اتحدى الى حيعرف جوابي؟؟؟؟؟ ارجوا المشاركة

[سوار الياسمين]

اعزائي ملوك منتدى مدني

حطرح عليكم سؤال واتمنى منكم المشاركة

والحيعرف الجواب ليهو عندي عزومة مااااااااااااكنة


وعندكم فرصة لحد يوم الخميس

مستعدييييين


السؤال هو؟؟













ما هو قمت الألم ؟؟



جاوبوا وليكم الحلاوة



تحياااااااااتي

[sambaaa]

قمة الألم .. هو قمة الألم ..
سوار الياسمين .. فقدان عزيز .. بكل انواع الفقدان .. ( موت .. خصام .. هجرة .. ارتحال .. الخ ... ) .. ذلك هو قمة الألم
أسال الله سبحانه تعالى .. إنو في يوم ما يألمك .. ويخفف عليك القدر منه .

[سوار الياسمين]

اخي العزيز سامبا

كضبن كاضب

ده ما الجواب بتاعي

ولكن أشكرك على المحاولة

وفاتت عليك العزومة

[aborawan]

قمة الألم؟
تكون ماشي بي تحت حيطة ويتكشح فيك ملاح بايت مع موية غسيل العدة :(:(:(

[سوار الياسمين]

هههههههههههههههه


تسلم يا ابوروان

انت زاتك شكك فاتتك العزومة

[مكتول مدنى]

قمة الالم هى الالم الذى لايمكن تخيله وان يحدث لك شئ سئ حتى انك ما تكون متخيل يحصل او تصدق وهى على العموم المسالة نسبية كل واحد قمة الالم عنده تختلف يعنى مثلا دة يكون قمة الالم عنده لما واحدة يحبها وتديه شاكوش والتانى قمة الالم عنده لما يفشل فى اى حاجة وهكذا دواليك
اها انا فى ماليزيا الحلاوة بتجيبيها لى كيف هنا ولا استنى شهر 5 لما ارجع مدنى ان شاءالله

[admin]

قمة الألم هي الهمزة .. وهنا نقصد اعلى جزء في الكلمة هههههههههههههههههههه

[سوار الياسمين]

فراسان ودمدني

مكتول مدني

أدمن

زعلتوني والله

لانكم زاتكم فاتتكم العزومة الكااااااااااربة

لكن يا مكتول حلاوتك بديها ليك في السودان بعد خمسة شهور

تحيااااااااتي

وفي انتظار المزيد من المشاركات

ووين يا شباااااااب مدني

[أبوريلان]

سوار الياسمين

سلاماااااااااااات

أولا : أنا بعرف عقد الياسمين أو عقد الفل لكن سوار الياسمين دا ماسمعت بيه كدى أشرحى الأسم أولا .

ثانيا : قمة الألم عندما تذهب للسرير فى الغربة .

[سوار الياسمين]

اخي العزيز Myrelan

سوار الياسمين ده زي عقد الياسمين بس على سوار في اليد

شكلك كده ما بتسمع لماجدة الرومي

ما علينا ده ما موضوعنا

بالنسبة لجوابك هو فعلا مؤلم

لكن برضه فاتتك العزومة

وتحياااااااتي

[أبوريلان]

ياسوار الياسمين عيار 21

أنا ثقافتى فى الأغانى العربية ضعيفة وزى ماقلت ما علينا .

قمة الألم :

لكل شخص قمة ألم تختلف من شخص لآخر .

[ابراهيم]

سوار الياسمين سلامات وعوافي من الألم

أول حاجة العزومة الكاربة شنو؟

بعدين "قمة الألم" العندي أنا ما عندك انتي ولا عند الآدمن ولا عند زيد ولا عند عبيد

لكن عموماً قمة الالم هي ان تسكت وفي قلبك جرح يتكلم..
وجاهزين للعزومة

[عماد الصادق]

قمة الألم مافي حد ضاقو وهو حي..
واللي حيضوقو ماحيقدر يكلم الثانين...
وإنت معانا ولا مع التنين ؟؟؟؟

[سوار الياسمين]

عزيزي ابراهيم

تحياتنا ليك

أولا العزومة الكاربة هي سفرة مكونة من 15 كرسي عليها كل ما تشتهي الانفس من الممكن تتخيلها

لكن السفرة كلها حتكون لشخص واحد فقط

ثانيا : الالم الي انت وصفتوا شكله صعب كثير

لكن برضة العزومة فاتتك يا الغالي

وتحياتي ليك

[سوار الياسمين]

انا مع التانيين طاااااااااااااخ

ههههههههههههههه

الغالي عماد الصادق

تحياتي ليك مع الأسف العزومة ضاعت عليك

وبالنسبة للألم الي في بالي

صدقني ثم صدقني ما في زول حيستحمله


تحيااااااااتي

[مكتول مدنى]

يا سوار الياسمين انت اجندتك ماشة غلط ولا شنو انا هسي بعد فى الايام الفاضلة لى وباقى قريب اربعة شهور والواحد يتخارج ويرجع اهله انتى ترجعينى تانى على الاقل بدل ما تزيديها قولى لى قربت ترجع طمنيني بدل ما تقولى لى خمسة شهور لكن الزمن داك انتى بتكونى فى السودان لانى بجى للحلاوة

[سوار الياسمين]

اخونا مكتول مدني احتراماتي ليك وما تزعل باقي ليك 3 شهور وشوية ويا خي والله قربتى

بعد ده الزول يحسدك انك ماشي السودان قريب والله اصلو ما ممكن بختك والله وانشاء الله اجازتك

تكون طويلة عشان يديك الحلاوة هناك

وعلى فكرة يا مكتول انا خالتي في ماليزيا انتو السودانين هناك بتتقابلو على طول ولا ايه النظام

تحياااااتي ((قربتى والله ))

ههههههههه

[aborawan]

قمة الالم
انك تكون منتظر سواء الياسمين عشان توريك الاجابة :):):)

[aborawan]

قمة الالم
انك تكون منتظر سوار الياسمين عشان توريك الاجابة :):):)

[أشرف السر]

سوار الياسمين

سؤالك فلسفي بحت ولا يمكن الجزم بصحة او خطأ إجابة ما..
سأحاول اثبات بعض - اللحظات او الأفعال التي تعتبر "قمة الألم" والله المستعان..



قمة الألم أن ترى من لا تود رؤيته .. ويغيب عنك من يقتلك الحنين كل ليلة لرؤيته .

قمة الألم أن يجاورك من لا بينك وبينه أي ود .. ومن توده لا هو جارك ولا قريبك .

قمة الألم أن من تتمناه تحول الظروف بينك وبينه .. ومن لا تتمناه تقربه الظروف منك أكثر مما تتمنى .

قمة الألم أن يجعلك من لا قلب له كلعبه تسليه كلما شعر بالملل ..

قمة الألم أن تأتي وقد جحدتك الدنيــــــــــا ومن فيها فيـتـنكر لـك من كنت تـتـمنى أن تجده لترتمي بأحضانه وتبكي بسخاء
..
قمة الألم أن تُحاسب على أخطائك وأخطاء غيرك ..

قمة الألم أن تكون دمـــوعك هي الوفية الوحيدة لك تأتيك صباحا ً لتقـول صباح الخير
وتمرك ليلا ً لتقـول تصبح على خير ..

قمة الألم أن تبني أحلامك وتسهر الليالي في انتظار تحقيقها .. وفجأة تصحو وتجد أمالك أصبحت سراب وتحقيقها بات محال ..

قمة الألم أن تتعلق بشخص تعتقد أنه يبادلك نفس الشعور وتتفاجأ أنه لا يكن لك أي نوع من المودة والمحبة

قمة الألم أن تكون نيتك صافيه ومشاعرك صادقه تبادل الآخرين بروح الأخوة الصادقة الخالية من المجاملات وتجد أن من حولك يأخذونها على معنى آخر ويفسرونها بما تشتهي أنفسهم ويبادلونك الاتهامات والنظرات الحاقدة ..

قمة الألم أن تسعى وتعمل من أجل أن تصل إلى قلب إنسان وفجأة تجد قلبه متحجرا خالي من المشاعر والأحاسيس .

قمة الألم هي:

أن تدفع ثمن أخطائك وأخطاء أرتكبها ألاخرين

أن تصرخ صرخات الحق فيكتم الظلم أنفاسك

أن يكون الحب الوفاء الصدق ألصداقه كلها على أجراف هاريه

أن تحب من علمك الحياة فيأتي يوما تجده قد فقد الحياة

أن تحترق لأجل من تحب وكأنك تحترق لأجل لاشيء

أن تصبح ذكريات الماضي الجميلة مجرد إعصار يهزنا بقوة

أن تكون كلمتنا ومشاعرنا البريئة جريمة نعتقل ونموت لأجلها
وقمة الألم أن تحس بأنك في عالم ليس بعالمك

وقمة الألم أن تحس بالغربة بين أحبابك

وقمة الألم أن تنادي وتصرخ والكل يتجاهلك

وقمة الألم أن تتظاهر بالقوة والنار تكوي مهجتك

وقمة الألم أن تنصدم بمن تراه القدوة أمامك

وقمة الألم أن تجد نفسك حائرا بين عقلك وقلبك

وقمة الألم أن تتألم ولا أحد يشعر بألمك

وهناك قمم للألم بين وبين من تحبهم وتعاشرهم وتقاسمهم أنفاسك :

قمة الألم .. أن تبحث عنهم في وقت حاجتك .. فلا تجدهم .

قمة الألم أن تراهم يتألمون أمامك .. ولا تستطيع فعل شي .

قمة الألم أن تكون في الفرح مدعي .. وفي الحزن منسي .

قمة الألم أن تغذيهم من لحم عافيتك .. فإن شبعوا أنكروك .

قمة الألم أن تشتاقهم حتى الموت .. فيجحدوك حتى الموت .

قمة الألم أن تمد لهم يد العون .. فيمدوا لك يدهم وبه خنجر .

قمة الألم أن تكون حراً فيستعبدوك .. فقط لأنك تحبهم .

قمة الألم أن يسكن خيالهم معك صبحاً ومساءاً .. وتكون أنت آخر من يخطر ببالهم.

قمة الألم أن يكون مسكنهم عينك .. ويكون مسكنك عندهم خارج حدود التذكر.

قمة الألم أن تكون معهم وفياً .. ويكونوا هم الخيانة بصورة إنسان.

قمة الألم يجحدك من تحبه .. وتجحد من يحبك .

[سوار الياسمين]

مشرفنا الكبير ابو روان

الصبر طيب ليوم الخميس وصدقني ان اجابتي حتصدمك

عزيزي المبدع اشرف السر

تحية ليك ولكل ناس مايو كان نص كان طرف كان اربعين

والله الحقيقة ابدعتى في وصف قمة الألم

لكن الألمني زيادة





ان العزومة فاتتك
هههههههههه

وانتظرني يوم الخميس


تحيااااتي

[غفران]

قمة الألم أن يجعلك من لا قلب له كلعبه تسليه كلما
شعر بالملل ..


قمة الألم أن تأتي وقد جحدتك الدنيــــــــــا ومن فيها فيـتـنكر لـك
من كنت تـتـمنى أن تجده لترتمي بأحضانه وتبكي بسخاء ..


قمة الألم أن تُحاسب على أخطائك وأخطاااء غيرك ..


قمة الألم أن تكون دمـــوعك هي الوفية الوحيدة لك
تأتيك صباحا ً لتقـول صباح الخير

وتمرك ليلا ً لتقـول تصبح على خير ..



قمة الألم أن تبني أحلامك وتسهر الليالي في انتظار تحقيقها ..
وفجأة تصحو وتجد أمالك أصبحت سراب وتحقيقها بات محال ..


قمة الألم أن تتعلق بشخص تعتقد أنه يبادلك نفس الشعور
وتتفاجأ أنه لايكن لك أي نوع من الموده والمحبه


قمة الألم أن تكون نيتك صافيه ومشاعرك صادقه تبادل الآخرين
بروح الأخوه الصادقه الخاليه من المجاملات
وتجد أن من حولك ياخذونها على معنى آخر ويفسرونها بما تشتهي
أنفسهم ويبادلونك الأتهامات والنظرات الحاقده ..






قمة الألم أن تسعى وتعمل من أجل أن تصل الى قلب أنسان
وفجأة تجد قلبه متحجرآ خالي من المشاعر والأحاسيس


(انشاءالله العزومه ما تفوتني يا سوار الياسمين)

[sambaaa]

عفواً أخواني .. وعذراً لك أختي سوار الياسمين ..
فقد هالني وأنا ارى أخواني بداخلهم كل هذا الألم .. تخيل لي ذلك .. لم تكن حروفهم من اجل اجابة السؤال الصعب
هذا مرير .. مرير جد والله ..
ولكن عبر هذه الكلمات .. أقدم الدعوة .. بأن تودعوا الألم .. وأن تفتحوا نافذة جديدة للأمل ..
وليكن السؤال ... ما هي قمة السعادة لديكم .. ؟
رجائي .. اخواني ان تغلقوا باب الألم .. ليس عن هروب .. ولكن عن رغبة حقيقية

[rasheed]

قمته يا بتنا يا نجاضة نجضتينا إنك تنجضي الناس كده لحدي الخميس 0
قمته ألا نحس ونشعر به ،، والشئ كان فات حدو إنقلب لضدو 0
قمته الحب ( أن ما يعبر به صاحب الكتابة غير مسئولين عنه وهو رأي شخصي ))) هاهاهاهاه زوقان يا ناس

[أبوبكرحامد]

قمة الأم أن تعجز عن الإجابة وتفوتك العزومة ، غايتو ياسوار مادام الطاولة فيها 15 كرسى انا ح اكون فيها ولو بى انقلاب عسكرى ومعاى جنابو الرشيد الخلا عيونا تزغلل بى لونو الغريب ده " إنتباه ياعسكرى "

[سوار الياسمين]

ياااااااااااااااا الله

لالالالالالالا اصلو ما ممكن

الا انتي يا غفران كان نفسي تكوني في العزومة

لا كن ولا يهمك وغلاوتك اعمليك عزومة تانية بمقامك


*************************************


مشرفنا الكبير سامبا

تحيااااتي الكبيرة ليك وصدقني ما كان قصدي انو اخلي الناس تعبر بالطريقة المؤلمة ده

ولكن ده مجرد تسلية لا اكثر واسمحلينا انو نكمل اللعبة للنهاية ((بعد اذنك يعني))

(( يا خي مالك علينا جبتلي وجع ضمير عديييييييييل كده))

وتحيااتي ليك

******************************


العزيز رشيد

قلتلي انو نجضك مش كده

ههههههههههه وده المراد زاااااتو ;)

وتحياتنا ليك يا كبيرنا





آه نسيت راحت عليك العزومة
خخخخخخخخخخخخخخخخخ :D

[الشريف الهندي]

قمة الألم

ياسوار الياسمين
أن تكوني انتى زاتك عارفه الاجابه
أو ما يكون في حياتك ألم

[ابراهيم]

غايتو جنس ألم
والله يا سوار الياسمين يا اختي الناس ما خلو ألم حايم
كفاية آلام بأة
الناس دي إتألمت كلها وإتأملت في العزومة
وراحت عليهم العزومة أم خمستاشر كرسي

انا غايتو يا ود الماذون معاك النضمي بالنضمي في العملية الانقلابية دي

[مكتول مدنى]

والله يا سوار قمة المى فى اللحظة دى عزومتك الروحتيها على دى وانا كنت ماملى ترسليها لى بال دى اتش ال وتريحينى من اكل الرز والروتى وكمان ماتقولى انفلونزا الطيور جاتنا بي جاى جهجهتنا جدا لانهم هنا غير الطيور ما عندهم اكل لحوم مافى ولا حتى فى عيد الضحية يعنى بى جاى بي جاى نحنا تعبانيين يحلنا الحلّ بلهبعد المقاطعة والانفلونزا واصلا الاكل الحرام متوفر ما معروف الواحد يعمل شنو لان الرز كرهناه كراهية غريبة يعنى بعد دة الا ناكل نيم والمشكلة النيم هنا مافى برضه دة غير الباعوضة والحشرات والمطر اليومى والرطوبة العالية يعنى لو الواحد زاق من الرطوبة والحمى الدنكية وانفلونزا الطيور حيجيه عسر هضم مستديم من الرز وامكن فشل كلوى من عدم الموية لان كمان مويتهم لو ماعندك فلتر تعبت لو شربت فنجان من الماسورة امكن ما تعيش ساعة بعد داك وانا كنت منتظر الحلاوة وخذلتينى لكن يا اخوانا الفائز بالله يتقاسمه مع اخوكم التعبان دة بى جاى وانت ياسوار الياسمين بعد التحنيس دة كلو قولى انى انا الفزت والله من كلامى دة اعرفى الاجابة وان قمة الالم هو المابتوصف وهو موجود هنا بكثرة لكن مافى الكلمات البتعبر وما تنسي خالتك دى ادينى عنوانه امكن تعزمن خدرو ولا ملاح ويكاب كااااااااااارب كدة لحدى مانرجع بلدنا
وان شاءالله الاجازة شهر ونص كدة لكن بعديها كلها علاج من الحبوب القامت لى بسبب الجو وكمان اكل علشان الواحد يعمل مؤونة الشتاء وكدة
تسلمى ياسوار

[ياسر فقيري]

سوار الياسمين .. بس أهم شيء قبل الإجابة تحددي وين مكان العزومة ..
///***///***///***///***///***///***///***///***///
قمة السعادة أن تعمل على أسعاد كل من حولك ..
وقمة الألم أن لا تجد إلا التنكر ممن عملت ذات يوم على أسعادهم ..

[admin]

غايتو كان بعد المشاركات والانقلابات والالم دا كلو جيتي قلتي انو قمة الالم هي التزحلق على زحلاقه مغطاه بشفرات حلاقة وشظايا الزجاج تكوني بالغتي

[سوار الياسمين]

" إنتباه ياعسكرى "

افندم يا كبيرنا

والله تشريفك لي في موضوعي ده براهو عايز ليهو عزمة

وطاولة بحق 15 كرسي لكن ليك انت براك ((عفففواا جنابو برضه يشرفنا ))

وتحياتنا ليك يا كبيرنا

[سوار الياسمين]

قمة الألم

ياسوار الياسمين
أن تكوني انتى زاتك عارفه الاجابه
أو ما يكون في حياتك ألم


اخونا الشريف بالنسبة للاجابة فهي عندي وحتكون فوق توقعاتك بس حضر شعورك لبكرة

ومافي زول حياتو ما فيها الم ياخي كفاية انو مولودين ودارسين وشغالين في الغربة


ده ما براه الم

وتحياتنا ليك وانتظر لحد بكرة

[سوار الياسمين]

مشرفنا ابراهيم

هيهيهيهيهي يا خوي بدون انقلاب داخل في عزومة كبيرنا ابو بكر (( وعففواا وجنابو))

تحياااتي

[سوار الياسمين]

تحياااتنا يا ود فقيري

كنت حقول ليك مكان العزومة كان كنت جاوبتا صح

لكن للاسف راحت علييك


تحياااااتي

[سوار الياسمين]

غايتو كان بعد المشاركات والانقلابات والالم دا كلو جيتي قلتي انو قمة الالم هي التزحلق على زحلاقه مغطاه بشفرات حلاقة وشظايا الزجاج تكوني بالغتي






بااااااااااااااااااااااااااااالغت يااااااااااااااا ادمن

ما كنت تصبر لحد بكرة زنقتبيك يعني الاجابة

بس بضيف عليها


تتزحلق في جبل كله امواس وجزاز وتقع في بحر كلونيا :
confused: :confused: :mad:


احححححححححححححححححححححححححح

في زمتكم ده ما قمت الالم


ومبروووووووووووووووك عليك العزومة يا ادمن وبتجيك لحد عندك بس حدد المكان

مستنيا انفعالاتكم ههههههههههههههههههههه ::


خخخخخخخخخخخخخخخخخخخخخخ

لولوللولولولولولولولو

[saly]

هههههههههههههههههههههههه
غايتو مبالغه عديل يا سوار

بختك يا ادمنا يا كبيرنا

بالهنا والشفي علي قلبك العزومه

[عماد الصادق]

صراحة.. أنا في الأول لمّن الآدمن قال الإجابة الفايزة دي ...
قايلو كلام زول قنعان وبقول أي كلام...
وصراحة اأكثر يستاهل أبوبكر... لأنه إجابته بتاعة الهمزة .... ماهينة...
وراخين أضانا...
لك التحية سوار الياسمين ... طلعتي آلام وأفلاام... وسرير ابوشوارب لحدي هسه
بفكر فيهو.. لأنو أنا ماشي على المثل إذا كترت عليك الهموم .. إدمدم ونوم..
لذا فإن الذهاب إلى السرير في الغربة.. هروب حريف..

[sambaaa]

أعصاااااااااااااااااااااابنا باظت :eek:

لاحول ولاقوة إلا بالله

والعجب لو كان الجبل جليدي ... وبحر الكلونيا باااااااااااااااااارد ... يا سااااااااااتر ..

والله إلا شايقي يستحمل الألم ده .. غيرو مافي .. ;)

[الوفي]

اسمحو لي اقول شي
في رأي قمه الألم ان تبتسم وفي عينيك ألف دمــــــــــــــــــــــــــــــــــــــــعه
وتحياتي ليك على موضوعك ولكن زي ما قلت ليكم في راي
قمة الألم ان تبتسم وفي عينيك الف دمعه ومليون هم

[الوفي]

طبعا انا ما فاهم اي شي فلو في زول فاز مبرووووووووووووووووووووووووووووووووك عليهو
ولو مافي زول فاز انا عندي جائزة لكل الخسرانين تعالو اقعدو معاي نساند بعض هههههههههههههههه تحياتي
ووروني النتيجه شنو يا اخوانا انا ما متابع انا مطوفش

[سوار الياسمين]

الوفي المطوفش ازيك

واشكرك على المرور

[saly]

الوفي المطوفش ازيك

واشكرك على المرور

هههههههههههههههههههههههههه بالغتي يا سوار الوفي ده كيف تقولي مطوفش

ويالوفي راجع البوست ده من الاول بتلقي الجواب والفاز منو

[أبوريلان]

يا آدمن قبل العزومة أمشى على عمنا بابكر يشوف ليك إسعافات أولية !!!!

[مكتول مدنى]

قمـــــــــة الألــــــــــم
أن تكــون دموعـــك هي الوفيـــــه الوحيــــدة لـــــك
تأتيـــك صباحـــا لتقــول صبـــاح الخيـــــــــر
وتمــر ليــــلا لتقــول تصبـــح على خيــــــــر
قمــــــة الألــــــــم
أن تبنــي أحلامـــك وتسهــــر الليالــي في إنتظـــار تحقيقـــــه
وفجــــــــــأة
تصحــو وتجـــد آمالـــــك أصبحــــــت ســــــــراب
وتحقيقهـــا بـــات محـــــــــال
قمــــــــة الألـــــــم
أن تتعلق بشخــص تعتقــد أنه يبــادلــك نفــس الشعـــور
وتتفـــا جــــأ
أنه لا يكّــن لــك أي نــوع من المـــودة والمحبــــــة
قمــــــــة الألـــــــــم
أن تكــون نيتــك صافيــــة ومشاعــرك صادقــــــــة
تبــادل الآخريــــن بــروح الأخـــوه الصادقــــة الخاليــة من المجامـــــلات
وتجـــد أن من حولـــك يأخذونهـــا على معنـــى آخــــــر
ويفسرونهــــا بما تشتهــي أنفسهـــــم
ويبادلونـــك الإتها مــــات والنظـــرات الحاقـــــده
قمــــــــة الألـــــــــــم
أن تسعــى وتعمــل من أجــــل أن تصــل إلى قلــــب إنســـــان
وفـجــــــــــــــــأة
تجــــد قلبــه متحجــــراً خالــي من المشاعــــر والأحاسيــــس

اها استحقينا الحلاوة ولا لسة

[حسام]

اه
ومليون اه
قمة الالم نظرة حزينة من طفل برئ
وقمة السعادة اسعاد الاخرين بالامل

[الامين]

بسم الله الرحمن الرحيم

قمة الالم ... أن لانعرف ..................

(كيف .................................................. . يرضى الله عنا )

الله ارض عنا برحمتك وجودك وكرمك واحسانك

[الوفي]

شــــــــــــــــــــــكر على العموم على الترحيب الحار والرد الجميل
اشكركم بعنف والله وتحياتي للجميع
ومن غير ما ارجع تحياتي للفاز عارفو كويس الفاز ده
وتحياتي اكيد للخاسرين ايضا
ههههههههههههههههههه
صحب ابكي الزمن ده
شكرا بالجد شكرا

[سوار الياسمين]

العزيزة سالي تحياتي ليك وردي على الوفي من كلامه وكمزحة مع احترامي الكبير ليه

اخي الماليزي مكتول مدني هههه كيف حالك وانا ما زلت عند وعدي ليك بالحلاوة

ميرلان في زمتك اصابة زي ده تتعالج كيف اخير ينتحر كان ما انتحر

اخي حسام سلامتك من الآه واشكرك على مشاركتك وما عدمناك

اخونا الامين اللهم امين وفعلا ده يمكن يكون اكبر واصعب الم

عزيزي الوفي تحياتي الكبيرة ليك وشكرا على ردودك وما تطول الغيبة

[جوجو5]

قمت الالم إنى إشتركتة معاكم ومافى حد عبرنى]

[سوار الياسمين]

العزيز جوجوه

مرحب بيك في المندى

واسعدتني مشاركتك في موضوعي

وما عدمناك

[أشرف السر]

اعزائي ملوك منتدى مدني



حطرح عليكم سؤال واتمنى منكم المشاركة



والحيعرف الجواب ليهو عندي عزومة مااااااااااااكنة





وعندكم فرصة لحد يوم الخميس






سوار الياسمين

الخميس فات

انت قصدك ياتو خميس!!؟؟

[ابراهيم]

أنا ألبي كان حاسس

[سوار الياسمين]

اخونا المجتهد أشرف السر

تحياتي ليك وانا فعلا رديت يوم الاربعاء كمان مش يوم الخميس

عشان اخونا الادمن عرف الجواب قبل يوم الخميس


مشرفنا ابراهيم

انت كان البك حاسس ما جاوبت ليه وكسبت العزومة

ودمتم

[sambaaa]

أنا ألبي كان حاسس



http://9q9q.com/Feb/1140938310.gif (http://9q9q.com/)http://9q9q.com/Feb/1140938310.gif (http://9q9q.com/)http://9q9q.com/Feb/1140938310.gif (http://9q9q.com/)http://9q9q.com/Feb/1140938310.gif (http://9q9q.com/)
ده شغل مصريين يا حاج ابراهيم :) ;)