داير شنو؟؟؟؟؟؟ [الأرشيف] - منتديات ودمدني

بابكر

12-02-2006, 12:09 PM

[ هنالك كلمات نستعملها فى حياتنا اليوميه بدون ان نتبه لمعانيها فتعالوا معى لنفكر قليلا فيما نقول
مثلا نقول @@ مشيت السوق لقيت الخضار( راقد )
كلمة راقد تعنى نائم ونقصد بها نحن ( متواجد ) وشتان مابين المعنيين
ونقول انا ماشى وسايق محمد معاى وكلمة ( سايق ) نعنى بها ذاهب معى
وهى تعنى سايق او سائق سياره اودابه
ونقول قاعد براى وكلمه براى هذه اجتهدت كثيرا لمعرفة معناها وهى تعنى والله اعلم ( برأيى ) اى انى جالس بالراى الذى اراه
اما كلمة قاعد ساى فلم اجد لها معنى والذى يعرف يورينا
وللحديث بقيه 00 وارجو من الاخوان طرح مايرونه00
مره امى جات الحج وكان بواب العماره بتاعتهم مصرى 00 قالت ليهو
( ياعشاى ادينى التبروقه الفى وشك دى النصلى ) اخينا قال لى الحاقه دى بتؤل ايه؟؟؟؟؟[/ :D

مزوني

12-02-2006, 12:44 PM

ههههههههههههههههههههههههههههههههههههههههههههههه

والله فعلا كلامنا فيهو العجب وبعد دا كلو نلقى البقول انو احنا السودانيين أحسن ناس ننطق اللغه العربيه

يعني أبسط حاجه رقم ثلاثه بننطقو تلاته حرق الذال بننطقو زاء والظاء ما بعرف كيف أكتب نطقها لكن في النهايه بننطقها غلط

وغير كدا كتيييييييييييييييييييييييييييييييييييييييييييييييي ييييييييييييييييييييييييييييييييييييييييير

لكن يالله ربنا يسهل

تسلم يا غالي على أهتمامك وربنا يوفقك في معرفة البقيه يا حنون

خالد هاشم علي

13-02-2006, 08:27 AM

عمنا الغالي بابكر... لك التحية والإحترام ... مشكور علي التنقيب في العبارات السودانية الدارجية ... بس انا بأكد ليك لو رجعنا لي أصل كل كلمة لوجدنا أنها من عيون اللغة العربية الفصحي بس أنا مامتاكد من العبارات دي بالضبط لكن مرة حضرت محاضرة للراحل بروف عبد الله الطيب وكان موضوع المحاضرة اللغة السودانية ومدي قربها من اللغة العربية فقد أوضح الراحل بروف عبد الله الطيب أن اللغة السودانية هي الأقرب من بين لغات كل العرب المتواجدين حالياً للغة العربية يعني يامزوني فعلا كلامنا أقرب للغة العربية حتي أنو بروف عبد الله الطيب ضرب مثل بكلمة ( زول) وطبعا دي عبارة مشهورة عند السودانين لدرجة ان الخليجين والمصريين ومعظم العرب لما يكونوا عايزين يتكلموا مع سوداني يقوموا ينادوهوا ( يازول) المهم الراحل عبد الطيب شرح ان كلمة ( زول) هي كلمة من عيون اللغة العربية الفصحي وأصلها من الزوال ( من زال يزول وهو زائل) بمعني عندما تتحدث مع أحد وتقول له يازول فإنك تقصد بها ( أيها الزائل) بالله شوفوا الكلام ده... رحم الله الفقيد الراحل عبد الله الطيب والبروف عون الشريف قاسم وكل علمائنا الأجلاء

mnedo2001

14-02-2006, 04:03 AM

الود لاهل المنتدي وهم يتداولون هذة المواضيع الجميلة التى نتعايش معها دون التطرق لمحتواها ...........
فالتحية لك الاخ بابكر ..........
ولكن فالتكن عاداتنا وتقاليدنا دوما مفخرة لنا ...........

mnedo2001

14-02-2006, 05:21 AM

بابكر

14-02-2006, 10:59 AM

]الابن العزيز مزونى
الوفى خالد ابوهاشم
الاخ مندو
لك الشكر على المرور والمشاركه المقدره
مره قال لى صديقى السورى (( ان كلمه زول مرادفه الى كلمة زلمى السوريه ولكن السودانيين يستعملون كلمة زول بكثره شديده )) الا توافق هذا الكلام يا خالد؟؟؟
عندما ينايديك اى شخص غير سودانى فى الغربه ويقول ليك يازول 00 الا تزعل منه وتعتبر ذلك استفزازا ؟؟؟ صراحه انا اعتبره كذلك000[/SIZE] :D