مدنى واولادها

[مرتضى ساتى]

صراحه يا اهل المنتدى فى واحد استفزانى وقال لى اولاد مدنى
وقت الجد ما بقيفوا قلت ليه كيف نحن بالدليل القاطع فى الغربه
وقفاتنا مع بعض دليل وقفاتنا مع الضيف فى الغربه دليل وقفتنا
مع مدينتنا المدينه الشامخه باهلها دليل ولا نحتاج لادله لانه الاصل
معروف رايكم شنو؟

[روبش]

ابو عبدالرحمن ...
ده ما سوداني ولا شنو
في سوداني ما بعرف ناس مدني
اولاً معروفين بعنصريتنا لهذه المدينة الحبيبة .. وترابطنا مع بعض في الفرح والكره
ولو الواحد بايدو حاجة كان عمل جواز وجنسية خاصة بناس مدني العسل

[ناصر الباشا]

اخي الاستاذ / مرتضى ساتي

كنت اتمنى ان لا تحاول الاجابة على هذا الشخص لسبب واحد

لان الاجابة في حضرة ذكر صفات ابناء مدني و شهامتهم

و نبلهم تعني الاستحالة و مؤكد هذا الشخص لا يستطيع

فهم معنى تلك المفردة و مؤكد انه لا يستوعب معاني اللغة

العربية لانه اذا كان يجيد القراءة و مرت عليه ذات يوم كلمة كرم

و تمعن بواطنها مليئاً حتماً سيجد في قلب المعنى منقوش عنوان

و بالخط العريض (انا ابنـــــــــــــــــــــــــــــــــاء مدني )

و سأحاول ان اوضح له معناها اكثر ادناه :

الكلمة : ابنـــــــــــــــــــــــــــــــــــــــــــــــ ـــــــــــــــــــــــــــــــاء مدني

معناها: الجود-الكرم-الشامه-النبل و صفات لم تستيع اللغة من فك طلاسمها

[سواااح]

اخوي مرتضي ..

.. العارف عزو مستريح ..

دمــــــــــت ،،

[ياسر الحكمي]

الاخ مرتضى ساتي

حينما يريد الانسان ان يتكلم عن مدينة ود مدني العظيمـــــــــة
تصبح كوامن النفس البشرية جوفاء لا تعبر عن صدق المعاني
لذلك تركت الاخ العظيم و النفس الطاهرة ناصــــــر الباشا لكي
يعبر و يجسد طيبة اهل هذه البقعة العظيمة و لكم فائض الشكر

[كاظم]

مرتضى ساتي تحياتي ...
هنا عندنا في البلد البعيدة دي والله العظيم تلاتة كل اولاد مدني رجال ونسوان اولاد وبنات مضرب مثل في الخلق السوداني الاصيل وبالرغم من انهم قلة ومنتشرين في عدد من المدن الاسترالية الا انك بتلقاهم في اي حتة هم فيها نجوم ولو مديت يدك اول زول سندك ما تسألو انو من وين لانو اقطع شك حيقول ليك (انا من مدني )... اي زول قال ليك كلام غير ده فتش وراهو بتلقى انو في مشكلة
تسلم يا مرتضى

[طارق الطارق]

صراحه يا اهل المنتدى فى واحد استفزانى وقال لى اولاد مدنى
وقت الجد ما بقيفوا قلت ليه كيف نحن بالدليل القاطع فى الغربه
وقفاتنا مع بعض دليل وقفاتنا مع الضيف فى الغربه دليل وقفتنا
مع مدينتنا المدينه الشامخه باهلها دليل ولا نحتاج لادله لانه الاصل
تحياتي للجميع
بصراحة انا دائما اجد كثير من الناس غير ساكني مدينة ودمدني دائما ينعتوننا باشيئا لاتليق باهل ودمدني الكرام غيره فيها شىء من الحسد لاننا الافضل ولان مدينتا ليس هناك من يدانيها مدني سعيده باهلها ومعطاه للجميع ا الحب يفيض على جنباتها ترحب بالوافد والغريب وانسان ودمدني حقيقتا انسان مميز باخلاقة وعشرته الحلوه وده مافيها شك

[مرتضى ساتى]

شكرا روبش ابو فيصل وناصر الباشا وسواح و ياسر وكاظم وطارق على المرور
وصراحه انا كنت واثق على الردود على هذا الشخص لانه مدنى فى حدقات الجميع

[nasirib]

يكفي اخي مرتضي ان تقول انا من مدني
ولو كانت المساحة تسع لكتبنا ويجف المداد
لك ودي ابو عبدالرحمن

[نزار حسن محمد]

الكابلى تغنى باغنية مروى وقال فيك يامروى شفت كل جميل.
وانا اقول فيك يامدنى شفت كل جميل ...
اخى ..
نحن ابناء مدنى لانقول نحن ونحن وانما نفعل لكى يتعلموا الباقين . ولك الود
اخوكم نزار حسن

[elfatih61]

أخوى مرتضى ساتي 00
الراجـل ده تمشى تجروا من إضيناتو وتفتح ليه الكمبيوتر
وما تتكلم معاه ولا نص كلمة 00 لانو إحتمال كبير نقناق أكثر
أكثر من اللازم وخليـه يقرأ الردود الجات دى (أعلاه) !!
يمكن يطلع بنى آدم ويفهم الحاصـل شنو !!

ولا ما فهم خليـه يركب التونسيـة !!!

[الجندي المجهول]

بــــــــــــــــــــــــــــــدون تعليق ولا كلمة " يعني يا مرتضي الزول دا بصراحة من النوعية التي تحقد علي مدينة ود مدني" لذلك انسي وعيش ومدني اكبر بي كتير من انو شخص زي دا يتجراء وتحدث عنها او عن اهلها الطيبين بي كلمة ودمتم وسلام للجميع بلا حدود

[عمك تنقو]

هو الزول ده ماشاف ترابط اولاد مدني في الدراسة خارج السودان
ولا ما سمع بشيخ العرب !