيب البنت ويسكنها معاهو بصفة دايمة) ويعيش معاها عيشة الأزواج.
وصدقني يارشيد كل الناس في السودلن ( حوااه) وأكرم للواحد يرجع السودان ويبقي حاوي زيه وزي الجماعة بس ( يحرس عرضه) واحسن يمسك الموية في مشروع الجزيرة بدل مايجي واحد صعلوق( ينشف ريقة) ويخليهو يتمني الموت مليون مرة.



ودمتم..

الاخوه
فاقد
الرشيد
خالد هاشم
اشكركم علي المرور والمشاركه الجميله
لكن يالرشيد لسه في ناس بتقعد في الضلله زي زمان ياحليل زمان الواحد كان بعرف الداخل الفريق والخارج منه ايام
الاخ خالد الداخليات موجوده وين الحكومه شالت يدها من الموضوع ده من زمان ومسكوهو لصندوق الطلاب وعييييييييييك لمايسكنوك

أخي أمير ....
مع إحترامي الشديد لرأيك ، لكن ياجماعة ماكل حاجة نقول الحكومة هي السبب ياجماعة السبب أخلاقي بحت ، ومعظم البنات اللي عملوا عليهم البحث هم بالفعل عندهم داخليات وساكنات بالفعل ، وحتي بنات المغتربين معظمهم ساكنات في داخليات خاصة ( سياحية) واولياء امورهم بدفعوا دم قلبهم عشان يريحوا بناتهم، وشوف كيف يكون جزاهم من بناتهم.
يعني القصة ياأمير ماهي أزمة سكن. القصة هي أزمة أخلااااااااااااق.


ودمتم...

الاخ العزيز ودهاشم
انا اتفق معاك ان المشكله اخلاقيه !!!!!! لكن اين دور الموسسات التعليميه من هذا
اليست هي الرغيب الاول عن هذه الداخليات
ولماذا داجليات سياحيه لماذا مايكون هناك مجمع داخليات به جميع البنات بدون تميز لمستواهم الاجتماعي وتكون فيه الرقابه الصارمه اي يكون هناك وقت لدخول الطالبات الي الداخليه ويمنع الخروج منها الا بي ولي امرها شخصيا
وتكون هناك عنوان وتلفون ولي الامر
هل تصدق عندي بنتي في الصف الثاني ابتدائي وكانت عيانه وغابت اتصلو علي علي طول من قبل تبداء الحصه الاولي كيف معاك
اين الرعايه هناك

السلام عليكم اخواني واخواتي فعلا حاجه غريبة وعجيبة ودخيلةعلى مجمعنا لكن السبب في الاول من الاسرة وعلى تربيتها لي اولادها كان لابد من غرس الاصول الاسلامية وتعليمهم مكارم الاخلاق ولا نترك لهم الحبل على القارب لانو الواحد لو اتربى او اتربت تربية صحيحة بمكن ان يحافظو على نفسهم في اي زمان ومكان

الاخت العزيزه نانا
انا اتفق انو البيت عليه العبء الاكبر وهو اساس التربيه ، لكن المراقبه مشتركه بين البيت والمدارس والجامعات الان الطلبه الذين يدخلون الجامعات سنهم صغير يعني من تامنه الي الثانوي ومنها الي الجامعه يعني لسه في طور البلوغ وهذا السن تحتاج الي مراقبه وتوجيه مكثف لايستطيع البيت وحده السيطره عليها لذا يجب من وقوف الموسسات الحكوميه معها
اختي بما انك في السودان وفي مدني بالذات هل يمكن ان تحدثينا عن هذا الموضوع والمشاكل التي حدثت نرجو ان تمدينا معزره

الأخ أمير
مشكلة التساكن هذه لم اسمع بها في مدني
يمكن للمدرسة أن تلعب دور في الحد من هذا السلوك وذلك بدفتر الحضور وتكرر الغياب وتستدعي ولي الأمر وتكشف الحقيقة وفعلا ده البيحدث ألان لأنو بهذا الأسلوب تم اكتشاف أربعة طالبات في مدرسة ثانوية متزوجون عرفي لكن في المراحل الجامعية كيف يمكن للمؤسسة أن تتحكم في سلوك طالب ومعرفة سلوكياته الخارجية يمكن لها أن تتحكم في سلوكه داخل الجامعة ودرع كل شي ملفت للنظر لان الجامعات كونت حرس جامعي لتفقد مثل هذه الحالات .

الاخت العزيزه nana
اشكرك علي المداخله والاضافه ؛ بنات ثانوي متزوجات عرفي دي المصيبه الكبري وفي مدني ديل عمرهن كم لما يتزوجن عرفي واين البيت لايشعروا بغياب البنت عن البيت او تاخرها مصيبه والله
اما عن ضبط بنات الجامعه يمكن ضبتهم كما زكرت بعدم خروج الطالبه من الداخليه الا بولي امرها واذا غابت عن الداخليه يتم الاتصال بولي الامر فورا
والبنات الساكنات مع اهلهم يكون في شويه مراقبه من زويهم بمعرفه مواعيد المحاضرات ومتابعتهم مع الجامعه باستمرار

الاخ امير
دي ما ممكن لانو ممكن اخرج للمحاضرة وما اجي راجعه الابعد ما تقرب مواعيد قفل باب الداخلية الساعه 9 يعني برضو ممكن يلقو مخرج عشان كده الا الزول يضبط نفسو براهو ويكون مسئول والله يهدينا ويهديهم ويحفظنا ويحفظهم

بعد التحية والسلام
اسمحو لي ان اخش في الموضوع شمال طوالي وبدون اي مقدمات
بصراحة اللي شفتو انا شخصيا عن نفسي (حدث ولا حرج)
وفي مدني ولا الخرطوم
جامعه في مدني ( بدوت ذكر اسم)
درست فيها سنة وتاني خليتها
دفعتنا كان فيها 360 طالب
اتخيلو الكمية نجح منها كم طالب
والله العظيم ما نجح منها الا 26 فقط لا غير
198 فصل بسبب الرسوب و 100 طالب وحاجة ملاحق وانا كنت من ناس الملاحق
كانت الجامعة عبارة عن دار للدعارة والفساد بكل ماتعنيه ها الكلمتين من معنى
يعني جونا بنات من القرى ما يعرفو حاجة عن الدنيا
يعني لدرجة انو كان هازرتها ساي بتخجل ويمكن تغيب من الجامعة يوم ولا يومين وبعد فترة وقعوا في يد اولاد وبنات الحرام وتعال شوف الحاصل....تجيك بنت تقول ليك انت ولد أحسن مني في شنو وريني فهمك شنو انا الليلة دايرا أحددو معاك
والله العظيم اتخيلو بهذا الأسلوب بنات عرب (تسف,تسجر,تتسطل,تسكر)وبدون مآخذه حتى في المعاشرة هي اللي تطلب من الولد انو يمشي معاها
دا أبسط حاجة غير و غير وغير وأستحي أقولها وإدارة الجامعة لاحياة لمن تنادي
يعني حتى مرة جونا عساكر طلعوا بيعرفو كم ولد وكم بنت...إتخيلو انهم سكتو من القضية عارفين كيف؟ اي عسكري مسكو بنت في يدو ومشى بيها؟؟
دا حال الجامعات الليلة وحكايات المساكنة حدث ولا حرج والواحد أو الواحدة تتكلم معه تلقى الرد الحياة علمانية وعيش شبابك...............
معليش طولت عليكم ووالله دا مختصر الكلام ولكن نسأل الله السترة
الله لا تؤاخذنا بما فعل السفهاء منا

اقتباس:

---

كاتب الرسالة الأصلية rasheed
المحيرني يا جماعة في الموضوع ده وذكروه كثير من الأخوان أنو ناس الحلة وناس الفريق والأولاد الصعاليق البقعدوا في الشارع وين ، يعني زمان لما تجي تأجر ليك بيت ،، يقولوا ليك عزابي ما بتسكن ،، مع العلم أنو كان في عزابة محترمين والظروف أجبرتهم يسكنوا عزابة ، لكن هسع حاجة غريبة يكونوا طلبة وبنات وأولاد ساكنين ومافي واحد ولا حتى صعلوق يكرهم حياتهم ،، يا حليل الصعاليق والله كانوا بحرسوا الفريق والحي كلوا ، بعدين بقول أنو المسئولية مسئولية دولة لأنو عملوا الجامعات وما عملوا ليها داخليات دي نمرة واحد ، وثانياً يعني القروش البشيلوها من المغتربين دي ما بقدروا يعملوا بيها سكن للطلبة منفردين والطالبات ، ونجي لمسئولية الأسرة المغتربة وطبعاً كان صموا أضنيهم المصيبة كبيرة ليه البت تمشي تقرأ براها وما في عليها ولي ولا الولايا كملوا خلاص ، آلهم لا حول ولا قوة إلا بالله ، بس الواحد بتو كان كبرت بلا قراية بلا مشاكل أحسن يشوف ليها السترة ويفكها عكس الهوى ، والموضوع طويل كان قلنا للراجل العندو شباب بقروا أرجع أحرس أولادك -- يعني زي البمسك الموية في الترع في مشروع الجزيرة -- يأكل من وين يعني ويأكلهم من وين وطبعاً ما عاوز أدخل في موضوع رسوم ومصاريف الدراسة ،، والله إلا يبقى حاوي ، وزي ما قال الراجل سألوه قالوا ليه شغال شنو ؟ قال ليهم حاوي 00 قالوا ليه كيف ؟؟ قال ليهم عندي خمسة أولاد بالمراحل الدراسية وماهيتي 300 الف ما حاوي بالله 00 نسأل الله الستر والصحة وأنو نرجع قبل أولادنا ما يدخلوا المدرسة 00 آمييييييييييين يا رب لطفك 0

---

عفوا اخوتي انا شايفة انو المسالة والسبب هو في الاول واالاخير الجامعات المختلطة دي اضافة لنقص الوازع الديني لدى هؤلاء وانا شايفة لو ازيل الاختلاط في الجامعات مافي شك انو الظاهرة الخطيرة دي حتقل الى حد كبير الامر التاني انو بعض الاسر فاكين لي اولادهم وبناتم الحبل على الاخر ومفتكرين انهم مسؤؤلين و اخص بالذكر هنا ابناء وبنات المغتربين الذين يبتعثون للدراسة في السودان فينصدمون بالواقع والحياة الجديدة عيلهم،، وانا الكلام دة مابقولو من فراغ انا طالبة جامعية وبعرف بنات كتير من النوع الذي يتقبل المعاشرة واغلبهم شهادة عربية او كما يقال ,,, انا طبعا بشعر بحزن شديييييد جدا عليهم وعلى اهاليهم ,,,, والله المستعان ولي عودة

تقبلو تحياتي :
اختكم: اللمســـــــــــــــــــــــــــــــــــــــــــــ ـــــــــــــــــــــــــــــة الساحرة

العزيزة اللمسة الساحرة
كيف حالك أولا انا معاك في كل القلتيه لكن معليش يعني عندي تعقيب بسيط على كلامك
أول حاجة أبناء المغتربين لما يجوا زي ما قلتي بينصدموا بالحياة الجديدة بعضهم يجي ما فاهم أي شي بيقع في يد أولاد أو بنات السؤ ويلعبوا براسهم زي ما دايرين
أما البيكون بيجو سنويا وأسرهم تكون راخيا ليهم الحبل حبة فحدث ولا حرج ديل ياهم البينطبق عليهم كلامك انو بتكون عندهم الرغبة أصلا
بعدين حكاية الجامعة ما هي السبب الرئيسي
لأن لو انت قاعده في مدني حتكوني سمعت بالبلاوي البتحصل حتى مع بنات الثانوي
يعني حتى بنا اولى وتانية يعني لسه ما وصلو مرحلة الشهادة السودانية
الوخراب الرئيسي من الديجتال وهو السبب 1000000000%
والله المستعان
اللهم أصلح حال امتنا

فوق

يا خبر أسوووووووود ؟؟؟؟؟؟؟؟؟؟؟؟؟

http://www.alna5eel.com/up-pic/uploads/fe0928b56c.bmp

؟؟؟؟؟؟؟؟؟؟؟؟؟؟؟؟