حظ كدا ولا بلاش

[عزيز عيسى]

خلال الاسبوع الماضي أوقفت إحدى السيدات سيارتها في الموقف العام للسيارات بإحدى الاسواق التجارية وذهبت لتشتري بعض الحوائج والمستلزمات للتجهيز لأعياد الكريسماس ورأس السنة الميلادية.. وبعد أن إنتهت من شراء حوائجها عادت لتركب سيارتها وتعود الى البيت.. وعندما فتحت باب السيارة وأرادت أن تدخل رجلها لتجلس علي المقعد لفت نظرها وجود صندوق صغير مغلف بطريقة أنيقة وموضوع عند منتصف المقعد.. إنفجعت السيدة عندما شاهدت الصندوق وبدأت تسأل نفسها من أين أتي هذا الصندوق الصغير ومن الذي وضعه وهي في شك من أمرها؟.. لم تلمس السيدة الصندوق وإبتعدت قليلا لأنها إعتقدت في باديء الأمر ربما يكون في داخل الصندوق قنبلة وقد تنفجر تحت أي ظرف.. ولكنها لاحظت قطعة صغيرة من الورق ملصقة على طرف الصندوق من شخص مجهول.. دققت النظر علي الورقة وفي حذر تام قامت بنزع الورقة من الصندوق وكان مكتوب عليها الرسالة الرقيقة التالية:

آسف يا عزيزتي.. لقد وجدت باب السيارة مفتوحا.. يبدو أنك نسيتي أن تغلقي الباب.. لذلك وضعت لك داخل الصندوق خاتم لست في حاجة إليه بعد الآن.. وأردت أن أعطيه لمن يستحقه.. فأعتبريه يا عزيزتي كهدية مني.. مع أمنياتي لك بعيد ميلاد سعيد.. وقضاء أسعد الأوقات بمناسبة العام الميلادي الجديد.

إطمأنت السيدة قليلا بعدما قرأت الرسالة وقامت بفتح الصندوق.. وفعلا وجدت بدخله الخاتم.. إلتفتت حولها ثم الى جهة اليمين والشمال ولم تجد أي شخص يراقبها.. قامت السيدة بأخذ الصندوق والخاتم مع الرسالة المكتوبة وسلمته لمكتب الشرطة وحكت لهم بما حدث.. قام مدير الشرطة وبحضور السيدة بعرض الخاتم علي خبير مجوهرات حيث أفادهم بأن الخاتم مرصع بالجواهر وباهظ الثمن.. سأله مدير الشرطة كم يبلغ سعره.. أخبره المجوهراتي بأن سعر الخاتم يبلغ علي أقل تقدير 50 ألف دولار أمريكي..!!

الحظ كدا ولا بلاش

[عماد الصادق]

أبو عزيزة

تعرف في الأسابيع المنصرمة ولأن بن داود السوبر ماركت
عامل جوائز ثلاثة سيارات غير الحاجات الهايفة الثانية..
المهم كثفت جهودي وبقيت أجمع في الكوبونات مرة إسمي
ومرة البنية ومرات العبدلله (قلت أحسن عشان التسهيل في الاستلام)
وقعدنا نحلم .. العربية أمريكية جمس وبتستهلك بنزين لازم نبيعها
ونشتري لينا واحدة ثانية.. تقوم أشواق تقول لا لا لازم أول حاجة نستمتع بيها..
تقوم أمها تقول ليها لكن لو ركبناها يوم واحد سعرها بينقص كتير ..
الكويسة العرض كان ثلاثة سيارات
تخيل تخيل كنت متخيل إننا نكسبهم الثلاثة .. ويكون حدث..
ما كل مرة الناس بتكسب .. لكن عائلة واحدة محظوظة زينا كده حتكسب كل الجوائز
ونخير ليك خلق الله .. عشان يآآآآآمنو بحظ السوادنة..
وصراحة كنت متفائل .. ورخينا أضانا وغلبنا النوم ليلة السحب..

لكن سبحان الله تلفون عادي ساي ما ضرب..

قلت يازول يمكن تكون الشبكة مالفقت معاهم أصلو الشريحة بتاعة موبايلي دي لسه جديدة
والتغطية ما 100% (دي شريحة عجيبة) في طريق جدة مكة بتشتغل دولي (آي والله)...

المهم بعد طول انتظار ماحصل الفي بال .. ومشيت اتأكدت وقريت اللسته بتاعة الفايزين كم مرة..

ولا زعلت ولا ندبت حظي.. عااااادي

والأمل موجووووود مادام النفس طالع ونازل..

[صالح ابوشوارب]

ود ابو عيسى

صباحاتك خاتم جعران

عشان كدا ما عايز تجى . قاعد تلقط فى الختم

ونحن هدايانا من لسودان قـــــــــونقليز ودوم

طيب ما تشوفوا لينا تاشيرة ونجيكم فى ظرف يوم

[أبوريلان]

الأخ عزيز

سلامى

عندى سؤال الراجل ده عرف كيف أنها سيارة سيدة ؟

معليش للسعال التعسفى بلغة أخوانا الفلاته الظرفاء

وفعلا الحظ كدا ولا بلاش

[عزيز عيسى]

أبو عزيزة

تعرف في الأسابيع المنصرمة ولأن بن داود السوبر ماركت
عامل جوائز ثلاثة سيارات غير الحاجات الهايفة الثانية..
المهم كثفت جهودي وبقيت أجمع في الكوبونات مرة إسمي
ومرة البنية ومرات العبدلله (قلت أحسن عشان التسهيل في الاستلام)
وقعدنا نحلم ..
وصراحة كنت متفائل .. ورخينا أضانا وغلبنا النوم ليلة السحب..

لكن سبحان الله تلفون عادي ساي ما ضرب..

قلت يازول يمكن تكون الشبكة مالفقت معاهم أصلو الشريحة بتاعة موبايلي دي لسه جديدة
والتغطية ما 100% (دي شريحة عجيبة) في طريق جدة مكة بتشتغل دولي (آي والله)...

المهم بعد طول انتظار ماحصل الفي بال .. ومشيت اتأكدت وقريت اللسته بتاعة الفايزين كم مرة..

ولا زعلت ولا ندبت حظي.. عااااادي

والأمل موجووووود مادام النفس طالع ونازل..

يا عمدتنا يا دفعتنا،

لكن والله حننتوني.. كدى أديني عنوان أبوداود دا اللي بيعمل للناس شحتافة روح خليني إتصل بيه وأشوف موضوع الجوائز دي..
دا لو عرف حالتكم وانكم بتحلموا بالسيارات وما قادرين تنوموا كل يوم صدقني حيدي كل واحد في الاسرة عربية كهدية.. أنا شايف الموبايل بتاعك دا هو اللي جايب ليك الكفوة وبتآمر عليك.. إحتمال الجماعة ديل اتصلوا علشان يدوك النتيجة بأنك انت الفائز لكن موبايلك الخائن يكون حولها لواحد تاني.. وأنا بتهمو بأنو مكاوي أكثر من أنو جداوي.. ونصيحة يا عمدة أحسن تتخلص منو لأنو فاتورتك حتجيك كلها مكالمات دولية..
لكن بقول ليك إنت بس خليك متفائل وحتكسب عربية رغما عن أنفهم..

[عزيز عيسى]

ود ابو عيسى

صباحاتك خاتم جعران

عشان كدا ما عايز تجى . قاعد تلقط فى الختم

ونحن هدايانا من لسودان قـــــــــونقليز ودوم

طيب ما تشوفوا لينا تاشيرة ونجيكم فى ظرف يوم
يا ود ابوشوارب،

تصدق كنت اليومين الفاتت ديل مشغول لأني كنت بساكك من مركز تجاري لي مركز تجاري.. بوقف عربيتي في موقف السيارات من الصباح لغاية ما تقفل المحلات.. وبترك أبواب السيارة والشنطة كلها مفتوحة.. وحتى زجاج الشباك بنزلو تحت.. وبمشي أقعد لي في ركن اتكرفس أتاوق من بعيد من وقت لآخر علي أمل أن يظهر واحد ولا واحدة من الخواجات الحالتهم ميسورة وقروشهم مغلباتنهم يخت لينا فيها النصيب ونتكل علي الله.. حتى ولو حلمة ساكت.. لكن لحدي الآن ما ظهر لا خواجة ولا خواجية واحد.. تفتكر الناس ديل عرفوا إني أنا سوداني وصهينوا؟..
ذكرتني يا صالح.. أيام رمضان مشيت لجماعة سودانيين أصحابنا.. قدموا لي شراب بارد ظريف جدا.. لما تذوقت طعم الشراب قلت ليهم والله الطعم دا ما غريب علي كدي أدوني فرصة إتذكر.. انقر ما عرفتو.. طلع في النهاية إنو شراب قونقليز.. كان كارب كربه وعجبني شديد..
طيب أيه رأيك تتاجر انت بشراب القونقليز ونرسل ليك فيزا انت وودهاشم علشان تجيبوا معاك يعمل للمشروب دعاية تسويق.

[عزيز عيسى]

الأخ عزيز

سلامى

عندى سؤال الراجل ده عرف كيف أنها سيارة سيدة ؟

معليش للسعال التعسفى بلغة أخوانا الفلاته الظرفاء

وفعلا الحظ كدا ولا بلاش

أخونا ياسر أبوريلان،

كيفك يا راجل يا ملك..

سؤالك: عرف كيف الراجل إنها سيارة سيدة..

الظاهر كان بيراقب الناس من بعيد بدون ما يلاحظوا ليهو..
ويبدو إنو عارف في ناس كثير بتنسى وتترك الأبواب مفتوحة بعد ما تنزل من السيارة..
وكثير من اللصوص في امريكا بنتهزوا فرص زي دي علشان يسرقوا السيارات في لمح البصر..
أنا غايتو قلت يمكن الزول دا حرامي كبير.. وفضل إنو يخرج زكاة سرقتو ويعطي الست اكرامية..
أو يمكن أدوه شاكوش من النوع الغليظ علشان كدا شال الخير ورماهو في البحر..

[bakri]

والله عمـــــــلت لينـــــا نفسيـــــــات عديييييييييييييل

ابــــــقى نحن مــــا عنـــدنا اى حــــــظ فى الد نيا دى

[عزيز عيسى]

والله عمـــــــلت لينـــــا نفسيـــــــات عديييييييييييييل

ابــــــقى نحن مــــا عنـــدنا اى حــــــظ فى الد نيا دى
يا بكري يا أخوي اسمع كلامي.. خلي معنوياتك عالية.. لو انت عايش في السعودية خليني أحكي ليك القصة دي..
في يوم من أيام شهر رمضان المبارك كنت خارج من مكان عملي في عمارة الخطوط السعودية - مبني الادارة العامة في جده - شارع المطار القديم..
لاحظت واحد من الشيوخ الكبار ديل بس ما عرفت اسمو.. كان في زيارة مكتب المدير العام احمد مطر وراجع يركب سيارته..
ظهر ليهو واحد من المساكين وطلب منه مساعدة مالية.. ما عارف زكاة ولا صدقة.. تصدق الراجل الشيخ أدخل يده في جيبه وأخرج ربطة ريالات ضخمة كلها جديدة.. علي كل حال أنا قدرتها تكون أقل شيء مبلغ 2000 الى 3000 ريال سعودي..
طبعا ما عداها وراح سلمها للراجل المسكين.. الراجل المسكين استلم الريالات وهو في غاية الدهشة ولسان حاله
يقول الشيخ دا ياربي نسي ولاسرحان.. وقف يعاين للشيخ ويشكر فيه لغاية ما الشيخ ركب سيارته الفارهه وتحرك..

عشان كدا بقول ليك خليك متفائل دائما ويمكن يلاقيك واحد زي الشيخ ود الحلال دا ويديك الفيها النصيب..
بس أوعك تطبق الفكرة وتقوم تسبقنا علي الأبواب.. ههههههه.

[aborawan]

اريتو حظنا

بس نحنا ما حا نقنع واكيد فرصتنا حا تجينا رغم انو الحظ سئ بس لازم نحددها معاهو عشان يبتسم لينا

تحياتي يا عمنا