سؤال وجيه لناس المنتدى

[مصباحيه]

يا ناس المنتدى التصميم الاول قلنا سمح قيرتوه ليه حتى لو فرضنا انو فى ناس انتقدت على عينا وراسنا من فوق لكن والله وبصراحه انا اجتهت شديد علشان اقراء الخط صغير شدددددددددددددددددددددددددددديد واللون ده ابهت من داك او داكن شديد ما عارفه الحاصل شنو ارجو الرد والله لو ما كبرتوا الخط شويه موش حاقدر افتح المنتدى تانى يعنى حتحرمونى منو لانى عندى ضعف نظر ومما ممكن قدر النظر الباقى لية اقوم اضيعوا فى الجهاز نعم انتو قاليين عندى لكن كمان نظرى اهم ولا شنو
وفى الختام بقول ليكم ده راى لو نفع معاكم خلاص ولو ما نفع بعد قراءته ارجو سحبه

[أبوريلان]

يانهلة كل سنة وأنتى بألف خير ويعود عليك بالخير واليمن والبركات

أنا ماعارف قاصدة شنو بالضبط فى الشكل الجديد هل الواجهة ما أجمل من الأولى أم الكتابة حروفها صغيرة نوعا ما ، ولكن من وجه نظرى أنو الشكل جميل ولكن إحتمال يكون نظرى أقوى ومابصدق لأنو نظرى مطشش شويتين بس الكتابة بالنسبة لى مقروءة تماما ، ولكى شكرى .

[عشوشه]

الاخت العزيزه نهله سلامة نظرك
اذا عايزه تكبرى الخط كل العليك انك تختارى view من شريط الادوات وبعد داك تختارى text size
فيها احاجام مختلفه اختارى اليانسبك
ودمتى سالمه

[aborawan]

سلام عليك بتنا نهلة ورمضان كريم

طبعا انتي كمان غالية علينا وتهمنا سلامة عيونك واهو شايف عشوشة ما قصرت وشرحت ليك تكبري الخطوط في الويب اما بخصوص الاستايل فا احب الفت نظرك انو في كذا استايل للمنتدى ما عليك الا انك تزوري اخر الصفحة دي وتختاري الاستايل البريحك وبريح عيونك

تحياتي

[مزوني]

الاخوان ما قصروا معاك اختي نهوله
يالله همي وورينا مشاركاتك بعد كدا وربنا يحفظك من كل مكروه
وربنا يديك الصحه والعافيه

[مصباحيه]

شكراً ليكم ياشباب على الرد عشوشه الله يديك العافيه والاخ ابو روان والله كلاممك ريحنى بالجد لانى غيرت الاستايل والقراء بقت ليه ساهله وشكراً مزونى على المرور ولكن الاخ المشرف ميرلان لو صح الاسم انا زعلانه منك يعنى قصدك شنو انو انت النظرك مطشش شايف الخط واضح يعنى المعنى انو انتى عميانه وانا ما دسيت وضحت وقلت انو نظرى ضعيف وعايزه اشارك اجرمت على العموم مافى عوجه وشكراً للأخوان وربنا ما يحرمنى من طلتكم البهية .