saly ضيفة الكرسي الساخن في الفترة من 8 / 11 حتى 18/ 11

[aborawan]

ضيفتنا هذا الاسبوع هي العضوة سالي التي نتمنى لها كرسي بارد وبالتوفيق


في البداية البطاقة الشخصية

[أبوريلان]

نرحب بضيفتنا سالى فى الكرسى الساخن ونتمنى لها 10 أيام بارده وليست ساخنة مع أسئلة أعضاء المنتدى ، ولنا عودة .

[saly]

الاسم : بختو سالي زاتو ( لدواعي امنيه ) معليش اعزروني
العمر: 25 سنه
المهنه:مترجمه ومدرسه كمبيوتر
الاقامه الحاليه:دول الخليج
الحاله الاجتماعيه: متزوجه

[ابراهيم]

اول حاجة حمد لله على سلامة الكرسي من جديد
ازيك يا سالي .. ونتمنى ليك اقامة سعيدة في رحاب الكرسي الساخن
بمشى وبجيك صادي بالاسئلة ...

[saly]

تسلم يا
ابو ريلان
وابراهيم
وانا في انتظاركم

[الوفي]

هههههههههههههههههههههههههههههه
اولا التحيه وعجبتني شديد لدوعي امنيه دي هههههههههههه
وثانيا تحيه تانيه ليك يا سالي يا عزيزتنا
طبعا اخترتو عضو جد عضو رهيب عشان تختوهو في الكرسي ونصيحه مني من هسي ما حتطلعو بشي من سالي اسالوني انا سالي دي صعبه
اول سوال اوجه ليك يا سالي يا صحبتي
بعد طبعا ما اطمأن عليك وعلى صحتك
حابب اعرف لمست في كتاباتك واسلوب ردك انو انتي شخصيه تبتسم بالرفاهيه ( طبعا ما خالص يعني ) المهم
شخصيه مثقفه ولكن ثقافتها رومنسيه جدا جدا يعني شخصيه حنينه جدا جدا وفي بعض الأحيان بنلمس شخصيه طفله بريئه عاوزه تتعلم وطبعا ده شي جميل المهم عشان اختصر لانو اسالتي بكره كتيره
لو سالك زول كيف بتصفي شخصيتك بشكل سطحي حتجاوبي كيف استنادا لكلامي ده
اخوووووووووووووووووووك المشتاق العابر الوفي

[اللمسة الساحرة]

حبيبتي الغالية سااالي :
تحية لك واتمنى ليكي التوفيق على الكرسي ،،، ماعايزا اطول بالمقدمة
طبعا بعد التحية ليكي ياغالية وللاخ ابو روان وبهنيه فعلا على اختيار الضيف فسالي في المنتدى منو المابعرف سالي ؟؟؟ علم في راس نار ،،، في الجد تلاقيها ،، في المزح تلاقيها ،،، في المصايب تلاقيها واقفة ولا مية راجل طبعا دة من تجربة مش من فراغ في كم مشكله مافي داعي الاشارة ليها وكلنا عارفين ،،، المهم في الموضوع انو سالي الكل في الكل وعيني عليكي باردة ياست الكل...
اسالتي ياعسل:
سالي مدينة ودة مدني بتمثل ليكي شنو؟؟؟ انتي مااشرتي لي العنوان في السودان فحابين نعرف علاقتك بي ود مدني شنو؟؟؟؟
السوال التاني/
سالي معليش يعني لكن برضو بطاقتك الشخصية ناقصة الظاهر عليكي مطلعاها من مكتب ود مدني_ لووول_ ماذكرتي لينا المراحل الدراسية قريتي وين؟؟؟؟
السوال التالت/
سالي عايزتنك تتكلمي عن منتدى ود مدني في كلمات بسيطة؟
السوال الرابع والاخير/
سالي عايز الرد يكون مختصر في التالي وياريت تذكري ليا شخص واحد بس:
1- موضوع اعجبك جدا في المنتدى وكاتبه
2-كاتب استهوتك جدا كتاباته
3-شخصية في المنتدى جادة جدا
4-شخصية مرحة جدا

مع امنياتي لك بالتوفيق:
اختك:
اللمســـــــــــــــــــــــــــــــــــــــــــــ ـ روان ــــــــــة الساحرة

ملحوظة: الامتحان من مائة درجة

[أبوبكرحامد]

الاسم : بختو سالي زاتو ( لدواعي امنيه ) معليش اعزروني
العمر: 25 سنه
المهنه:مترجمه ومدرسه كمبيوتر
الاقامه الحاليه:دول الخليج
الحاله الاجتماعيه: متزوجه

ياسالى الإسم لدواعى أمنية عرفناهو لكن قصة الإقامة الحالية فى دول الخليج دى صعبة شوية يعنى انتى عايمة فى الخليج العربى ، عموماً لك التحايا ، والمهم عندنا الحضور الفاعل للعضو بالمنتدى وليس الإسم الحقيقى أو التفاصيل الشخصية ، قلبى معاك من اسئلة ابراهيم وربنا يكون فى عونك

[saly]

اولا بشكركم كتير علي الامتحان الختيتوني فيهو

وانا عارفه ابو روان بورطني بورطني بالكرسي ده

المهم

1/بجاوب علي الوفي اولا:
(شخصيه مثقفه ولكن ثقافتها رومنسيه جدا جدا يعني شخصيه حنينه جدا جدا وفي بعض الأحيان بنلمس شخصيه طفله بريئه عاوزه تتعلم وطبعا ده شي جميل المهم عشان اختصر لانو اسالتي بكره كتيره لو سالك زول كيف بتصفي شخصيتك بشكل سطحي حتجاوبي كيف استنادا لكلامي ده )

انا يا لوفي شخصيتي بصفها اني طيبه وكمان زياده عن اللزوم ومرات بعتبرها سذاجه مني و غباء لاني دائما بدي ثقتي لناس ما بتستحقها او بيكون وراها مقصد تاني بس يا سيدي ما تخاف دائما بلحق روحي وبدارك الموقف.

ومشكلتي مسامحه ............................... دي اكبر مشاكلي عندك ليها حل.

************************************************** ************************************************** ******************************************

الحبيبه اللمسه الساحره:

هوووووووووووووووووووووي انت ما صدقتي ختوني في الكرسي نازله لي بالاسئله كده
بس يا حبيبه مالو وانا لاقياك.

1/(سالي مدينة ودة مدني بتمثل ليكي شنو؟؟؟ انتي مااشرتي لي العنوان في السودان فحابين نعرف علاقتك بي ود مدني شنو؟؟؟؟)

ودمدني دي لو جبتي منقله زي بتاعت الحساب و ختيتها في ود مدني بتلاقي بيتنا .يعني مأصله مفصله من ودمدني ولدت وتربيت و ترعرت فيها وانا بعتز اني من مدني و بفخر بيها .

2/سالي معليش يعني لكن برضو بطاقتك الشخصية ناقصة الظاهر عليكي مطلعاها من مكتب ود مدني_ لووول_ ماذكرتي لينا المراحل الدراسية قريتي وين؟؟؟؟

صدقيني انا قصدت ما اكتب كده في البطاقه وحتي قبلك لاحظو ناس واعضاء غيرك و علقو لي علي طول بس معليش اعزريني ( لسبب ما ما حاجاوب علي النقطه دي معلييييييييييييييييييييييييييش ما زايقه والله من الاجابه بس لاسباب شخصيه )

3/سالي عايزتنك تتكلمي عن منتدى ود مدني في كلمات بسيطة؟

طبعا انا في الغربه اسع فمنتدي ودمدني هو جسر التواصل بيني و بين احبائي و ناسي و اصدقائي في ودمدني كان جوه السودان او خارجه . ما عاوزه اقول انو بيزكرني بيها ( ودمدني) لاني اصلا ما نسيتها ورغم البعاد فالمنتدي انا بعتبرو مدينتي التانيه كأني موجوده حاليا في ودمدني.

4/
1- موضوع اعجبك جدا في المنتدى وكاتبه

2-كاتب استهوتك جدا كتاباته

انا قايتو بتعجبني كتابات ابراهيم دائما بتوصل لي بسرعه و بيعجبني طريقه تفكيرو و كتابتو للمواضيع و دائما بتلمس فيها اشياء حساسه وبتدي في الصميم.

3-شخصية في المنتدى جادة جدا

حمدتو الزول ده مما خشيت المنتدي ما لقيتو برد الا علي منتدي معين بس وانا ملاحظه ليهو ومتابعاهو من اول ما اشتركته 0( ما تشوفيني كده انا متابعه كل كبيره و صغيره في المنتدي لاني بدخلو بصفه يوميه 7 ايام في الاسبوع )

4-شخصية مرحة جدا

بكتب ليكم شخصيتين ( او بالاحري يعتبرو 3 لانهم تيمان )

اول شخصيه مزوني تلمس في شخصيتو وردودو المرح و الفكاهه

وتاني التيمان ( لانهم دائما شايلنو معاي تقيل ) شخصيتهم حلوه و مرحه.

اها ياللمسه جبته كم من 100 ما تنسي تضعي العلامه

************************************************** ************************************************** **********************************

ابو بكر حامد:
اولا تحياتي والبركه الظهرت و شفناك طيب

(ياسالى الإسم لدواعى أمنية عرفناهو لكن قصة الإقامة الحالية فى دول الخليج دى صعبة شوية يعنى انتى عايمة فى الخليج العربى ، عموماً لك التحايا ، والمهم عندنا الحضور الفاعل للعضو بالمنتدى وليس الإسم الحقيقى أو التفاصيل الشخصية ، قلبى معاك من اسئلة ابراهيم وربنا يكون فى عونك)

تسلم يا حامد وجد غلبني الرد ما عاوزه كده اهوش واقوم اكتب التفاصيل كلها.

وكدي خوفتني من ابراهيم و اسئلتو ياساتر يالطيف صعبه للدرجه دي
انا فوق شايفاهو اكتفي بكلمتين و تاره التقيل جاي وراء. وانا عارفه تلقاهو من امس ماسك الورقه والقلم ما خلي سؤال طاير.

بس مستيناك ما مشكله

************************************************** ************************************************** *************************

[الوفي]

ماقلت ليكم سالـــــــــــــــــــــي صعبه شديد وما حتطلع معاها بشي اجاباتها عايمه عوامه عجيبه خلاص
ســـــــــــــــالي / سالتيني اذا عندي حل لطيبتك الزايده عن اللزوم زي ما قلتي الحل بسيط جدا
سالي الطيبه مهما زادت عن حدها مستحيل تكون غلط في راي مستحيل تكون عيب لانها صفاء للنفس والروح
لانها سند لارواحنا ولكن يكمن العيب في تدارك الموقف ومعرفه التعامل معاه بشكل رسمي او بالطيبه فمشكلتك موش انك طيبه اكتر من اللزوم مشكلتك انك ما بتعرفي تصدري قرار في شي معين هل قرار صدر من عاطفه وطيبه او قرار صدر من جهة رسميه
في حاله زي دي تقومي دايما تتريسي في الحكم على الناس وعلى معاملاتهم وحتى على طريقتك في الرد او التعامل او التفهم
حتلقي انو في حياتك في ناس مثلا كنتي ما قادره تتعاملي معاهم وما قدرتي تكتشفيهم لانو في عاومل كتيره مانعاك وكذلك حتكتشفي ناس كثير في حياتك كنتي مكونه عنهم صوره غلط
طولت عليك موش عموما اسفين على الغطاله وما قصدنا غير راحتك ورضاك يا سالي
اخوك العابر الوفي
طبعا مستحيل امرق ساي من غير سوال تاني
الســـــــــــــــــوال / سالي لو وضعت امامك طفل صغير جميل بيتسم في وجهك بتشوفي شنو في وجهووووووووو
طبعا كان جاوبتي السوال ده ليك مني هديه فخمه جدا جدا ههههههههههههههههههههههههههههههه حتشوفي براك
تحياتي

[التيمان]

لا والله ياسلى ماشايلنوا معاك والله


سؤالى محرج شوي



انت اتزوجت عن حب؟

[أبوريلان]

نحنا جينا يا سالى

كل المنى لكى بقضاء أسعد الأوقات على الكرسى

1/ متى علمتى بمنتدى ود مدنى ؟ وكيف ؟ وما هو الشىء الذى لفت نظرك فى المنتدى ؟ وما هو الشىء الذى أعجبك فى المنتدى حتى أدمنتيه ؟ وماهو الشىء الذى ترى سالى أن يعدل فى المنتدى ؟ وهل لكى مقترحات جوهرية للمنتدى لتعم الفائدة ؟

2/ الوظيفة التى تشغليها الآن كما ذكرتى مترجمة ومدرسة كمبيوتر بدولة خليجية ، مشاء الله عليك أكيد عائدها مغرى ، ربنا يزيدك ، ووالدك مربى فاضل وأستاذ لغة إنجليزية مخضرم ، هل كان لمهنة الوالد الأثر الشخصى فى إتقانك للغة الإنجليزية ، أم المدرسة ؟ أم إجتهاد شخصى ؟ وهل لإبناءك ميول لنفس مسارك ومسار جدهم ؟ وماهى طموحاتك لأبناءك مستقبليا ؟ ولماذا هذا الأختيار بالذات ؟

3/ هل عملتى بالوظيفة فى السودان ؟ وماهو وجه الإختلاف بين عملك فى السودان وعملك فى دول الخليج ؟ وهل وجدتى صعوبة بين العمل والتوفيق بين الزوج والأبناء والبيت ؟ وماهى الصعوبات التى تواجهك فى العمل كمترجمة فى دولة خليجية ؟ وكيف وجدتى الحياة الإجتماعية فى دول الخليج ؟

4/ يوجد بعض الأعضاء يدخلون بأكثر من شخصية واحدة وكما ذكر أخونا أبراهيم فى موضوعه فلم هندى ولا نأكل باسطة ، ماهى مرئياتك حول تعدد الشخصيات فى المنتدى وهل لفائدة المنتدى؟ أم لفائدة العضو ؟ وهل تسبب مشاكل لبقية الأعضاء والزوار ؟ وكيف نحد من هذه الحالة من وجهة نظرك ؟ وهل تتسبب هذه الصفة فى هجر بعض الأقلام المميزة من المنتدى ؟

[saly]

عدت من جديد

فوق كان فطيت سؤال للمسه الساحره عن

- موضوع اعجبك جدا في المنتدى وكاتبه

انا عجبني موضوع عن فداسي انا بحكي ليكم وبقول ليكم ( علي وزن اغنيه ابو عركي البخيت عن حبيبتي )لكاتبه ابو روان

************************************************** ************************************************** *************************

بعدين يالوفي سؤالك شويه غريب الا ابقه وداعيه عشان اجاوبك

سالي لو وضعت امامك طفل صغير جميل بيتسم في وجهك بتشوفي شنو في وجهووووووووو

بشوف براءه و طفوله وابتسامه الاطفال بقولو خير و لشي حلو جاي ( احترت في الاجابه بصراحه )

************************************************** ************************************************** *********88

[مزوني]

العزيزه والغاليه علي دوما سالي
والله كان اختيار موفق ومتوقع
لكن حاليا انا لسه ماااااااااااااااااا
جاهز بالحيل
لكن كدي لما أكرب ليك أسئله يا سقطت شعر راسك
يا.........................!!!!! كدي لما نبقى عليها
وربنا يكون في عونك يا غاليه

[saly]

تسلم يا مزوني وانا عارفه انت وجماعه تانيين دايرين فيني فرصه من زمان اهو جاااااااااااااات لحدي عندكم


معليش فوق ما لحقته كملته لانو جونا ضيوف و لازم كان اقفل واطلع


التيمان

سؤالى محرج شوي

انت اتزوجت عن حب؟
يا شباب مافي احراج ولا حاجه

انا تقدر تقولو كده قصتي شويه عنيفه و عشت قصه حب قويه جدا تكللت بالزواج الحمد لله.

[saly]

العزيز ابو ريلان

اولا تحيه قلبيه تصلك وين ما كنت يا الغالي

/ متى علمتى بمنتدى ود مدنى ؟ وكيف ؟ وما هو الشىء الذى لفت نظرك فى المنتدى ؟ وما هو الشىء الذى أعجبك فى المنتدى حتى أدمنتيه ؟ وماهو الشىء الذى ترى سالى أن يعدل فى المنتدى ؟ وهل لكى مقترحات جوهرية للمنتدى لتعم الفائدة

انا بالصدفه بس عرفت بالمنتدي كنت فاتحه موقع ودمدني وضغطت علي كلمه المنتدي و سجلت فيهو .
لفت نظري ناسو الفيهو احنا في مدني ما اتلاقينا وجمعنا المنتدي
ادمنت يا عزيزي دخولي للمنتدي بصفه يوميه
العاوزه يتعدل عقول المشتركين تتعدل و تتفتح وخصوصا البيدخلو بغرض دنئ في نفسهم ولزوم الشتم ما للفايده يعني

/ الوظيفة التى تشغليها الآن كما ذكرتى مترجمة ومدرسة كمبيوتر بدولة خليجية ، مشاء الله عليك أكيد عائدها مغرى ، ربنا يزيدك ، ووالدك مربى فاضل وأستاذ لغة إنجليزية مخضرم ، هل كان لمهنة الوالد الأثر الشخصى فى إتقانك للغة الإنجليزية ، أم المدرسة ؟ أم إجتهاد شخصى ؟ وهل لإبناءك ميول لنفس مسارك ومسار جدهم ؟ وماهى طموحاتك لأبناءك مستقبليا ؟ ولماذا هذا الأختيار بالذات
اولا والدي الله يمسيه ويصبحو ويطراه بالخير كان الدافع الاساسي و المشجع لي لدراسه اللغه الانجليزيه وهو كمان راجل متمكن منها ومن بدري في المدرسه و خصوصا في الثانوي اللغه الانجليزيه الماده الوحيده الكان مستواي فيها 100 الميه زي ما تقول كدي اتاثرت بيهو كتير و حبيتها اللغه دي
لاني بتعامل 6 ساعات في اليوم مع خواجات ( في عملي طبعا ) تعاملي كلو بالانجليزي وحتي في البيت اتعودته يكون في كلمه كلمتين كده من خلال تعاملي مع ناس البيت من خلال حديثي ليهم

وكان تصدق اولا ما بتكيف اواستمع الا للموسيقي الاجنبيه بحبها شديد وحافظه اغلب الاغاني طول الوقت في التلفزيون قنوات غربييه اما افلامي المفضله الانجليزيه برضو (وكمان تبقي الموسيقي السودانيه المفضله عندي برضو ) حاليا عندي في الكمبيوتر 6 اغاني سودانيه بالعداد (2 لي ود الامين – 3 لي معتز صباحي- وحوتا) في حين الاجنبيات 93 اغنيه عشان تشوفو الفرق.

وحتي لمن اتصل السودان للوالد كلامي بيكون معاهو باللغه الانجليزيه ويقصد يسالني اسئله ويشوف ردي عليها عشان يعرف مدي تقدم اللغه عندي ودائما بركز علي ال accent بقول مهم جدا

اما ابنتي تقدر تقول انها تاثرت برضو لانها دائما بتتكلم بالانجليزي وخصوص هي في مدرسه بريطانيه فده كمان فرض روحو اني ادرسها بالانجليزي كمان وهي علي فكره بتحب الانجليزي جدا وحتي ملاحظه لمن تطلب شي بتقولو بالانجليزي

بس تعرف المشكله البتواجهني شنو انو ما بتعرف كلمات كتيره بالعربي و بتقولها بالانجليزي ابسط مثال بتقول Coffee و Tea دائما و ما بتنطقها بالعربي

اما طموحاتي ليها بتمني ليها كل السمح طبعا وما اقدر احدد مهنتها او مستقبلها من اسع لانو العمر ما معروف وبخلي ليها هي تختار طريقها وتشقو لوحدها .

/ هل عملتى بالوظيفة فى السودان ؟ وماهو وجه الإختلاف بين عملك فى السودان وعملك فى دول الخليج ؟ وهل وجدتى صعوبة بين العمل والتوفيق بين الزوج والأبناء والبيت ؟ وماهى الصعوبات التى تواجهك فى العمل كمترجمة فى دولة خليجية ؟ وكيف وجدتى الحياة الإجتماعية فى دول الخليج

لم يتسني لي العمل بالسودان بعد

وبعدين لم اجد اي صعوبه واجهتني في العمل حتي الان. اما من ناحيه زوجي فده انا بعتبرو سند لي اي ودائما وواقف معاي وهو السبب في تكميلي لتعليمي حتي بعد الزواج و تشجيعو لي ومقدرني و محترمني جدا جدا جدا ... ليهو التحيه

اما الحياه الاجتماعيه فرتيبه هنا والبيت هو الشغل الشاغل دوما ما عدا الاهل الموجودين هنا والجيران فعلاقتي بالسودانيين بالتحديد محدوده جدا ما عندي الاصدقيتين مقربين لي شديد . ومن اهل البلد ما بعرف ولا شخصيه واحده ولا بالغلط
بس تقدر اصحابي 98 في الميه منهم خواجات . وعلاقتي بيهم حلوه جدا


/ يوجد بعض الأعضاء يدخلون بأكثر من شخصية واحدة وكما ذكر أخونا أبراهيم فى موضوعه فلم هندى ولا نأكل باسطة ، ماهى مرئياتك حول تعدد الشخصيات فى المنتدى وهل لفائدة المنتدى؟ أم لفائدة العضو ؟ وهل تسبب مشاكل لبقية الأعضاء والزوار ؟ وكيف نحد من هذه الحالة من وجهة نظرك ؟ وهل تتسبب هذه الصفة فى هجر بعض الأقلام المميزة من المنتدى ؟

تعدد الشخصيات
طبعا ما تقدر تتحكم في عضو انو ما يقدر يسجل باسم تاني
بس المشكله وين
المشكله تكمن في انو العضو يكون مشارك في موضوع ما ويقوم يشكر الكاتبو و في نفس الموضوع برضو يشارك و يزم ويشم كاتب الموضوع وفس نفس الموضوع برضو لا يعجبو العجب ولا الصيام في رجب ( احترنا زاتو ) يعني عايش بكم شخصيه متناقضه يعني سايط وجايط الموضوع كلو وشغال علي كيفو او كيفها وفي الاخر لا في زول بيستفيد ولا شي
لانو ملاحظ الايام الفاتت في اسماء دخلت بس بغرض الشتم وعدم الموضوع و تدخل و تطلع علي كيفها بعد ما تقول الكلام العاوزه تقولو وطبعا ما بغلبها انها تسجل باي اسماء جديده تانيه وتبدا من الاول وحتي تغير من بت لولد او ولد لبت

وكيف نحد من كده

طبعا انت كمشرف عارف مهامك كويس وفي يدك الحل ( انا عندي فكره افتح رسايلك الخاصه بتلقي الجواب عشان اصحابك ما يحترسو وياخدو بالهم ) اصلو مصريهم يقعو و يتركو دليل وراهم
وانتم لازم تكونو صارمين معاهم
عشان ما يجي اليوم ونطفش احنا زاتنا
يطردونا من بيتنا

وفي ناس ما بتتحمل وزي ما شايف ساندرا استاقلت و ما معروف بكره الدور علي منو

[Mr Lonely]

اول شى سلامي ليك اخت سالي والله يعينك على الكرسى الساخن
طبعا انا كان مفترض اكون في مكانك ده بس حصلت لي شويه ظروف منعتني من الدخول باستمرار
طبعا هسه انتي منتظره سؤالي
انا والله حاليا ما عندي سؤال مجهزو ليك لاني يا دوب خشيت المنتدي ولسه ما اخذت نفسى
ولي رجعه ان شاء لله ليك ومعاي كميه من الاسئله
اخوك
Mr Lonely

[saly]

اول شى سلامي ليك اخ سالي والله يعينك على الكرسى الساخن
طبعا انا كان مفترض اكون في مكانك ده بس حصلت لي شويه ضروف منعتني من الدخول بي استمرار
طبعا هسه انتي منتضره سؤالي
انا والله حاليا ما عندي سؤال مجهزو ليكي لاني يا دوب خشيت المنتدي ولسه ما اخذت نفسى
ولي رجعه ان شاء لله ليك ومعاي كميه من الاسأله
اخوك
Mr Lonely


مرحب بيك مستر وحيد من زمان غايب عننا وما ظاهر انشاء الله امورك تمام

بعدين عاوزه اصحح معلومه ليك
انا بنت موش ولد عشان تكتب اخ سالي
واذا غلطت تكتب الياء فمعزور انا ما زي اصحابنا التانين بتمسك باشياء تافهه وما مهمه و بنلتمس ليك العزر

ومستنياك

[التيمان]

؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!

[admin]

كيفك يا سالي اهلا ومرحب بيك في الكرسي الساخن
طبعا اكيد لاحظتي الشكل الجديد لمنتديات ودمدني .. واثناء اختياري للتصاميم والاستيلات للموقع تبادر على ذهني سؤال وهو .. هل الافضل ان يكون الشكل جميل ومميز ولكن على حساب بطء في التصفح؟ وهل الاجمل ان تكون هنالك خيارات وخصائص اكثر على حساب امن وسلامة الموقع؟علما باننا لانستطيع قياس البطء الناتج فقد يكون قليلا لايذكر او كثيرا لايطاق وهكذا..تختلف من عضو للاخر.. وانا الان بوجه ليك السؤال لكي تردي عليه نيابة عن اعضاء المنتدي

وشكرا

[aborawan]

الاخت سالي سلام عليك وماشاء الله عليك ماشة كويس في الكرسي وحلوة منك لدواعي امنية دي :):)

بما انك في المجال العملي حبيت اعرف كيف بتوفقي بين الوظيفة ودورك كربة منزل ؟؟

ولنا عودة

[saly]

مساء الخير للجميع او صباح الخير علي حسب تويتكم

وعدت من جديد لارد علي اسئلتكم

الادمن

سؤالك ليهو اكتر من جواب
هل الافضل ان يكون الشكل جميل ومميز ولكن على حساب بطء في التصفح؟ وهل الاجمل ان تكون هنالك خيارات وخصائص اكثر على حساب امن وسلامة الموقع؟

اولا شكل الموقع مهم جدا و بيتعكس علس نفسيه المتصفح ( مثلا انا مشتركه في موقع تاني بغض النظر علي اسمو ولونو بيجيب لي نفسيات تقدر تقول وردي فاتح مايل للابيض اكتر وما بيخليني اركز علي الكتابه الموجوده و بطشش لي عيوني وحتي اذا عاوز تفتش ليك عن شي فتقعد تضغط هنا وهناك وما واضح ) اما عن موقعكم فماشاء الله كتابتو واضحه وانا مرتاحه تماما فيهو وما بحس في بطء بضغط اي شئ وبيفتح علي طول
انا ما عارفه سؤالك ده اسع انك بتتكلم انك تجمل الموقع من جديد ولا لا

لكن برد ليك علي اساس انو البطء مرات بيكره الواحد في تصفح النت و بيمل من القعده فيهو فإذا وده طبعا زاتو الواحد ما بيلحق يقدر يشوف اذا الموقع جميل ولا لا ولا بيستفيد من جمالو شئ في الحاله دي
انا بفضل يكون الشكل مقبول و تصفح سريع من شكل جميل و اقعد بالساعات عشان افتح فيهو

وبعدين سلامه وامن الموقع اهم من اي شئ بغض النظر عن اشياء جماليه تعتبر مكمله ما اساسيه

من وجهه نظري انك تشوف الاشياء البتدعم المنتدي و تخليه للافضل . واما الاشياء الجماليه فالواحد طبعا ما بقول لا لكن تبقي السلامه والامان هي الاهم وفي المقدمه دائما (والبطء صدقني ممل)

[saly]

ابوروان

بما انك في المجال العملي حبيت اعرف كيف بتوفقي بين الوظيفة ودورك كربة منزل ؟؟

في البدايه كان الدوام طويل شويه و كان بيمثل عقبه لانو تواجدي في البيت قله و بعدين برجع هلكانه . فالحمد لله اسع قدرت نقصت عدد الساعات في العمل عشان ده ما ياثر علي تواجدي في البيت و بالتالي يتعكس علي افراد الاسره.

[مزوني]

العزيزه الغاليه سالي
والله ابدااااااااع وماشاءالله عليك
طلعتي قدها وقدود
طيب حاليا نكتفي بي سؤال عويييييييييير
كم عدد أفراد الأسره ( الوالد وأخوانك وكدا )
وترتيبك كم في البيت وانتي البنت الوحيده ولا لا؟؟؟؟؟؟؟
وبعدين يالغاليه المنتدى طبعا بعني لينا كلنا البيت الأول والأخير
وغير انو بيذكرك بي مدني وحلاة ناسها شنو البميز منتدانا بالنسبه ليك
عن باقي المنتديات
من وجهة نظر صارمه طبعا ومن غير مجامله
ولنا لقاء.....

[sandra]

غاليتي سالي..

حبيت إنو أول مشاركه لي بعد رجعتي إني أجي هنا واسلم عليكي وأقول ليكي ربنا يعينك..


أختك...
ســــــاندرا..

[اميمه عشريه]

تحياتي سالي وكل الاعوام وانت والجميع بالف خير
سؤال واحد او اربعه تقريبا ( لوول)
في نظرك اين نحن كعنصر نسائي من الساحات الادبية عموما ومن ساحه المنتدي خاصه؟
هل لك ارتباط بصوره او باخري بالسياسه ما رايك فيما يدور حولنا بشكل مجمل
تجلسين وتتصفحين الانترنت هل هذا يضايق زوجك بصراحه شديده ( لو لا عليك الله اديني الوصفه ) خليني اشوف حل للمعاي هنا
الامومه شي اكثر من رايع هل تغيرت بعد ان اصبحت ام والي اي مدي انت راضيه عن نفسك في هذا المجال .

اللهم اجعلو بردا وسلاما على سالي ودمتي بخير

[بابكر]

ياسالى الجماعه ديل ماصدقوا انك قعتى فىالكرسى قاموا هروك بالاسئله والله كنت عاوز اسألك لكن حنيت عليك عديل كده الله يعينك على الاجابه والله يفكك من ها الكرسى المولع نار عديل000 بس عندى ليك سؤال 000بس فى آخر يوم ان شاء الله

[saly]

اخ مزوني

طيب حاليا نكتفي بي سؤال عويييييييييير
كم عدد أفراد الأسره ( الوالد وأخوانك وكدا )
وترتيبك كم في البيت وانتي البنت الوحيده ولا لا؟؟؟؟؟؟؟

اها عشان هو سؤال عوير يا مزوني انا حاتحفظ علي الاجابه عليهو لاسباب اسريه ( معليش يا شباب انا عارفه اعزاري كترت )


البميز منتدانا بالنسبه ليك عن باقي المنتديات؟
ناسو .
موجودين فيهو ناس مدني .
طبعا من ناحيه مواضيع ممكن تلاقيها في كل المنتديات
بس ما ممكن تلاقي ناسك ونا س مدينتك كلها في مكان واحد

[saly]

الاخت اميمه عشريه

هل لك ارتباط بصوره او باخري بالسياسه ما رايك فيما يدور حولنا بشكل مجمل ؟
ساسيه لا
بحضر الاخبار وبشوف الحاصل شنو بس ما بدخل فيها ولا عندي علاقه بيها.

تجلسين وتتصفحين الانترنت هل هذا يضايق زوجك بصراحه شديده ( لو لا عليك الله اديني الوصفه ) خليني اشوف حل للمعاي هنا ؟؟
انا زوجي ما عندو اي مانع في تصفح الانترنت بالعكس ده احنا بنقعد سوي مرات فيهو و بنشوف المواقع الفيهو
وعلي فكره هو انسان ما اقول منفتح بس متفهم وفاهم جدا و ما معقد وتعاملو راقي لابعد حد انا زاتو لمن معقدني بتعاملو معاي. وواثق مني ( واعتقد انو ده اهم عامل )
قعادي في الشبكه عمرو ما كان موضع خلاف وشك بينا ودائما تبعدني امتار عنو وانا جالسه خلف الكمبيوتر
لانو زاتي عملي في مجال الكمبيوتر فده كمان خلاني اكون دائما قاعده فيهو .

الامومه شي اكثر من رائع هل تغيرت بعد ان اصبحت ام والي اي مدي انت راضيه عن نفسك في هذا المجال ؟
لا ما اتغيرته ( غير اني شحمته شويه من ناحيه الجسد )
بل انو احساسي و حبي زاد اكتر طبعا بمجئ المولود الاول
وانا راضيه تمام الرضا عن روحي لانو قدرت اوفق في هذا المجال بمساعده زوجي طبعا

[saly]

ياسالى الجماعه ديل ماصدقوا انك قعتى فىالكرسى قاموا هروك بالاسئله والله كنت عاوز اسألك لكن حنيت عليك عديل كده الله يعينك على الاجابه والله يفكك من ها الكرسى المولع نار عديل000 بس عندى ليك سؤال 000بس فى آخر يوم ان شاء الله


اولا اخ بابكر تسلم علي مرورك الراقي

بس والله حبيت قعادي في الكرسي حتي عاوزه اكلم ابو روان يطول لي المده شويه ويدينا عشره يوم تانيه

يا ابوروان رايك شنو؟؟؟؟؟؟؟؟؟؟؟؟؟؟؟؟؟؟؟

وبعدين ارمي بسؤالك طوالي ما تخاف علي

ولا قصدك التقيل جاي وراء؟

[التيمان]

والله نزلت اسئله لكن ودوها وين ماعارف





السؤال؟





رايك فى الاغانى السودانيه الهابطه؟

[aborawan]

بسم الله الريحمن الرحيم

الاخت سالي سلام

طبعا من المتفق عليه انو فترة الاستضافة على الكرسي الساخن دائماً بتكون لمدة اسبوع قابل للزيادة على حسب رغبة الاعضاء الكرام واذا الاعضاء شايفين انو نخليك شوية فعلى الرحب والسعة

[التيمان]

خلوها شويه يا ابو روان

[saly]

التيمان


والله نزلت اسئله لكن ودوها وين ماعارف؟؟؟

شفتو انتو تسألو ابو روان هو المسؤال عن اختفاء اسائلتكم



رايك فى الاغانى السودانيه الهابطه؟

بيني و بينكم بتكون كده رابه و حلوه وبعدين هابطه من ناحيه كلمات ولا شنو اتعودنا علي الكلام الدارجي البسيط الحلو البيصل للمستمع و بعدين في اغاني كتير بقولو هابطه مع انها هي البتلقي رواج .

[البلدوزر]

الاسم : بختو سالي زاتو ( لدواعي امنيه ) معليش اعزروني
استوقفت هذه العبارة البوليسية بعض الزملاء ومنهم شخصي
*********************
والسؤال = هل الدواعي الامنية من اعضاء المنتدى
********************

وكان تصدق اولا ما بتكيف اواستمع الا للموسيقي الاجنبيه بحبها شديد وحافظه اغلب الاغاني طول الوقت في التلفزيون قنوات غربييه اما افلامي المفضله الانجليزيه برضو (وكمان تبقي الموسيقي السودانيه المفضله عندي برضو ) حاليا عندي في الكمبيوتر 6 اغاني سودانيه بالعداد (2 لي ود الامين – 3 لي معتز صباحي- وحوتا) في حين الاجنبيات 93 اغنيه عشان تشوفو الفرق
****************************
ماشاء الله ربنا يجعله في ميزان حسناتك
****************************
اما ابنتي تقدر تقول انها تاثرت برضو لانها دائما بتتكلم بالانجليزي وخصوص هي في مدرسه بريطانيه فده كمان فرض روحو اني ادرسها بالانجليزي كمان وهي علي فكره بتحب الانجليزي جدا وحتي ملاحظه لمن تطلب شي بتقولو بالانجليزي
بس تعرف المشكله البتواجهني شنو انو ما بتعرف كلمات كتيره بالعربي و بتقولها بالانجليزي ابسط مثال بتقول Coffee و Tea دائما و ما بتنطقها بالعربي
*********************

واخيرا اهدى اليك هذه الابيات للشاعر حافظ ارجو ان تترجميها باللغة الانجليزية للصغيرة الامورة



************************************
أنا البحرُ في أحشائِهِ الدرُّ كَامِنٌ فَهَلْ سَأَلُوا الغَوَّاصَ عَنْ صَدَفَاتي
فيا وَيْحَكُمْ أَبْلَى وَتَبْلَى مَحَاسِني وَمِنْكُم وَإِنْ عَزَّ الدَّوَاءُ أُسَاتي
فلا تَكِلُوني للزَّمَانِ فإنَّني أَخَافُ عَلَيْكُمْ أنْ تَحِينَ وَفَاتي
أَرَى لرِجَالِ الغَرْبِ عِزَّاً وَمِنْعَةً وَكَمْ عَزَّ أَقْوَامٌ بعِزِّ لُغَاتِ
أَتَوا أَهْلَهُمْ بالمُعْجزَاتِ تَفَنُّنَاً فَيَا لَيْتَكُمْ تَأْتُونَ بالكَلِمَاتِ
أَيُطْرِبُكُمْ مِنْ جَانِبِ الغَرْبِ نَاعِبٌ يُنَادِي بوَأْدِي في رَبيعِ حَيَاتي
وَلَوْ تَزْجُرُونَ الطَّيْرَ يَوْمَاً عَلِمْتُمُ بمَا تَحْتَهُ مِنْ عَثْرَةٍ وَشَتَاتِ
سَقَى اللهُ في بَطْنِ الجَزِيرَةِ أَعْظُمَاً يَعِزُّ عَلَيْهَا أَنْ تَلِينَ قَنَاتي
حَفِظْنَ وَدَادِي في البلَى وَحَفِظْتُهُ لَهُنَّ بقَلْبٍ دَائِمِ الحَسَرَاتِ
وَفَاخَرْتُ أَهْلَ الغَرْبِ ، وَالشَّرْقُ مُطْرِقٌ حَيَاءً بتلكَ الأَعْظُمِ النَّخِرَاتِ
أَرَى كُلَّ يَوْمٍ بالجَرَائِدِ مَزْلَقَاً مِنَ القَبْرِ يُدْنيني بغَيْرِ أَنَاةِ
وَأَسْمَعُ للكُتّابِ في مِصْرَ ضَجَّةً فَأَعْلَمُ أنَّ الصَّائِحِينَ نُعَاتي
أَيَهْجُرُني قَوْمي عَفَا اللهُ عَنْهُمُ إِلَى لُغَةٍ لم تَتَّصِلْ برُوَاةِ
سَرَتْ لُوثَةُ الإفْرَنْجِ فِيهَا كَمَا سَرَى لُعَابُ الأَفَاعِي في مَسِيلِ فُرَاتِ
فَجَاءَتْ كَثَوْبٍ ضَمَّ سَبْعِينَ رُقْعَةً مُشَكَّلَةَ الأَلْوَانِ مُخْتَلِفَاتِ
إِلَى مَعْشَرِ الكُتّابِ وَالجَمْعُ حَافِلٌ بَسَطْتُ رَجَائي بَعْدَ بَسْطِ شَكَاتي
فإمَّا حَيَاةٌ تَبْعَثُ المَيْتَ في البلَى وَتُنْبتُ في تِلْكَ الرُّمُوسِ رُفَاتي
وَإِمَّا مَمَاتٌ لا قِيَامَةَ بَعْدَهُ مَمَاتٌ لَعَمْرِي لَمْ يُقَسْ بمَمَاتِ

[مزوني]

والله انا شخصيا مؤيد انك نثعدي حبه كمان
ولا الراي شنو يا شباب؟؟؟؟؟؟؟

[saly]

بسم الله الرحمن الرحيم

Hi Baldozar
Hope you are doing well>
As I am working in English job and i live in community use this language , I have to use it.
.Arabic languge is our mother tongue and i will never ever forget it
I wanted now to translate these line of poetry , but i found English language can not express the exact meaning clearly.
So my dear brother thanx for you mock.

[saly]

وارجع ارد بالعربي احسن

البلدوزر

الاسم : بختو سالي زاتو ( لدواعي امنيه ) معليش اعزروني
استوقفت هذه العبارة البوليسية بعض الزملاء ومنهم شخصي
والسؤال
هل الدواعي الامنية من اعضاء المنتدى ؟؟؟

دواعي الامنيه من كلو .صادره من جهات عليا .



اما الباقي فرديت عليهو فوق بي ال English

[التيمان]

شنو ياعلومه


المساكين الذينا مايفهموا


ولا شنو

[غابةالابنوس]

سالي والصمود

سؤالي :
اذا اعطيت 5 تذكار سفر تصلح لرحلة واحدة وطلب منك اختيار 4 اعضاء لتعطيهم هذه التذاكر علماً بان التذكرة الخامسة هي من نصيبك من تختارين للمرافقة ؟؟ واين ستكون وجهة السفر
ملاحظة :
لا اقبل بالدبلوماسية في الرد احتاج رداً صريحاً

[saly]

سالي والصمود

سؤالي :
اذا اعطيت 5 تذكار سفر تصلح لرحلة واحدة وطلب منك اختيار 4 اعضاء لتعطيهم هذه التذاكر علماً بان التذكرة الخامسة هي من نصيبك من تختارين للمرافقة ؟؟ واين ستكون وجهة السفر
ملاحظة :
لا اقبل بالدبلوماسية في الرد احتاج رداً صريحاً

لا دبلوماسيه ولا شي

انا بختار
بابكر الادمن
حمدتو
ابوروان
مستر وحيد

والوجهه لمدينه ودمدني لاننا كلنا متغربين