الزوجه التانيه(ردا على الاخ ديدو)

[salwa]

ل[COLOR=Lime][SIZE=4]بعد السلام والتحايا والاشواق لمعرفة المزيد والمزيد من اعضاء المنتدى الاعزاء والغاليين غلو بلدهم عندي... قبل ماادخل في موضوعي دايره اقول ان هذه المدينه انا لست من قاطنيها ولست من بناتها ولكني اعشقها ولهذا السبب انا دخلت على المنتدى حبا في التعرف اكثر على ابناء وبنات مدني....ندخل في موضوعنا ردا عليك يا اخ ديدو.....وهو الكان عن تعدد الزوجات حقيقه والله يا اخواني وخاصة ديدو انا اقول ليك شيء وهو ان مافي واحده في الدنيا دي كلها ممكن ترضى ان زوجها يتزوج عليها الا لو كانت هي مقتنعه فعلا ان فيشيء ما ينقصها وان الزوجه التانيه دي ممكن تكملوا ومافي شيء اساسي يخلي المراة ترضى راجلها يتزوج عليها سوى ...انا بعتقد ذلك وهو عدم الانجاب فقط ولكن طالما ان هي شايفه نفسها انها كوفء من جميع النواحي لان تكون الزوجه الصالحه والمخلصه لزوجها فما اظن في سبب يخليها تقبل الزوجه الثانيه .... وبعدين يا ديدو يعني هي الحكايه ثقه بالنفس ما اكتر .. وتاني الاهم من ده كله هل تعتقد ان الزمن ده زمن مرتين او تلاته ..... هي الواحددددددددددددددددددددددددددده في تلتله خليه اليكونن اتنينوكل واحده تجيب ليها عشره يعني مستشفى المجانين حيبني ليه مبنى جديد نظرا لعدم الكفايه في الامكنه....وعلى العموم المجانين عموما كتاررررررررررررررررررررررز يعني الواحد ممكن يكون ما لاقي وقت يرتاح فيه ويمشي يفتش ليه في مره تانيه تنومه نوم تمام . اما اذا طلبت راي خاصة يا ديدو فانا لو زوجي عرس فوقي بشيل اولادي وبمشي اخليه يحسب اتنيتها في تلاتها .... والله مع اصحاب الزيجات المتعدده .. واتمنى ان موضوعي ده يلقى صدى خفيف على قلوب قارئيه .... وخاصة البيفكر يعرس فووووووووووووووووق مرته ويجيب ليها ضره ؟؟؟؟؟؟الشر بره وبعيد عننا ...ودمتم في خير صحه واسعد حال :mad:

[معتز حمدتو]

يا ام احمد دق المحلب احمد غائب في الركائب
اول حاجة تشيلي عيالك وتمشي لاهلك انا ما معاك في الفكرة ... لانك الاولي والاحق بكل حاجة وبعدين اهلك ذنبهم شنو والاصح لو عاوزاه اضرب 2*3 تخلي الاولاد ليه وتمشي لوحدك . ( طبعا ده فرضا وليس المقصود شخصك وانما نتمني ليك حياة سعيدة )
وعليك الله انت كامراة كم وحدة بقدر الانسان استحمله خلي اثنين وثلاثه ، والمساله ما مسالت زوجة ما بتنجب عيال ربما تكون بعياله وما خفي اعظم .
انت عارفه انا عندي خالي متزوج بقي اكلم نفس ُ تكون ياربي دعوة واحدة من حريمُ
انا غايتو بتاتي وبقول ياللطيف.

[Jamal Elmahi]

فانا لو زوجي عرس فوقي بشيل اولادي وبمشي اخليه يحسب اتنيتها في تلاتها .... والله مع اصحاب الزيجات المتعدده .. واتمنى ان موضوعي ده يلقى صدى خفيف على قلوب قارئيه .... وخاصة البيفكر يعرس فووووووووووووووووق مرته ويجيب ليها ضره ؟؟؟؟؟؟الشر بره وبعيد عننا ...ودمتم في خير صحه واسعد حال


العزيزه أم أحمد...
غايتو كان أبو أحمد عرّس فيك وشلتي وليداتك واتوكلتي علي أهلك تكوني كويتي البحر في صرّتو...وأبو أحمد يكون انفرد بالملعب وخلا ليهو الجو وبقي بمبي في بمبي...وطبعاَ هو مايصدّق ويلقي راحتو مع الحنكوشه العروسه الجديده وتقلبو شباب في العشرين...وهاك يا سينمات وملاهي وونسات رومانسيه في الحدائق...وأضانو تكون بردت من نقتّك الكتيره واكون أخد بريك (Break) من يا ولد لا ...يا بت تعالي...ياولد دفقته المويه ...يا بت أنزلي...وتكوني برضو ريحتيهو من مناقرت الضرّات....
أما لو قعدتي في بيتك وكتمتي علي نفس أبو أحمد وعلي الحنكوشه تكوني طيّرتي ليها في راسه كل الكانت بتحلم بيهو...
مشاققه...
انتي بطّلي نقّتك الكتيره دي وأبو أحمد حا يلقي أحسن منّك وين...؟؟؟ النقّه الكتيره ياها البتطفّش الرجال مش عدم الولاده....ونحن والله متحايلين أي عنكبه شنكبه الواحد يفك البايظ عكس الهواء ونقع الحناكيش...والواحد أضانو تبرد ذاتو....يضوقنا يايمّه الله داك عرس الحناكيش....غايتو جنس حساده عليكن يا ساتر.....


ود الماحي

[sambaaa]

ههههههههههههههههه

الأخت الغالية / سلوى .

والله بكل صراحة موضوع هام جدا لبعده الاسري والإجتماعي .. والاحلى طريقة الطرح الكوميدية ..
الموضوع هادف وداير مناقشة جامدة والله ..
واكيد لكل واحد مننا وجهة نظر ورأي محدد في الموضوع ده ..
ما شرط اتفاق الكل على رأي واحد ..
لك كل الشكر يا سلوى
وأرجو انك تواصلي في تناولك للمواضيع الهامة دي حتى تعم الفائدة المرجوة تحقيقا لأهداف المنتدى

[salwa]

والله يا اخ حمدتو شكرا ليك كتير على ردك على موضوعي وده ان دل يدل على اهمية الموضوع ونشكر الخ ديدو جزيل الشكر على طرحه لموضوع هام زي ده . وبعدين يا حمدتوا الناس اراء وانا لما قلت اشيل اولادي وامشي طبعا ما بتحصل ده انا بقعد ليه في باب اوضته وامسك الولد الصغير البكاي فيهم واخليه يصرخ ليه في اضانه عشان ينوم تمامممممممممممممممممممم .... اها رايك شنو .ز وبعدين يعني بعيد الشر عني والله انا بهظر يا ناس ما تقلبوها علي هههههههههههههههههههههههههههههههههههههههههههههههههه هه

[salwa]

لا انت والله الذ رد عجبني في الجماعه ديل كلهم .. وحنيت عليك لانه باين عليك مشوشو نقه ووالله يا اخ جمال هو الحرمه لو ما نقت ما اسمها مره ....وبعدين بنقتنا دي ما بتقدروا تستغنوا عننا ... وبعدين لما امشي واخلي ليه اولادي اعيش انا كيف من غيرهم هو ممكن لانه الرجل اصلا قلبه قاسي لكن الام حنون ما ممك ترمي ضناها لمرة الراجل ولا رايك شنو ..... وبعدين عندي ليك راي لو انت بتعاني من النقه انا عندي ليك حل رهيييييييييييييييييب .....انتظرني المره الجايه بوريك ليه ومره تانيه اشكرك يا ظريف

[sambaaa]

ههههههههههههههههههههههههههه

والله كلام ..

كده يعني ..!!

في حل للنقة دي ؟

وحلها شنو يا ربي دي ؟

[salwa]

يعني انت لازم تحكها لما تجيب الدم ههههههههههههههههههههه ده شغل لزوم الزحلقه عشان ازوغ من الماحي لكن جد بوريكم كيف بس خليكم منتظرين الرد....لكن انت يا سامبا بدري عليك من النقه وحتى لو حصلت وريني ليها عشان املص ليك اضنينهاهههههههههههههههههه

[نور العيون]

و الله مهما كان السبب مافي وحده بتقبل انو زوجها يتزوج عليها الا اذا ماتت د شئ تاني لكن غير كده لا أقبل
حتى أنا ما بقبل الوضع د و د شئ قاتل بالنسبه لينا نحن النسوه

[زهرة الشمس]

ان مافي واحده في الدنيا دي كلها ممكن ترضى ان زوجها يتزوج عليها الا لو كانت هي مقتنعه فعلا ان فيشيء ما ينقصها وان الزوجه التانيه دي ممكن تكملوا ومافي شيء اساسي يخلي المراة ترضى راجلها يتزوج عليها سوى ...انا بعتقد ذلك وهو عدم الانجاب فقط ولكن طالما ان هي شايفه نفسها انها كوفء من جميع النواحي لان تكون الزوجه الصالحه والمخلصه لزوجها فما اظن في سبب يخليها تقبل الزوجه الثانيه .... وبعدين يا ديدو يعني هي الحكايه ثقه بالنفس ما اكتر .. وتاني الاهم من ده كله هل تعتقد ان الزمن ده زمن مرتين او تلاته ..... هي الواحددددددددددددددددددددددددددده في تلتله خليه اليكونن اتنينوكل واحده تجيب ليها عشره يعني مستشفى المجانين حيبني ليه مبنى جديد نظرا لعدم الكفايه في الامكنة
مع مودتي لك يا ام احمد لكن اسطرك السابقة تكفي لتعليقى على الموضوع
اشكرك جدا

[salwa]

اشكرك كتير يا عباد الشمس وانا والله نقلت احساس ممكن ينتج عن بعض الزوجات واللاتي يمكن ان يكن يحرصن على حياة زوجيه سعيده من دون المره التانيه ...اشكرك كتير يا راقي

[Jamal Elmahi]

لا انت والله الذ رد عجبني في الجماعه ديل كلهم .. وحنيت عليك لانه باين عليك مشوشو نقه ووالله يا اخ جمال هو الحرمه لو ما نقت ما اسمها مره ....وبعدين بنقتنا دي ما بتقدروا تستغنوا عننا ... وبعدين لما امشي واخلي ليه اولادي اعيش انا كيف من غيرهم هو ممكن لانه الرجل اصلا قلبه قاسي لكن الام حنون ما ممك ترمي ضناها لمرة الراجل ولا رايك شنو ..... وبعدين عندي ليك راي لو انت بتعاني من النقه انا عندي ليك حل رهيييييييييييييييييب .....انتظرني المره الجايه بوريك ليه ومره تانيه اشكرك يا ظريف

سليوه يا بت أميّ....غايتو انتي حاوي عديل كدا....ألنبي عليك عرفتيبي مشوشو كيف؟؟؟ ما تقولي لي ما هو باين في العيون ...غايتو بري منّكن يا نسوان الزمن دا...تكرهونا عيشتنا وبرضو لاصقات فينا...سيك سيك معلّق فيك ...ونحن يا بت أمّي ولابندوركن ولا بنحمل براكن...أها عاد أنا خسّمتك بالله والرسول كان ما وريتيني النقّه حلّها شنو ....تدفنيني كدا يايمّه كان ما أنقذتي أخوك...

مشاققه...
واحده مكرّه راجلا ...نقّه تماينه وعشرين ساعه في اليوم...قال ليها ياخي أنا تعبته وقلته الرووووب ....ورفقاَ بالباب يا أحباب...ياخي قصّرتي عمري...فتعالي نتفق يوم نقّه تنقّي اليوم كلّو ويوم اجازه مافيهو أيّ نقّه ...قالت ليهو خلاص اتفقنا...فيوم النقّه ما بتقيف حتي وهي نايمه هضربه نقّه تقيله...ويوم الاجازه الراجل يكون منتظرو بفارغ الصبر تقعد تردد في النقّه باكر...النقّه باكر ...النقّه باكر ...النقّه باكر...

ود الماحي

[salwa]

يا الماحي شكرا ليك كتير وانا والله ما عارفه لي حل للنقه بس بهظر معاك عشان تتهيا انو في شيء حيريحك من النقه ههههههههههههههههههههه. وبعدين والله نكتتك حلوووووووووووووه وخلتني اضحك براي لما الولد الصغير قال امي دي جنت ولا شنو ....اشكرك كتير

[فوزيه]

يعرس

والله ياهو الفضل

[salwa]

يعرس

والله ياهو الفضل
شوفي عليك الله يا بنت امي.... دايرين يكتلونا بالمغثه ههههههههههههههههه شكرا فوزيه لكن ما بيقدروا

[زهرة الشمس]

إن كل قضية في المجتمع لابد أن يكون لها مركز تدور حوله الأفكار والاحتمالات والعوامل وما طرأ عليها وما سيطرأ عليها...
قضية الزوجة الثانية من القضايا المهمة التي لن تحسم إلا بالتفهم الكامل والشامل لكل الجوانب وأهم جانب وهو جانب العدل والعدل يجب أن يعتبر به كحس ومنطق وشعور وتطبيق ..
والعدل هنا لا يبدأ بعد الزواج بأخرى ، بل يجب أن يكون الإنسان عادلا منذ نعومة أظفاره والأهم عند اختياره لزوجته فلا يتركها مهمة للآخرين حتى لا يظلم نفسه أو يظلم إنسان آخر المفروض أن تكون كل المعاني الطيبة عامرة بينهما فيما بعد .
أنا لا اعتبر أن الزواج بأخرى فيه ظلم أو تجني ولكن الظلم يبدأ فعلا حينما يتزوج بأخرى دون سبب وجيه أو مانع شرعي قوي وهذه هي من ضمن الحكم في قوله تعالى (فان خفتم ألا تعدلوا فواحدة) والعدل هنا ليس مادة وجاه وسلطان أو نفوذ .. العدل مودة ورحمة واستماع وتآخي وترابط وتوادد وتراحم وتقدير واحترام والكثير الكثير من أمور الحياة الزوجية الرفيعة والسامية...فمن المستحيل أن يكون هناك رجل متزوج باثنتين فيذهب إلى الأولى ويتبادل معها الأحاديث وكأنها الوحيدة في حياته أو يعبر لها عن مدى اشتياقه ولوعته واحتياجه لحبها وحنانها وأن مكانتها محفوظة مهما تغيرت الظروف من حولها كما يعبر بذلك لزوجته الثانية أو الجديدة وهذا أبسط جانب من جوانب العدل المفتقد عند الزواج بأخرى... فدوماً الزوجة الثانية هي انسلاخ للرجل من الزوجة الأولى ومن البيت والأولاد وهذا ما نلاحظه في مجتمعاتنا وبكثرة ... وفي هذه الحالة يجب على الرجل أن يلجأ إلى مدرسة السنة النبوية الشريفة لأن الرسول (عليه أفضل الصلاة وأزكى السلام) كان خير معلم واكبر دليل في مدرسة الأصول الاجتماعية وما يتعلق بها من قضايا في الزواج المتعدد ...وفي هذا النطاق أسرد قصة (فيما معناها) أن إحدى زوجات الرسول (صلى الله عليه وسلم) جاءت إليه وطلبت منه أن يقول لها أمام جميع زوجاته الأخريات انه يحبها وان لديها مكانة خاصة ومميزة عنده ... فوعدها الرسول الكريم بذلك ثم أعطاها درهماً ..... في هذه الأثناء ذهب عليه أفضل الصلاة وأزكى السلام إلى كل زوجاته ومر عليهن وأعطى كل واحدة منهن درهماً.. وجاءت لحظة التصريح والإيفاء بالوعد وفي أثناء تواجده (ص) بين زوجاته سألته الزوجة التي طلبت منه ذلك التصريح وسألته عن المحببة والمقربة والمميزة لديه والتي يكن لها حباً كبيراً فأجابها : التي أعطيتها درهماً .....فاعتقدت كل واحدة منهن أنها هي المقصودة وهذا لا يدل إلا عن سماحته (ص) وسعة صدره وكيفية تطبيقه لعدل هو سيده ...فانتشت كل واحدة منهن وتلألأ الفرح في دواخلهن الجميلة وبرقت ثناياهن بالتقديس لهذا الزوج العظيم الذي لن تأتي الإنسانية بمثله أبداً... عليه أفضل الصلاة وأزكى السلام ...
من ناحية أخرى لا بد أن نكون نحن النساء عادلات وقنوعات كنساء النبي (ص) واللاتي هن قدوة لنا جميعاً فلا يجوز أن تقصر امرأة في دورها كزوجة أو كأم أو يعيبها أمر ما كعدم الإنجاب مثلاً ثم تطالب زوجها بعدم الزواج بأخرى أو تتصرف تصرفات مشينة عند زواجه بأخرى ... وهنا أطالب كل رجل راودته فكرة الزواج بأخرى أن يتروى ويتأنى (وأن يبحث وسائل العلاج في حالة المرض) و إسداء بعض النصائح لها حتى تصلح ما يمكن إصلاحه....وتشعره بالأمان والاستقرار والقيام بالواجبات والحقوق المتبادلة على أكمل وجه
وهذا ما نلاحظه في كثير من الاجتماعات النسائية حينما يتبادلن الأحاديث و الأخبار المختلفة التي تدور حولهن فحينما يطغى على الحديث خبر كأن فلانة تزوج عليها زوجها فلا يصبح هناك حديث إلا هاتين الجملتين :
الأولى : (ليه؟؟؟؟؟؟ مسكينة والله ما بتستاهل ..... بالغ لكن .. عملت ليهو شنو..؟؟؟؟؟؟؟؟؟؟ وقصرت معاه في شنو ... والله ما ليهو حق... و غيرها من الكلمات التي تعدد مزايا وحسنات هذا الزوجة الوفية )
أما الجملة الثانية : (أحسن!!!!!! ... تستاهل!!!!!! عجبنا ليها...... كريهة وقبيحة....!!!!!!! هو أصلاً العجبو فيها شنو من الأول ؟؟؟؟؟؟؟؟؟ والكان مقعدو الزمن ده كلو معاها شنو؟؟؟؟ وهلم جر من الانتقادات اللاذعة للزوجة المهملة في حقوقها وواجباتها)
هذا التباين والاختلاف في وجهات النظر لكل حالة على حدة يبين لنا بوضوح أن المهملة في حياتها الزوجية تكون منبوذة من الجميع و ليس من جانب زوجها فقط وهذا رأي حقيقي سديد وصحيح لأن أطرافه نساء والنساء ليس لديهن مصلحة في الشفقة أو الشماتة في هذه الحالة فالمثالية مثالية مع الجميع والسيئة سيئة مع الجميع أيضاً وهذا يبرر قول الحقيقة وان كانت مؤسفة أو مـُـرة.
لذلك أنا من رأيي أنها إن كانت زوجة مثالية وأم فاضلة بما تحمله الكلمة من معنى وكانت زوجة تفني نفسها في سبيل تأسيس بيت قوامه رجل عظيم وأبناء أوفياء فلها حرية الاختيار والتصرف كأن تترك البيت أو تطلب الطلاق لأن قرار الزواج بأخرى فيه إجحاف وظلم كبير بحقها والحياة مع ظالم ليس فيها أمان ولا مستقبل لها ... والإسلام حينما أباح الزواج بأكثر من واحدة لم يتبع ذلك بالامتثال أو الضعف أو غلبة الأمر والاستسلام من جانب الزوجة الأولى للأمر بل تركه مفتوحاً فالزواج بأخرى حلال وان كانت الأولى مظلومة أو افتقدت العدل و لم تطق العيش معه وهي في كنفه أو في كنف ضرة حلال أيضاً .
لذلك المطلوب من الزوجة الامتثال لتعاليم الشرع الإسلامي فيما يتعلق بالخفايا الاجتماعية لأن الامتثال دعامة البيت والأسرة وتكون المسؤولية على عاتقها كبيرة وحياتية ومصيرية وان تفكر جيدا قبل الإقدام على أي خطوة وان لا تتسرع بهدم أسرة بكاملها وخراب بيت وتشتيت أولاد وأن لا تكون عرضة للانتقاد وللانتقاص من قدرها وحقها بين الناس سواء كانت زوجة أولى أو ثانية ....

[Jamal Elmahi]

يا الماحي شكرا ليك كتير وانا والله ما عارفه لي حل للنقه بس بهظر معاك عشان تتهيا انو في شيء حيريحك من النقه ههههههههههههههههههههه. وبعدين والله نكتتك حلوووووووووووووه وخلتني اضحك براي لما الولد الصغير قال امي دي جنت ولا شنو ....اشكرك كتير


ياسليوه يا خيتي شحتفتي روحي وسليتيها لي وهي براها مسلوله....قلته ليك المره منجضاني نجاض...تقولي لي بهظّر معاك....راسي فاير ونفسي مخموم وضغطي في السما يعني لمّا يطق فيني عرق حتي تصدقيني....راجيك يا ختي في الكريبه تطلعي لي بي حل ولاّ أعرس لي حنكوشه وأرتاح....ويا دار ما دخلتك نقّه.....النقه تطير....

ود الماحي

[salwa]

والله يا اخ الماحي جد انت خليتني انا راسي يفورونفسي تخوم وضغطي يصل للسما لاني حنيت عديل كده عليك ...لكن بيني وبينك من روحك الحلوه دي انت ولا معرس ولا شفت العرس لسه ..لانك لو معرس جد ما بكون دمك خفيف كده وكانت المره خلتو ليك علقم ...اوع تصدق نحن النساء اطعم والذ من دمنا مافي ويلا شد حيلك وعرس للمره الاولى او التانيه وانا بفتش ليك عشان ما تعرس حنكووووووووووشه..اوكى

[sambaaa]

ود الماحي ده يا سلوى دايرليهو سبب عشان يعرس مرة تانية ... ولو ما اديتيهو حل للنقة مرتو المسكينة بيجيب ليها ضرة
وصاحبنا بيحلم بواحدة حنكوووووووشة وكمان شهادة عربية او افرنجية .. انشاءالله من الواق الواق .. بس محاولاته باءت بالفشل ..
وحلم الجعاااااااان عيش ..
هههههههههه

[زهرة الشمس]

إن كل قضية في المجتمع لابد أن يكون لها مركز تدور حوله الأفكار والاحتمالات والعوامل وما طرأ عليها وما سيطرأ عليها...
قضية الزوجة الثانية من القضايا المهمة التي لن تحسم إلا بالتفهم الكامل والشامل لكل الجوانب وأهم جانب وهو جانب العدل والعدل يجب أن يعتبر به كحس ومنطق وشعور وتطبيق ..
والعدل هنا لا يبدأ بعد الزواج بأخرى ، بل يجب أن يكون الإنسان عادلا منذ نعومة أظفاره والأهم عند اختياره لزوجته فلا يتركها مهمة للآخرين حتى لا يظلم نفسه أو يظلم إنسان آخر المفروض أن تكون كل المعاني الطيبة عامرة بينهما فيما بعد .
أنا لا اعتبر أن الزواج بأخرى فيه ظلم أو تجني ولكن الظلم يبدأ فعلا حينما يتزوج بأخرى دون سبب وجيه أو مانع شرعي قوي وهذه هي من ضمن الحكم في قوله تعالى (فان خفتم ألا تعدلوا فواحدة) والعدل هنا ليس مادة وجاه وسلطان أو نفوذ .. العدل مودة ورحمة واستماع وتآخي وترابط وتوادد وتراحم وتقدير واحترام والكثير الكثير من أمور الحياة الزوجية الرفيعة والسامية...فمن المستحيل أن يكون هناك رجل متزوج باثنتين فيذهب إلى الأولى ويتبادل معها الأحاديث وكأنها الوحيدة في حياته أو يعبر لها عن مدى اشتياقه ولوعته واحتياجه لحبها وحنانها وأن مكانتها محفوظة مهما تغيرت الظروف من حولها كما يعبر بذلك لزوجته الثانية أو الجديدة وهذا أبسط جانب من جوانب العدل المفتقد عند الزواج بأخرى... فدوماً الزوجة الثانية هي انسلاخ للرجل من الزوجة الأولى ومن البيت والأولاد وهذا ما نلاحظه في مجتمعاتنا وبكثرة ... وفي هذه الحالة يجب على الرجل أن يلجأ إلى مدرسة السنة النبوية الشريفة لأن الرسول (عليه أفضل الصلاة وأزكى السلام) كان خير معلم واكبر دليل في مدرسة الأصول الاجتماعية وما يتعلق بها من قضايا في الزواج المتعدد ...وفي هذا النطاق أسرد قصة (فيما معناها) أن إحدى زوجات الرسول (صلى الله عليه وسلم) جاءت إليه وطلبت منه أن يقول لها أمام جميع زوجاته الأخريات انه يحبها وان لديها مكانة خاصة ومميزة عنده ... فوعدها الرسول الكريم بذلك ثم أعطاها درهماً ..... في هذه الأثناء ذهب عليه أفضل الصلاة وأزكى السلام إلى كل زوجاته ومر عليهن وأعطى كل واحدة منهن درهماً.. وجاءت لحظة التصريح والإيفاء بالوعد وفي أثناء تواجده (ص) بين زوجاته سألته الزوجة التي طلبت منه ذلك التصريح وسألته عن المحببة والمقربة والمميزة لديه والتي يكن لها حباً كبيراً فأجابها : التي أعطيتها درهماً .....فاعتقدت كل واحدة منهن أنها هي المقصودة وهذا لا يدل إلا عن سماحته (ص) وسعة صدره وكيفية تطبيقه لعدل هو سيده ...فانتشت كل واحدة منهن وتلألأ الفرح في دواخلهن الجميلة وبرقت ثناياهن بالتقديس لهذا الزوج العظيم الذي لن تأتي الإنسانية بمثله أبداً... عليه أفضل الصلاة وأزكى السلام ...
من ناحية أخرى لا بد أن نكون نحن النساء عادلات وقنوعات كنساء النبي (ص) واللاتي هن قدوة لنا جميعاً فلا يجوز أن تقصر امرأة في دورها كزوجة أو كأم أو يعيبها أمر ما كعدم الإنجاب مثلاً ثم تطالب زوجها بعدم الزواج بأخرى أو تتصرف تصرفات مشينة عند زواجه بأخرى ... وهنا أطالب كل رجل راودته فكرة الزواج بأخرى أن يتروى ويتأنى (وأن يبحث وسائل العلاج في حالة المرض) و إسداء بعض النصائح لها حتى تصلح ما يمكن إصلاحه....وتشعره بالأمان والاستقرار والقيام بالواجبات والحقوق المتبادلة على أكمل وجه
وهذا ما نلاحظه في كثير من الاجتماعات النسائية حينما يتبادلن الأحاديث و الأخبار المختلفة التي تدور حولهن فحينما يطغى على الحديث خبر كأن فلانة تزوج عليها زوجها فلا يصبح هناك حديث إلا هاتين الجملتين :
الأولى : (ليه؟؟؟؟؟؟ مسكينة والله ما بتستاهل ..... بالغ لكن .. عملت ليهو شنو..؟؟؟؟؟؟؟؟؟؟ وقصرت معاه في شنو ... والله ما ليهو حق... و غيرها من الكلمات التي تعدد مزايا وحسنات هذا الزوجة الوفية )
أما الجملة الثانية : (أحسن!!!!!! ... تستاهل!!!!!! عجبنا ليها...... كريهة وقبيحة....!!!!!!! هو أصلاً العجبو فيها شنو من الأول ؟؟؟؟؟؟؟؟؟ والكان مقعدو الزمن ده كلو معاها شنو؟؟؟؟ وهلم جر من الانتقادات اللاذعة للزوجة المهملة في حقوقها وواجباتها)
هذا التباين والاختلاف في وجهات النظر لكل حالة على حدة يبين لنا بوضوح أن المهملة في حياتها الزوجية تكون منبوذة من الجميع و ليس من جانب زوجها فقط وهذا رأي حقيقي سديد وصحيح لأن أطرافه نساء والنساء ليس لديهن مصلحة في الشفقة أو الشماتة في هذه الحالة فالمثالية مثالية مع الجميع والسيئة سيئة مع الجميع أيضاً وهذا يبرر قول الحقيقة وان كانت مؤسفة أو مـُـرة.
لذلك أنا من رأيي أنها إن كانت زوجة مثالية وأم فاضلة بما تحمله الكلمة من معنى وكانت زوجة تفني نفسها في سبيل تأسيس بيت قوامه رجل عظيم وأبناء أوفياء فلها حرية الاختيار والتصرف كأن تترك البيت أو تطلب الطلاق لأن قرار الزواج بأخرى فيه إجحاف وظلم كبير بحقها والحياة مع ظالم ليس فيها أمان ولا مستقبل لها ... والإسلام حينما أباح الزواج بأكثر من واحدة لم يتبع ذلك بالامتثال أو الضعف أو غلبة الأمر والاستسلام من جانب الزوجة الأولى للأمر بل تركه مفتوحاً فالزواج بأخرى حلال وان كانت الأولى مظلومة أو افتقدت العدل و لم تطق العيش معه وهي في كنفه أو في كنف ضرة حلال أيضاً .
لذلك المطلوب من الزوجة الامتثال لتعاليم الشرع الإسلامي فيما يتعلق بالخفايا الاجتماعية لأن الامتثال دعامة البيت والأسرة وتكون المسؤولية على عاتقها كبيرة وحياتية ومصيرية وان تفكر جيدا قبل الإقدام على أي خطوة وان لا تتسرع بهدم أسرة بكاملها وخراب بيت وتشتيت أولاد وأن لا تكون عرضة للانتقاد وللانتقاص من قدرها وحقها بين الناس سواء كانت زوجة أولى أو ثانية ....

[mohammed ahmed]

لذلك المطلوب من الزوجة الامتثال لتعاليم الشرع الإسلامي فيما يتعلق بالخفايا الاجتماعية لأن الامتثال دعامة البيت والأسرة وتكون المسؤولية على عاتقها كبيرة وحياتية ومصيرية وان تفكر جيدا قبل الإقدام على أي خطوة وان لا تتسرع بهدم أسرة بكاملها وخراب بيت وتشتيت أولاد وأن لا تكون عرضة للانتقاد وللانتقاص من قدرها وحقها بين الناس سواء كانت زوجة أولى أو ثانية ....

وهنا نقف 0 وينقطع الكلام والله رآيكم شنو ؟؟؟؟؟؟؟؟؟؟
حمام

[salwa]

عباد الشمس .. شكرا ليك كتير على مقالتك واللي هي ضربت موضوعي زاته ووالله المراة عموما تستحق الاعزاز والتقدير من الرجل سواء كانت اولى او عاشرة . وشكرا ليك والله على تشريفك لي

[salwa]

الاخ العزيز محمد... والله انت قلت الشيء المفيد جد والله لكن هل تعلم ان المراة بتفرض احترامها لنفسهها على الجميع باي طريقة مسموحة ليها وان دخلت مختلف المجالات عمل او اي وسيلة اتصال مع الناس فلا مانع من التواصل والمعرفة وهي بطريقتها وتعاملها تجبرالناس على التعامل معها بنفس الطريقه مع التحفظ عند اشياء معينة وان يكن من الواجب معرفة الزوج بكل ما تخطو من خطوات حتى تتجنب الغيرة والالتباس من ناحيته .. واشكرك والله على مرورك ورايك قيم نعتز بيه

[mnoma]

أنا شايفة انو مااافي راجل بفكر يتزوج مرة تانية او تالتة كده بس مزاااج يعني
لا .... لازم يكون في سبب مقنع بالنسبة ليهو هو حتى لو ما كان مقنع للزوجة و الحواليها
و ما أظن في زوجة موفرة لي زوجها كل سبل الراحة و مهتمة بيهو و بتحبو و بتحترمو وشايلاهو على كفوف الراحة يفكر في انو يخليها ويتزوج عليها

فإذاً سببب تعدد الزوجات بكون بسبب خلل في الزوجة اولاً وقبل أي سبب آخــــر ...ده من وجهة نظري
:)