نبع الحنان

[مصباحيه]

ياواحه فى دربى ياراحه فى قلبى يازخرى ياسعدى
ياحبيبتى يا امى

ياغاليه ست الكل انتى الحنان والضل أعيش دوام لرضاك واخفض جناح الزل
ياحبيبتى يا امى
منك عرفته الحب اه وطيببة حنان القلب الاهى يلطف بيك يخليك لى يارب

غامرانى بالدعوات يا اعظم الامهات عفوك يا والده علئ بدخل الجنات
يا اغلى من دمى يا حبيبتى يا امى

[مصباحيه]

يا نبع الحنان يا امى
يا دار الامان يا امى
يا وطن للحب فى كل العصور
ياربيع العمر يا احلى زهور
انتى سدره وإحنا فى احضان طيور

من حنانك من دموعك من شقى عمرك ربينا
مهما قلنا او عملنا ما بنرد فضلك إلينا

امى الله يسلمك

[مصباحيه]

مهما قلنا او عملنا مهما قدمنا وعطينا
لو وهبنا ليك عمرنا ما بنرد فضلك الينا

تغنى كثير من الشعراء عن الام وعظمتها وحبها لابناءها مهما كانت الظروف
الام هى نبع الحنان عنوان المحبه هى هى هى هى كل شى فى حياتنا لولاها ما ولدنا
عندما ننظر الى فترة الحمل ثم الولاده ثم الرضاعه وبعد ذلك التربيه نعرف ما هى الام

هى اغلى ما فى الوجود
غامرانى بالدعوات يا اعظم الامهات
اديك لى طولتة العمر فى الدنيا يوم ما يالمك
صدقونى اخوانى يعجز فكرى من انتقاء الكلمات التى تليق بست الحبايب لمباركة عيدها
اوحى كل الامهات واقول ليهم كل سنه وانتو طيبين وسالمين آمين يارب العالمين

[sambaaa]

نهلة ..

عبر نافذتك هذه .. أهدي لكل أمهاتنا عبير مليار وردة خرافية .. وأمنيات طيبات بطول العمر ..

لك الود .. وانتي تمجدين الأم باحلى حروف ..

[أبوبكرحامد]

لك الشكر نهلة وللأم فى عيدها أصدق الدعوات بدوام الصحة والعافية ، دعونا نبتهل للمولى عز وجل أن يشفى والدة العضوة / أميمة عشرية .

[ضياء الدين احمد]

كل سنه وكل اماتنا بالف خير ومشكورره اختي نهله فقد ينسي الكثيريين هذه المناسبه الجميله

[ناصر الباشا]

العزيزة نهلة حيدر

عبرك نهدي لكل ستات الحبايب بكل اركان الدنيا

مليون قبلة على جبينهم ، نتضرع لله ان يحفظهم

و ينثر عبرهم دفء الحب لكل اوصال الوجود

[سواااح]

الاخت نهله ..

لا اظن هناك شئ نستطيع تقديمه للامهات اعظم من الدعوات لهن ..

اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك

اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل

اللهم اجعلها من الذاكرين لك ، الشاكرين لك ، الطائعين لك ، المنيبين لك

اللهم إنا نعوذ بك أن تردها إلى أرذل العمر

اللهم واختم بالحسنات أعمالها .....

اللهم آمين

دمــــــــــتي ،،

[التيمان]

ياسلام والله



كللك زووووووووووق



وتسلمى انت ياغاليه

[فوزيه]

أمى .. الله يسلمك
ويديكى لى طول العمر..
وفى الدنيا يوم ما يألمك ..
امى .. الله يسلمك ..

* * *
أمى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى .. الله يسلمك

***
خيرك على بالحيل كتير ،
يا مرضعانى الطيبة بالصبر الجميل ،
سا سعد أيامى وهناى
لو درتى قلبى ، أسلمك.
أمى .. الله يسلمك

***
أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام
يا منتهى الريد ومبتداه ..
يا الليا .. الله يسلمك ..
ويديكى لى طول العمر
وفى الدنيا يوم ما يألمك ..
أمى .. الله يسلمك

[فوزيه]

بحر المودة
شوفي الزمن يا يمة ساقني بعيد خلاص
جرعني كاس
دردرني اتغربت واتعزبت يا يمة وريني الخلاص
يا يمة يا نور الصبح وكتين يطل
يا يمة يا بدري البشع دائماً يهل
يا يمة يا فيض الحنان الما كمل
وآشري يا زينوبة ولدك في بحور الشوق كتل
محروم من الحب والمحنة وراءك همل
يا يمة يا نغماً حنين بالشوق يرن
وافكاري فيهو بيرتعن
ودمعاتي شانو بينزلن
ازكرك يا يمة يا يمة في الدقش النسايمو يهبهبن
قائمي الصباح متكفلتي شايلة الحليلة على المراح
جبتي اللبن بي انشراح
في الساعة ديك يا دوبو ديكنا بدأ الصياح
والطير صغارو يغردن
اتزكرك يا يمة يا يمة في ساعة الهجير
صاليك نار الدوكة عوستلنا الفطير
رشيتيه قلت اكلوه خير
بزكرك يا بسمة الطفل القرير
وكت الخلوق ترقد تنوم
اسهر براي مع النجوم
والشوق يرف جنحينو بي فوق لي يحوم
واهتف بي اسمك في الخيال
طيفك كمان بي فوقي جال
اتمنى لو لحظات يدوم
لكني فجاءة القاه زال
يا يمة يا بحر المودة وكت يفيض
يايمة يا شعلة امل زادت وميض
يا يمة يا عنقود كلام منظوم قريض
اتزكرك يا يمة يايمة
وقت الناس يجونا من البلد
ناعم ترابها علي جسيماتم رقد
ريحة التمر فوق الهدوم لون الخضار خانس لبد
والشوق اواره بشتعل كان ظني فيهو يكون خمد
اتزكرك يا يمة يا يمة والناس قالو قائمين البلد
رصو الهديمات عدلو ركبو اللواري وقبلو
خلوني وحدي بلا انيس
كيف انفرادي اتحملو
شالو السلام انا مني ليك
يا يمة ساعة يوصلو ويقول ليك شفناه في بلد الأمان
يا يمة رسل لي عفوك ينجيني من جور الزمان
يا يمة رسل لي عفوك ينجيني من جور الزمان
يا يمة رسل لي عفوك ينجيني من جور الزمان