تجربة مؤلمة !! [الأرشيف] - منتديات ودمدني

مشاهدة النسخة كاملة : تجربة مؤلمة !!

دكتورة صغيرة

14-11-2005, 08:53 AM

دايرة أحكي ليكم عن تجربة مؤلمة مريت بيها .. في واحد منكم قبل كدة مر بتجربة مرض زول عزيز عليه .. ؟؟ تجربة صعبة جدا !!
احساس حار لمن يمرض زول قريب ليك مرض خطير وماتعرف تعمل ليه حاجة .. المرض صح من الله ..!! لكن لمن يكون المريض قريب وأعز الناس
عليك بيكون الموضوع مختلف !! أنا شخصيا مرضت أختي الوحيدة وهي بالمناسبة أصغر مني ب 4 سنين ماحقدر اوصف ليكم حسيت بشنو لمن
قالوا لي أختك عيانة بمرض قاتل ..!! حسيت باحساس غريب .. احساس نكران غريب لاي شئ .. ماكنت مصدقة .. استغفر الله قربت أكفر ..
كنت بقول اشمعن هي ؟؟ صغيرة وماشافت حاجة في دنيتها .. كانت في أول سنة ليها في الجامعة وفجأة مرضت ..
يـــــــــــــــــاساتر .. احساس الله لابلى بيه مسلم .. كان امتحان قاسي لينا كلنا .. لكن عديناه بنجاح ورغم الصدمة الجاتنا في الاول قمنا ووقفنا
على كرعيننا .. وصبرنا على البلاء .. والحمد لله ربنا شفاها نهائي وخلاها معجزة في مرضها وشفاها شفاء تام وبأقل اضرار بالنسبة للزيها ..
الحمد لله .. الحمد لله ألف مرة .. ودة كلة لاننا صبرنا واتوكلنا على الله في كل شي .. ومن توكل على الله فهو حسبه ..

اميمه عشريه

14-11-2005, 02:50 PM

من كان امره لله فلا يحزن ابدا .. والف حمد لله على سلامتا

Mr Lonely

14-11-2005, 08:26 PM

((((( وبشر الصابرين الذين اذا اصابتهم مصيبه قالو انا لله وانا اليه راجعون)))))

الف الف الف الف حمد لله علي السلامه
وما تشوفو شر ان شاء الله

saly

14-11-2005, 08:30 PM

يا دكتوره شايفه مشاركاتك كلها شخصيه و حااااره واحزان

يا ستي ما تشوفي شر والله يسعدك دائما و ينور ليك طريقك
وتكون اخر الاحزان عندك

وتكوني مبسوطه دائما يارب

وقلبنا معاك دائما قلبا و قالبا
ودمتي لنا

admin

14-11-2005, 08:43 PM

من كان امره لله فلا يحزن ابدا .. والف حمد لله على سلامتا
مليوووووووون حمدلله على السلامه

al zeer

15-11-2005, 03:03 AM

حمد لله على سلامتها
انا حسيت بى نفس الشعور قبل كدى
و غيرت مجرى حياتى بس على الرقم من زلك الواحد سعيد
((((( وبشر الصابرين الذين اذا اصابتهم مصيبه قالو انا لله وانا اليه راجعون)

aborawan

15-11-2005, 03:25 AM

ومن يتوكل على الله فهو حسبه سبحانه الذي امره بين الكاف والنون

الف حمداً لله على السلامة يا دكتورة وماتشوفون شر انشاء الله

دكتورة صغيرة

15-11-2005, 06:09 AM

أخت سالي شكرا ليك وربنا يسعد الجميع , انا بتكلم عن واقع الحياة وبتمنى الناس تستفيد من تجارب غيرها .. شكرا ليكم كلكم وربنا يبعد عنكم المرض ويمتعكم بالصحة والعافية ..

الشريف الهندي

15-11-2005, 10:33 AM

ألف حمدا لله على السلامه ومليون عافيه انشاء الله