سوار الياسمين .. ضيفتنا هذا الأسبوع في الكرسي السااااااخن ... [الأرشيف]

مكتول مدنى

14-03-2006, 07:56 AM

انت يا سامبا خلاص انفردت بالمرمى بعد تعبت من الاقوان ومالقيت غير سوار الياسمين المسكينة علشان تنتقم فيها
لكن يا مان الزمن دوار وتانى بنجيك ان طال العمر او قصر
تعرف لانك زغت يومين وكلفت الموضوع ساى الاسبوع بتاعك طلع ناقص 4 ايام لازم تقضيها بعد سوار ومن اليوم قانون الكرسي الجديد لازم تجاوب على 3 اعضاء يوميا على الاقل يعنى الكرسي الساخن لازم يشتعل وممكن جدا الضيف يتم الكرسي خلال شهر يعنى الضيف اقل شئ لازم يجاوب على اسئلة 21 عضو على الاقل وذلك لمدة اسبوع يعنى الضيف ما يجاوب الاسئلة دى فى ساعة ويقول خلصت لكن بعد اسبوع لازم لو عايز يتخارج من الكرسى انه يكون جاوب اسئلة 21 عضو على الاقل بمعدل تلاتة اعضاء يوميا يعنى لو جاوب على 100 عضو فى اليوم برضو دة بتحسب يوم واحد بس ولازم يجاوب على سؤال اليوم باليوم يعنى الاسئلة البايتة لاتحسب من ضمن اسئلة اليوم الجديد
وهذا القانون سيسرى اعتبارا من الضيف القادم وليس الضيف الحالى وباثر رجعى سيسرى على سامبا لان السيد سامبا (ود الموية) حاول يمكر علينا لكن ما بقدر للاسف

سواااح

14-03-2006, 12:11 PM

الاخت العزيزة سوار الياسمين ..

حبابك الف .. وما تشيلي هم ..

لي معك عودة اخري ولن تكون ساخنة ..

دمـــــــــــتي ،،

sambaaa

14-03-2006, 07:07 PM

انت يا سامبا خلاص انفردت بالمرمى بعد تعبت من الاقوان ومالقيت غير سوار الياسمين المسكينة علشان تنتقم فيها

هههههههههههههههههههههههه

يا حبيبوووو .. انت زاتك الدور راجيك .. وشكلك جرسة شديد ... :)

سوار الياسمين

14-03-2006, 08:17 PM

اليلة وووووووووووووووووب على :confused: :eek:

حقي راح معاكم عليكم الله يا اخواني ماتقسو علي انا بت غلبانة وفي حالي :(

قولتلي يا سامبا عايز تعرف منو سوار الياسمين؟؟ :mad:

طيب ارجاني كويس

سوار الياسمين

14-03-2006, 08:20 PM

من هي سوار الياسمين ؟؟

ده يا سامبا اعتبره اول سؤال ولا ايه ؟؟!

sambaaa

14-03-2006, 08:30 PM

ايواااااااااااااااااااااااا .... يلا اتحركي شوية ... بطلي الجرسة ...

ههههههههههه ... مشيتي وين ؟ :)

سوار الياسمين

14-03-2006, 08:54 PM

طيب يا سامبا

اجاوبك على سؤالك

انا اسمي هبة

عمري 21

اعمل في مجال السكرتارية

لي اربعة اخوان اولاد وانا البنت الوحيدة

مرتبنتي بين اخواني القبل الأخير

اتولتى ودرستى واشتغلتى في دولة قطر

اها تاني عايزين تعفو شنو

sambaaa

14-03-2006, 09:05 PM

تمااااااااااااااااااااااااااااااام ..http://wadmadani.com/vb/images/icons/icon14.gifhttp://wadmadani.com/vb/images/icons/icon14.gif

ايوه كده ... بداية موفقة جدا ... بعد ده نجيك بالحاجات التقيلة ديك ...

سوار الياسمين

14-03-2006, 09:09 PM

ارجوووووووووك بلاش الحجات الثقيلة

بتكبس على نفسي

هههههه

خليك ظريف احسن ليك

الشريف الهندي

15-03-2006, 12:01 AM

بسم الله الرحمن الرحيم

الغاليه سوار الياسمين

تحيه عطره علّها تقلّل عليك مماسيأتيك من الحرالشديد
ومرحبا بيك في الكرسي الساخن والذي تفرد به النجوم الطوالع

سعدنا كثيرا بخبر وجودك على الكرسي الساخن

ودعواتنا معاك
وعلشان تكسبي الزمن وما تتجهجهي اتبعي ارشادات مكتول مدني
وما تحاولي تتزاوغي من الاسئله نهائيا لأنها راجياك راجياك مع ـنك خارج نطاق القرارات الجديده لكن بعد شويه الحكايه حتسخن

أما عن سؤالاتي :

بما أنك عشتي خارج البلاد كثيراً منذ ولادتك انتهاءاً بعملك
أود ان اعرف
1/ ماهية حقيقه الاحساس بالوطن لديكي وخاصة الان ؟
2/ ماذا تعني لكي الغربه والبعاد عن أرض الوطن ؟
3/ هل كانت لكي زيارات مع الأسره للوطن وماكان احساسك حينها ؟
4/ ايها تفضلي الاستمرار في الغربه أم أن الشوق والحنين لتراب الوطن يحن في دواخلك حيناً ؟
5/ قطر والحياة فيها ... مقيمه بها ؟ أم متجنسه القطريه ؟
6/ ماذا لو حصل وكان ( القرار الجمهوري حقيقة ) ؟
7/ مدى ارتباطك بالاهل وابناء وبنات الاعمام والعمات والخالات والخيلان وكذلك الجدود والحبوبات .
8/ من وجهت نظرك ايهما الافضل لتربية الابناء ؟
* هل تربيتهم في الجو المغلق كما قالوا عن ابناء المغتربين
*أم تربيتهم في السودان كما هو الحال الان ؟

( رغم انشغال الوالدان عن الأبناء نظرًالظروف المعيشه )

9/ ماهي نظرتك للفتاه السودانيه
من الجانب الثقافي ..... والاكاديمي ..... الاجتماعي ؟
10/ عمل المرأء في المجتمع ودورها ماذا يمثل بالنسبة لكي وما دورك كفتاه سودانيه ؟

لا أحب أن أطيل فهناك من الحاورالكثير
وخصوصاً أن التربيه والحياة خارج الوطن كانت حالتي منذ عمري عام ونصف

أتمنى لكي استضاقه طيبه بين سهام الود والإخاء لتفيض على كرسيك
عطر الفل و الياسمين

ناصر الباشا

15-03-2006, 01:35 AM

اختنا الغالية سوار الياسمين

ليس لدي سؤال محدد و لكن تعقيب على اخونا الهنــــــــدي

حقيقة لم اكن اتوقع انك نشأتي خارج الســـــــودان و ذلك

لاسباب اهمها ارتباطك الشديد بسودانيتك و يظهر هــــــــذا

واضحاً في مفردات الفتاة السودانية العاميـــــــــــــة التي

تستخدميها و هذا لا يتوفر كثيراً في شخصيات معظــــــــــم

ابناء السودانيين المولودين في الخليج و هــــــــــــذا يعكس

الدور الفعال لاسرتك في تنشاتك تنشأة سودانية بحتـــــــة

و ربطك بعادات و تقاليد السودان و مليون تعظيم ســــــــلام
لوالدك ووالدتك و يا مغتربين شوفوا عمنا ابو هبة بعمل ايه

سوار الياسمين

15-03-2006, 04:15 AM

يا مثبت العقل والدين يا رب

الشرييييييييييييييييييف المهندي

انت يا ود امي أسالت مجلس الأمة بتاعتك ده شنو

والله انا ما بفتكر انو حصل قبل قدة زعلتك في حاجة لا سمح الله

لكن حرد عليك يعني حرد عليك والأمر مفروغ منه

((و الله سؤال الملكين اسهل من كدة))

وتحياتي يا الشريف

سوار الياسمين

15-03-2006, 04:21 AM

ناصر الباشا

نرحب بيك في صالون الكرسي الساخن

وهل تصدق اني كنت حنكوشة لدرجة تخوف

ولكن للما بقينا كل سنة نمشي السودان علاقتي بالمفاهيم السودانية وطريقة الكلام اتغيرت

وقول ليك شي الكلام العامي البتكلم بيهو في المنتدى ده اصلا ما حصل اتكلمتو في البيت

ولكن اتعلمتو في السودان خلال الإجازات والله يدي اولاد وبنات العم العافية الزول اتفتح معاهم شوية

واشكرك يا اخوي

سوار الياسمين

15-03-2006, 05:25 AM

قلتلي لا تحب ان تطيل :confused: :eek:

1/ ماهية حقيقه الاحساس بالوطن لديكي وخاصة الان ؟
والله السودان مافي منه بديل ولو كان الزول عايز بديل ما حيلقى وفي حاجة ما بتتفسر وهي شعوري نحو بلدي الحبيب الذي اعتز بأنني من ترابه مع اسفي انني لم اتربى فيه وارتباطي بيهو مجرد زيارات لا اكثر وادعو لي اني ارجع ليهو قريب انشاء الله

2/ ماذا تعني لكي الغربه والبعاد عن أرض الوطن ؟
والله بما انني منذ ما فتحت عيوني :eek: على الغربة فانا فعلا ما بعتبر نفسي في غربة لاني اساسا ما شفتى العيش في الوطن شكله كيف ولكن في الفترة الأخيرة اصبح على فراق الوطن عند انتهاء الإجازة صعب شديد اتمنى انه يزول برجوعي لوطني في القريب انشاء الله
(( إلي بعده....))

3/ هل كانت لكي زيارات مع الأسره للوطن وماكان احساسك حينها ؟
كل سنة والحمد لله ماعدا لما نمشي لباقي الأهل في مصر

4/ ايها تفضلي الاستمرار في الغربه أم أن الشوق والحنين لتراب الوطن يحن في دواخلك حيناً ؟
ده سؤال ده طبعا السودان ولا بديل عنه ابداااااااااااااااااااااا ( البت عاملة فيها وطنية))

5/ قطر والحياة فيها ... مقيمه بها ؟ أم متجنسه القطريه ؟
مقيمة وكان ادوني الجنسية ما عايزاها مش ليعيب فيها لا سمح الله ولكن لأني اعتز أني سودانية

6/ ماذا لو حصل وكان ( القرار الجمهوري حقيقة ) ؟
لو حصل والله حق أمهاتنا بيروح
ولتمنى انه يتحقق في الجزئية الولة فقط الي هو عودة المغتربين اجباريا

7/ مدى ارتباطك بالاهل وابناء وبنات الاعمام والعمات والخالات والخيلان وكذلك الجدود والحبوبات .
صلة والله مشاء الله عليها خمسة وخميسة مميزة جدا وما اظن انو في حد زينا وللأسف حبوبتي السودانية ما عشتى معاها كان توفاه الله وانا بعمر السنتين ولكن حبوبتي المصرية عشتى معاها وعوضتني فقد الحبوبة السودانية مع العلم انها كانت بتتكلم معاي سوداني لانه جدي الي هو زوجها سوداني جعلي كمان ((ناس المك نمر)) ;) الله يرحمها اتوفت رمضان الماضي.

[من وجهت نظرك ايهما الافضل لتربية الابناء ؟
* هل تربيتهم في الجو المغلق كما قالوا عن ابناء المغتربين
*[أم تربيتهم في السودان كما هو الحال الان ؟
( رغم انشغال الوالدان عن الأبناء نظرًالظروف المعيشه )
]والله الإنغلاق الشديد ما كويس والانفتاح الشديد ما كويس وخير الامور الوسط يعني الزول ياخد من الجهتين الشيء الصح مع انه غياب الوالدين في السودان بيعوضه وجود الخالات او العمات او الحبوبات لكن في الغربة نادر ما تلقى حد ياخذ بالو من العيال وما اكثر الحضانات الآن.[/COLOR]

9/ ماهي نظرتك للفتاه السودانيه
من الجانب الثقافي ..... والاكاديمي ..... الاجتماعي ؟

الثقافي وبدون مجاملة وما عشرتي لجنسيات كثيرة جدااااااااااا الفتاة السودانية اكثر فتاة مثقفة في جميع المجالات

الأكاديمي ومن اكثر الفتيات طموحا وتعطشاً للعمل وللوصول الى مراكز ثقافية وعلمية مهمة (اكثر من الرجال) وده مافيها نققاش

الإجتماعي ده بتختلف بحسب كل بنت ووطريقة الترابط الأسري الي اتربت عليها

10/ عمل المرأء في المجتمع ودورها ماذا يمثل بالنسبة لكي وما دورك كفتاه سودانيه ؟
العمل اصبح شيء مهم بالنسبة للمرأة مش السودانية فقط بل لكل الجنسيات ولكل الطبقات ليس فقط للاحياج المادي بل لتحقيق الذات وتكوين شخصيتهم وبالنسبة لي كان قضاء وقت فراغ لكن بفايدة .

ودوري كفتاة سودانية بينحصر في الممكن اطورة او انجزه في مجالي او اي مجال ممكن اصل ليهو فيهو فايدة للمجتمع (( وده كلام جرايد طبعا )) ههههههههه.

واعتقد ما قصرتى معاك (( وتاني ولا نفس )) :mad:

Jamal Elmahi

15-03-2006, 07:23 AM

سواااح

15-03-2006, 10:08 AM

اختي سوارالياسمين .. في كلمات ..

سوار الياسمين

.. اليوم .. غدا .. المستقبل ..

مهيرة

15-03-2006, 08:18 PM

غايتو ياهبة ناس مدني ديل بنهشو اللحم عديل :D
مايلقو ليهم زول وهاك يا سكاكين وخاصة مكتول مدني ده
جنو ضبح :D

هبة كدي عدي لي أحياء مدني جنوب السكة حديد ؟
عشان تسكتي لي لسان سامبا ومكتول مدني ده !!

سوار الياسمين

15-03-2006, 08:41 PM

اختي سوارالياسمين .. في كلمات ..

سوار الياسمين

.. اليوم .. غدا .. المستقبل ..

اليوم فتاة عادية تعيش حياتها بكل لحظاتها حلوها ومرها :)

غداً في بيت العدل إنشاء الله ;)

المستقبل شايفة عيالي قدامي في صحة وسعادة ونجاح وفلاح :D

واشكرك يا سواح على مشاركتك البعتبرها بريك صغير من امتحان الشهادة بتاع الشريف المهندي

سوار الياسمين

15-03-2006, 08:43 PM

مهيرة ازيك مشتاقين والله (( زي البعرفك من قبل)) :D

يختي كان عافاهم قالو شي ما توصليهو لي ينوبك ثواب :o

وعلى العموم ده الرد على سؤالك عشان أسكت العايزاهو ;)

114 ـ الدرجة ـ الحلة الجديدة ـ شندي فووق ـ المزاد

كدى تمام ولا نسيت حاجة :)

ومشكورة على مشاركتك

مهيرة

15-03-2006, 10:11 PM

تمام التمام ياهـــــــــــــبة الله
يعني كان نسيتي :
البحوث
بركات
عووضة

ما مشكلة المهم كتلتي مكتول مدني وسامبا :D

مكتول مدنى

16-03-2006, 12:25 AM

والله تمام التمام اختى سوار الياسمين
وانتى يا مهيرة انا والله فى دنيتى ماندمت على شئ غير انى ما سكنت مدنى وبالجد انا قربت ابكى لما قريت رد سوار الياسمين على سؤالك
شكلى كدة برجع نهائي وامش اتم الدراسة فى جامعة الجزيرة علشان ابقى فى مدنى طول عمرى

فاتنة

16-03-2006, 12:34 AM

حبيبتي سوار
كر علي انتي يا بت سويتي للناس ديل شنو ذي العندهم معاك تار
اول حاجة ليه اخترتي اسم سوار الياسمين بالتحديد
ثاني حاجة ما هي الاشياء المفروض تتبعها الفتاة للدخول في اي منتدى
ثالث حاجة هل ممكن ان ينجح زواج بين شاب و فتاة اتعرفوا بمنتدى معين

سوباوي

16-03-2006, 12:56 AM

الزاهية .. هبة .. "سوار الياسمين"

وللياسمين فوحه الخاص .. يسير في خط موازي لرائحة البارود عند "نزار قباني"

وهدية خاصة لدى العشاق وهما تمام الشوق حينما يهدون لبعضهم الود والياسمين

ويهدون للساقطين الرماد .. فقط أقول رنان هذا السوار الذي اخترته أسماً .. فإن كان

الخيار لك في أسمك الحقيقي فما الذي كنت تتمنين أن تحملينه من أسماء ... وهذا

ليس سؤال وإنما دردشة على ناصية الاسم .

للأمكنة أريحيتها الخاصة كما الذوات .. وعندما أقص خطوك في "تلميذ سوداني

يهدي لمعلمه ....." وأيضاً في "أول مرة في حياتي أقضي العيد في السودان" تعكس

تلك الكتابات نفسية كاتبها الخاصة سوى إن كانت خبر أو تعبير عن ما بداخل كاتبها

وهنا أحس أنك معبئة بأماني كثيفة لتكوني في وسط هذا الجميل من الأحداث في

السودان .. وإن كان البوستين أعلاه من أفعال عادة في المجتمع السوداني ولكن لها

أثرها الخاص لديك لأسباب كثيرة .. منها التغرب الطويل عن الوطن .. قبل أن

يجرفني الحديث في مهاوٍ قد تملين معها الكرسي ودي أن أحرجك بسؤال "مصر –

السودان" أيهما أقرب للقلب وأيهما وأمنية لدى النفس للإقامة بها .

أعجبني بوستك بعنوان "السؤال ذكر والإجابة أنثى" ..

فما قولك وأنتي كأنثى إجابة إذ قلت لك :

الرجل : واقع

الأنثى : واقعة .

الرجل : حي .

الأنثى : حية .

الأخت سوار الياسمين .. بما أنك جزلة الحديث .. وتلقائية الحوار بدرجة تريح

المتداخل معك .. فلماذا الشح في مشاركاتك حين نجد أن عددها (7) وبالمقابل

مداخلاتك تبلغ (191) هل هو الاستمتاع بالأخذ أكثر من العطاء أم هو الميول للإطلاع

أكثر من الكتابة وأرجح أنا بأن أهل منتدانا أقلامهم عامرة بدرجة تجعلك مشدوهاً

طول الوقت في قرأت الممتع مما يكتبون .

سؤال : هل نساك والدك مرة أخرى .. ربنا يحفظه ليكم ويديه الصحة والعافية .

سوار الياسمين سأهديك أخيراً وقبل المغادرة ... مقاطع لملامح إمرأة من صميم

ملامح الوطن .. أتمنى أن تعجبي بها وهي لـ"الأستاذ محمد الحسن سالم حميد" فقط

وددت أن أعرج بك لنوع آخر للتعرف على الفريد من أدبنا ..

وين ؟؟"

مَرَقَتْ .. مَرَه ..

مَرَقَتْ .. مَرَه

مَرَقَتْ .. مَرَه

مَرَقَتْ .. مَرَه ..

دي السُرَّة بت عوض الكريم … ،

مَرَه .. مابتلاوز ..

لابتخاف ..

زيْ الضفاف المابتهابْ ..

ضنب التماسيح .. والكلابْ

قُومة البحر .. ولاَّ .. الجفاف ..

مَرَه .. من قديم ..

مره .. بت قبائل ..

قالوا لا ..

واختاروا في الحق .. الجحيم

ومن رِفْقَة الفَسل .. الخلا

وكانت نعم ..

تدِّي النعيم ..

مَرَه .. من صميم ضهر الغلابا

الماب تنكِّس راسا ..

غير ساعة الصلاة
..
أو ترْمِي تيراب في التراب ..

أو تستشف وجه السديم ..

السُرَّة .. بت عوض الكريم

ما فيها من عادة الحريم

غير السماحة القدَّمت

قُدْم الضهب

حافضنو في حُقَّاً قديم

في أقصى كين

ما فيها من طيع الرجال

غير الأيادي الخشنة

زي قولة النصيحة ..

وكت تكِّدب في الصميم

ساعة يكون الحُكْمِ ..

ضيم ..

تسعين سنة ..

ويا السُرَّة .. بت عوض الكريم

بصرك .. بصير

سمعك .. سميع

نضمك .. نضيم

بالك .. محلُّو صبي وسليم

تسعين سنة ..

تسعين سنة ..

وعودك .. أمدَّاً ما انحنى

شامخ بلا البان القديم ..

تسعين سنة ..

ومن فتنتك :: استغفر الله العظيم !

جوكي .. الرجال ..

آ .. السُرَّة بت عوض الكريم

من ويــن .. و .. ويـــن

لا .. الكلُّو طين أغراكِ

لا السمح .. الوسيم

آ .. السُرَّة .. صددت المشايخ والعُمد

مُرساله ليك ..

ضيعتي بي أنِفَة البشارة عليهُو

كيف قلبك صمد

يا بت قُصاد المغريات ..

والبشَّروك بالجنَّة

من فُقرا البلد

سقوكي .. بالغفلة .. المحايات

.. ما نفع ..

رتباً كبار .. قتيلا .. لا ..

شُعرا .. ومغنين .. ختَّا فيك

دُوداي غناهن .. ما شفع

الجان يجِن .. والهام .. يهيم ..

والإنجليزي .. أسلم ..

عشان خاطر هواك

ساعة طلعتي تجيبي

عود السيسبان إنصيَّدك ..

آ .. السُرَّة بت عوض الكريم

مرقنو كرعين الحصان ..

والجاكِ ناط ..

كتَّفتي بالليل في اللمينة ..

مع الفَجُر ..

طلبك عفو .. وسترة ..

وعفيتي .. سترتي

يا السُرَّة ..القويِّة ..

بقت لُه توبة سوِيِّة

من هتك العرِض ..

يا.. بت .. ها .. كيف بعد الحسن

ما تاورك قلبك

عَلى زول في الأرض .؟??؟

المهذبة تماماً .. الأخت هبة .. أتمنى أن تكوني قد وجدتني خفيفاً على مجلسك العامر

بك وبكل الأحباب المتداخلين .. لا أوعدك ولكني أقول قد يجوز أن أعاود زيارتي لك

مرة أخرى ..

تحياتي وكوني طيبة ومتعافية،،،

sambaaa

16-03-2006, 01:10 AM

هـــــــبة ...

والله ماشاءالله عليك .. عيني باااااااااااااااردة عديل كده ... ( ما كنت قايلك كده ) .. http://9q9q.com/March/1142304459.gif (http://9q9q.com/)[/url][url="http://9q9q.com/"] (http://9q9q.com/)

ههههههههههههه ..

طلعتي نمـــــــــرة ...

والله انا ما كنت داير أسألك هسه ... لكن خفت أنسى أسئلتي الأولى ... عشان كده بديك حبتين كده سريعات ...

لكل منا لحظات خاصة به .. يقف عندها .. يراجع فيها حساباته ...

فمتى تقفين مع نفسك .. ؟

كان لك برنامج رائع وناجح جداً ... وكان سؤالك .. ما هي قمة الألـــــــــم ... لكني هنا أسألك ..

ما هي قمــــــــة السعادة عندك ؟

متى تتلون الدموع يا هبـــــــــــة ؟

ماهو السؤال الذي تتوقيعه خلال ضيافتك على الكرسي ؟

خاطرة سريعة جدا ...

ما هو السر في كون الغـــــــــــــروب حالماً وملهم ؟

(http://9q9q.com/)

(http://9q9q.com/)

http://9q9q.com/March/1142304709.gif (http://9q9q.com/)

معتز حمدتو

16-03-2006, 01:14 AM

سوار الياسمين
كفيتي اوفيتي واتمني لك كل التوفيق في حياتك الحاضرة والمستقبلية وتحياتي لسامبا الذي يحاول ان يجمع اهل المنتدي اكثر واكثر وصراحتا عبر مداخلتي للياسمين مني الف سلام وتحية وتقدير لسامبا الفنان ولابداعاته الجميلة .

rasheed

16-03-2006, 03:12 AM

بتنا الغالية السوارية ،، لك تحياتي بعد قمة الألم ونسيان الوالد وما بين ذلك من حروف جميلة لم أطلع عليها جميعاً

البنية الواحدة والشعور بالوحدانية والتربية وسط الأبناء وخاصة لو كانوا شقاوة
حكاية جميلة من صياغة قلم طفولي يحلم بغد لا يعرف كيف يكيفه كيفما شاء ، فهي شخبطات على ورق مراحل طفولية مقروءة بعد المراهقة ،، وهل لك تجربة شعرية
خوف بعض أماتنا وحبوباتنا من البت الواحدة كزوجة ،، ما بين إبنتهم من لحمهم وبت الناس العاوزها ولدهم اللي من صلبهم
مابين التربية المصرية الحذقة والحريصة على إنجاز الأشياء كما هي واجبة والتربية السودانية التي تقريباً تترك لتفتق ذهن المتلقى عبر مدرسة الحياة أكثر
كفاية ،، ولك كل التحية والتقدير [/CENTER]

اميمه عشريه

16-03-2006, 04:36 AM

:p تحياتي يا سوار من الياسمين عطر جو منتدانا واضفنا به رقما معنويا جميلا .. وددت ان احييك وانت اخت صغري نتشرف باخوتها وكمان اسمك زي هبه اختي ..اتمني لك طيب المقام في الكرسي الساخن ومن هسه بقول ليك جيبي معاك مكيفات ال جي مركزيه لاحسن في ناس هنا غاويه تولعا عدييييييل .. تحياتي اليك لا يحدها حد ,,,,,

سؤال واحد فقط .. ماذا تعني لك الكتابه ..والي اي انواع الفنون انت تميلين ؟ .. مع محبتي ولي عوده باذن الله ما عايزه اتقل عليك ..

سوار الياسمين

16-03-2006, 11:14 AM

[
quote=فاتنة]حبيبتي سوار
كر علي انتي يا بت سويتي للناس ديل شنو ذي العندهم معاك تار
اول حاجة ليه اخترتي اسم سوار الياسمين بالتحديد
ثاني حاجة ما هي الاشياء المفروض تتبعها الفتاة للدخول في اي منتدى
ثالث حاجة هل ممكن ان ينجح زواج بين شاب و فتاة اتعرفوا بمنتدى معين[/quote]

عزيزتي فاتنة لك كل الود مني وانا اخترتا الأسم ده عشان بحب اغنية ماجدة الرومي طوق الياسمين

واجابة سؤالك التاني اقوليك انو ما في حاجة معينة يعني غير انك تلتزمي بالقوانين ويكون عندك دبلوماسية في الرد

وتسمعي كلام المشرفين وده اهم حاجة ((ولا ايه يا مشرفينا الاعزاء))

ثالثاً والله شوفي المسألة ده مسألة مبدأ ومسألة إقتناع الشخص بالفكرة أساساً وانا عني ما مقتنعبيها وبصراحة مع إنها حصلت لبت انا بعرفها كانت في احد المنتديات السودانية واتزوجت واحد كان معاها في المنتدى ولكن ده ما معناه انه ازا نجح مع شخص شرط انه ينجح مع الباقيين وزي ما قلتليك ده مسالة مبدأ

وتحياتي ليك يا فاتنة ود مدني

سوار الياسمين

16-03-2006, 11:49 AM

[
COLOR=DarkRed]العزيز سوباوي

أولا انا والله حابة اسمي شدييييييييييييييييد لأني بعتبر نفسي هبة لأمي وأبوي بعد ماجيت بعد ثلاثة اولاد

خخخخخخخخخخخخخخخخخخخخخخخخخخخخخخخخخخخخخخخخخخخخخ ( حلوة ده)[/COLOR]

.. قبل أن يجرفني الحديث في مهاوٍ قد تملين معها الكرسي ودي أن أحرجك بسؤال "مصر –

السودان" أيهما أقرب للقلب وأيهما وأمنية لدى النفس للإقامة بها .
والله شوف مصر فعلا زي ما قالو ام الدنيا وبلد جميلة من جميع النواحي واهلي فيها ماشاء الله من ناحية الاب والام ولكن لسبب ما تسألني عنه لاني ما عارفاه اقول ليك السودان السودان السودان بناسو وترابو وهواه

أعجبني بوستك بعنوان "السؤال ذكر والإجابة أنثى" ..

فما قولك وأنتي كأنثى إجابة إذ قلت لك :

الرجل : واقع

الأنثى : واقعة .

الرجل : حي .

الأنثى : حية .
اقول ليك كلامك صح وعداك العيب ولك الانثى لا تكون واقعة وحية الا من اجل الذكر

الأخت سوار الياسمين .. بما أنك جزلة الحديث .. وتلقائية الحوار بدرجة تريح

المتداخل معك .. فلماذا الشح في مشاركاتك حين نجد أن عددها (7) وبالمقابل

مداخلاتك تبلغ (191) هل هو الاستمتاع بالأخذ أكثر من العطاء أم هو الميول للإطلاع

أكثر من الكتابة وأرجح أنا بأن أهل منتدانا أقلامهم عامرة بدرجة تجعلك مشدوهاً

طول الوقت في قرأت الممتع مما يكتبون .
لعلمك بس اخي سوباوي انه ما من هواياتي الكتابة بل القراءة اكثر بكثيييييييييييييير وفعلا زي ما قلتى ان واضيع اهل المنتدى ما بتديك فرصة انك تكتب موضوع جديد (ماشاء الله عليهم ))

سؤال : هل نساك والدك مرة أخرى .. ربنا يحفظه ليكم ويديه الصحة والعافية .
يقدر تاني وهو انا اصلا بقيت انزل الا لما اخلي عينو على (( لا يدلغ المرءمن الجحر مرتين ))

اخي الغالي شكرا لك واسعدتني اسإلتك كثير

(( وابقى اقطع من البوست ده )))

ههههههههه

مكتول مدنى

16-03-2006, 11:50 AM

سوار الياسمين
زهرة منتدانا...

فاح شذاك وعبق شمال ويمين
بت الاصول ست العفاف والدين
شاحد الله الكريم نبراك بالعديل والزين
وتملي الدار عيال كان عشره كان عشرين
جهجهتي الشباب شوفيهم كيف ناقزين
ومكتول مدني طفش من ماليزيا فات الصين
أما البقيّه لابدين ومكطعنّو في المصارين...
اتلحلحو ياشباب وغطو قدحكم وما ترمو عليّ يمين..

ود الماحي

يا ود الماحى والله بالغت عديييييييييل كدة انا ما مشيت الصين ابو يدونى التاشيرة لكن انت الشمار دة جبتوا من وين
انا غيرت رائي ماشى كوريا الشمالية

سوار الياسمين

16-03-2006, 12:06 PM

هو انت :mad: يا مرحب

ومنكم نستفيد يا معلم

لكل منا لحظات خاصة به .. يقف عندها .. يراجع فيها حساباته
فمتى تقفين مع نفسك .. ؟
اقف مع نفسي ازا حسيت اني تجاوزت حدودي أو أخطأت بحق أحد دون أن أشعر إلا متأخر
أو عندما أحس انه في ناس مدياهم إهتمام ومكانة ما بستحقوها
وللأنسان لحظاااااااااااااااااات كثير بقف فيها مع نفسه لانه ما في حد كامل

]كان لك برنامج رائع وناجح جداً ... وكان سؤالك .. ما هي قمة الألـــــــــم ... لكني هنا أسألك
ما هي قمــــــــة السعادة عندك ؟
على فكرة انا ممكن حاجة بسيطة تسعدني وسعادتي بتجي بسرعة ولكن بأمانة لما أحس انو امي وأبوي راضيين عني وإنو اي حاجة في بالي بتحصل وأموري ميسرة وكل زول بيهمني في صحة وراحة بال
(( وأهم شي راحة البال ))

متى تتلون الدموع يا هبـــــــــــة ؟
تتلون لما ما يكون في صدق في المشاعر ويكون الشخص في موقف لا يحسد عليه ويريد الهرب عندها تتلون الدموع
(( وما أكثرها عند النساء وما أكثرها عند ارجل الخداع ))
(يا حفيظ )

ماهو السؤال الذي تتوقيعه خلال ضيافتك على الكرسي ؟
والله مافي سؤال محدد كله من الله كويس :D

ما هو السر في كون الغـــــــــــــروب حالماً وملهم ؟
للاسف اكره شي عندي الغروب لانو بولد لي احساس بالكآبة وأفضل عنه الشروق لأنك في حينها بحمد ربك وتشكره أنه أحياك ليوم جديد (( تفضلوا فيهو تعذبوني باسإلتكم اكثر فاكثر))

سوار الياسمين

16-03-2006, 12:12 PM

مشكور يا معتز على مرورك

ومستنية اسإلتك

(( كذابة والله مجاملة لا مستنية ولا حاجة انشاء الباقين كلهم ظراف زيك))

سوار الياسمين

16-03-2006, 12:31 PM

في داعي تذكرني اسه بنسيان ابوي ماتخلينا حلوين ;) ]

البنية الواحدة والشعور بالوحدانية والتربية وسط الأبناء وخاصة لو كانوا شقاوة
حكاية جميلة من صياغة قلم طفولي يحلم بغد لا يعرف كيف يكيفه كيفما شاء ، فهي شخبطات على ورق مراحل طفولية مقروءة بعد المراهقة ،، وهل لك تجربة شعرية
والله يا اخي انا كنت حابة طفولتي شديد ولحد الأن وصدقني عمري ما كنت محتاجة انو يكون اخت لانو الحنية والصداقة الي مع اخواني معوضاني وزيادة (( وبعدبن اختي حتكون عايزة اي شي اقول عايزاها ومناكفات ما ليها داعي اذا ليه وجع الراس خلينا منفردين كده احسن ))
وبالنسبة للشعر مع احترامي للشعراء العندنا ما بحبو وما عندي صبر اني اقراه وبفضل عنه الخواطر

خوف بعض أماتنا وحبوباتنا من البت الواحدة كزوجة ،، ما بين إبنتهم من لحمهم وبت الناس العاوزها ولدهم اللي من صلبهم .
هو في مفهم سائد حاليا بالشكل ده وقدام عيني والله اصعب الزيجات لواحد ولد عمي متزوج بنت وحدة (( دلع للكرعين)
لكن في راي الشخصي انو ما اي بنت وحيدة بالشكل ده وانا ضد الدلع الماسخ (( وكدي خلينا بعدين نشوف حيحصل شنو ))

مابين التربية المصرية الحذقة والحريصة على إنجاز الأشياء كما هي واجبة والتربية السودانية التي تقريباً تترك لتفتق ذهن المتلقى عبر مدرسة الحياة أكثر
على فكرة انا تربيتي سوداااااااااااااانية بحته وما فيها اي شي مصراوي مع اني افضل اخذ المحاسن من الطرفين

وتعال هنا انت دكتور نفسي وانا ما عارفة ولا شنو :cool: عامل لي اختبار نفسي بالشكل ده
على العموم مشكور وما قصرتى واسالتك حيوية نوعا ما :) [/CENTER]

سوار الياسمين

16-03-2006, 12:39 PM

[
]العزيزة اميمة تحياتي ليك وشرف لي انو اختك اسمها هبة ومكيفات ال جي اشتريتا من ما وصلي خبر اني انا الضيفة ولحسن الحظ عندنا تنزيلات خخخخخخخخخخخ :D
والناس العايزين يولعوها انا عافاهم وموقفليهم الحراسة[/COLOR]

سؤال واحد فقط .. ماذا تعني لك الكتابه ..والي اي انواع الفنون انت تميلين ؟ .. مع محبتي ولي عوده باذن الله ما عايزه اتقل عليك

الكتابة لا تعني لي شيء بصراحة لاني حاسة انو العايزة اكتبي بالتحدث بيطلع افضل

وكان قلتليك الفن الي انا بميل ليهو حتنصدمي ما ليكي بس بل لكل الناس الحاساهم انهم ما حيفهوا الفن الي انا ببدع فيهو

بصراحة

:rolleyes:

فن المكياج :o وهو عن دراسة من كتب وما خت الوان ساي

وارجو انه الناس تتفهمها

وما حرمنا من طلتك يا اميمة :)

الشريف الهندي

16-03-2006, 01:45 PM

الضيفه خفيفة الظل سوار الياسمين
كدي روقي المنقه الاسئله كتيره
لسه مكتول مدني ماقبّل عليك كويس وسامبا لسه قاعد يتجهز شوفي سواله العينه ده ..... انتي شفتي حاجه لسه

حبابك تاني مليون ومرحباً بك من جديد

... لكن أنا ما قلت ليك في محاور كتيره عايزه نقاشااااااااات
واجوبه يعني الاسئله كميات كميات
انتي بس استهدي بالله وسمي وأمسكي القلم وابريهو كويس
عايزين أجوبه واضحه لأنو المصححين صعبين

كدي نبدأ بسم الله
رقم 1/ عرفينا بأخوانك واحد واحد

2/ ماذا يعني لكي كل من ؟ في كلمتين تلاته
أولا السودان العظيم عالي القامه
ثانيا مدني الحنينه ست المدن
ثالثاً منتدى ود مدني ساحه الود والوفاء
رابعاً أعضائه الكرام الظريفين الطيبين
خامساً الغربه المره الحنضل
سادسا قطرالعشتي فيها سنين العمر والطفوله

3/ الكلمك بالمنتدى ده منو؟ وكيف عرفتي عنه

4/ السؤال بتاع سامبا ده يجاوبوعليهو كيف ؟
خاطرة سريعة جدا ...

( ما هو السر في كون الغـــــــــــــروب حالماً وملهم ؟ )
ههههههههههههههه
والله غلبني أنا زاتي ومافمتو

أتمنى ليك قعده ظريفه ولوكي الصبر وعلى مهلتك جاوبي
السؤال التاني اختياري : من أولا الى سادساً
لكن مهم تجاوبي على الاسئله الاجباريه
رقم 1/ و2/ كاملا غير الاجوبه الموجوده أعلاه و3/ و4/
راعي الاجوبه لأنو الكرسي الساخن تصفيات شديده
هههههه
والله الامتحان ساهل
ممكن تستعيني بصديق
وفي سؤال اختياري
وكمان آخر يوم بكره بس يعني عندك فرصه كافيه تمام
بلاش جرسه واتوكلي على الله

الشريف الهندي

16-03-2006, 01:50 PM

أنا اتكفل بأن أقنع الاعضاء كلهم
يخففوعليك الأسئله والامتحانات الشديده
بس بشرط حاولي معانا رجعي لينا
محمد أبو روان وسالي
كلمتين بهذا المنبر توجهيهم للغيابهم شوانا بالنار

طبعا ده سؤال تاي
يلا على بركه الله جاوبي

Jamal Elmahi

17-03-2006, 03:49 AM

يا ود الماحى والله بالغت عديييييييييل كدة انا ما مشيت الصين ابو يدونى التاشيرة لكن انت الشمار دة جبتوا من وين
انا غيرت رائي ماشى كوريا الشمالية

زين الشباب مكتول
أنت في الاعماق والقلب تجول
متربعاَ في الخاطر عرضاَ وطول
شمارك عبر الاثير منقول
كان وقع فيك الشاكوش
فلك مني الكمادات والديتول...

جمال الماحي

Jamal Elmahi

17-03-2006, 04:42 AM

سوار الياسمين تعالي يا بت أمي انتي سمعتي ولاّ جابو ليك....رديتي علي كل الشباب وطنشتيني ...يعني مسداري ماعاجبك ولاّ يعني ماعاجبك...
والله ما خاتي عليك ابوك كان نساك...وانشاء الله المرّه الجايه ينساك في المكتب ويغفلو عليك ...بس كيتاَ عليك....وأحسن ليك تتصلحي معاي قبّال ما أقبّل عليك وأقح ليك مسدار هجاء يطفّش منك العرسان...
عموماّ لانتشالي من الاحباط والاكتئاب بسبب طناشك يمكنك عمل الاتي:
تشيلي من قريشاتك المدكناهن في البنك ديلك ونسوك بي سببن دقشه وتشتري لي جلابيتين اخر موديل....الجلابيّه لون الطاقيّه لون الشال لون المركوب...وتشحنيهن لاخوك وأنا برجاهن في الكريبه....

جمال الماحي

سوار الياسمين

17-03-2006, 08:49 PM

الشريف الهندي

والله حراااااااااااااااااااااااااااام عليك البتعملو فيني انت اكثر زول متعبني باسإلتك

ياخي لاكن ما قدر كدة خف علي شوية

وانت كدي اقنع نفسك انت في الأول تخف علي بعدين امشي اقنع ناس المنتدى (( صحي باب النجار مخلع ))

وأمري لله نجاوب عليك وعلييييييييييييييييك الله لحدي هنا وكفاية

والله يجيب اليوم التقعد فيهو في الكرسي

سوار الياسمين

17-03-2006, 09:25 PM

ماذا يعني لكي كل من ؟ [/color]في كلمتين تلاته[/size]
أولا السودان العظيم عالي القامه
وطني الغالي
ثانيا مدني الحنينه ست المدن
تجري في دمي
ثالثاً منتدى ود مدني ساحه الود والوفاء
فرصة جميلة لي

رابعاً أعضائه الكرام الظريفين الطيبين
اخواني الماشفتهم

خامساً الغربه المره الحنضل
والله لا حنضل ولا حاجة ما الزول اتعود خلاص

سادسا قطرالعشتي فيها سنين العمر والطفوله

بلدي الثاني

3/ الكلمك بالمنتدى ده منو؟ وكيف عرفتي عنه

بالصدفة سمعتى انو في منتدى اسمه مدني فتشت عليهو واشتركت

4/ السؤال بتاع سامبا ده يجاوبوعليهو كيف ؟
خاطرة سريعة جدا ...

( ما هو السر في كون الغـــــــــــــروب حالماً وملهم ؟ )
ههههههههههههههه
والله غلبني أنا زاتي ومافمتو

البجاوب على السؤال ده يكون زول شايف الدنيا بمبي وبيشرب ليهو منجا ساأعة

سوار الياسمين

17-03-2006, 09:27 PM

والله ايدي على كتفك يا الشريف ازا محاولاتنا راح تنفع وترجعهم

واقول ليهم منتدى مستنيكم ومكانكم فارغ وما في زول راح يقدر يملاه

سوار الياسمين

17-03-2006, 09:31 PM

admin

18-03-2006, 11:57 PM

كيفك يا سوار ان شاءالله تمام .. شايف الجماعة ريحوك وادوك اجازة يوم كامل اسئلة مافي .. دي فرصة كويسة اسالك شوية اسئلة ان شاءالله تكون خفيفة

1-اول شئ وين العزومة حقتي .. يعني انا فزتا بالمسابقة بتاعت قمة الالم ولغاية الليله صائم مستني العزومة .. وريني عليك الله العزومة وين ؟ومتين؟
2- رايك شنو في اتفاق السلام بين الحكومة وحركة تحرير السودان؟ هل تعتقدي ان ذلك قادر على حل مشاكل السودان؟ وماذا برايك الحل الامثل لحل مشكلة القوى المعارضة التى بدات تظهر مؤخرا في غرب السودان وشرقه؟ وهل تعتقدين ان الاقليات الاخرى في شمال السودان ووسطه يجب ان تطالب بحقوقها وتكون حركات معارضة هي الاخري؟
3- نتفق ان للحومة الحالية كثير من المساؤي .. فهل تعتقدين ان مشاكل الحكومة الحالية تستوجب تغيرها؟ وماهو البديل المقترح؟ ماهي السياسة المثلى لحكم دولة مثل السودان .. اي هل تفضلين الدكتاورية ام الديمقراطية؟ وماهي فرص النجاح لكليهما؟ ماهي السياسات الاكثر سؤا للحكومة الحالية في رايك؟ وهل يمكن معالجتها مع البقاء على شكل الحكم الحالي؟
4- من خلال تصفحي لردودك على مستوى الكرسي الساخن علمت انك تهويين المكياج .. وسؤالي هو هنالك الكثير من محلات الكوافير والمكياج في ودمدني .. هل تؤيدين عمل الفتيات في هذا المجال؟ هل تعقدين ان هذه الوظيفة (كوفيرة) وظيفة كريمة؟ هل تقبلين العمل في هذا المجال اذا توافرت الظروف؟
5- هل تعتقدين ان هنالك حرمه في الغناء والاستماع اليه؟ وماهي برايك اسباب فشل الاغاني السودانية من الوصول الى قلوب واذان المستمعين في الدول العربية؟ هل تفضلين الاغاني العربية والخليجية عن السودانية ؟ ماذا ينقص الاغنية السودانية؟

شكرا لك على الاجابة مسبقاً

أبوبكرحامد

19-03-2006, 12:14 AM

اهلا بيك سوار فى الكرسى ، كنت عاوز اسالك بس لقيت ابوبكر الادمن ماقصر معاك ، عشان كده سؤالى بتعرفى تبكى ولا ابكى نيابة عنك؟

فوزيه

19-03-2006, 12:35 AM

الاخت سوار

ازيك ياحبيبه ... نورتي الكرسي ...

سوار شنو اللفت نظرك في قطر ...هل هنالك وجه مقارنه ما بينها وبين السودان؟

في مجال السكرتاريه ... انا برضو درست سكرتاريه تنفيذيه ... لكن ما اشتغلت في المجال ده وسلكت مجال اخر...

هل تعتقدي انو السكرتاريه مجال يجب ان يدرس ولا ممكن بالبديهه بس ممكن تشتغلي فيهو

يادوب تلفونات وكمبيوتر وتنظيم .. هل انت برضو درسته فعلا ... مع انو في الغالب البيشتغلو سكرتيرات

دائما حاملين لتخصص تاني ... وظروف البلد الانت اسع عايشه فيها ما بتلقي وظيفه بنفس شهادتك؟

ما هى الرسالة التى تريدي أن تقدميها من خلال المنتدى؟

اعطيني راياً صريحاً عن صداقة قائمة بين حواء وآدم ... هل تؤمني بالصداقات بين الولد والبت ؟

العلاقات فى شبكه الانترنت وهموم تلازمكي؟

سوباوي ... اميمه عشريه... كاظم ....ناصر الباشا... سامبا ...و و و و و و

سؤالي هو

من يترك في نفسك الاثر الكبير حين يكتب في المنتدي ؟؟

اين تنشري غسيل احزانك؟

الداين والمدين وحسابات المحبة وخسارة الاصدقاء؟

عضو تحسيه مرتب جدا في مواضيعه ؟

هل تميلي الي السياسيه وماهي المعضله التي تتمنيها ان تنتهي حاليا في السودان ؟

الشريف الهندي

19-03-2006, 05:14 AM

والله يا سوار الياسمين تحنني
تدخلي المنتدة وتمرقي وغالبك البتكتبيهو
لكن فتره وبتعدي انشاء الله

ههههههههههه

برانا ندخل معسكر الخدمه الوطني

اتنين من عشره اجابات الاسئله الفاتت
بس شدي حيلك في الاسئله الجايه وانشاء الله تقفلي الامتحان
وتأخدي الجائزه ...... يوم الزعيم الادمن يأخد العيزومه بتاعتو

دقايق وجاي تاني

سؤال سامبا قدرتي عليهو ماشاء الله !!!
والله يقدرك على الادمن لحدي ما أجيك راجع

عندي محاوله اشيل الاسئله من مكتول مدني وأجيبها
لأني حاسي أن الموقفو الشديد القوي
هههههههههههه

ابراهيم

19-03-2006, 06:02 AM

والله بالغتو لكن ...

اها البت طفشت !!!

يا جماعة براحة لاحسن البت هتوئع من الكرسي

ازيك اختنا العزيزة ..
سوار الياسمين ... منورة الكرسي
انا عندي اسئلة بس بعد تخلصي من القدامي ديل
وربنا يسهل ليك

الشريف الهندي

19-03-2006, 07:37 AM

تعظيم سلام لمشرفنا العام ابراهيم

والله كنت قابلك جاي تعفيها من شوية أسئله اتاريك انت زاتك عندك أسئله
مرحب بيك
***********************************
يلا ياسوار اتحركي

1/ احساساك شنو ؟؟؟؟؟
* لو في يوم اكتشفتي أن أعزصديقاتك ممكن أن تتخلي عنك أو تخونك ببساطه

** لو يوم من الصباح كده ومن غير مناسبه الادراه العليا بالبيت (الوالد) قررت

الرجوع الى السودان بلا أي اسباب وكان الحكم غير قابل للاستأناف

تخريمه : مزوني جاااااي في الدرب ******( تمام سعادتك )

مكتول مدنى

19-03-2006, 07:57 AM

سوار الياسمين والله بختك الادمن شغلك مرة فى الامم المتحدة ومرة فى اتحاد الفنانين والله يقدرك تحليها كلها
معليش انا ما بقدر اسالك لانى للاسف ماعندى وقت للتفكير فى سؤال لانى عندى امتحانات حتبدا بعد يومين وتنتهى يوم 15 ابريل فعذرا انى ما سالتك

سوار الياسمين

19-03-2006, 09:14 PM

[
COLOR=Blue]كيفك يا سوار ان شاءالله تمام .. شايف الجماعة ريحوك وادوك اجازة يوم كامل اسئلة مافي .. دي فرصة كويسة اسالك شوية اسئلة ان شاءالله تكون خفيفة [/COLOR]

ده من حسادك عامل لي الإتجاه المعاكس بي هنا :eek: انت اسمك الأدمن ولا فيصل القاسم
وانت يا خوي القال ليك انا لي في الغويط ميييييييييييين عامل فيني العملة البطالة دي
يديك العافية ساااااااااااااااااااااااااي :mad: والبقدر عليهو حجاوبو

اول شئ وين العزومة حقتي .. يعني انا فزتا بالمسابقة بتاعت قمة الالم ولغاية الليله صائم مستني العزومة .. وريني عليك الله العزومة وين ؟ومتين؟
والله العزومة ما ناسياها وقاااااعدة لكن قلتى اعملها ليك لما تنزل السودان إجازة بين اهلك وناسك ولا رايك شنو

2- رايك شنو في اتفاق السلام بين الحكومة وحركة تحرير السودان؟ هل تعتقدي ان ذلك قادر على حل مشاكل السودان؟ وماذا برايك الحل الامثل لحل مشكلة القوى المعارضة التى بدات تظهر مؤخرا في غرب السودان وشرقه؟ وهل تعتقدين ان الاقليات الاخرى في شمال السودان ووسطه يجب ان تطالب بحقوقها وتكون حركات معارضة هي الاخري؟
(حأحاول اتفلهمليك حبة)
والله في الحقيقة والواقع انا شايفة انه السلام واجب بس المشكلة انه الجنوبيين بتحركو بسرعة في مصلحتهم واصبحو نوعاً ما خايضين في كل المجالات بتفوق والسودانيين بقو ماشين بالعكس لورى.
والسلام مش حيحل مشكلة السودان بالكامل لانها ده مش المشكلة الوحيدة والدنيا ماشاء الله عامرة بالمشاكل في كل النواحي مافي داعي الزول يخوض فيها وبالنسبة للغرب صعب انه نديهم الي في مرادهم لانو كل جهة حتقوم بنفس الشيء ولكن الشرق ممكن عشان الزول يخلص من وجع الراس انه يديهم العايزنو لكن بشرط انهم يلموا اي جنس ينتمي ليهم معاهم عشان السودان يخف شوية من العليهو والفيهو (( لو فهمتى قصدي))
وان مالك عايز تولعها وعايز كل جهة تطالب بحتة ولو حصل ما حيبقى شيء اسمه السودان.

نتفق ان للحومة الحالية كثير من المساؤي .. فهل تعتقدين ان مشاكل الحكومة الحالية تستوجب تغيرها؟ وماهو البديل المقترح؟ ماهي السياسة المثلى لحكم دولة مثل السودان .. اي هل تفضلين الدكتاورية ام الديمقراطية؟ وماهي فرص النجاح لكليهما؟ ماهي السياسات الاكثر سؤا للحكومة الحالية في رايك؟ وهل يمكن معالجتها مع البقاء على شكل الحكم الحالي؟

لكن بالجد يا الأدمن انت مستقصدني بتبالغ عديييييييييييييييل كده :eek:

من ناحية التغير حنغيرها حنجيب ايه كلو ما نافع وكل زول يتحكر في الكرسي بيقول يلا نفسي ويلم العايزو في كرشو وكروش الي معاهو ويحرق باقي الشعب وناس الله اكبر في اي حتة بتلقاهم بيقولو ضدهم وهم تحت تحت....!!!!
والله مع الديمقراطية حيمارسوا الدكتاتورية وفي العك الحاصل ده ارجح الفشل لكليهما ومع الحكم الحالي ما ممكن تعمل اي شي.

ويا الأدمن كان فهمتى شي من الكتبتو ليك ابقى قول لي

4- من خلال تصفحي لردودك على مستوى الكرسي الساخن علمت انك تهويين المكياج .. وسؤالي هو هنالك الكثير من محلات الكوافير والمكياج في ودمدني .. هل تؤيدين عمل الفتيات في هذا المجال؟ هل تعقدين ان هذه الوظيفة (كوفيرة) وظيفة كريمة؟ هل تقبلين العمل في هذا المجال اذا توافرت الظروف؟
في السودان عندهم فكرة انو باليشتغل في الكوافير ناس معينة وما عارفة في السودان لي رايجة فكرة انو الكوافير شي كعب خاص عند الناس العندهم تعصب على حاجات غريبة وفارغة تعال شوفو البلدان التانية ومن احسن الناس الي بيشتغلو في المجال ده وانا بعتبرها مهنة محترمة ليه لا وانت هنا ليه بتسميها (( هذه الوظيفة كوفيرة )) وكأنه شيء سيء وليه ما تعتبر كريمة فيها حاجة غلط وانا بفكر اني اشغل فيها لانو مافي شيء يمنع .

وانت فكرة الكوافيرة ده ليه ما عاجباك ليه ؟؟ جاوبني

هل تعتقدين ان هنالك حرمه في الغناء والاستماع اليه؟ وماهي برايك اسباب فشل الاغاني السودانية من الوصول الى قلوب واذان المستمعين في الدول العربية؟ هل تفضلين الاغاني العربية والخليجية عن السودانية ؟ ماذا ينقص الاغنية السودانية؟
والله الموضوع ده شاااااااااااااااااائك وما كل الأغاني في اعتقادي حرام في قصائد ممكن الزول يستمع ليها لكن في زمنا العجيب ده اقدر اقول ليك انه البيحصل حرام لانو الأغاني السودانية معانيها تقيلة واقول ليك شيء انا في اغاني والله ما بفهم معانيها واساسا ما في اجتهاد كبير من السودانيين في نشر الأغنية السودانية بدرجة كافية والله انا بفضل من كل حاجة شيء معين واخر شيء عجبني لمان حفظتو صم اغنية (( وامطرت لؤلؤاً )) للكابلي حاجة رهيييييييييييييييييييييييييييييييييييييييبة

واجوك كفاية لحد كدة

سوار الياسمين

19-03-2006, 09:15 PM

ابو بكر

انا دموعي خلصت دقدر تكمل لي

ولا اقول ليك افتح لي عزا عديل

اهي اهي اهي اهي اهي

سوار الياسمين

19-03-2006, 09:21 PM

والله والله والله عيوني طششو عديييييييييييييييل : :eek:

وحسبي الله ونعم الوكيل :confused: في الطشش لي عيوني

وانا لله وانا اليه راجعون

:mad:

admin

19-03-2006, 09:27 PM

سوار الياسمين

19-03-2006, 09:42 PM

انت انتي انتي يا فوزية تعملي فيني كدة

انتي تبقي برضو زيهم

زعلتيني والله منك والله يسامحك

سوار شنو اللفت نظرك في قطر ...هل هنالك وجه مقارنه ما بينها وبين السودان؟

قطر فيها تقدم حضاري عجييييييييييييييب لا كن العقول مالي هناك ومشغلنها الجنسيات الاخري
وهو طبعا مافي وجه مقارنة لاكن انا بفضل السودان

في مجال السكرتاريه ... انا برضو درست سكرتاريه تنفيذيه ... لكن ما اشتغلت في المجال ده وسلكت مجال اخر...

هل تعتقدي انو السكرتاريه مجال يجب ان يدرس ولا ممكن بالبديهه بس ممكن تشتغلي فيهو

يادوب تلفونات وكمبيوتر وتنظيم .. هل انت برضو درسته فعلا ... مع انو في الغالب البيشتغلو سكرتيرات

دائما حاملين لتخصص تاني ... وظروف البلد الانت اسع عايشه فيها ما بتلقي وظيفه بنفس شهادتك؟

والله شوفي ده بعتمد على انت سكرتيرة في شنو يعني انا شغالة للحسابات والمحامين ونظام اقامات والتأشيرات وفي حاجات في الدرستها في السكرتارية التنفيذية نفعتني كثير خاصة في مجال المحاسبة
والشغالة في اليادوب تلفونات وتنظيم وكمبيوتر ده موظفة استقبال مش سكرتيرة والماشي اسه في البلد الشركات ومجال الشكركات واسع وانا عشان اشتغل كويس درستى سكرتارية لأني لقيت اقدر اشتغل في مية حتة

ما هى الرسالة التى تريدي أن تقدميها من خلال المنتدى؟
والله وبصراحة ما عندي اي رسالة

اعطيني راياً صريحاً عن صداقة قائمة بين حواء وآدم ... هل تؤمني بالصداقات بين الولد والبت ؟
لا أؤمن بها بشكل كبير مع انها موجودة ولاكن الزمن بقى ما مضمون

العلاقات فى شبكه الانترنت وهموم تلازمكي؟
حددي لاني ما فهمت السؤال
واحمد الله ما عندي اي هموم

سوباوي ... اميمه عشريه... كاظم ....ناصر الباشا... سامبا ...و و و و و و

سؤالي هو

من يترك في نفسك الاثر الكبير حين يكتب في المنتدي ؟؟

بصراحة وبدون زعل غفران وسامبا

اين تنشري غسيل احزانك؟
في صدر أمي

الداين والمدين وحسابات المحبة وخسارة الاصدقاء؟
الزمن ده حسابات المحبة دقيقة جدا ومحصورة وللاسف اصبح في خسارة في الاصدقاء لعدم الصدق في الصداقات

عضو تحسيه مرتب جدا في مواضيعه ؟
بصراحة كثير لا كن اذكر الآن غفران :)

هل تميلي الي السياسيه وماهي المعضله التي تتمنيها ان تنتهي حاليا في السودان ؟
لأ لا اميل لها بشكل كبير

والله مشاكل كثيرة سياسية واجتماعية وغذائية وإقتصادية
لكن بشكل عام مشكلو المواطن السوداني الي بعتبرها في اي بلد تاني ممكن تتحل بسهولة لاكن ناسنا بيحيو يسلو الروووووووووووح شوية صغننة :D

ويديك العافية يختي

سوار الياسمين

19-03-2006, 09:46 PM

شفتنا يا مشرفنا ابراهيم الناس ديل بيعملوا فيني شنو

ما حرام عليهم لاكن اقول شنو

امري لله

سوار الياسمين

19-03-2006, 09:56 PM

لا اله الا الله محمد رسول الله

انت تاني ما كفاية ما قصرتى معاك عايز ايه تاني
يعني خلالالالالالالالالالالالاص خانق السؤال ده

احساساك شنو ؟؟؟؟؟
لو في يوم اكتشفتي أن أعزصديقاتك ممكن أن تتخلي عنك أو تخونك ببساطه

احساس حيكون في قمة الآلم لاكن لغلط ما عليها الغلط علي اني انا اختياري ما كان صح

لو يوم من الصباح كده ومن غير مناسبه الادراه العليا بالبيت (الوالد) قررت
الرجوع الى السودان بلا أي اسباب وكان الحكم غير قابل للاستأناف

طوالي بدون نقاش واحنا كلنا منتظرين اللحطة ده يا خي السودان والله سمح بالجهجه الفيهو سمح كفاية انت تقوم من النوم كل يوم الحولك كله سووووووووووووودااااااااااااااااااااااااانييييييييي ييييييي

تخريمة مزوني جاااااي في الدرب

يعني يا خي خلالالالالالالالالاص بتبشرني :cool:

وتاني ارجوك كفاية لحد هنا ياخي حرام عليك

سوار الياسمين

19-03-2006, 09:59 PM

شفتى الهيلا بيلا الأنا فيها يا امين

ومعزور وربنا يوفقك في ألإمتحانات وادينا خبر عملتى فيها ايه

موفقك ودعواتنا كلها معاك

sambaaa

20-03-2006, 01:07 PM

وحسبي الله ونعم الوكيل :confused: في الطشش لي عيوني

وانا لله وانا اليه راجعون

:mad:

هههههههههههههههههههههه

معليش ..

باقي حبة بس ...

بكرة تنسي ...:p

ســــــؤال صغنن كده ..

أنا بستعمل دائماً إستايل ال BROWN لتصفح المنتدى... سؤالي هو :

ما هو الاستايل الذي تستعمليه في تصفح المنتدى ؟؟

http://arab.6arab.com/majdah..6oog-al-yasameen.ram

sambaaa

20-03-2006, 01:12 PM

ههههههههههه .. ابداع لكن ياسوار اجابات واضحة وصريحة .. ما زي ناس سامبا ديلك تساليهو اي سؤال ارمي لي دو ولا تريس .. برافو عليك عشرة على عشرة .. وشكرا جدا على الاجابة واسف جدا على الاطالة الغير مقصودة .. وخلاص عفيتك من العزومة عشان ما تزعلي.

http://9q9q.com/March/1142158189.gif (http://9q9q.com/)http://9q9q.com/March/1142158189.gif (http://9q9q.com/)http://9q9q.com/March/1142158189.gif (http://9q9q.com/)
والله انا رميت البيش .. بس انت ما شفته .... :)

waheeb

20-03-2006, 01:38 PM

شدني حوار اخواني الاعضاء واختنا المحاوره اللبقه سوار الياسمين.. لم تفلح محاولات اخونا سامبا في الإيقاع بها حتي الان... حقيقه اسئله جيده واجابات صريحه تشرح الصدر .. ارادو ان يجعلو الكرسي ساحنا فاصبح بردا وسلاما باجاباتك الشفافه وثباتك الكبير...
اختي عزرا ان اتيت متأخراًً بعض الشئ ولكنها ظروف العمل التي اصبحت تقيدنا كثيراً...
لم ات لسؤالٍ هنا فقط احببت ان استمتع بتلك الحوارات الشيقه.. سؤالي سيأتي لاحقا ان شاء الله..

سوار الياسمين

20-03-2006, 08:25 PM

سامبااااااااااااااااا

والله علمي علمك يا سامبا :confused: لا بعرف بروان لا بعرف بلو

شنو الأسئلة العجيبة ده :mad:

سوار الياسمين

20-03-2006, 08:32 PM

اخي وهيب لك كل الود والترحيب في صالون الكرسي الساخن :)

وخليك على راحتك ولا تتعب ولا تزعج نفسك

(( لحدي ما فترتي تخلص :D خخخخخخخخخخخ))

وفعلا الظروف في العمل صعبة والله يعينك بس انت ركز فيها ;)

تحياتي ليك

فوزيه

20-03-2006, 08:49 PM

سامبااااااااااااااااا
والله علمي علمك يا سامبا :confused: لا بعرف بروان لا بعرف بلو
شنو الأسئلة العجيبة ده :mad:

الاخت سوار صباح الخير

طيب وقت ما عارفه السؤال ما تستعيني بصديق او تستعملي اي مساعده

صحي النسالكم الكرسي ده ما فيهو خيارات زي الفي من سيربح المليون؟؟؟

مع انو اكيد ربحنا هنا هو وجودنا بينكم

انا اساعدك

شفت تمشي تحت الصفحه باليمين وتختاري الاستايل بتاعك

ممكن تغيري اي لون يعجبك ..

وانت زوله شفيفه اكيد حتختاري الوردي لون الحناكيش :D :D

اما انا بستعمل اللون الرمادي الفاتحlightgray

اها اعتقد كده السؤال وضح وممكن ترجعي تجاوبي عليه.

سوار الياسمين

21-03-2006, 12:18 AM

والله والله والله يا فوزية

انا لي كم في المنتدى اول مرة اشوف الشباك ده

وزي ما قلتي اخترتى الوردي بتاع الحناكيش (( عرفتيني كيف ))

والله يخليك لي واشكرك على مساعدتك

ابراهيم

21-03-2006, 03:17 AM

سوار الياسمين تعالي يا بت أمي انتي سمعتي ولاّ جابو ليك....رديتي علي كل الشباب وطنشتيني ...يعني مسداري ماعاجبك ولاّ يعني ماعاجبك...والله ما خاتي عليك ابوك كان نساك...وانشاء الله المرّه الجايه ينساك في المكتب ويغفلو عليك ...بس كيتاَ عليك....وأحسن ليك تتصلحي معاي قبّال ما أقبّل عليك وأقح ليك مسدار هجاء يطفّش منك العرسان...
عموماّ لانتشالي من الاحباط والاكتئاب بسبب طناشك يمكنك عمل الاتي:
تشيلي من قريشاتك المدكناهن في البنك ديلك ونسوك بي سببن دقشه وتشتري لي جلابيتين اخر موديل....الجلابيّه لون الطاقيّه لون الشال لون المركوب...وتشحنيهن لاخوك وأنا برجاهن في الكريبه....
جمال الماحي

والله يا ود الماحي نجيض جنس نجاضة

بس الزول الا ما يدقس معاك

بس تشبكو كيس برتكان وجلاليب آخر موديل
اها يا سوار الياسمين .. الزول دة رسليهو الجلاليب
لكن تاني اول حاجة فتشي اللون او الـ(Brown) او الطوبي في رواية تانية علشان ما يعمل ليك مسدار هجاء:D

sambaaa

21-03-2006, 04:10 AM

شنو الأسئلة العجيبة ده :mad:

آآآآآآخيراً ... شايفك غرقتي في شبر موية ...
والحالة دي حاجة خفيفة جدا .. :p

سوار الياسمين

21-03-2006, 05:53 AM

والله يا ود الماحي نجيض جنس نجاضة

بس الزول الا ما يدقس معاك

بس تشبكو كيس برتكان وجلاليب آخر موديل
اها يا سوار الياسمين .. الزول دة رسليهو الجلاليب
لكن تاني اول حاجة فتشي اللون او الـ(Brown) او الطوبي في رواية تانية علشان ما يعمل ليك مسدار هجاء:D

ههههههههههه

والله يا مشرفنا لبراهيم انا اديتو اخر موديل وهو ورأيه خخخخخخخخخ

وبعدين القفشة بتاعت سامبا فلحت معاي واكلتها في الأخر

سوار الياسمين

21-03-2006, 06:04 AM

آآآآآآخيراً ... شايفك غرقتي في شبر موية ...
والحالة دي حاجة خفيفة جدا .. :p

غرقتا اي نعم لكن بعد صمود ونضال طويل :mad:

ما زي بعض الناس كل يوم غرقانين في شيء ها ;)

Jamal Elmahi

21-03-2006, 11:30 AM

ود الماحي ازيك ومنور معانا المنتدى

وانا ما طنشتك لانك ما سالتني

وقولتلي القرشات المدكنة ده حسادة ولا شنو يعني

ويا سيدي ما تغلى عليك الجلاليب وسمعتى انو اخر موديل الجلاليب فوشيا وتركوازي منقط بالأخضر

اها رايك شنو في الموديل ده

خخخخخخخخخخخخخخ

عروسة المنتدي سوار الياسمين...
الكلام عن القريشات المدكّنه والله ما حساده...

أنا كان حاسدك انشاء الله أتجازه..
وخمسه سنين ما اضوق اجازه...
واصوم من المويه ذي الحرازه..
وينفوني من ود مدني للمفازه...
وتشق كراعي يا يمّه القزازه..
وأموت وأتكنّش جنازه...

وكيتاَ عليك أسألك سؤالين بس خفيفات عشان أنت دمّك خفيف...
1- ليه يا بت أمّي رفضتي أخر عريس اتقدّم ليك...عيبيهو لي؟؟؟
2- مواصفاتك شنو في العريس ...؟؟؟ عشان كل ما يجيك عريس مطلّعه لينا فيهو ستين حاجه ...أها أقعدي حانفه وشّك وأبوك كل مرّه ناسيك في حتّه....

وما زلته في انتظار الجلاليب ...المحيرني ألبس ياتا يا ربي في الاول....

جمال الماحي

Jamal Elmahi

21-03-2006, 01:23 PM

والله يا ود الماحي نجيض جنس نجاضة

بس الزول الا ما يدقس معاك

بس تشبكو كيس برتكان وجلاليب آخر موديل
اها يا سوار الياسمين .. الزول دة رسليهو الجلاليب
لكن تاني اول حاجة فتشي اللون او الـ(Brown) او الطوبي في رواية تانية علشان ما يعمل ليك مسدار هجاء:D

أخوي الحبيب ابراهومه...الرزق أأبوي دقسات...أقصد تلاقيط...جلابيتين من سوار الياسمين...عراقيين من فوزيه...سروالين أبو تكّه من ود هاشم...قرجه من ود المأذون ...كيس برتكان منّك...كيس قونقوليس من عشوشه...جردل لالوب من أبو شوارب...كرتونة أبري حلو مر من مهيره...
والاخوان والاخوات يسوبن شنو كان ما لقوهن في الحارّه دي....

جمال الماحي

الشريف الهندي

21-03-2006, 01:30 PM

أنا كان حاسدك انشاء الله أتجازه..
وخمسه سنين ما اضوق اجازه...
واصوم من المويه ذي الحرازه..
وينفوني من ود مدني للمفازه...
وتشق كراعي يا يمّه القزازه..
وأموت وأتكنّش جنازه...

ياربي انت تسلم ويديك ربي العافية.......
الذوق والرقه وين ؟ الا انت ......

وتشق كراعي يا يمّه القزازه..
وأموت وأتكنّش جنازه...

دي بالذات ما بنقدر نحملا تلتله ومستشفيات
مالك علينا ياود الماحي
وتاني تبقى ميته وخراب ديار
كد يا أبوي تف من خشمك

الشريف الهندي

21-03-2006, 01:35 PM

حرّم على ...... فتييلين ريحه صندل أصلي درجه أولى من
الهند بلدو و من قلب ميسور .............

وعكّاز صندل خالص ......

نحنا عندنا من الجمال كم ؟

الشريف الهندي

21-03-2006, 02:41 PM

سوار الياسمين

تحيه صادقه ..... بمقدر صدقك في حديثك والصراحه والشفافيه في أجوبتك

عذرا فقد غلّبناكي معانا بالكرسي .... لكنك أفضتي عليه من الياسمين والفل والنرجس
ما سما به الى العلا

دمتي بخير وسعدنا كثيراً بمقدمك وجلوسك على الكرسي الساخن

......... في سعال أخير لكن نسيتو :) :)

Jamal Elmahi

21-03-2006, 04:23 PM

حرّم على ...... فتييلين ريحه صندل أصلي درجه أولى من
الهند بلدو و من قلب ميسور .............

وعكّاز صندل خالص ......

نحنا عندنا من الجمال كم ؟

أخوي الشريف...شغلك نجيض و نضيف...
جيهتني تب ريحتي صندل ما عيش ريف...
كان بنيتي كبيره أعرّسا ليك من غير مصاريف...
ياها المحريّه فيك أأبوي من يومك شفيف وظريف...

ود الماحي

سوار الياسمين

21-03-2006, 09:25 PM

[
QUOTE=Jamal Elmahi]عروسة المنتدي سوار الياسمين...
الكلام عن القريشات المدكّنه والله ما حساده...

أنا كان حاسدك انشاء الله أتجازه..
وخمسه سنين ما اضوق اجازه...
واصوم من المويه ذي الحرازه..
وينفوني من ود مدني للمفازه...

تبرا يا يمة والله ما بتستاهل يا ود الماحي
ما انت عزيز وغالي
وكل الناس عليك تنادي
اصلو مافي زي ود الماحي

وتشق كراعي يا يمّه القزازه..
وأموت وأتكنّش جنازه...

كان شقت كراعك القزازة
دخلها في جردل كلونيا
خخخخخخخخخخخخخ
وكيتاَ عليك أسألك سؤالين بس خفيفات عشان أنت دمّك خفيف...
1- ليه يا بت أمّي رفضتي أخر عريس اتقدّم ليك...عيبيهو لي؟؟؟
2- مواصفاتك شنو في العريس ...؟؟؟ عشان كل ما يجيك عريس مطلّعه لينا فيهو ستين حاجه ...أها أقعدي حانفه وشّك وأبوك كل مرّه ناسيك في حتّه....

يشبه هيثم الرايح (( في النكت بتاعت محمد موسى ))
خخخخخخخخخخخخخخخخ

والله مواصفات معينة ما عندي لانك ما بتعرف البيجي بعدين شنو
وانت تعال هنا ابوي شكليك ولا حاجة

وما زلته في انتظار الجلاليب ...المحيرني ألبس ياتا يا ربي في الاول....

جمال الماحي[/QUOTE]

استناها زي ما الأدمن راجي العزومة

سوار الياسمين

21-03-2006, 09:31 PM

:

حرّم على ...... فتييلين ريحه صندل أصلي درجه أولى من
الهند بلدو و من قلب ميسور .............

وعكّاز صندل خالص ......

نحنا عندنا من الجمال كم ؟

والله يخوانا جمال الماحي ده شكلو عايز ليهو شيلة عدييييييييييل :rolleyes:

ولا شنو جلابيب من هنا وسروالين من هنا وما بعرف صندل من هنا

النجهز ليك باقي الشنطة من ناس المنتدى ونفتح ليك كشف عديل :D

اها لاكن الدهيبات على منو

بتتلقط لا كن ما مشكلة

أبوبكرحامد

22-03-2006, 01:04 AM

:

والله يخوانا جمال الماحي ده شكلو عايز ليهو شيلة عدييييييييييل :rolleyes:

ولا شنو جلابيب من هنا وسروالين من هنا وما بعرف صندل من هنا

النجهز ليك باقي الشنطة من ناس المنتدى ونفتح ليك كشف عديل :D

اها لاكن الدهيبات على منو

بتتلقط لا كن ما مشكلة

أنا ياسوار متكفل بى دهب ود الماحى لأنو الدهب البحرينى مافى زيو ، بس الزول ده أوعا اكون مفكر فى العرس تقوم المرا تلحقوا ابوشوارب.

Jamal Elmahi

22-03-2006, 10:55 AM

]

كان شقت كراعك القزازة
دخلها في جردل كلونيا
خخخخخخخخخخخخخ

لأحول لأ قوه ...بالله شعرت جلدي كلّبت...وكراعي قبل القزازه تصلا قعدت تنتح...باين عليك ممغوصه علي شديد...في جردل كلونيا ..ولا حتّي فتيل صغنوني...منّك لله يا سوار يا بت أبوك...وأنا ما دام جابت ليها جردل كلونيا جلاليبك ها دا طرفي منهن...قالت جردل كلونيا قال يعني هي ناقصه...كمان ما يقوم الشريف يقول لي دخّل كراعك في الصندليه....

ود الماحي

Jamal Elmahi

22-03-2006, 11:05 AM

:

والله يخوانا جمال الماحي ده شكلو عايز ليهو شيلة عدييييييييييل :rolleyes:

ولا شنو جلابيب من هنا وسروالين من هنا وما بعرف صندل من هنا

النجهز ليك باقي الشنطة من ناس المنتدى ونفتح ليك كشف عديل :D

اها لاكن الدهيبات على منو

بتتلقط لا كن ما مشكلة

ألله دا ما كريم علي المسكين ...والله أنا خايف أدبّل وانتي تكوني لسّه عزابيه وحانفه وشّك....الشيله ما ضروري اتناشر اتناشر هم دايرين راجل مش شيله...بس العروس لازم تكون حنكوشه النوع البقول لي يا عمو ممكن نمشي الملاهي....

ود الماحي

Jamal Elmahi

22-03-2006, 11:18 AM

أنا ياسوار متكفل بى دهب ود الماحى لأنو الدهب البحرينى مافى زيو ، بس الزول ده أوعا اكون مفكر فى العرس تقوم المرا تلحقوا ابوشوارب.

ود المأذون والله تب ما قصّرته ...وكان كمّلته جميلك وشفته لي اتناشر غويشه وكرسي جابر وبالعدم بنبر لزوم ترضية المره القديمه يكون عداك العيب...غايتو أنا جاهز زول صفاح ساي ...علي الطلاق في النوم بقيت أسمع الزغاريت في أضاني ...حلم الغبيان عرس....

ود الماحي

الشريف الهندي

22-03-2006, 12:18 PM

جمال الماحي سيد البلد أبو الرجال تحيات كتيرات

لا لا لا ماتشيل هم تب الفتيل بتاع الصندلية ارقد قفا

كراعك مابتخش فيه
ههههههه
والله الحديث معاك ليه طعم خاص جدا..... دمت لينا

sambaaa

22-03-2006, 09:08 PM

<CENTER>

<CENTER><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 505px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=5 scrollDelay=25 direction=up width=550 bgColor=#000000 height=505><CENTER>

الأخــــــــــــوة الأعـــــــــــــــــزاااااااااء

يا ضيفنا لو زرتنا لوجدتنا نحن الضيوف وانت رب المنزل ..

لن ننسى أيام مضت .. قضيناها في ضيافة أختنا العزيزة .. ســـــــــوار اليــــــــاسمين ..

كانت سوار مدهشة في اجاباتها على الأسئلة ..

عفوية جدا .. وتلقائية في مداخلاتها ..

شفافيتها كانت في كل حرف كتبته لنا ..

نشكر لها روحها الجميلة .. واريحيتها المتفردة ..

ادامك الله لنا اخت غالية يا سوار ..

ودعوات خالصة لك بالتوفيق والسداد في مستقبل أيامك ..

وهنيئاً لنا بك ..:)

</CENTER>

</MARQUEE>

http://arab.6arab.com/majdah..6oog-al-yasameen.ram
<TABLE width="100%" border=1><TBODY><TR><TD width="100%" bgColor=#000080>

<MARQUEE style="COLOR: #ffff00" direction=right>مــنـــك بديــت رحـلـة هواي يوم ضقت فيك طعم الشجن شـديـت رحالي نويـت أجيك وإخــتــرت أعــمــاقـك سكن أسرجت خيل سفري الطويل سافــرت ليـك قـاصدك وطن غـنـيـت عــلى ارضـك غناي ودعــت ليلات الــحــزن يلاك معاي يلاك معاي نجــمــع هــواك مـع هـواي وأسقيكي مــن ريدي ووفاي عــايزك معاي في كل حين نرسم فرحنا على الجبـيـن ندي الملامح لون وورود شوقنا في العينين يبين في الساعه ديك ياغالية مين يفرقنا مين يا حلوة مين؟</MARQUEE>

</TD></TR>

</TBODY></TABLE>
</CENTER></CENTER>