دكان ود الصول

[نزار حسن محمد]

حبابكم ناس الدكان ، معليش شغلتنا المعايش شوية ، وياود حسن بى كلامك ده هسى ود الماحى بجيك طاير اصلو بريد التمر وعصير البلح.


ود الماذون.... بركه الجيت ..بركه الجيت ..اى سمح انت وبسكويت... شنوا يازول حمدالله على السلامه ... الظاهر ياأأأبوى انت وقعت براسك فى زيت السمسم بتاع صاحبنا... والله الدكان من غيرك مسيخ امانه فى زمتك تانى ماتغيب الغيبه دى.... وشايف السلامى اشترى بروش عشان رمضا ن على الابواب ..والظاهر اعمامك اليومين ديل بخمو فى الرماد ...

[Jamal Elmahi]

[QUOTE=أبوبكرحامد]حبابكم ناس الدكان ، معليش شغلتنا المعايش شوية ، وياود حسن بى كلامك ده هسى ود الماحى بجيك طاير اصلو بريد التمر وعصير البلح.[/QUOTE

سلام أأأناس
ها أأأناس دحين دا ود الماذون ولاّ بشبهو...النعمنو بخلق من الشبه أربعين وبعد ذيادة البحر والفيضانات بقوا خمستاشر....
ودالمأذون هسه أأألعشاي جايينا افراج مؤقت ولاّ قاعد معانا شويه...

مشاققه...
ود المأذون حمدلله علي سلامة المرا أأأبوي ...وماشاء الله بقيت تلمع زي الكنكيج أبودليكه ...كركار ساي ...بعافيتك أأأبوي أنا بقران ماني حاسد...

ضفاري بالبوز...
قالوا الجاتك في دكانك سامحتك ...لكن والله من ما هبشتنا في ود المأذون وخرتتو مننا دي لا سامحتنا ولا حاجه...

ود الماحي

[نزار حسن محمد]

ود الماذون.. كان طولت الغيبه ..تانى .. اسمك بتلقى معلق فى لوحة الاعلانات ..بتاعت المحكمه الشرعيه ..انا قلت اكلمك من بدرى يأاابوى وانت مخير. الجماعه عايزين حاجات رمضان ..وقالوا دفتر الجرورره انت شلته معاك .. الله يستر مايكون وصلوا زيت السمسم...

[السلامى]

ياكافى البلا وحايد المحن الدكان بقى مشلع مالو

[zoolfrda]

سلام عليكم يا خوانا

ورمضان كريم علينا وعليكم


آها

السنة دي صايمين

ولا زي السنة الفاتت ؟؟

[نزار حسن محمد]

عشان كده ..انا شايف الدكا ن كله ..دكوه وطماطم...

[أبوبكرحامد]

ود الماذون.. كان طولت الغيبه ..تانى .. اسمك بتلقى معلق فى لوحة الاعلانات ..بتاعت المحكمه الشرعيه ..انا قلت اكلمك من بدرى يأاابوى وانت مخير. الجماعه عايزين حاجات رمضان ..وقالوا دفتر الجرورره انت شلته معاك .. الله يستر مايكون وصلوا زيت السمسم...

ود حسن وبقية الحلوين : أفوت عينيكم أقبل وين؟؟ واسيبكم انتوا بس لى مين ؟؟ وحشتونى على راى المغنية ديك ، مالى نسيت اسمها ، الله اجازى الكبر ، أها أخباركم شنو ، رمضان كريم تصوموا وتفطروا على خير ، معليش شوية مشاغل بعدتنا عن المنتدى بس كنتوا دايماً فى بالى ، أها نشوفكم يوم السبت ان الله حيانا والموت خلانا ، ودعتكم لى اللا نام ولا أكل الطعام.

[السلامى]

انت اتعرفت الفيك الكلام الجماعة الباقيين وين لحدى ماتسيبو ناس نزار يعرضوا بسبب الغياب

[نزار حسن محمد]

حبابك .. ود الماذون ..وتصوم وتفطر على خير... اه ابقى داخل الجماعه مشتاقين ليك بالحيل ...ونحن فى انتظارك
اه ..حلو مر ....ولا ابرى ...

[hamad2]

سلام عليكم يا خوانا

ورمضان كريم علينا وعليكم

[غريب ديار]

سلامات يا ابوبكر

اول مرة اعرف انك من رواد مدني لكن البشوفك في قهوة رامز ولا مدينة عيسي وانت دايما ماخد سيك وراجع البيت زعلان يحن عليك.

المهم ودمدني دايما اصيلة وفيها كل الحبان

مع تحياتي

[امير عبدالباقي]

افوووو !!!!!!!!!!
الجماعه ديل مشو وين ود الصول مقفل الدكان مالو الظاهر ابراهيم وود الماذون وعزيز عيسي جرورتم كترت وماقادرين يسددو وودالصول بضاعته كملت ماقادر يجيب بديله ياناس ارجعو للدكان ودالصول قال بس الليشوفكم بس مابسالكم عن القروش . القروش تطير البتفرق الناس البرش مفروش يلا تعالو

[السلامى]

افوووو !!!!!!!!!!
الجماعه ديل مشو وين ود الصول مقفل الدكان مالو الظاهر ابراهيم وود الماذون وعزيز عيسي جرورتم كترت وماقادرين يسددو وودالصول بضاعته كملت ماقادر يجيب بديله ياناس ارجعو للدكان ودالصول قال بس الليشوفكم بس مابسالكم عن القروش . القروش تطير البتفرق الناس البرش مفروش يلا تعالو

وينك انت الطال غيابك تررن

[امير عبدالباقي]

الاخ الحبيب سلامي
لك الف تحيه موجود بس كنت في اجازه ورجعنالكم تاني وجع وش بس عيني بارده شايف نشاطك يديك العافيه

[HAMADTO]

السلام عليكم يا ناس الدكان
رمضان كريم
تصوموا وتفطروا على خير ان شاء الله
اها يا جماعة الفطور الليلة عند منو فيكم ؟

[Jamal Elmahi]

السلام عليكم يا ناس الدكان
رمضان كريم
تصوموا وتفطروا على خير ان شاء الله
اها يا جماعة الفطور الليلة عند منو فيكم ؟

حباب حمدتو...رمضان عندك ...وسط أهلك والحبايب....أها لقيت ليك عروس ولاّ لسه حانف وشك...البنات أأأبوي سمحن وكترن ...المعاينه الكتيره بتهرد الصيام دا كان ما كطعت قلبو...بعافيتك بس كتّر من اللهم أني صائم ......
فطورنا السنه دي في الدكان مجهجه ...حتي السباتات والبروش مقددات والتبروقه نصها أكلتو الغنمايه والبحر غرّق أندروبل ود الماذون ...وأنا ريحة الشمار والكسبره بهيجو لي الدبس وبقيت أمشي أرطّب في الكوفي شوب ولاّ مطعم نور العيون...وحكمتو بالغه مطعم نور العيون كان دخلتو ساي بتشبع قبال تاكل ...وهو نحن الماكلنها شنو وأندروبل ود المأزون غرقان...منتظرين البحر ينزل أن شاء الله نعملو كارو....

بجيكم صاد أأأجنيات....

ود الماحي

[نزار حسن محمد]

ود حمدتو .. رمضان كريم .. كل عام وانت بخير ..اه يااابوى رمضان فى اواخره ..اعمامك ديل الخبيز بعمل ليهم وجع بطن..شوف ليهم شوال شوالين بلح هم بستعده من اسع لعيد الضحيه يعنى اسع بشربه شربوات فى عيد الضحيه بتلقاهم كلهم فى الانضباط ببقى عصير بلح ساكت ..مو كدى..

[امير عبدالباقي]

والله ياجماعه شايف رمضان دساكم وين انتو جيت مرتين الدكان لقيتو خلا انشاءالله المانع خير ودالماذون ماعرفو زاغ وين الظاهر هو وودالصول شافو ليهم شوفه ؛ لكن ودالصول بسببو مع حفيتو مشغول والسمايه الماعزمنا فيها دي يلا ياشباب العيد علي الابواب عاوزين نشوفكم منتظرنكم هدي صنقيره

[السلامى]

والله ياجماعه شايف رمضان دساكم وين انتو جيت مرتين الدكان لقيتو خلا انشاءالله المانع خير ودالماذون ماعرفو زاغ وين الظاهر هو وودالصول شافو ليهم شوفه ؛ لكن ودالصول بسببو مع حفيتو مشغول والسمايه الماعزمنا فيها دي يلا ياشباب العيد علي الابواب عاوزين نشوفكم منتظرنكم هدي صنقيره
ودالماذون جانا فى مدنى بس الزول لسه جديد لنج داير ياخد ليهو نفس وازيدك شمار الجمعه فاطر معاه فى بيت ناس حمدتو

[HAMADTO]

اهلا وسهلا بناس الدكان
كل عام وانتم بخير - عيد سعيد وعمر مديد
الليلة الفطور مع ودالمأذون يا امير وامس شرفوني هو و السلامي

[بابكر]

الى كل رواد الدكان كل عام وانتم بخير والعيد الجاى يلقانا تامين ولامين يارب العالمين
ومن يوم العيد نعلن عن مفاجأءت كثيره فترقبوها!!!!!

[نزار حسن محمد]

والله يابابكر بارك الله فيك جبت لنا اخبار الجماعه ديل .. انا ذاتى ماشى تانى يوم فى العيد مدنى نمشى كان نحصل... انشاء الله فطور فول فى ابوظريفه

[السلامى]

والله يابابكر بارك الله فيك جبت لنا اخبار الجماعه ديل .. انا ذاتى ماشى تانى يوم فى العيد مدنى نمشى كان نحصل... انشاء الله فطور فول فى ابوظريفه
فاتتك قعده أحلى من فول أبوظريفه مع الاخوان فى منتزه دار القضاء لكن أنا معارف السر للان ليه المنتزه دى بالذات يكون فينا قضاء وعاملين غمد لبد وجاهم الحنين

[امير عبدالباقي]

والله ايامكم يحبائب وانتم في حدقات مدني
عوزين التقرير كامل وبالصور ياسلامي
حمتو شنو يعني مابترد علي الجوال
قريبي ودالماذون شنو المفاجات دي
بتين نزلت السودان سكيتي يعني

[بابكر]

[SIZE=5]๑۩۞۩๑ اضف الى معلوماتك ๑۩۞۩๑๑

--------------------------------------------------------------------------------

السلام عليكم ورحمة الله وبركاته



الطوارئ
رقم الطوارئ العالمي بالنسبة للجوال هو 112 فإذا مره من المرات وجدت نفسك خارج تغطية الشبكة وفي عندك أمر ضروري أو طارئ اتصل على الرقم 112 بعدها الجوال سوف يبحث عن أي شبكه موجودة لإتمام اتصالك على هذا الرقم

وللمعلوميه تستطيع الاتصال على هذا الرقم حتى ولو كانت لوحة مفاتيح الأرقام الخاصة بجوالك مقفلة جرب بنفسك

----------------------------------------------------------------------------------------------------------------------------------

الريموت كنترول لمفاتيح سيارتك

إذا يوم من الأيام نسيت مفاتيح سيارتك داخل السيارة وقفلت عليها وهذا إما يحصل بسبب النسيان المهم اتصل على أي أحد في البيت يكون عنده مفتاحك الأسبير إلي فيه ريموت كنترول برضه وقرب من باب سيارتك على بعد قدم وبعدين قول للشخص الآخر أن يضغط زر فتح الأبواب إلي موجود في الرموت كنترول إلي عنده ويخليه ضاغط عليه بالقرب من جواله يعني جوال الشخص الثاني وحتلاقي بقدرة قادر باب سيارتك انفتح

-------------------------------------------------------------------------------------------------------------------------------

شحن البطارية

إذا كانت بطارية جوالك ناقصة وتبغى تستخدم الجوال لفترة وما عندك شاحن ايش تسوي؟؟؟؟؟؟

أنا أقلك

شركة نوكيا خلتلك بطارية احتياط لتفعيلها أضغط على

*3370#

بعدها جوالك راح يعيد تشغيل نفسه وبقدرة قادر حاتلاقي بطاريتك أنشحنت

50%

وعلى فكره البطارية الأحتياط حاتشن نفسها مره ثانيه لما انت تبدأ تشحن جوالك لما ترجع البيت


واخيرا ده الرابط بتاع 00(((موقع ود الصول الشخصى ))))

http://wadalsol.tripod.com

[بابكر]

وصف تطور الجنين شهرا بعد شهر

--------------------------------------------------------------------------------


الشهر الأول :
• يكون الجنين كتلة لحمية لها رأس وجسم
• نمو الجنين يكون سريعا أكثر من أي فترة أخرى
• يبلغ حجمه في نهاية هذا الشهر 10 آلاف مره عنه عند الإخصاب
• يبلغ طوله حوالي 8 ملمتر
• يضخ الدم من خلال الأوردة والشرايين الصغيرة والضيقة
• بدايات تكوين الدماغ والكلى والكبد والقلب
• يبدأ الحبل السري المتصل بالأم بالعمل ويكون واضحا بالفحص المجهري
• يمكن رؤية بعض الإنتفاخات في الرأس والتي تشكل العينين والأذنين والفم والأنف فيما بعد

الشهر الثاني :
• يبلغ طول الجنين 3 سنتيمتر تقريبا ووزنه 1 جرام
• يُشكل حجم الرأس 2/1 من طول الجسم
• تتطور أعضاء الوجه مع تكوين براعم اللسان والأسنان
• تتكون الأيادي والأصابع كما تتكون الركبة ورسغ القدم وأصابعه
• تطور نمو الأعضاء الجنسية ولكن لا يمكن التمييز بين الذكر والأنثى
• تبدأ المعدة بإفراز عصارة الهضم
• تبدأ الكلى بإزالة حامض البوليك من الجسم

الشهر الثالث :
• يبلغ وزن الجنين 30 جرام ويصل طوله إلى 8 سنتيمتر تقريبا
• تتكون الأظافر في كل من اليدين والقدمين
• تتكون الجفون فوق العينين ( ولكن تبقى العيون مغلقه)
• يشكل الرأس حوالي 3/1 من طول الجنين وتكون مقدمة الرأس عالية
• يسهل تحديد جنس الجنين
• يستطيع الجنين التنفس وتبدأ الكليتان بإفراز القليل من البول
• تبدأ عظام القفص الصدري والعمود الفقري بالتكون لتحل محل الغضاريف
• يحرك الجنين رجليه ويديه ورأسه ولكن حركاته تكون ضعيفة ويمكن تمييزها باستخدام الموجات فوق الصوتية
• يستطيع الجنين فتح وإغلاق فمه وتكون يده مضمومة كالقبضة
• تظهر الطبقة الدهنية التي تغطي بشرة الجنين

الشهر الرابع :
• ينمو جسم الجنين باتجاه الرأس بحيث يشكل الرأس 4/1 من طول الجنين
• يبلغ طول الجنين 18 سنتيمتر ووزنه 120 جرام
• تتكون جميع الأعضاء ويقترب شكل الجنين من الشكل الإنساني
• تشعر الأم بوضوح بحركات الجنين السريعة
• ينمو الحبل السري مع نمو الجنين

الشهر الخامس :
• يبلغ وزن الجنين 240 جرام وطوله 25 سنتيمتر
• ينمو الرحم والمهبل (عند الإناث) والقلب والكبد
• تزداد حركة الجنين مع الأصوات الخارجية العالية تأكيد على إحساسه بالبيئة الخارجية عن طريق أمه
• تتضح دقات قلب الجنين ويمكن تمييزها بالأذن
• تبدأ الغدد الدهنية والعَرقيه بالعمل
• يبدأ الشعر الخفيف في الظهور على الحاجب والجفون والرأس
• يكون الجهاز التنفسي غير مكتمل ما يتعذر معه الحياة خارج الرحم

الشهر السادس :
• يبدأ معدل نمو الجنين بالتباطؤ قليلا
• يبلغ طوله 30 سنتيمتر ووزنه 650 جرام
• تتحدد ملامح الوجه بشكل أوضح فيبرز الأنف والحواجب وتتحرك الرقبة بسهولة أكبر
• تظهر الطبقة الدهنية التي تغطي بشرة الجنين
• العيون تفتح وتغلق وتتحرك في جميع الاتجاهات
• تكون احتمالات البقاء إذا تمت الولادة في هذا الشهر ضئيلة لأن جهازه التنفسي غير مكتمل النمو ورغم ذلك فإن بعض الآراء ترى إمكانية أن يعيش الجنين إذا وضع تحت إشراف طبي

الشهر السابع :
• يبلغ طول الجنين 40 سنتيمتر ووزنه 1200 جرام
• ينمو نموا كاملا ونموذجيا في حركاته الانعكاسية
• يبكي ويتنفس ويبلع وقد يمص إبهامه
• يبدأ الشعر الوبري في الاختفاء في هذه الفترة وفي حالات يبقى إلى مابعد الولاده
• يصبح الطفل قادرا على الحياة خارج الرحم في نهاية هذا الشهر
• يمتلئ الجسم بزيادة الطبقة الدهنية تحت الجلد

الشهر الثامن :
• يبلغ طول الجنين 45 سنتيمتر ووزنه حوالي 1800 جرام
• تتقلص حركة الجنين لأنه يكبر إلى حد تصبح معه الحركة صعبة
• تتكون طبقات الشحم أو الدهون لتغطي جسم الجنين وذلك لتهيئته للتكيف مع درجات الحرارة خارج الرحم
• تصل الأظافر إلى أطراف الأصابع
• يمكن للطفل أن يعيش إذا تمت الولادة وممن الأفضل وضعه تحت إشراف طبي

الشهر التاسع :
• يتوقف الطفل عن النمو قبل أسبوع من الولادة تقريبا
• يصل وزنه مابين 2000-3500 جرام وطوله 50 سنتيمتر
• يكون الأولاد عادةً أطول وأثقل قليلا من البنات
• تستمر الشحوم في التكوين
• تعمل أعضاء الجسم بكفاءة اكبر , وتقوى ضربات القلب وتزيد
• يكتمل نمر الرئتين وتنزل الخصيتان في الذكر إلى كيس الصفن خارج الجسم
• يولد الجنين بعد انقضاء 280 يوما تقريبا

(( من كتاب النمو الإنساني)) للدكتور محمود عطا حسين عقل - الطبعة الخامسة -

قال تعالى " ولقد خلقنا الإنسان من سلالة من طين (12) ثم جعلناه نطفة في قرار مكين (13) ثم خلقنا النطفة علقة فخلقنا العلقة مضغة فخلقنا المضغة عظاما فكسونا العظام لحما ثم أنشأناه خلقا آخر فتبارك الله أحسن الخالقين " ................ سورة المؤمنون

[طارق الطارق]

على سيرة زراع يحكى إنو زراع اختلف مع واحد من بياعين الشاى فى السوق الكبير وكان معروف عن بياعين الشاى التأشير فى جدران البرندات لزوم حساب مديونية كل دكان ، ويحكى أن زراع غضب من أحدهم وهدد بطلاء جدران السوق بالجير وكده يروح الحساب على أخونا بتاع الشاى.


النكتة التانية لزراع مع سواق كارو من النوع الذى تجره الحمير وقد صاح صاحب الكارو فى زراع مستنكراً عليه عدم إفساح الطريق للكارو وهنا رد زراع غاضباً:
إنت ياخوى قايل نفسك سايق عربية
إنت بنزينك قش ... وفراملك .
نقلا من بابكرحامد ود المازون
الا رحم الله زراع رحمة واسعة واسكنة فسيح جناته وغفر لة ذنبة فقد كان الفقيد علم من اعلام مدينة ودمدني وهو صاحب السان الحلو الساخر فقد اشتهر واشتهرة معة نكتة وطرائفه ونوادره كان زراع زارع البهجة البهجة في انحاء مدينة ودمدني في اسواقها وحواريها وانديتها

[mnoma]

ياااااا نــــــــاس الدكان هوووووي
ســـــــــــلام

جاياكم على خفييف كده جيه سريعة
لانو مستعجلة وعاوزة ليا حتت ويكابة لو بلقى عندكم ؟

روحي عاوزة تطلع بي دربو ... اهااا ما بلقاهو عندكم ؟

[المكاشفى]

ياحلوين جيت مارى وعجبتنى الونسه
وخايف اتكلم عن موضوع تحرمنى منو
تطلعونى دفعه.......
ياقمر ودى حاجاتك دى ناس البيت راجنها.
:) :cool: :)

[بابكر]

يالمكاشفى انت ما درست معاى فى الوسطى ؟؟؟؟

[أبوبكرحامد]

ناس الدكان ..... من مدنى ومن مكتب أخونا خالد " صول السودان " نحييكم وكلو سنة وانتوا طيبين وتامين وسالمين ، قلنا نسلم عليكم سريع وبرجع ليكم بى الروقة ونحكى عن مدنى والإنجازات التى تم تحقيقها للموقع والمنتدى

[السلامى]

ناس الدكان ..... من مدنى ومن مكتب أخونا خالد " صول السودان " نحييكم وكلو سنة وانتوا طيبين وتامين وسالمين ، قلنا نسلم عليكم سريع وبرجع ليكم بى الروقة ونحكى عن مدنى والإنجازات التى تم تحقيقها للموقع والمنتدى

للمرة الثانية أغيب عن اللمة الظريفه فى مكتب صول سودان يا جماعة المرة الجايه الا تبخرونى عشان النحس الملازمنى دى

[نزار حسن محمد]

ياحليك ..طيب الذكر دكان ود الصول ..ياخوانا من نسى قديمو تاه...والعشره ما بتهون على الناس البعزوها

[السلامى]

ياحليك ..طيب الذكر دكان ود الصول ..ياخوانا من نسى قديمو تاه...والعشره ما بتهون على الناس البعزوها

الغايب عزروا معاهو واسع انا مشترى لى ضمنه جديده وبرش بس الم فى الجماعة ديل وين

[نزار حسن محمد]

السلام عليكم ياناس ياهووووووووووووالشتاء جاكم و البرد دخل العضم والجماعه دخله الغابه... التمر بقى معدوم ..وحتى الفتريته.. بقت مافى فى الدكان الحقوه عمكم ود الماحى قابلته فى الحله التحت خطوه للامام.. خطوتين للخلف.. ويدوبى باعلى صوته بس مابتفهم منه اى شى.. عنده ابو الشهيك مافهمت منه غير كلمة ارقد ياعيش...ياربى اكون عنده ملاريا!!!

[عوض صقير]

السلام عليكم ياناس الدكان

لعلكم طيبين
جيت بى جاى قلت أسأل عن ود المأذون لى زمن ماشايفو

آخر عهدى بيهو فى مدنى فى جامعة الجزيرة فى مكتب ودالصول

كانت قعدة حلوة بالحيل فيها

نبيل حمدتو
ودالمأذون
حسن على
ودالصول

وكان أخونا ود الصول قمة فى الكرم والضيافة

وأيضا قابلت الأخ نزار حسن بمدنى بعد غيبة طويلة

ومن خلال هذا المنتدى تعرفت على أشخاص تشرفت بمعرفتهم شديد

[المكاشفى]

ياعم بابكر معليش دى الوالد
لأنو انا ما حضرت الوسطى
يااخوانا مانجى الدكان ده وله شنو

[امير عبدالباقي]

والله ياجماعه الدكان لابسر عدو ولاصديق مقفل اربعه وعشرين ساعه ماعارفين السبب شنو عم بابكر ودالصول قالو قفل الدكان الديانه بتاعين البضاعه ساكنو وماعندو قروش عشان يسدد ونص البضاعه مدينه منو وودالمازون وودالماحي وحاجه مهيره ولبتو منو ماسددو وبفتش فيهم ومالاقيهم ياجماعه اظهرو ونرجع اللمه من تاني ونولع النار ونعمل الجبنه ونقعد في البروش والعنقريب الهبابي والقروش بنسدده بس اظهرو ليكم وحشه والله

[DANY]

والله ياجماعه الدكان لابسر عدو ولاصديق مقفل اربعه وعشرين ساعه ماعارفين السبب شنو عم بابكر ودالصول قالو قفل الدكان الديانه بتاعين البضاعه ساكنو وماعندو قروش عشان يسدد ونص البضاعه مدينه منو وودالمازون وودالماحي وحاجه مهيره ولبتو منو ماسددو وبفتش فيهم ومالاقيهم ياجماعه اظهرو ونرجع اللمه من تاني ونولع النار ونعمل الجبنه ونقعد في البروش والعنقريب الهبابي والقروش بنسدده بس اظهرو ليكم وحشه والله

[عبدالرحيم]

أنا من سكان ضواحي مدني يعني من الضهاري زمان ولي عشرة سنة ماشفت مدني لأنني مقيم بالسعودية ومدة طالت ماشفت السودان وخاصة محبوبتي ودمدني صدقوني اصبحت لاأذكر أي ملامح لمدني الأ القليل وأطلب من أخوتي ساكني ودمدني وصف معالم واضحة مثلا الشوارع الرئسية والمرافق المهمة مابعد عام 1997م ولكم مني جزيل الشكر والتقدير

[السلامى]

أخوى عبد الرحيم كل عام وانتم بخير أنتظرنا ندوس أبو قرون وبعد العيد مع الشبعة ديك نحكى ليك أصلوا جماعة الدكان ديل الايام دى مبارين من زريبة لزريبة بفتشوا فى الخروف الدعول

[امينو]

يا ناس الدكان هووووووي سلام كيفنكم لعلكم طيبين والله طولتا منكم طول شديد لكن مالكم صانين كدا وجبنتكم باردة وقدرتكم فاضية الجماعة اظنهم لسة ما رجعوا من الحلة معيدين هناك .
غايتو انا بولع النار وبنجض الفول وبطلع العناقريب بانتظار رجعة اعمامنا ...

[امير عبدالباقي]

عووووووووووووك ياجماعه والله الدكان ده الا نشوف ليه بيعه وين عم بابكر وودالمازون ندق الجرس ونعرضو للدلاله ولاشنو والله مشتاقين للمه والونسه وينكم ياشباب

[المكاشفى]

Color="read"]ياحليل الدكان الناس دى راحت وين
باقى لى الجماعه إدينو الدكان وبقو مارقين الله يكون فى
عونك ياودالصول والجماعه طلعوا صحبه قر قررر ساى[/color]

[طلال الصول]

السلام عليكم اهل الدكان الطيبن بصراحة انا معجب كبير جدا بموقعكم من زمان بس ما اتيحت لي الفرصة انو اشاركم من وقتا الله يديكم العافية علي الكلام الجميل والمواضيع الحلوة والخفيفة وخفة الروح ولكم التحية جميعا أخوكم وابنكم طلال

[طلال الصول]

السلام عليكم اهلنا في الدكان وينكم مسجلين اختفاء وماباينين ليكم زمان وحشنا كلامكم الجميل والله افتقدناكم بجد :(

[طلال الصول]

الدكان لو عرضتو في الدلالة قولو لينا نحنا اولي

[ابراهيم]

السلام عليكم اهل الدكان الطيبن بصراحة انا معجب كبير جدا بموقعكم من زمان بس ما اتيحت لي الفرصة انو اشاركم من وقتا الله يديكم العافية علي الكلام الجميل والمواضيع الحلوة والخفيفة وخفة الروح ولكم التحية جميعا أخوكم وابنكم طلال



مرحبتين حبابك عشرة طلال
ومنور الدكان بعد أن أكل عليه الدهر وشرب
ابقى قريب وانشاءالله سيعود الدكان عما قريب

[سمل الحلفاوى]

حلاق القرية للمازني :

وقعت لي هذه الحادثة في الريف منذ سنوات عديدة, قبل أن تتغلغل المدينة إلى أنأى قراه, وكنت أنا الجاني على نفسسي فيها فقد عرض علي مضيفي أن أستعمل موساه فأبيت, وقلت مادام للقرية حلاق فعلي به, فحذرني مضيفي وأنذرني ووعظني ولكني ركبت رأسي وأصررت أن يجيء الحلاق. فجاء بعد ساعات يحمل ما ظننه في أول الأمر (مخلاة شعير) وسلم وقعد وشرع يحييني ويحادثني حتى شككت في أمره وأعتقدت أن الحلاق شخص آخر وأن هذا الجالس أمامي ليس سوى (طلائعه) ولما عيل صبري سألته عن حلاق القرية فابتسم ومشط لحيته بكفه وأنبأني أن الحلاق (محسوبي) يعني نفسه, فلعنته في سري وسألته متى ينوي أن يحلق لي لحيتي؟ أم لابد أن يضرب بالرمل والحصى أولاً ويحسب الطالع قبل أن يباشر العمل؟ فلم يفهم وأولاني صدغاً كث الشعر وقال: ((هيا)) فظننه أصم وصحت به (أ..ر..يد أن...أ..ح.ل ق) فسره صياحي جداً وضحك كثيراً وأقبل على (مخلاته) فلأخرج منها مقصاً كبيراً جداً فدنوت من أذنه وسألته هل في القرية فيل؟
فقال: فيل؟ لماذ؟
فأشرت إلى المقص وقال: ((هذا مقص حمير ولا مؤاخذة))
فقلت ((ولماذا تجيئني بمقص الحمير؟ أحمارً تراني؟
ويظهر أن معاشرة الحمير بلدت أحساسه فإنه لم يعتذر لي ولا عبأ بسؤالي شيئاً, ثم أخرج موسى من طراز المقص (ومكنة) من هذا القبيل أيضاً فعجبت له لماذا يجيء إلى بكل أدوات الحمير؟ وسألته ذلك فقال: إن الله مع الصابرين. وبعد أن أفرغ مخلاته كلها انتقى أصغر الأدوات, وأصغرها أكبر ما رأيت في حياتي. ثم أقبل علي وقال: ((تفضل))
قلت: ((ماذا تعني؟)) قال: ((أجلس على الأرض)) قلت: ((ولماذا بالله؟)) قال: ألا تريد أن تحلق؟ قلت ألا يمكن أن أحلق وأنا قاعد على الكرسي؟ قال وأنا؟ قلت في سري: وأنت تذهب إلى جهنم ونعم المصير, وهبطت إلى الأرض كما أمر, ففتح موسى كالمبرد, قلت إن وجهي ليس حديداً يا هذا, قال لا تخف إن شاء الله ولكني خفت بإذن الله ولا سيما حين شرع يقول ((بسم الله, الله أكبر)) كأنما كنت خروفاً, ويبصق في كفه ويشحذ الموسى على بطن راحته, ثم جذب رأسي, فذعرت وتفرت ووليت هارباً إلى أقصى الغرفة, فقال: ماذا؟ قلت: ماذا؟)) أتريد أن تحلق لي بمبرد, ومن غير صابون؟))
قال: (مايخفيك؟))
قلت: ((يخيفني؟ لقد دعوتك لتحلق لي لحيتي لا لتبرد لي شعرها.))
قال: ((يا أفندي لا تخف))
ثم قرأ من الكتاب الكريم ((فلما ذهب عن إبراهيم الروع وجاءته البشرى)) إلى آخر الآية الشريفة, وأظنه أراد أن يرقيني بها فيالها من حلاقة لا تكون إلا برقية!
وأسلمت أمري لله وعدت فقعدت أمامه فنهض على ركبتيه وتناول رأسي بين كفيه وأمال صدغي إليه ثم وضع ركبته على فخذي ولف ذراعه حول عنقي, فصار فمي مدفوناً في صدره فصحت أو على الأصح جاهدت أريد الصياح لعل أحداً يسمعني فينجدني غير أن طيات ثوبه كانت في فمي, أما رائحة الثوب فبحسب القارىء أن يعلم أنها أفقدتني الوعي.
ولا أطيل على القارىء. فقد أهوى الرجل بموساه على وجهي فسلخ قطعة من جلدي فردني الألم إلى الحياه وأتاني القوة الكافية للصراخ على الرغم من الكمامة ووثبت أريد الباب ولكنه كان على كبر سنه أسرع مني, وما يدريني لعله كان يتوقع ذلك وعسى ان يكون المران قد علمه أن يكون يقظاً لأمثال هذه المحاورات فردني بقوة ساعده. فتشهدت وتذكرت قول المتنبي:
وإذا لم يكن من المـوت بد
فمن العجز أن تموت جباناً
كلا سأسدل الستار على هذا المنظر الذي يقشعر منه جلدي على الرغم من كر السنين الطويلة. ثم جاء هذا السفاح بطشت يغرق فيه كبش ووضعه تحت ذقني وصب ماءه على وجهي وفي صدري وعلى ظهري, ليغسل الدم الزكي الذى أراقه وأخرج من مخلاته (منشفة) هي بممسحة الأرض أشبه فأعتذرت وأخرجت منديلي وسبقته به إلى وجهي. فهي معركة لا تزال بجلدي منها ندوب

[طلال الصول]

حكايتك تجيب الكوابيس زي افلام الرعب عموما المفروض من بعد داك تكون ربيت دقنك على طول

[السلامى]

أخخخخخخخخ
أخخخخخخخخخخخخ
أخخخخخخخخخخخخخخخخخخخخ
أخخخخخخخخخخخخخخخخخخخخخخخخخخخ
أخخخخخخخخخخخخخخخخخخخخخخخخخخخخخخخخخخ
نوم العافيه

[بابكر]

اها بسم الله جيناكم بعد غيبه طويله !! بس ماداير واحد يقول كنت وين ؟؟ العاوز يعرف انا كنت وين يسأل ((سواح ))
المهم والله مشتلقين وكمان لقينا ناس ظراف جديدين لهم التحيه
وها فتحنا الدكان والبضاعه جديده لنج وفيها كمان تمباك ود الماحى المظبط

[السلامى]

اها بسم الله جيناكم بعد غيبه طويله !! بس ماداير واحد يقول كنت وين ؟؟ العاوز يعرف انا كنت وين يسأل ((سواح ))
المهم والله مشتلقين وكمان لقينا ناس ظراف جديدين لهم التحيه
وها فتحنا الدكان والبضاعه جديده لنج وفيها كمان تمباك ود الماحى المظبط
تانى فتحتوه كنتين ما مشكله بس كتر الدوم والقنقليس

[نزار حسن محمد]

الحاضر احدث الغائب ...توجد استمارات محدوده للفروع الجديده لدكان ود الصول من لديه الرغبه عليه الاتصال بالاخوان ود الصول والسلامى

[معتز حمدتو]

العود احمد ياأهل العوض
عايزين لينا عنقريب هبابي وجبنه ودردشه جميله معاك ياود الصول خاصة بعد الاجازه

[نزار حسن محمد]

ياخوانا كلفنا اخوانا القطر اطلع بالمايكرفون على جميع انحاء المدينه ليعمم الاعلان بتاع الفروع الجديده اسرعووو واسارعووو... وعوووووك يااهل العوض عندنا عناقريب موديل 2008

[ابوالنور]

انت دحين العنقريب ده الوسرو منو يا نزار لانو انا شايف الوسار ده قبل كده

[أبوبكرحامد]

سلام جاكم آناس ، أها أمس إتصلتا على خالد هاشم وبيسلم عليكم كتير ، وياولاد الصول دكانكم ده أمانة فى ذمتكم ماتخلوا رفوفو فاضية ، وياخالد الصول لو ماداومت بحرش بت خالتى تبدل هديماتك بى كبابى وفناجين نرصها فى الرفوف البقت مافيها حتى " أم سيسى " ، الخوف إنط لى واحد إقول لى " خالتو ام سيسى دى مابعرفا ... ياى ".

[خالد أحمد الصول]

سعيد جدا بمداخلتك أخي أبو بكر و أشم فيها رائحة الاستقرار و الذي أتمني أن تكون قد نلته ... و أن تلم أم العيال قدامك .... آآآآآمين
سبحان الله أسع بقت العدة ببدلوها بالهدوم ... عارف ليه و الله السودانيين ديل بالغو عديل ... و الله الملابس هنا بقت رخيصة رخصة مبالغة عديييييل القميص البقول انا أنا بي سته الف .. و التوب الكانو المغتربين بشحتفو بيهو روح البنات بقي بي 8 الف و الشبط الجزمة الشبشب بي 10 الف

[السلامى]

ود الصول ..... انت قلت فى سوق الاخوان ولا أنا سمعت غلط

[أبوبكرحامد]

سعيد جدا بمداخلتك أخي أبو بكر و أشم فيها رائحة الاستقرار و الذي أتمني أن تكون قد نلته ... و أن تلم أم العيال قدامك .... آآآآآمين

والله ياخالد الخليج لالون له ولاطعم ولارائحة مثل الماء على أيامنا الدراسية " الغريب فى الأمر أننا إبان فترة الدراسة الجامعية بمصر كنا نسافر بالقطار لوادى حلفا ومن ثم نستغل الباخرة لميناء السد العالى ، وفى وادى حلفا إنهزمت مسلمة أن الماء لالون له ولاطعم ولارائحة ، فاللون اغبش والطعم يجعل اللسان يتكرمش ، أمَّا الرائحة فسأحدثك عنها بعد تناول وجبة الغداء وعودتى للدوام الثانى " الدوام لله " .

[أبوبكرحامد]

الزول الكلس السلامى .... رغم بعدى برسل سلامى وأشواقى لك ولكل الأهل بمدنى الحبيبة .

[خالد أحمد الصول]

سلامي
إنت يا زول وين ... جوالك ده جيبو لينا في كاية الطب أمكن كلوتو بايظة و لا مصرانو الكبير معووج ... بعدين إتصل علي الثابت ... هو وينو رقم الثابت ... نبيل كان أمس مقيل معانا في المكتب و الحمد لله حل لي نهله موضوع المنتدي ..
أخي أبو بكر
والله دائما تهرب الكلمات مني مجرد أن تعرف أنني موجهها إليك ايها الغالي العزيز ... و نحمد الله علي رجعتك و التي أتقوي بها ... و البركة فيكم في د. كمال محمد أحمد الطيب و ربنا يسكنه فسيح جناته فقد كان نعم الاخ و الصديق

[أبوبكرحامد]

أخي أبو بكر
والله دائما تهرب الكلمات مني مجرد أن تعرف أنني موجهها إليك ايها الغالي العزيز ... و نحمد الله علي رجعتك و التي أتقوي بها ... و البركة فيكم في د. كمال محمد أحمد الطيب و ربنا يسكنه فسيح جناته فقد كان نعم الاخ و الصديق
رحم الله الدكتور كمال محمد أحمد الطيب ، وهكذا حال الرائعين تتخطفهم يد المنون ، ولايمكثوا طويلاً .
دمت أخى خالد أيها الرجل الراقى ، فياسعدانا بك نسيباً حسيباً وتحاياى بلا حدود لزملائك بالعمل .

[السلامى]

الزول الكلس السلامى .... رغم بعدى برسل سلامى وأشواقى لك ولكل الأهل بمدنى الحبيبة .
سعيد برؤية كتاباتك يااخى والدكان من غيرك بقى ذى قدرة ناس كشك بعد الساعة اتناشر لاحس ولا خبر وكمان صاحبك نزار عمل ليه دكاكين اسكت ساى فى ناس عملت منها عربات .... اظهر عشان داير اقدم استغالتى منهم بس الدنيا بقت مصالح ساكت شوف لى انشاء الله عجله بقوم طوالى بزوق منهم

[السلامى]

سلامي
إنت يا زول وين ... جوالك ده جيبو لينا في كاية الطب أمكن كلوتو بايظة و لا مصرانو الكبير معووج ... بعدين إتصل علي الثابت ... هو وينو رقم الثابت ... نبيل كان أمس مقيل معانا في المكتب و الحمد لله حل لي نهله موضوع المنتدي

موجود ياحنينين طيب ماتشوفو حكاية تلفونى ده

[خالد أحمد الصول]

إنت عارف يا ابو بكر نزار فتح فرع جديد لي دكان و د الصول ومأجرو بالباطن و الايام دي تحت تحت سمعنا إنو قاعد يبني في المنيرة جنب ناس أبوهو و القطعة براها إشتراها بي 66 مليون و إنتهي من العواميد و شغالين ليهو في الطابق التاني و لمان السلامي كشف الحاجات دي قام إشتري ليهو عجلة دبل و من يومها السلامي ما إتأخر علي قدرة الفول بتاعة كشك لانو نزار فتح ليهو حياب فول و زيت و جبنة و عيش بلدي من الفرن ... عشان كدة عايزين لجنة تحقيق و لجنة تقصي الحقائق و لجنة جرد

[نزار حسن محمد]

إنت عارف يا ابو بكر نزار فتح فرع جديد لي دكان و د الصول ومأجرو بالباطن و الايام دي تحت تحت سمعنا إنو قاعد يبني في المنيرة جنب ناس أبوهو و القطعة براها إشتراها بي 66 مليون و إنتهي من العواميد و شغالين ليهو في الطابق التاني و لمان السلامي كشف الحاجات دي قام إشتري ليهو عجلة دبل و من يومها السلامي ما إتأخر علي قدرة الفول بتاعة كشك لانو نزار فتح ليهو حياب فول و زيت و جبنة و عيش بلدي من الفرن ... عشان كدة عايزين لجنة تحقيق و لجنة تقصي الحقائق و لجنة جرد

عووووووك هيا ناس هوووووى جيبوا الخرفان من الزريبه الليله ما يومم تب الحبيب ود الماذون جانى نحمدالله وياناس والله العين مابتعلا على الحاجب ...ياود الصول وين ناس الكيته ويالسلامى الفطور ملحوق تعال بسراع ..المولد ماخلاص بداء ... وشوف عينى ود الماحى واقف فوق المشرع بفتش ليه فى بوكسى عشان الحق المراره والذى منووووو
وانت ياود الصول خلى الفضائح كدى دس الاكسنت دى بى وراء ماتجيب لينا الكلام لاحول ولاقوة الا بالله ودالماذون ازيك يابووووى والله بلاك خربانه كدى فرش لينا البروش خلينا نسمع كلام الحبيب ... ود الصول كلامنا بعدين اصبر لى
ويالسلامى ماتخاف تعال طلع النصيحه هنا والعجله خالص ح نبدلها بى ركشه ومبايلك على نوكيا اخر موديل بس خليك معاى ..سمح يالحبيب .. هووووى يانسون زغروووده ود الماذون جاناااااا

[أبوبكرحامد]

ود حسن .. يا البيكا إزدهر الزمن ،
الشى ياخوى يوم اتلاقينا فى السودان قلتلى السجاير البينسون فى العربية ، أها ياخوى عربيتك دى شمبرا خفّا بقت تدخن سجاير وبينسون كمان - دقر ياعين ، تصدق انا لى شهر ونص بطلت التدخين وهاك ياصعوط ، شكلى إستحليت القصة لأنى يوم مشيت مع المرا السوق لشراء بعض الحاجيات ووقفتا ليك قدام عبد الحق ونهزتا لى ربع رطل اتقل من المخدة وقامت الولية تعاين لى بالرقراق ، أخوك قال إلطف الموقف مديت ليها كيس الخضار قلتا ليها أمسكى النصلح توبى ، وقبل ماتفوق من الدهشة مليت خشمى صعوط ، أها خليتا شالت كيس الخضار وانا شلتا كيس الصعوط " إقتسام السَلَطة - طماطم وجرجير- والثروة بى لغة نيفاشا".
بجيك صادى الكلام كتير وأنا مكنتى جاز وكت إفتح مابرخى بى هين - أقعدوا عافية.

[نزار حسن محمد]

ود حسن .. يا البيكا إزدهر الزمن ،
الشى ياخوى يوم اتلاقينا فى السودان قلتلى السجاير البينسون فى العربية ، أها ياخوى عربيتك دى شمبرا خفّا بقت تدخن سجاير وبينسون كمان - دقر ياعين ، تصدق انا لى شهر ونص بطلت التدخين وهاك ياصعوط ، شكلى إستحليت القصة لأنى يوم مشيت مع المرا السوق لشراء بعض الحاجيات ووقفتا ليك قدام عبد الحق ونهزتا لى ربع رطل اتقل من المخدة وقامت الولية تعاين لى بالرقراق ، أخوك قال إلطف الموقف مديت ليها كيس الخضار قلتا ليها أمسكى النصلح توبى ، وقبل ماتفوق من الدهشة مليت خشمى صعوط ، أها خليتا شالت كيس الخضار وانا شلتا كيس الصعوط " إقتسام السَلَطة - طماطم وجرجير- والثروة بى لغة نيفاشا".
بجيك صادى الكلام كتير وأنا مكنتى جاز وكت إفتح مابرخى بى هين - أقعدوا عافية.

ياخوانا كدى عليكم الله تعالووو.. بجاى وشوف الونسه دى حلوه كيف ..:D .ماسيدا جاء..اجازى محنك انت ياودالماذون:confused: قلت لى..اقتسام السلطه.. تعرف المره قاعده.. وراى وتشابى للبوست:eek: وقالت لى خالص ماجاء صاحبك انت تانى بتعين لينا ولا بتسمعنا...عليك الله ياوالماذون شوف النسوان ديل ...اتخيل اسع انا بى شنبى ده دايره ترسلنى اصلح ليها جك الخلاط وكان ماصلحته اشترى ليها جديد شوف الحكوم ده كفينه ..ما حكوم قرقوش..وده كلوااا من تحريش ..ودالماحى ..الراجل ده خلى اشترى لك الدهب ..الرجل ده خلى اشترى التياب الما خمج ..وهى تشيل وتحفظ ..وانا ماعارف ابكى ولا اقوم جارى .... قلت لى خليت السجائر ..والله دى بشارة خير وعقبال لى اخوك انا كل ماقول اخلى اذكر سجارة الفطور بتاعت رمضان..اقوم اولع سجارتين...
الحبيب ..والله الكلام مابخلص وعندى لك كترة شمار ..بس اصبرعلى بلف وبجيك ،،،
هووووى يابنت سخنووو الدلوكه النمشى نجيب سوط العنج انا شايف ود الماحى جاى من هناك.:p ..

[أبوبكرحامد]

تعرف المره قاعده.. وراى وتشابى للبوست:eek: وقالت لى خالص ماجاء صاحبك انت تانى بتعين لينا ولا بتسمعنا...عليك الله ياوالماذون شوف النسوان ديل ...اتخيل اسع انا بى شنبى ده دايره ترسلنى اصلح ليها جك الخلاط وكان ماصلحته اشترى ليها جديد شوف الحكوم ده كفينه ..ما حكوم قرقوش.:p ..
نزار ياخوى ماتحمد ربك برسلوك تصلح حاجة أو تجيب البديل ، المشكلة لو رسلوك لى حاجة لابتنصلح لاعندها بديل " ماداير تعليق تقوموا ترفدونا بعد العمر ده :) ".
أها يالدخرى ماتخم أم العيال وتعالوا البحرين ، منها ترفيه ومنها رشوة للمدام عشان ماتزرزرك تانى ، تعرف يانزار الفضل فى إقلاعى عن التدخين يرجع للباشمهندس الشيخ/ حسين عوض الله ، فقد اتى للبحرين لإجراء عملية قلب ، وكان يغضب حين يرانا ندخن لأن سبب مرضه يعود بالأساس للتدخين ، وقد نجحت العملية الجراحية وعاد للسودان سالماً معافى ، وقد تصادف تواجده بالمستشفى مع الزيارة الكريمة التى شرفنا بها جمال الماحى للبحرين ، وقد زاره بالمستشفى وقدم الكثير من النصح والتطمينات لأبناء عم حسين الذين رافقوه فى رحلة العلاج ، فبالله عليك يانزار أتمنى من كل قلبى أن تقلع عن التدخين فهو شر مستطير ولحن الختام:
نسف من بلدنا ... مامن بره البلد
عمارينا حلاتو فى الصيف والبرد

[صلاح ودالطاهر]

ياخوانا كدى عليكم الله تعالووو.. بجاى وشوف الونسه دى حلوه كيف ..:D .ماسيدا جاء..اجازى محنك انت ياودالماذون:confused: قلت لى..اقتسام السلطه.. تعرف المره قاعده.. وراى وتشابى للبوست:eek: وقالت لى خالص ماجاء صاحبك انت تانى بتعين لينا ولا بتسمعنا...عليك الله ياوالماذون شوف النسوان ديل ...اتخيل اسع انا بى شنبى ده دايره ترسلنى اصلح ليها جك الخلاط وكان ماصلحته اشترى ليها جديد شوف الحكوم ده كفينه ..ما حكوم قرقوش..وده كلوااا من تحريش ..ودالماحى ..الراجل ده خلى اشترى لك الدهب ..الرجل ده خلى اشترى التياب الما خمج ..وهى تشيل وتحفظ ..وانا ماعارف ابكى ولا اقوم جارى .... قلت لى خليت السجائر ..والله دى بشارة خير وعقبال لى اخوك انا كل ماقول اخلى اذكر سجارة الفطور بتاعت رمضان..اقوم اولع سجارتين...
الحبيب ..والله الكلام مابخلص وعندى لك كترة شمار ..بس اصبرعلى بلف وبجيك ،،،
هووووى يابنت سخنووو الدلوكه النمشى نجيب سوط العنج انا شايف ود الماحى جاى من هناك.:p ..

آناس السلام عليكم ورحمة الله اه كدي شوف الحصل ده

دحين الليلة دي سجن سجن غرامه غرامه اليوم صحيت من الصباح وقمت جاري جري للشماعة ولبست جلابتي جناح ام جكو ولبست سكيني في ضراعي الشمال والمره تعاين ساي عارف من البس جناح ام جكو في أمر كتور وبستغراب قالت لي مالك قلتليها اليوم انا ماش دكان ودالصول قالوا عندهم ضل بارد احب اتكي فيه قالت لي ده كلو عرفناه لزوم السكين في ضرعاك شنو قلتليها يمكن الق عندهم شيه اقطعها معاهم المهم ..............السكين دي خاتيها ليوم الاسود اه

اصبرو نسلم علي ودالماذون حمدلله علي السلامه ياخوي كدي تحت تحت نزو ده ماعندو جك خلاطه قديم اصلو خليه في سرك اه دي فتحت خشم سااااااااااااااااااااااااااااي والغريق قدام

[صلاح ودالطاهر]

السلام عليكم ورحمة الله

أحبائي ناس دكان ودالصول الشوق ليكم كميات والله الليله عتبة الدكان ده من الصباح برش فيها بالمويه بعد شويه بجو باقي الشباب نتكل ونتونس الأيام دي ودالصول هارب من شجره لشجره قال مابحب التلتله بتاعة بليل اه قنا نجيه بالنهار ومن الصباح مافي واحد في الدكان الجماعة ديل وين

[نزار حسن محمد]

نزار ياخوى ماتحمد ربك برسلوك تصلح حاجة أو تجيب البديل ، المشكلة لو رسلوك لى حاجة لابتنصلح لاعندها بديل " ماداير تعليق تقوموا ترفدونا بعد العمر ده :) ".
أها يالدخرى ماتخم أم العيال وتعالوا البحرين ، منها ترفيه ومنها رشوة للمدام عشان ماتزرزرك تانى ، تعرف يانزار الفضل فى إقلاعى عن التدخين يرجع للباشمهندس الشيخ/ حسين عوض الله ، فقد اتى للبحرين لإجراء عملية قلب ، وكان يغضب حين يرانا ندخن لأن سبب مرضه يعود بالأساس للتدخين ، وقد نجحت العملية الجراحية وعاد للسودان سالماً معافى ، وقد تصادف تواجده بالمستشفى مع الزيارة الكريمة التى شرفنا بها جمال الماحى للبحرين ، وقد زاره بالمستشفى وقدم الكثير من النصح والتطمينات لأبناء عم حسين الذين رافقوه فى رحلة العلاج ، فبالله عليك يانزار أتمنى من كل قلبى أن تقلع عن التدخين فهو شر مستطير ولحن الختام:
نسف من بلدنا ... مامن بره البلد
عمارينا حلاتو فى الصيف والبرد

ودالماذون...اسمعنى النبشرك ..ام العيال قالت لى لو خليت السجاير ..قسما عظما.. تمطر لى الصعود ...الماخمج ..لكن بينى وبينك كلام النسوان دا مامضمون ..بس انت نوم لى بالخيره بعدين موت موت حى حى... كدى اسع مشغول بمشى وبجيك

[نزار حسن محمد]

آناس السلام عليكم ورحمة الله اه كدي شوف الحصل ده

دحين الليلة دي سجن سجن غرامه غرامه اليوم صحيت من الصباح وقمت جاري جري للشماعة ولبست جلابتي جناح ام جكو ولبست سكيني في ضراعي الشمال والمره تعاين ساي عارف من البس جناح ام جكو في أمر كتور وبستغراب قالت لي مالك قلتليها اليوم انا ماش دكان ودالصول قالوا عندهم ضل بارد احب اتكي فيه قالت لي ده كلو عرفناه لزوم السكين في ضرعاك شنو قلتليها يمكن الق عندهم شيه اقطعها معاهم المهم ..............السكين دي خاتيها ليوم الاسود اه
اصبرو نسلم علي ودالماذون حمدلله علي السلامه ياخوي كدي تحت تحت نزو ده ماعندو جك خلاطه قديم اصلو خليه في سرك اه دي فتحت خشم سااااااااااااااااااااااااااااي والغريق قدام

هلا والله ود الطاهر ..عندنا هوى ياجنا قوم بسراع افتح لك حاجه بارده لى ود الطاهر ..
الليله القش لك الدرب منوووو يابوى وكمان لبس ام جكو لالالا اكيد فى حاجه كبيره ونحن ماعارفين ..كدى تعال اقعد جنبى هنا ..يازول السكين فينا شنووووه ...انت ماقلت تانى مابتلبس السكين وخليت مكانم حجبات ... كدى عليك الله الحجبات عملت عشان شنوووا اصلوا اخوك ود الصول بسال اليومين ديل من ناس الحجبات ...حكومته عامل ليه تمرد مدعوم من مجلس الامن
النسيبه ... ودالماذون ماترد على ود الطاهر الجك طائر ..كدى خلى احكى لبنا سر الحجبات الموكان ديل ....

[أبوبكرحامد]

آناس السلام عليكم ورحمة الله اه كدي شوف الحصل ده

دحين الليلة دي سجن سجن غرامه غرامه اليوم صحيت من الصباح وقمت جاري جري للشماعة ولبست جلابتي جناح ام جكو ولبست سكيني في ضراعي الشمال والمره تعاين ساي عارف من البس جناح ام جكو في أمر كتور وبستغراب قالت لي مالك قلتليها اليوم انا ماش دكان ودالصول قالوا عندهم ضل بارد احب اتكي فيه قالت لي ده كلو عرفناه لزوم السكين في ضرعاك شنو قلتليها يمكن الق عندهم شيه اقطعها معاهم المهم ..............السكين دي خاتيها ليوم الاسود اه
اصبرو نسلم علي ودالماذون حمدلله علي السلامه ياخوي كدي تحت تحت نزو ده ماعندو جك خلاطه قديم اصلو خليه في سرك اه دي فتحت خشم سااااااااااااااااااااااااااااي والغريق قدام

حباب ود الطاهر ... الريدنا ليهو ظاهر
ياخوى السكين دى أكان لى الشية ، أرقد قفا شية الزمن ده بقت صغار الأتقول مقطعنها بى ضفَّارة :)
أها السكين دى إن بتدور نصيحتى أبعج بيها كرش الزول الخاتى صورتو ده ، بسم الله ماشاء الله لو بزق سفتو ماظنيتا تقطع الواطة ، ياخوى ده كان استحما بدورو " سبلوقة " لى تصريف الموية :)
بجيك صادى عندى نضم مع ود حسن شايفو بقا كلو يوم إفتح دكان ، وفى ناس ماقادرة تفتح فى الكنكان " حكمتو بالغة ":)

[أبوبكرحامد]

ودالماذون...اسمعنى النبشرك ..ام العيال قالت لى لو خليت السجاير ..قسما عظما.. تمطر لى الصعود ...الماخمج ..لكن بينى وبينك كلام النسوان دا مامضمون ..بس انت نوم لى بالخيره بعدين موت موت حى حى... كدى اسع مشغول بمشى وبجيك

أها كمان ياود حسن أخوى عشان أتم ليك الناقصة قول ليها تمطيرك خليهو ، أنا برسل ليك بى الدى اتش ال ربع رطل كلو يومين تلاتة ، ممطر وجاهز ، قوليها بس جهزى علبة فورموست فاضية وامليها تراب لزوم " التفاف " يا البيتك نضيف شفاف.

[نزار حسن محمد]

أها كمان ياود حسن أخوى عشان أتم ليك الناقصة قول ليها تمطيرك خليهو ، أنا برسل ليك بى الدى اتش ال ربع رطل كلو يومين تلاتة ، ممطر وجاهز ، قوليها بس جهزى علبة فورموست فاضية وامليها تراب لزوم " التفاف " يا البيتك نضيف شفاف.

حرام عفيت منك ..قلت لى كيف علبة فورموست للتراب ..يازول التراب كان قامت الكتاحه النسائيه علينا دحين مابجى فى عيونا ..ما اخير لينا سجايرنا ساكت داك هبوب بس ..وهبوبك يالله ...اتا تعال نسعلك ياود الماذون ..الزول ود الماحى ده خباره شنواا متكون وزارة الدخليه عملت ليه حبس انفرادى..يازول كدى نشوف زولنا ..الله اجيرنا من قوم تاتشر واخواتا،،،

[أبوبكرحامد]

ود الماحى بتكون عندو فروقات فى ساعات النوم أظنو لسة ماقلب الجزرة ، ياخى ود الماحى ده على اليمين سمح سماحةً تخلى الحرف متبلم ، أسعدنى بى زيارتو للبحرين وياريتو لو انمهل شوية ، وياريت لو اكررا ومعاهو سكر الجنيد وامها واخوانها وحبانا و ......
كان معانا الما منظور انسانا .......
باقى الغنية مامناسب لموضوعنا ، بس حبينا نربها .

[نزار حسن محمد]

ود الماحى بتكون عندو فروقات فى ساعات النوم أظنو لسة ماقلب الجزرة ، ياخى ود الماحى ده على اليمين سمح سماحةً تخلى الحرف متبلم ، أسعدنى بى زيارتو للبحرين وياريتو لو انمهل شوية ، وياريت لو اكررا ومعاهو سكر الجنيد وامها واخوانها وحبانا و ......
كان معانا الما منظور انسانا .......
باقى الغنية مامناسب لموضوعنا ، بس حبينا نربها .

ودالماذون حلوه ..ماقلب الجذره ..ليلم صباح وصباحم لليل...ذكرتنى اغنية شل شل كوب لى جالون قبل يومين كده الغالى ابوشوارب اتصل على وهو سائق الفارهه ويغنى باعلاء صوت شل شل كوب لى جالون اظنه كان لحق الطرمبه
تعرف ياودالماذون اكتر اتنين استمتعوا بود الماحى انا ونبيل حمدتو عندما ذهبنا عرس اخوه بكرى فى الجنيد واهل الجنيد ماشاءالله عليهم كلهم نسخه من ود الماحى اهل كرم وضيافه ونكته ..وكلهم كوم وخالته بتول براها كوم ذكرتنى بى بتول الغبشه من اليعقوباب والدة الشيخ هجو ابو البتول وقد كانت شهرتها النسخ لما تتميز به من فصاحه وكانت نخط المصاحف وتنشيد المدائح..وخالة ود الماحى لاتقل عن تلك البتول ..يازول اهل الجنيد ديل حلوين حلا لاتوصف والكلام كتير داير ليه عشرة وستى كاربه مع كباية شاى مدنكله ..بس الله اجيب لينا ابو الاميره والله اشتقنا لى ونسته ....
هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..

[أبوبكرحامد]

ود حسن أخوى ناس كونكان ستة خبارم مندسين لاحس لاخبر ، خلونا نتجادع انا وانتا فى الدكان زى مجادعة اولاد حاجى الماحى فى المديح ، ياناس والله متقريف لى لى حولية وذكر ، أكان طقشت أضانكم حولية انشاء الله فى الشارقة قولوا لى ، انشاء الله انشرق .

[نزار حسن محمد]

هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..

والحوليه ...بكوارع وام فتفت ..فى الشارقه

[السلامى]

ود حسن أخوى ناس كونكان ستة خبارم مندسين لاحس لاخبر ، خلونا نتجادع انا وانتا فى الدكان زى مجادعة اولاد حاجى الماحى فى المديح ، ياناس والله متقريف لى لى حولية وذكر ، أكان طقشت أضانكم حولية انشاء الله فى الشارقة قولوا لى ، انشاء الله انشرق .
الايام دى ناس كنكان سته قالو يخلوا الكبار يفتوا فى الشمارات ساكت يمكن نطلع لينا بشمار حصري .. واقيفوا النسالكم انتو ودهاشم دى اديتو الاذن بصرف مرتباتنا ولا جانا ساكت

[Jamal Elmahi]

هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..

والحوليه ...بكوارع وام فتفت ..فى الشارقه

هووووي أأأبو قنايه دافرني موديني وين !!!؟ ياربي أنا شايلني حمار النوم ولاّ أبو قنايه ولاّ ياربي دا البراق...حكمتو بالغه ياجماعة الخير ...إمبارح يجيني أبوقنايه في النوم يقول لي هوووي أأأود الماحي دكان ود الصول دا عيبو لي !!! قلته ليهو حاشاهو العيب ..قال خبارك قاطع منو مويه ونور ...قلته ليهو أنا من فاتو ود المأذون عودي فيهو بقي عود مرا ...قال لي أها ود المأذون رجع ومعاهو ود حسن وود الطاهر سكينو في ضراعو والصعوت نديان زي البركاوي والكمبو فركة كعب ...بالله صحيت مخلوع درعته عراقي وجيتكم حفيان قلته النحدد كلام أبقنايه دي ....
مشاققه...
ود المأذون ..ودحسن ..ود الطاهر ..السلامي ...والغائبين الحاضرين ...أبو الله جابو ...الخواجه ..ود الصادق...ودهاشم ..أمير الامراء..ود المبارك وباقي عقد اللولي ليكم وحشه ودايماَ في البال ...ليكم كل حبي

ود الماحي

[خالد أحمد الصول]

مرحبا بالنضارة تهل علي الدكان و مرحب بالغائبين و الذين آمنوا .. دائما أكون صامتا خلف باب الدكان جاهزا للمراسيل و إحضار الاباريق و العشاء ... لا نأكل حتي يشبع الضيوف و لا نبرح مكاننا حتي يغسل أخر وآحد ... نصبر لسؤاله دائما .. إنت ود منوا ... بتقرا في سنه كم ... و دائما كنت أقول لهم جيت الاول ... وكنت أقصد الاول بالقلبه ....
أسمع كلامهم و أتكيف ... أحفظ مفرداتهم و أجربها في أصحابي ... فتلفق حينا ... و نعجز أخري ...
و منها كلمة ... مشاققة ..
فقد زرنا أنا و أسرتي و كديستي العزيز خالد هاشم ... إلا أن الكهرباء حرمتني من التدقيق في ملامحه ... فرجعت بنصف فرحة .... و زرته أول أمس مع أخي السلامي فوجده في الخرطوم فحرمت مرة اخري ...
شوقي لنزار و أبوبكر و ود الطاهر و جمال الماحي لا تحده حدود

[أبوبكرحامد]

هووووي أأأبو قنايه دافرني موديني وين !!!؟ ياربي أنا شايلني حمار النوم ولاّ أبو قنايه ولاّ ياربي دا البراق...حكمتو بالغه ياجماعة الخير ...إمبارح يجيني أبوقنايه في النوم يقول لي هوووي أأأود الماحي دكان ود الصول دا عيبو لي !!! قلته ليهو حاشاهو العيب ..قال خبارك قاطع منو مويه ونور ...قلته ليهو أنا من فاتو ود المأذون عودي فيهو بقي عود مرا ...قال لي أها ود المأذون رجع ومعاهو ود حسن وود الطاهر سكينو في ضراعو والصعوت نديان زي البركاوي والكمبو فركة كعب ...بالله صحيت مخلوع درعته عراقي وجيتكم حفيان قلته النحدد كلام أبقنايه دي ....
مشاققه...
ود المأذون ..ودحسن ..ود الطاهر ..السلامي ...والغائبين الحاضرين ...أبو الله جابو ...الخواجه ..ود الصادق...ودهاشم ..أمير الامراء..ود المبارك وباقي عقد اللولي ليكم وحشه ودايماَ في البال ...ليكم كل حبي

ود الماحي
ود الماحى .... حرَّم بلاك خربانة
ما انتوا ياناس تكساس أسياد السينما وياكم لاعبين دور البطل والخيانة ، استيفن سيغال ينتج الفيلم وهو البطل واقع لبيع فى الخلق لمن تخاف على رقبتك ما إجيك مارق بره والبعك ، بجيك صادى ياجيمى ، ونرجوك عدم الإنقطاع.

[أبوبكرحامد]

مرحبا بالنضارة تهل علي الدكان و مرحب بالغائبين و الذين آمنوا .. دائما أكون صامتا خلف باب الدكان جاهزا للمراسيل و إحضار الاباريق و العشاء ... لا نأكل حتي يشبع الضيوف و لا نبرح مكاننا حتي يغسل أخر وآحد ... نصبر لسؤاله دائما .. إنت ود منوا ... بتقرا في سنه كم ... و دائما كنت أقول لهم جيت الاول ... وكنت أقصد الاول بالقلبه ....
أسمع كلامهم و أتكيف ... أحفظ مفرداتهم و أجربها في أصحابي ... فتلفق حينا ... و نعجز أخري ...
و منها كلمة ... مشاققة ..
فقد زرنا أنا و أسرتي و كديستي العزيز خالد هاشم ... إلا أن الكهرباء حرمتني من التدقيق في ملامحه ... فرجعت بنصف فرحة .... و زرته أول أمس مع أخي السلامي فوجده في الخرطوم فحرمت مرة اخري ...
شوقي لنزار و أبوبكر و ود الطاهر و جمال الماحي لا تحده حدود
أعجبتنى عبارة " نصف فرحة " ، وحزنت لحالى لأننى لم ألتقى الرائع خالد هاشم ، يعنى ياود الصول ماتقسم لينا من نصك ده ، ولا ح تبقى زى الكوكب البيملح على الجماعة فى العرقى ، يوم واحد زهج منو ورفض إديهو كاس ، لأنو القزازة شراكة بينه وبين آخر ، الكوكب لايوق قال ليهو ياخى مافى مشكلة أدينى من نصك ، الراجل اتثاقل عليهو وقال ليهو ، سورى ياخى مابقدر أديك لأنو نصى التحت :) :) :)

[Jamal Elmahi]

أعجبتنى عبارة " نصف فرحة " ، وحزنت لحالى لأننى لم ألتقى الرائع خالد هاشم ، يعنى ياود الصول ماتقسم لينا من نصك ده ، ولا ح تبقى زى الكوكب البيملح على الجماعة فى العرقى ، يوم واحد زهج منو ورفض إديهو كاس ، لأنو القزازة شراكة بينه وبين آخر ، الكوكب لايوق قال ليهو ياخى مافى مشكلة أدينى من نصك ، الراجل اتثاقل عليهو وقال ليهو ، سورى ياخى مابقدر أديك لأنو نصى التحت :) :) :)

أنا زاتي عجبتني حتة نص فرحه ..علاّ أنا بشيل من نص الفرحه حقت قطعت الكهرباء..شفته الحرفنه دي ...يعني الوجيه صول سودان ممكن يتغاتت عليك علاّ كهربة الحيكومه حنينه وخجوله لامن دايماَ قاطعه ...هاك الحرّايه دي...

مشاققه ...
أها أأأبوي مسعول من الخير كيف أخبار عمنا الكان عيّان أبو بكري وسهير ست الملوخيّه ..طمني عليهو بالله وتحياتي ليهم لو لسه معاكم وتحيات خاصه لشلة الويست والقانون...

[أبوبكرحامد]

مشاققه ...
أها أأأبوي مسعول من الخير كيف أخبار عمنا الكان عيّان أبو بكري وسهير ست الملوخيّه ..طمني عليهو بالله وتحياتي ليهم لو لسه معاكم وتحيات خاصه لشلة الويست والقانون...
العم حسين عوض الله عاد للسودان بعد أن منَّ عليه المولى عز وجل بالصحة والعافية وسأرسل لك رقم هاتفه بالسودان ، بكرى وسهير مندهشين للعلاقة التى ربطتنا عبر المنتدى والتى توجتها بطلتك البهية وزيارتك للبحرين ، غايتو ياجيمى طالبنكم زيارة بى مهلة ومعاك العيال وامهم و .... بيتنا نوَّر وكلو زينة

[Jamal Elmahi]

العم حسين عوض الله عاد للسودان بعد أن منَّ عليه المولى عز وجل بالصحة والعافية وسأرسل لك رقم هاتفه بالسودان ، بكرى وسهير مندهشين للعلاقة التى ربطتنا عبر المنتدى والتى توجتها بطلتك البهية وزيارتك للبحرين ، غايتو ياجيمى طالبنكم زيارة بى مهلة ومعاك العيال وامهم و .... بيتنا نوَّر وكلو زينة

الوجيه عريس الموسم لغاية 2010
المنتدي وأصحاب المنتدي يوم شكرهم إن شاء الله ما يجي...المنتدي أضاف لي إخوه قلّ أن يوجد أمثالهم ومعرفة الرجال كنز أأأبوي ...رجال يسدوها ويقدوها ..وبرضو أخوات أفخر بمعرفتهن وربنا يدوّم الود والاخاء...

مشاققه...
الصيف الجاي كان الله هوّن أنا وجماعتي عمره وجوله في السعوديه ثم السودان وإحتمال الهبره للبحرين وارد ..وربنا يجمعك مع المدام ووليداتك قول آآآآآآمين...

[أبوبكرحامد]

مشاققه...
الصيف الجاي كان الله هوّن أنا وجماعتي عمره وجوله في السعوديه ثم السودان وإحتمال الهبره للبحرين وارد ..وربنا يجمعك مع المدام ووليداتك قول آآآآآآمين...

أدينا الأكيدة ياجيمى بلاش شغل الإحتمالات ده ، منتظرين سكر الجنيد وسنبشر المسئولين بإمكانية الإستغناء عن منصرفات تحلية المياه ، لأن سكر الجنيد ستزيد مياهنا حلاة ، وهذا بمثابة تحذير لمرضى السكرى بعدم تناول المياه الصيف القادم لإحتواءها على سعرات حرارية و..... سكر سكر سكر ، كل الشافو انكر ..... غيرو إكون فى سكر

[أبوبكرحامد]

قابلت خلال إجازتى الأخيرة بالسودان الزول الجميل أبو المهتدى ، وقد إصطحبنا أنا ونبيل حمدتو بسيارته لزيارة الورشة التى أنشأها بالمنطقة الصناعية ، نرجو له التوفيق والسداد .
من الملاحظات المهمة أننى خلال إجازتى إلتقيت بالسلامى وحسن أبو على والتيمان وابوهم ونبيل حمدتو وعوض أبو المهتدى ونهلة حيدر ونزار وخالد صول السودان ومعتصم عايدروس، وهؤلاء جميعهم إلتقيتهم للمرة الأولى ، والغريب فى الأمر هو إحساس الإلفة بين الناس وكأنك تعرفهم لعشرات السنين.

[نزار حسن محمد]

هوووووى يابــــــــــــوى ابوقنايا ..فى طولك وعرضك ..دكان ود الصول ما تنقطع فيه الونسه من حبايبى الغالين ..الليله اقف طولك وسوى الهولك..تجمع لى الحبان ود الماحى ود الماذون ودالطاهر ود الصول وناس الشرق وناس الغرب وناس الشمال وناس الجنوب وناس دارفور
قووولو اميـــــــــــــــــــــــن ،،،، كع

[بابكر]

ود المأذون
ابو شوارب
عزيز عيسى
وبقيه العجائز
وود الماحى شيخ العجائز
مطلوبين لاجتماع عاجل
كل واحد يسجل حضوره قبل الاجتماع !!!

[بابكر]

ود المأذون
ابو شوارب
عزيز عيسى
وبقيه العجائز
وود الماحى شيخ العجائز
مطلوبين لاجتماع عاجل
كل واحد يسجل حضوره قبل الاجتماع !!!

[mahagoub]

ما دام جاء ذكر الجماعة ما ننسى قفة فى السوق الصغير جنب العياشه والشباب ما بعرفو العياشة نرجع لقفة لو الشباب عايزين يمقلبو واحد جديد نجى جنبه ونكورك قفة يروح ساكينا ولو ما حصلنا بالعكاز يشترنا وما ننسى خوجى وودالفتلى وشم البنزين

[أبوبكرحامد]

ما دام جاء ذكر الجماعة ما ننسى قفة فى السوق الصغير جنب العياشه والشباب ما بعرفو العياشة نرجع لقفة لو الشباب عايزين يمقلبو واحد جديد نجى جنبه ونكورك قفة يروح ساكينا ولو ما حصلنا بالعكاز يشترنا وما ننسى خوجى وودالفتلى وشم البنزين
مادام جات سيرة السوق " السغيِّر " ارح نمشى على سوق الأنبياء ومكتبة ابشر وصعوط الحبشى وحلوانى الحرمين ومطعم ابوظريفة ووووووو ياسلام على مدنى يامحجوب.

[أبوبكرحامد]

ود المأذون
ابو شوارب
عزيز عيسى
وبقيه العجائز
وود الماحى شيخ العجائز
مطلوبين لاجتماع عاجل
كل واحد يسجل حضوره قبل الاجتماع !!!
......................
حضرنا حسب المطلوب ، وحين طال الإنتظار وجدنا قطعة فحم فكتبنا بها على الباب:

حضرنا ولم نجدكم
بقيت بالقلب محبتكم

[فدوى الحسن]

سلامات يا ناس الدكان
حضرنا ولم نجدكم
كوكوكوكوكوكوكوكوكو

[أبوبكرحامد]

سلامات يا ناس الدكان
حضرنا ولم نجدكم
كوكوكوكوكوكوكوكوكو

حباب بت الحسن ، رمضان كريم وتصوموا وتفطروا على خير ، ولاتنسونا من صالح الدعاء يا أهل مدينة الحبيب المصطفى عليه افضل الصلوات واتم التسليم .

[ابراهيم]

سلاماااات يا ناس الدكان رمضان كريم ..
برضو على حضرنا ولم نجدكم
الدكان آخر مرة كان شغال كويس أيام زيت السمسم ... من ديك وعيك

وين الحلوين وين راحو
لي ليلنا يضو صباحو
ببسمة يزيدو عمرنا
كان العزال ارتاحو

[عزيز عيسى]

ود المأذون جاء وفتح الدكان..
كدي أمشي وأجيكم راجع..
من شدة الفرحة عدم المؤاخذة
نسيت مركوبي وجيت جاري حفيان..
دا كله منك يا ودالماحي..
خليت ناس الدكان يضحكوا علي.

[أبوبكرحامد]

الدكان لمّا الحبّان ......... الكنديين والأمريكان
الفى كندا قال بردان
والفى هيوستن بيهو فرحان
ياناس جيبوا الجبنة وبخورا لبان
ويانزار ود حسن جيب الخرفان
حليلو ود عيسى عمانول جابلنا نعاجاً سمان
حليلو الخواجة أفندى ساكت ماهو لفيف ولاهو دريان
دحين آفدوى بت الحسن مسعولة من الخير ؟ خالك الرشيد رجع السودان؟
ويانس جده هوووى خباروا العمدة ود الصادق حارب الدكان ؟؟؟
هاناس حرَّم منتداكم انملا دفسيبة ... وناس كبسيبة ... وملاقطا وبهتان
ماليكم ملاذاً آمن غير الصحبة ولمة الدكان
ويابكرى خوى مانى داير غير قعدة الدكان
دحين أرفدونى من مجلسكم انا حرم بقيت فتران
كان المعاش طلع داير لى بيت ناصية فى حى البان

[فدوى الحسن]

اهلين بود المأذوووووووووون والله ليكم وحشششششششششششة شديدة يا ناس الدكان ...
وخالو الرشيد مشى السودان اجازة وجاء راجع ... مزحوم مع الشغل... بس بجي اعيد معانا في المدينة ... وسلامك وصل للرسول صلى الله عليه وسلم...

[أبوبكرحامد]

اهلين بود المأذوووووووووون والله ليكم وحشششششششششششة شديدة يا ناس الدكان ...
وخالو الرشيد مشى السودان اجازة وجاء راجع ... مزحوم مع الشغل... بس بجي اعيد معانا في المدينة ... وسلامك وصل للرسول صلى الله عليه وسلم...
.................................................. .................................................. ...........

كتر خيرك يابت الحسن ، بس طالبك بى النبى تدعوا لينا وتبلغوا سلامنا لى أبو ابراهيم طوال الأيام المتبقية من شهر رمضان ، وبعد داك الله اسهل وارفع رجلنا ونجى نحج ولانعمر .

[نزار حسن محمد]

هلا ..والله ..وهلا..
ود الماذون ..انا جبته مراح خرفان
عشان لمت الحبان ..وكان ما رمضان
كنت عملت لكم شربوت... بالهباهان
ود الماذون ..اجدع لى الحقه انعدل
راسى ..شوفى بقى رهاب رهاب
ومامصدق ..تانى الدكان انفتح وتلموا
الاحباب كتر الف خير الخواجه عزيز
كدى بمشى افتش معه على نعلاته..
وبجيكم

[عزيز عيسى]

سلاماااات يا ناس الدكان رمضان كريم ..
برضو على حضرنا ولم نجدكم
الدكان آخر مرة كان شغال كويس أيام زيت السمسم ... من ديك وعيك

وين الحلوين وين راحو
لي ليلنا يضو صباحو
ببسمة يزيدو عمرنا
كان العزال ارتاحو

يا برهوته أهو أنحنا جينا متمسحين بزيت السمسم بنرقش
وعايزين نسخن الدكان شوية ونخليه يحيا من جديد..
بس كلم لينا ودالماحي وأبو سفروق يكثروا من الزيت
شوية.. ولو جابوا معاهم شوية حاجات ثانية لعل وعسى
ترفع من المعنويات يكون أحسن.
إبراهيم هوي تعال النسعلك..
إنت يا جنا عايزنك تدينا إنطباعاتك عن كندا
والرحلة إبتدت كيف حتى وصولك الى بلاد الجليد.
واللغاويس اللي كنت شايلها معاك لي هناك.
أنا غايتو ماشي أجيب لي بمبر وأجي أقعد
لأنه ما أظن أجد لي كنبة فاضية في الدكان
أجلس عليها.

[عزيز عيسى]

حليلو ود عيسى عمانول جابلنا نعاجاً سمان
حليلو الخواجة أفندى ساكت ماهو لفيف ولاهو دريان


ودالمأذون..
النعاج الصوماليات ولدن خرفان تني كنت عايز أفاجئكم
وأجيبها ليكم تضبحوها.. لكن وكت عملتني لفيف ولا دريان
أهو المرة دي شايل دربي علي الدباغة أجيب ليكم لحمة جاهزة..
غايتو ما تسألوني أبدا.. لو بقت كيري الله معاكم..
جيبوا نبيل حمدتو إن شاء الله يعملها ليكم أقشي.

[عزيز عيسى]

وتلموا
الاحباب كتر الف خير الخواجه عزيز
كدى بمشى افتش معه على نعلاته..
وبجيكم

هوي يا أبو سفروق.. إنت فاكرني غبيان..
أنا نعليني الراحن مني كانن جداد..
والنعلين الجبتهن لي ديل قدااااام ما حقاتي..
إحتمال كبير يكونن حقات ودأبوشوارب أو ودالماحي..
والدليل إنهن ما هن مقاسي.. ومقدودات من تحت
من كثرة المشي.
If it doesn't fit.. you have to quit
غايتو واحد في الإثنين: يا علا تجيب لي نعلات جداد
أو نمشي المحكمة وتغرمن لي هناك قدام القاضي.
وإن شاء الله لو جبت ودالمأذون أو فاروق أبوعيسى
ذاتو أنا غايتو ما بتنازل عن نعليني.
عماد الصادق شاهد ملك تبعي.

[صالح ابوشوارب]

بالله الدكان فتح .. النمشي البيت واجيب لي قروش واجي

[عزيز عيسى]

بالله الدكان فتح .. النمشي البيت واجيب لي قروش واجي
ودأبوشوارب،
الدكان فتح لكن مع التخطيط الجديد ودوهو مكان بره البلد..
أهو دي (زقلونا) ذاتها البقصدها ليك..
وبعدين ماشي تجيب ليك قروش؟
شوف يا ودأبوشوارب أنا عارفك بتخطط في العيد لي شنو..
إنت ما شايف ودالصول معلق يافطة مكتوب عليها:
ممنوع لعب القمار..
البريمو.. والكرتلة.. وملوص.؟

[ابراهيم]

يا برهوته أهو أنحنا جينا متمسحين بزيت السمسم بنرقش
وعايزين نسخن الدكان شوية ونخليه يحيا من جديد..
بس كلم لينا ودالماحي وأبو سفروق يكثروا من الزيت
شوية.. ولو جابوا معاهم شوية حاجات ثانية لعل وعسى
ترفع من المعنويات يكون أحسن.
إبراهيم هوي تعال النسعلك..
إنت يا جنا عايزنك تدينا إنطباعاتك عن كندا
والرحلة إبتدت كيف حتى وصولك الى بلاد الجليد.
واللغاويس اللي كنت شايلها معاك لي هناك.
أنا غايتو ماشي أجيب لي بمبر وأجي أقعد
لأنه ما أظن أجد لي كنبة فاضية في الدكان
أجلس عليها.


عزيز سلامات يا زول يا رائع
النصيحة زيت السمسم دة اختو دربو لأنو الدكان دة سبب نكبتو كانت فوق زيت السمسم دة
غايتو ممكن الناس العندهم سقط شديد يتمسحو ويجو لكن ان قلتو تبيعوه في الدكان تاني بقع.

بالنسبة للرحلة يا عزيز امانة ما فيها كترت بلاوي وفضايح وجكس وعولمة انت بس لوك الصبر وانا بجيك بالمفيد كلو.

[فدوى الحسن]

سلامااااااااااااااااااات يا ناس الدكان وجمعة مباركة عليكم وصيام مقبول يارب....

ونحن في انتظارك يا تلش...
والله ليكم وحشششششششششششة شديدة بالحيل

[أبوبكرحامد]

وكان ما رمضان
كنت عملت لكم شربوت... بالهباهان


ما إنتوا ناس زايد آل نهيان
تسووا الشربوت بالهبهان
والكسبرة تسموها جلجلان
وتقليتكم بى كريم شانتى وزعفران
الله بيدى الجنة ... وبيداوى وجع المصران
لينا الله وشلة الكونكان

[أبوبكرحامد]

.. لكن وكت عملتني لفيف ولا دريان
أهو المرة دي شايل دربي علي الدباغة أجيب ليكم لحمة جاهزة..
غايتو ما تسألوني أبدا.. لو بقت كيري الله معاكم..
جيبوا نبيل حمدتو إن شاء الله يعملها ليكم أقشي.

ياخواجة كدى أشرح كلمة " لفيف " معناها شنو ، اللفيفين يمتنعون .

[أبوبكرحامد]

بالله الدكان فتح .. النمشي البيت واجيب لي قروش واجي

أبو الله جابو .... قروش شنو الماش تجيبن ؟؟
ياخوى دفتر جرورتك فاتح ليهو حول ، وبشوفك وكت نطالبك بالقروش تركب لينا صورة الزول المعضل داك وتقول ده " الله جابو " ، أمانة فى ذمتك ده الله جابو ولاجبتوا براك بى إيدك وشديدك " يا الممسوخ " هههههههههه

[أبوبكرحامد]

سلامااااااااااااااااااات يا ناس الدكان وجمعة مباركة عليكم وصيام مقبول يارب....

ونحن في انتظارك يا تلش...
والله ليكم وحشششششششششششة شديدة بالحيل

وكلنا فى انتظار تلش الكندى ، بس يابت الحسن ماخليتنى شين حايمة فى الكيبورد ، الشى دى وحشة ولا عطسة " فكرت اكتبا عطشة لقيت الكيبورد عدمان الشين " ههههههه

[فدوى الحسن]

نسلف شين من عندنا يا ود المأذون
مششششششششششتاقين

[أبوبكرحامد]

نسلف شين من عندنا يا ود المأذون
مششششششششششتاقين

أها يابت الحسن هاك صيغة سلام البحرينيات " إشلونش ... شاخباريش " .
..................
ده سلام بس شال ليهو اربعة شينات " جمع شين وليس جمع شينة ، لأن شينة تجمع وتضرب بلا مغسة ، والعهدة على الراوى .

[عزيز عيسى]

عزيز سلامات يا زول يا رائع
النصيحة زيت السمسم دة اختو دربو لأنو الدكان دة سبب نكبتو كانت فوق زيت السمسم دة
غايتو ممكن الناس العندهم سقط شديد يتمسحو ويجو لكن ان قلتو تبيعوه في الدكان تاني بقع.

بالنسبة للرحلة يا عزيز امانة ما فيها كترت بلاوي وفضايح وجكس وعولمة انت بس لوك الصبر وانا بجيك بالمفيد كلو.

برهوته.. اكان كدي أنا تاني زيت السمسم دا ما بجيب سيرتو خالص..
والله يكفينا شرو..
وحتى في الفول ما عايزو بشوف لي زيت من نوع تاني..
لكن ود الماحي دا سقطان طول السنة
إلا تشوفوا ليهو سمنه يتمسح بيها.
بالنسبة للرحلة عايز ناس الدكان يتونسوا معاك
ولا نفتح ليك بوست جديد في العام
والجاي والرايح كلو يتفرج..
أنا غايتو الصبر بلوكو زي لبانة
الراجل في نكتة ودالصول ديك.
يازول أنحنا في إنتظارك نسمع الفضائح..
بس عليك الله ما تتأخر علينا.

[عزيز عيسى]

ياخواجة كدى أشرح كلمة " لفيف " معناها شنو ، اللفيفين يمتنعون .

يا ود المأذون إنت قايلني خواجة غبيان..
يازول دا أنا من زمان قلت ليك تفتيحة
وشايل مفاتيحها.. لكن البقنع الديك شنو؟
اللفيف هو الزول الشليقان أو المتشولق
زي منو ما عارف كدا.
أها بالله طلعت ليك كيف؟
يلا تعالوا يا متشولقين قولوا
لي شرحك دا ما صاح.
غايتو الزول الوحيد اللي ممكن أثق
في تأكيده أو نفيه للمعني هو خبيرة الراندوق
أختنا عشوشة..

[عزيز عيسى]

نسلف شين من عندنا يا ود المأذون
مششششششششششتاقين

لكن يا فدوي الشششششششين ما ما ما عندك..

[عزيز عيسى]

يا ود المأذون طالما الدكان فتح تاني من جديد
ياخي ما ترجعوه لمحله السابق
في منتدى ودمدنيات؟

[ابراهيم]

برهوته.. اكان كدي أنا تاني زيت السمسم دا ما بجيب سيرتو خالص..
والله يكفينا شرو..
وحتى في الفول ما عايزو بشوف لي زيت من نوع تاني..
لكن ود الماحي دا سقطان طول السنة
إلا تشوفوا ليهو سمنه يتمسح بيها.
بالنسبة للرحلة عايز ناس الدكان يتونسوا معاك
ولا نفتح ليك بوست جديد في العام
والجاي والرايح كلو يتفرج..
أنا غايتو الصبر بلوكو زي لبانة
الراجل في نكتة ودالصول ديك.
يازول أنحنا في إنتظارك نسمع الفضائح..
بس عليك الله ما تتأخر علينا.


آي احسن شوف زيت فول زيت فهد زيت عباد الشمش كلو عند العرب زيوت
أما ود الماحي بنرسل يجيبو ليهو ودك من السودان ولا زيت حار من مصر
بالنسبة للرحلة خلينا قبلنا هنا وزي ما قالوا السترة والفضيحة متباريات
اول التبادي في بداية ومن قولة تيت في الطيارة ركبت لقيت قاعدة جنبي واحدة امريكية ماسكة ليها رواية قدر الليلة وبكرة وبتقرا فيها .. احترمت نفسي وقعدت ساكت ساااااااااااااي اصلو ما فرطت بي كلمة عشان ما تقوم ترطن لي وتدخلني محل الطيب خش ... المهم الله سترني لغاية ما الطيارة اتحركت .. وبعد شوية جو المضيفات وطبعاً انا جني مقارنات بقيت اقارن بين مضيفات سودانير ومضيفات الليفتهانزا .. او حاجة المضيفة في سودانير بكون عندها شنب وجلحات وكان ما دققت كويس ما تفرزها دي مضيفة ولا مضيف تجي شايلة ليك الدمعة الله عالم انت تاكلها خوف بس من المضيفة .. اما المضيفة بتاعة رحلتنا دي انت تعاين ليها ساااي تشبع .. والابتسامة تشرح القلب والشعر في الركبة .. لغاية هنا الرحلة تمام التمام ومافي اي مشاكل لكن الجهجهة بدت لمن المضيفات بعد الفطور جابو الموية .. الخواجية شربت وبقت ترطن وانا طبعاً مستمع لغاية آخر لحظة لكن وقت شفت الخواجية كلامها كتر وسكرت لمبة بقيت اتكلم معاها ولقيتها ملاااااااانة ثقافة بتعرف السودان وبتعرف الطيب صالح وعرس الزين وموسم الهجرة وسألتني سؤال نكير وطبعاً بجاوب ليها بالانجليزي وبالعربي والباقى بتمو ليها اشارات لغاية ما وصلنا المانيا .. لحدي هنا كويسين من المانيا هي ماشة امريكا وانا ماشي كندا اها الخواجية بقت تتغزل فيني عديييييل you have a nice look ويو هاف شنو ما بعرفو وانا شغال ليها thank you لمن كلمة سانكيو اتسحكت وبعدين حدث حدث غريب شوية بجي بحكي ليكم بعد الفطور.

[عزيز عيسى]

ابراهيم الله يجازي محنك كتلتني من الضحك..
كدي أمشي حلل صيامك أخذ ليك تمرتين وشربة موية
وبعد ما تأخذ ليك طرقتين أقصد ركعتين ثلاثة تعال
صادي علشان نشوف أخرتها مع الخواجية الطشمانة
دي.
طلبت منك تحكي لينا عن سفرك لأني عارف كويس
السفر دائما بتحصل فيهو طرائف ومفارقات ذي دي
وبتصادف الواحد مواقف عجيبة منها
المضحك ومنها المبكي.
يا زول واصل مستمعين.

[فدوى الحسن]

تسلم يا تلش على الكلام الجميل ده واحنا في انتظار الباقي اكيد احلى من الاول ...
وتقبل تحياتي

[ابراهيم]

اول حاجة كل عام وانتم بخير
وعيد مبارك علينا وعليكم أعاده الله علينا وعليكم بالخير والبركة
ومعليش للتأخير في تمامة قصة الرحلة
المهم الخواجية ودعتني وداع "معرفة" ودة هو الشي الغريب الحصل ادتني انطباع جميل رغم عنصريتي الشرقية .. وكانت دهشتي للتطور الكبير الذي وصل اليه العالم من نظام وتظافة وتكنيك في ابسط الاشياء هي المسيطر الحقيقي لزمام الامور حيث ان الناس عمليين وجادين في عملهم بغض النظر عن طبيعة العمل (سكرتارية، الخدمات العامة مثل النظافة او تلك التي تسمى بالأعمال الحرة عندنا ووووو) والبساطة في التعامل بكل الاتجاهات كل هذه الاشياء جلعتني اقف متعجباً ومندهش ... تمنيت ان تكون هذه الصورة في بلدي او في بلاد العرب والمسلمين عموم ...
وسنواصل

[نزار حسن محمد]

الحبان ..
سلام عليكم وكل سنه طيبين طيبين..
ياخوانا ..رمضان ..ودعنا ..يعنى مافى اى اعتذر
لكل العجائز ..
بالمناسبه دى عملين حوليه ..جايبين فيها المادح
جمال الماحى ..
عليه مطلوب حضوركم ..والفته واللحم والبخور متبرع بيهم الخواجه عزيز عيسى
والماذون قال بجيب البيرق والطبول من الزويه بتاعت بانت..
وبابكر ود الصول ..متبرع بالشاى والقهوه
وخالد ود الصول قال بجيب معاه من دردق
عرقوب ..اسف اقصد عرديب..
ياخوانا بالله الحاضر احدث الغائب..

[عزيز عيسى]

المهم الخواجية ودعتني وداع "معرفة" ودة هو الشي الغريب الحصل ادتني انطباع جميل رغم عنصريتي الشرقية .. وكانت دهشتي للتطور الكبير الذي وصل اليه العالم من نظام وتظافة وتكنيك في ابسط الاشياء هي المسيطر الحقيقي لزمام الامور وسنواصل

يا جماعة كل عام وأنتم بخير..
ويا تلش إن شاء الله السنة الجاية عريس. :D
إنت عارف يا تلش لو ما أخذت عنوان الخواجية
وأرقام تلفوناتها تكون لحدي الآن مخلوع.

في إنتظار البقية.

عيدية:
غايتو السنة دي العيد عندنا كان من أجمل الأعياد.. قضينا وقت جميل جدا..
بعد صلاة العيد مباشرة ود الماحي كثر خيرو وربنا يبارك ليهو ويزيدو نظم لينا فطور عيد جماعي
في مركز الجالية جمع العديد من الأخوان والأخوات السودانيين وعوائلهم..
غايتو كانت فرصة إلتقينا كلنا في مكان واحد وتبادلنا تهانيء العيد.. جلسنا فترة طويلة من
الزمن.. أتونسا وضحكنا وطلعنا مبسوطين.. وفي المساء حضرنا عرس واحد أخونا سوداني
من واحدة أختنا سودانية.. يعني بدل فرحة العيد أصبحن فرحتين.. كنا بنسكسك لغاية الصباح.
لحدي الآن أنا بقش قش في عيوني وما قادر أفتح من النعاس.. وهسع شغال مفتح عين واحدة.
ود الماحي أظنه لسه نائم.

[عزيز عيسى]

الحبان ..
سلام عليكم وكل سنه طيبين طيبين..
ياخوانا ..رمضان ..ودعنا ..يعنى مافى اى اعتذر
لكل العجائز ..
بالمناسبه دى عملين حوليه ..جايبين فيها المادح
جمال الماحى ..
عليه مطلوب حضوركم ..والفته واللحم والبخور متبرع بيهم الخواجه عزيز عيسى
والماذون قال بجيب البيرق والطبول من الزويه بتاعت بانت..
وبابكر ود الصول ..متبرع بالشاى والقهوه
وخالد ود الصول قال بجيب معاه من دردق
عرقوب ..اسف اقصد عرديب..
ياخوانا بالله الحاضر احدث الغائب..

يا نزار عيدكم سعيد،

إنت عارف يا نزار أنا جني وجن الحوليات دي..
وستين مرة قلنا ليك ود الماحي دا زول بتاع دوبيت..
ما تسمعو كلمة مداح خايفو يقعد يتسلبط في أولاد الماحي
يقول كان بيمدح معاهم. :D
ما شايف ود المأذون.. الظاهر عليه مع ودأبوشوارب
لسه بيجمعوا في العيدية.
كدي يا نزار أمشي محل البريمو شوف لي الجماعة ديل هناك؟

[فدوى الحسن]

كل سنة وانتم طيبيين وربنا يحقق امانيكم يارب والعيد الجاي انشاء الله معيدين كلنا في مدني الحبيبة....

[نزار حسن محمد]

كدي يا نزار أمشي محل البريمو شوف لي الجماعة ديل هناك؟

ورررروك الحق ياعزيز ود الماذون خرط الجماعه.. جت.. بالله انا واقف ابوشوارب شال منه ..اخر ايد ((خمس مرات)) فى النهايه قام خطف القروش من ايده وقام جارى ود الماذون فى ضهره
ابوشوارب نسى فردة سفنجه وكيس الصعوط ..شالوهم الفلاته ..قلت ليهم ادونى السفنجه بالله واحد ناولنى لك ام دلدوم خلنى ذى العربيه الشرقانه ...
اسع ما عارف الجماعه ديل دخله بى.. ياتو زقاق ..لكن الحمدالله جبتا معاى البريمو كدى تعالووو ندوره فى الضل جنب الدكان خلى ابراهيم اجى معاك واجيب الدولارات الكنديه
بنفكه مافى مشكله ;)...

[نزار حسن محمد]

ياخوانا ...
البرد دخل
القدره بتاعت الفول بوخها فى السماء
والعنقريب غيرنا مكانه جبناه جنب المنقد عشان الدفويه
... وجبنا والد.. ارمى لكم الطعميه حاره
والدكان مليان زيت سمسم وجبنة الدويم
علا.. الزباين ..مافشين ..
ياربى العجائز ديل
اكونه قاعدين هناك فى الكمبو...
ما بعيد..

[HAMADTO]

والله يا ودحسن الناس ديل دكانك ده سابوهو مرة واحدة
بقوا ناس مولات ساااااااكت

[نزار حسن محمد]

يا ود حمدتـــو
قالوووو العرجه لمراحه
يعنى اسع داير عمك ود الماذون
ود الماحى وعمك تنقو وعمك بابكر و
وعمك ابوشوارب وعمك عزيز امشووو
ادخوله المولات وعاينه للشبات
يازول بكره كلهم برقده استباليات
ديل ما عمرهم الافتراضى انتهى
..كدى امشى فتش معاى
قبل ما البرد يزيد
وجضومم وكرعينم اتشققوووو
قول لهم الدكان ملان من كل شى
حتى الجرسلين جبناه
بس تعالوووو بسراع

[هشام السماني إبراهيم]

ياخوانا ...
البرد دخل
القدره بتاعت الفول بوخها فى السماء
والعنقريب غيرنا مكانه جبناه جنب المنقد عشان الدفويه
... وجبنا والد.. ارمى لكم الطعميه حاره
والدكان مليان زيت سمسم وجبنة الدويم
علا.. الزباين ..مافشين ..
ياربى العجائز ديل
اكونه قاعدين هناك فى الكمبو...
ما بعيد..

والله ريقي نش عديييييييييييل

صعب يانزار

[أبوبكرحامد]

يا ود حمدتـــو
قالوووو العرجه لمراحه
يعنى اسع داير عمك ود الماذون
ود الماحى وعمك تنقو وعمك بابكر و
وعمك ابوشوارب وعمك عزيز امشووو
ادخوله المولات وعاينه للشبات
يازول بكره كلهم برقده استباليات
ديل ما عمرهم الافتراضى انتهى
..كدى امشى فتش معاى
قبل ما البرد يزيد
وجضومم وكرعينم اتشققوووو
قول لهم الدكان ملان من كل شى
حتى الجرسلين جبناه
بس تعالوووو بسراع

انتا يا المسخوت لامينى مع مجلس الآباء ده مالك؟؟ وكمان أول زول فى الكشف !!!!!!!!
ياناس مسعولين من الخير عماد ود الصادق راح وين ؟؟؟؟؟

[محمودعبداللطيف]

السلام عليكم ورحمه الله وبركاته

ها ا سيد الدكان ......


عندك سكر وشاي وبن .....


عندنا قعده في النيمه

بندور نجيهها ....


ومعزومين معانا

[أبو جودي]

يا جماعة اولاً اهديكم تحياتي بالعيد وكل عام وأنتم بخير ،،، وبعدين دكانكم ده بي وين والله جيت ادخله لقيته ليك من صفحة لي صفحة ،،، وفي النهاية وصلت الصفحة الـ 36 ما شاء الله عيني باردة ولو سمحتوا لي ادخل ،،، بس متفرج عشان عاوز لي شهر عشان أشوف الفي الدكان شنو ،،، لكم التحية

[ahmed algam]

باخونا الدكان دا مالوا


مادكان زي الفل



وبعد شويه حانعملوا سنتر


لجميع انواع الشمارات


بس انتوا رايكم شنو





http://cdn.content.sweetim.com/sim/cpie/emoticons/00020468.gif

[همسات]

ياناس الدكان ازيكم
يااحلي ناس
اهلنا الكبار
سندنا وتاج راسنا
ليكم مليون تحيه وسلام
حكايات جدي وابوي
حكاياتكم ....

[ودالعمدة]

ياخوانا انا لى سنة كاملة بقرأ فى البوست وكلما انتهى أبداه من الأول
دا موش دكان دا سوق عديل .... يمثل حضارة وتاريخ وجغرافيا ...
بس الحاج الغريبة سيد الدكان طفش وخلى دكانه فاتح وحرسه ودالمأذون
ونسميه مول ود الصول هههههههههه;)

[بابكر]

التحيه للجميع مع حبى وتقديرى

[okasha]

ها ناس ها .... دحين هنا ما بلقى لي باسطة

[الامين عبدالقادر]

ندخل الدكان نقول كل عام وانتم بخير وعافية ونعيش ذكرى استقلال سوداننا الحبيب وخلفية رائعة من الاناشيد الوطنية الرائعة واليوم نرفع راية استقلالنا ويا اخوتى غنوا لنا اليوم نرفع راية استقلالنا