الغربه والالم

[salwa]

الغربه ...الم فراق وبعد ومعاناة فرقة اهل واحباب ولمةوفراق ...هل يمكن ان نعيش اغلب اوقات عمرنا والتي هي في زهوها ونحن نعاني الغربه ؟؟ هل يمكن ان نحرم من اهلنا فتره من الزمان غير محدودة المدى؟ اشتاق لاهلي لبلدي ..لشاي بلدي مع لقيمات امي الصباحيه بطلتها البشوشه ويدها الكلها بركه ..للمة امي واخواني معاي في صينيةالفطور مع لقمة الفول الحار ومع مكاواة اخوانتي واخواني لبعضهم ...لطلة الجيران وهم داخلين ومن غير تقيد والسلام والسؤال عن الصحه والتي والله لا يمكن ان نجدها في اي مكان ..حنان اهل بلدي وطيبتهم ولو يوم غبت ما بنت ووين انت مالك ان شاء الله خير ..انت كويس ما عيان وسؤال يخليك تحس بكمية حنان ومودة لا توجد في اي مكان الحين.. في لمة فطور رمضان ولا في طلة العيد وفرحة اطفالنا وكل شويه داخل ولد اختي وطالعه بنت اخوي وهم شايلين العيديه والفرحه في وجوههم لا تعادلها فرحه ..هل يمكن يااخواني ان نعيش هذه الغربه ولاي مدى او زمان ..بل ولماذا من اجل المال والراحات والعيشه السعيده ..اها وبعدين بعد ما نلم القروش والزمن يعدي واحلى ايام عمرنا عدت في الغربه مع الوحده والهم والفراق ..نسال الله ان يقصر في ايام غربتنا ويرجعنا لاهلنا وعندنا شيء من البهجه والتي هي كسابقها[COLOR=Blue]

[مكتول مدنى]

اختى ام احمد ربنا يسمع دعاك ويرجعنا كلنا لكن علشان نحاول نرجع الفاتنا وما برجع كله ونحنا للاسف الاخترنا كدة ماظروف ولا حاجة
اللهم ياكريم يامجيب الدعاء اعدنا الى ديارنا عودة نهائية لا رجوع فيها

[ابراهيم]

لشاي بلدي مع لقيمات امي الصباحيه بطلتها البشوشه ويدها الكلها بركه ..للمة امي واخواني معاي في صينيةالفطور مع لقمة الفول الحار ومع مكاواة اخوانتي واخواني لبعضهم

اختنا سلوى
في البداية حننتيني
لكن بعد شوية بقت حالتي انا تحنن
في داعي؟
والله صحي غربة وألم

[lamis]

الغربه ...الم فراق وبعد ومعاناة فرقة اهل واحباب ولمةوفراق ...

آآآآآآآآه انا من الغربه

[نور العيون]

الله يديك العافيه العافيه و يجمعك باهلك

[ابو ايهاب]

حنيني اليك وليل الغربة أضناني
وطيف ذكراك بدمع القلب بكاني
وأقول يل ريت زماني الفات يعود تاني وتعود تاني
وألقاك ياحبيب عمري وتلقاني

قولوا آمييييييييييييييي

[نور العيون]

آآآآآآآآآآآآآآآآآآآآآآآآآآآآآآآآآآآآآآآآآآآآمييييي يييييييييييييييييييييييييييييييييييييييييييييييييي ييييييييييين♣

[ناصر الباشا]

الاخت العزيزة سلوى

حقيقة لا توجد عبارات تصف مرارة الغربة و الآم الحرمان و عباراتك

قد صحت مواجع شبه دخلنا معها في حالة ادمان حتى كادت احاسيسنا

ان تتجمد لك الروعة و انت تحيكي هنا معاناتك معاناتنا و الوجع واحد

انا و الحنين و الشوق و احلى الذكريات
برحل لحضنك في الخيال فارد شراع الامنيات
بهرب لنيلك و لنخيلك لما تهدأ الامسيات
و احضن ترابك يا وطن
انت في نور الماقي و للتلاقي ارق الجفاني السهاد
في الغناوي في الحكاوي في كلما نقش المداد
في الخواطر في المشاعر في اعمق اعماق الفؤاد
بلاقي حبك يا وطن
انت في وجداني ساكن ساري في دماي
انت حضنك امنياتي كل امالي و مناي
كلما منك اسافر ليك بتتوجه خطاي
انت اروع يا وطن
لما اغرق في الهموم و من عيوني تسيل دموع
و لما تهزمني المسافة و تتباعد اميال الرجوع
و لما يملا الكون ظلام و لما تنطفي الشموع
يضوي نورك يا وطن
لما تهزمني المسافة و تبقى شوفة النيل محال
و ملامح الخرطوم بتسأل فيني اكتر من سؤال
و لما شوق ام در ينادي بالفؤاد ارجع تعال
ليك راجعين يا وطن
حتى لو طال الزمن
ليك بنرجع يا وطن

[ريم عبد العزيز]

حقيقة الغربة نار

زى ماقالت الشاعرة حكمت

قويت قلبى وجيت ياغربة

طايع ليك وملبى وأنا الضايع

ووين دربى؟؟أحتملك كيف مع الدمعة ألابت ماتقيف

مازول فنان وقلبى رهيف وفرضت على فراق حبى

أكلم مين وأشكى لمين ؟؟ماكل غريب هنا زيى

بيعانى ويبكى ليهو سنين وكاتم ألمو ومخبى

ليك التحايا :o

[ليمياء]

اختي العزيزة سلوى
الكلام عن الغربة والامها كتير قدر دموعنا
وكل يوم بنحلم متين نرجع لوطنا
ولكن عزانا الوحيد بنلقاه في كلماتك وحنينك للوطن
وبشكرك

[سواااح]

الاخت سلوي ..

شايف الجماعة فرشوا صيوان والباقي ليهم البكاء ..

اولاً : ليس هناك من احد يريد الغربة عن وطنه باختياره وبارادته ..

ثانياً : ظروف الاغتراب تختلف من انسان لاخر ، بمعني ..

هناك اناس قد وجدوا وضع البلد هناك لا يحقق طموحهم ولا امنياتهم كزياده دخلهم وغيره ..

وهناك اناس اساساً اغتربوا حتي يبداون حياة جديدة ،

والامثلة لكل فئة متوفرة ،،

ثالثاً : المشكلة الكبري هجرة كوادر متميزة وموهوبة جدا لتستفيد منها دول اخري !!

رابعاً : لو كل انسان داخله اصرار علي العودة سيرجع لو اعطوه مال قارون فانه لن يبقي.

مشكوره سلوي ..

دمـــــــــــــــــــتي ،،

[salwa]

الغالييين غلو طلتهم الغاليه علي......مكتول مدني روعه في كلماتك ...ابراهيم قيمه ذاخره نفتخر بيك...لاميس مرهفه ورقيق احسا سك وتعبيرك...نور العيون منورانا دائما بطلتك الغاليه والقيمه....ابو ايهاب امين يارب يجمعنا باعز اعزائنا واهلنا وحبايبنا وتشوفهم يا رب قريب..اشكزكم كلكم على اشراقتكم الباهره عبر كلماتي والتي اتمنى من الله ان تكون دوما حائزه على رضائكم سعيده بيكم جدا

[salwa]

اشكرك كتير اخ ناصر وده يجي وين لابداعاتك اللي بنستمتع بيها ووينك وهذه الابداعات وانا اتمنى دايما اني انال رضاكم ..تسلم ناصر

[salwa]

ريم يكفي هذه الابيات والتي سطرتيها لتعبري معي عن ما نعاني والله يزيل هذه الالم برؤية اهلنا واحبابنا شكرا ريم على حروفك المضيئه

[salwa]

اشكرك ليمياء كتير ووالله انا الفخوره انك رديتي علي ونتمنى كلنا نكون كلاهل في هذا المنتدى لنخفف عن بعضنا ولو قليل من كثير المعاناه شكرل ليمياء

[salwa]

سواح انت من اوفى في كل شيء من كلماتك واين انا وهذه الحروف الني انارت قلبي اولا ثم موضوعي اشكرك يا غالي وما عدمناك ان شاءالله