ويسألونك عن الزواج ؟؟

[ضياء الدين احمد]

انتو الصيوان ده بتاع ناس منو؟
هي يا انتي الليله ماعرس ضياء
ماعرفتو؟
ود ناس وداعه
هي واااي وهو ده بقي للعرس؟
* أي بقيت للعرس مالي صغير ولا جاهل
· وعرس كيف في الظروف الصعبه دي؟
· ياانتي مامغترب كمان بقولوا عرس كيف؟
* هههههههههههها بالله شوف الغبيانات ديل قال مغترب قال هو لو القصه كده يادوب الماعرسنا
· اها طيب عرست كيف؟
* عقلتها وتوكلت
· ماتورينا بعقولها كيف؟
* بسيطه جدا كنت راقد علي قفاي وقلت لنفسي ياود ياضياء انت مستني شنو عشان تعرس ؟ مستني معجزه ؟
لا زمن المعجزات ولي .
طيب منتظر تعمل ليك حاجه تجيب ليك دخل قبل العرس؟ برضو لا الضمني شنو انها بعد العرس تكون موجوده من هنا كانت فلسفتي بسيطه جدا ياود يا ضدو هي كده كده ما حتتلمي القروش احسن تعرس وبدل تستني تلاته واربعه سنه البقولوها اصحابك اكون ولدك قرب ادخل المدرسه بالله الولد البجي ده ماراس مال كويس؟
وبعدين تعالوا هنا ياخي انا ممكن بعد العرس ربنا افتحها علي واعمل مصدر الدخل البتقولوهو ده ومش كده وبس ممكن اعمل مشاريع استثماريه ضخمه تدفع بعجلة نمو البلاد وهاك يا تجدع بعد ده ( شركة ضياء الدين للمقاولات العامه) ( ديدي مول) ( ضياء للعقارات) واقطعوا ليكم المسلسل العربي واجيبوا ليكم في الاعلانات طفله عسوليه شايله ليها قطعة بسكويت بتكوضم فيها أأقصد بتاكل فيها وفي موسيقي تصويريه شغاله وبعدين اجوا مجموعه كبيره من الاطفال شايلين بسكويت وبقولوا بسكويت ضياء ولا بلاش وبعد داك اسالوني لو ناس مصنع بركه باعوا ليهم بسكويته واحده !!!!!!!
والله ياخوانا عايز اخلص لي انو فكرة الزواج فكره بسيطه جدا وحقو الناس ما تعقدها وتودر زمنها ساااااي يلا اعقلوها وتوكلو ا والكلام ده ما ليك ياود هاشم شايف اضنينك رقصو والدكتوره بتضيعك

[Jamal Elmahi]

· اها طيب عرست كيف؟
* عقلتها وتوكلت
· ماتورينا بعقولها كيف؟
* بسيطه جدا كنت راقد علي قفاي وقلت لنفسي ياود ياضياء انت مستني شنو عشان تعرس ؟ مستني معجزه ؟
لا زمن المعجزات ولي .


حباب المهل...عليّ الطلاق راجل ود رجال...كان ما سويت كدي يعرفوك ود ناس وداعه كيف؟؟...ها زول ما شقّالو حنكاَ ضيّعو ...بس الطريقه التقنع الدّيك شنو...


ود الماحي

[ياسر فقيري]

والله كلامك صاح جمال .. نحن في طريقة إقناع الديك .. وأنا خايف تبقى من ديك وعييييييك ..

[Jamal Elmahi]

والله كلامك صاح جمال .. نحن في طريقة إقناع الديك .. وأنا خايف تبقى من ديك وعييييييك ..

حباب ود فقيري ....
ما دام مافي طريقه نقنع الدّيك عاد الحل شنو؟؟؟ندبّل ولاّ نخلي بناتنا يبورن بي سماحتن دي!!!
قالو الحنكوشات اليومين دي ماسكات في الشدر الكبار فيهو الصمغ...وطبعاّ الجلاكين ما صدقو ووقعوا فيهن عرس...بنات صغار ترانزستر...
قالوا الواحده فيهن تكون ماشه مع راجلا تقول ليهو يا عمو ممكن نمشي الملاهي؟؟؟...يضوّقنا عاد يايمّه نحن الله داك...عرس البزيقللّي نضوقو ونطلع سوقو ...قال صمغ قال...

ود الماحي

[مرتضى ساتى]

مبروك اخونا ضياء ومبروك للوحش عبد العظيم الحوت واتمنى ان يحذو الجميع حذوك
لانه الزمن البمشى مابرجع وبعدين الندم ما بفيد حاجه والزواج رحمه من الله سبحانه وتعالى
وولدك بكون فى عمرك وبساعدك فى الحياة والزواج بخلى الواحد مستقر وابواب الرزق بتنفتح على الواحد
وبكفى الواحد جميع الشرور وبقول مبروك الى اى واحد بسلك مسلك اخونا ضياء

[خالد هاشم علي]

هههههههههههههههههههه ياشباب الديك مقتنع لكن البقنع الجدادة وأمها شنو؟؟؟؟؟؟؟؟؟؟؟؟ وياضياء سيب الغتاتة والدغالة يعني عشان انت اتورطت وادبست واتزوجت كمان عايز الشباب يتورطوا معاك ههههههههههههههه

[معتز حمدتو]

قال رسول الله صلي الله عليه وسلم ( تزوجوا فقراء يغنيكم الله )
وكذلك ( من استطاع منكم البا فليتزوج )
ولكن الاهم انك تظفر بذات خلقا ودين . وان تقوم الحياة الزوجية علي الاحترام اولا .
الزواج في حقيقته شيئا بسيط ولكن مابعد الزواج الالتزامات ، والسماية ، التربية ، ( وطبعا الاهم من ده كلُ عند الزوجة مهما كان مستواه التعليمي والاجتماعي الذهب والثياب السودانية علي التقليعة وخاصة اذا عملت ضكر بط كبير وعاوز تنزلها السودان اجازة)
لكن انا معاك ياضياء الدين في تصرفك لانُ مليون %100 صحيح فالفلوس ما بتتجمع وذي مابقولوا الرايح قدر الجاي والزواج استقرار وطمئنينة وربنا اسعدك وارزقك ذرية صالحة وعقبال بن عمي نبيل وايهاب وعقبال ياسر فقيري ما يلم الثلج قبل ما يسيح .
لكن ياضياء عاوز اسالك يوم قابلتك في المطار ماشي للعرس كنت عرقان مالك ؟

[ابراهيم]

يا ضياء الدين .. ويييينك يا راجل

والله شوقنا الليك طول ... والبركة بالجية

وجيتنا بالمفيد وكلامك مطمن تب
لكن إن بقت غتاتة على قول ابو هاشم يبقى انت المسؤول
تحياتنا

[ضياء الدين احمد]

والله مبسوط كتير بجيتكم ومن اجيبوا ليكم سيرة العرس تتلملموا اولا شكري للاخ جمجوم ود الماحي وقلت لي الصمغ طاير انت عاوز الكرولات 2006 بس كيف وانت ماصق بالصمغ؟ وايضا شكري للاخ ابوهاشم وانت بتتعلق ذنب الناس ديل ياخي ماتخليك اناني مالك مامتهني في العسل لقمتك نضيفه وهدمك نضيف ومرتاح عاوز تحرم الشباب مالك من النعيم اوعوا تسمعموا كلامو. وايضا كل الود والتحيايا بود الكوتش الاخ الخبروا وصلني انو فرح جدا بزواجي الاخ مرتضي والله نورت المنتدي
والي اخي العزيز ابراهيم لك كل التقدير والله الشوق متبادل وصدقني الغتاته عند ودهاشم ولدو عاوز ادخل الروضه وما عايز الخير للناس وهو واحد ناس من زمان اقول لي انت عوير عرس شنو والعرسوا قبلك عملوا شنو؟ شفت الزول ده حاسد كيف؟
واخيرا العزيز جدا معتز حمتدو مشتاقين كتير والحق اولاد اهلك كان ما لحقو عرسو الصلعه بتاكل باقي الشعر اما بخصوص العرق ده لانو الشمس كانت معاي جوه الصاله وطبعا انت الشمس !! ومشكور علي الرساله وسؤالك عني اما انت ياياسر فقيري كان لحدي الان ما معرس خم وصر لانو الصادق الفاضل ولدو لقيتو بلعب كوره

[bakri]

والله ياضياء العين بصيرة والايد قصيرة وزى ماقال ليك خالد البقنع الجدادة وامها شنو

انت ما عارف بنات الذمن ديل الواحدة اول حاجه لو ماعرفتك شغا ل شنو

وعندك شنو ورصيدك كم ولاتحاول تقدم اوراقك عشان ما تتحرج ساى

وابقى عليك البقى لاخونا فلان...........

[sambaaa]

الأخ العزيز / ضياء ...

الف مبروك ... وانشاءالله بيت مال .. وعيال .. كتار .

واهنيك على تفكيرك السليم ..

[ضياء الدين احمد]

شكرا للاخ العزيز بكري والله العظيم ثلاثه المساله اسهل من ساهله انت انوي وشوف عرسك بطلع حلو كيف وطاعم وبنات الحلال كتار هو الزمن ده لاقيات عرس جد والله بقي في كساد كبير جدا جدا في سوق الزواج والعرض بقي اكتر من الطلب كما اقدم شكري واحترامي للعزيز جدا سا مبا علي التهنئة

[معتز حمدتو]

ياسر فقيري ياضياء الدين متزوج لكن لا قادر اطول بلح الشام ولا تمر المدينة :d :d :d
بعدين شمس شنو الفي صالة مطار ابوظبي انت قايل نفسك في مطار الخرطوم ؟؟؟
واولاد عمي ساجورم كبير ما دام صاحبهم رياض يونس
بعدين الصادق الفاضل عندُ بنت لمعلومتك . :d

[ضياء الدين احمد]

انا قصدي بالشمس انت ياود حمدتو بمدح فيك ياخي وفعلا الصادق عندو بنت بس قلبناها ولد في سياق الحديث وبيني وبينك رياض باقي ليهم عارض بس اوعي تفتني معاهو

[عزيز عيسى]

يا ضياء أنا لما قريت الموضوع قلت الزول دا دخل المجال وبقى يهضرب ولا شنو؟
لكن لقيت الكلام فيه عظة وتشجيع للشباب العزاب..
وكلامك صاح يا ضياء.. مافيش أحسن من الزواج المبكر..
وزي ما بقول المثل:
أسأل مجرب ولا تسأل طبيب..

تصدق.. ولدي هسع قدري !

يلا يا ابراهيم وباقي الشباب استخيروا الله وغطوا قدحكم المسألة في غاية البساطة
واتزوجوا علشان تشوفوا حلاوة البنين والبنات.
وكان بقت علي العقد.. ودالمأذون بيقوم بالواجب.

[ضياء الدين احمد]

شكرا كتير اخونا الكبير ود عيسي واديك العافيه واخلي ليك راس مالك الكل يوم انت شايفو بيكبر قدامك وده راس المال الحقيقي ونحنا الغني والمال والله ما ابيناهو ربنا قال المال والبنون زينة الحياة الدنيا اها ناس قريحتي راحت ديل لا المو في مال لا بنون عشان كده ابقو عشره علي وصية اخونا العزيز عزيز ومافي زول ادي اضانو لود هاشم

[طير الورور]

ضياء مبروك مليون مبروك وانا طبعا حضرت شريط العرس
والعقبال عندك يا ود الماحي وانشاء الله تضوقوا ذي ما ضقت قطعة الواطة القالا ياسر محمد خير
وانا برضوا مقتنع
لكن البقنع عمك الزواوي شنو؟؟؟؟؟؟؟
والله خلاني اصحا من النوم واغني
زو زو بي
اللوري
زو زو بي
اخوكم طير الورور

عاصم عبد الحليم بابكر