"واحة الأقلام" ..... إستراحة لقلمك ... تعال !!!

[madaniboy]

السلام عليكم ورحمة الله وبركاته
" واحة الأقلام "
إن شاء الله سيكون تحت سماء هذه الواحه أرضا خصبة ومتنفسا لأقلام توشك
أن تزرع حروفا ذهبية بإتقان كاتب أطلق لقلمه العنان , يبث بما يتغلغل في أعماق
نفسه من عظيم الشعور تجاه أي شيء يود الكتابة عنه ربما يكتب بسطر فهذا مهم جدا
أو ربما سطرين أو ربما عشرة أسطر , ما يهمنا هو التنفيس عن الأقلام دون أن تكون هناك
مناقشات أو حوارات حول ما يكتبة الكاتب , هي فقط ......" إستراحة قلم "
ربما تكتب ساخرا عن موقفا ما أو ظاهره معينه , أو ربما تدق أجراس الخطر لشيء ما
أكتب عن البطاله ساخرا أو جادا , أكتب عن شهر رمضان الذي يطل علينا , أكتب عن الرياضه
شرط أن لا نتطرق لمواضيع قد لا تخصنا وقد لا تفيدنا وقد لا تهمنا بالمره .

هذه دعوه للكتابة ومتنفسا لأقلام ربما بسطر أو عشرة أسطر ونحن بإنتظارك عزيزي الكاتب .
http://www.wa3d.net/up1/uploads/a4421ec176.jpg

[ابراهيم]

فكرة رائعة يا حمادة .. فعلاً مرات الواحد بتستفزو ظاهرة معينة ولا يجد لها نافذة الاندياح ... والتدفق

يا ريت الناس تجي تشخبط هنا وتتنفس شوية وترتاح من عناء الكبت


بمشى وبجي

[خالد حمد موسى]

مشكور يافاقد علي المساحة الجميلة

وياريت تبداء انت اوزي مابقوله البكاء بحرره اهله

وياريت تطرح لينا اي شي منك ونحن من خلفك نقف

ورمضان كريم وكل عاااام وانت بالف خير

لك خالص ودي وتقديري,,,

[Mr Lonely]

والله فكره جميله جدا والواحد عايز يبدا بي الشخبطه لكن عايزين نخلي البدايه لي غيرنا ونحنا وراهم

[ابراهيم]

في رمضان دايما البرامج بتكون غير المعتاد عليها في الايام العادية

حاجاتنا الفي السودان معروفة لدينا وبما انو الواحة دي بتجمع ناس عايشين في بلدان متفرقة ومختلفة بالتالي بكون في عادات مختلفة عن عاداتنا في السودان
مثلاً عندنا في السودان قبل رمضان عندنا ريحة الحلو مر وفي رمضان تجمع الناس في حتة واحدة وفطور رمضان والمائدة الشهية (بلح ، حلو مر ، بليلة ، عصيدة والرقاق في السحور) دة على سبيل حاجاتنا التقليدية .. دة نموذج حصري للطقوس البنمارسها في قبل واثناء الشهر الكريم وكذا اي بلد عندهم طقوس بتختلف فيا ريت تنقلو لينا صورة عبر هذا البوست الرائع روعة اخونا فاقد حنان ..

مثلاً عندنا هنا المصريين قبل رمضان بتلقى البلد كلها فوانيس بمختلف الاحجام
عشان تتعلق في البيوت بس الايدلوجية شنو انا ما عارف.
وتاني حاجة بعلقو لمبات الزينة قدام البيوت يجيك احساس عرس وكدة
وعندك قبل آذان المغرب بثواني ما بتسمع صوت اي حاجة البلد كلها بتصن
ووقت يأذن المغرب صوت الملاعق او المعالق ما يديك الدرب البلد كلها بكوت مطقطقة زي الناس البتاكل التسالى في السينما الوطنية

اها اخلى ليكم المساحة معليش اخونا فاقد حنان خرمجنا ليك البوست
تحياتي

[ابراهيم]

يا وروحي ووطني ...
كيفنك مشتاق ليك والله
شوق كتير ما بتوصف لا بي حرف لا بى غنا
ما غبتي عن خاطري لحظة
طوالي معاي .. زي ما قال ابو الامين
في خيالي وفي مشاعري وفي وتسابيحي وغناي
زي فرح ما ليه آخر .. شوق سنين لي زول مسافر
فمهما طالت الايام جايينك يا آخر المواني
لكي يا محميتنا شوق أكبر من حروفنا وغنانا
محبك ابداً .. الذي ترعرع في ترابك
وتنسم من اريجك
انا

[ودأبكرش]

مشكور يافاقد علي المساحة الجميله
الله فكره جميله جدا والواحد عايز يبدا بي الشخبطه لكن عايزين نخلي البدايه لي غيرنا ونحنا وراهم


تسلم على الفكره الجميله

[مزوني]

احنا طبعا في الهند حدث ولا حرج
مع ان المدينه اللي انا فيها " حيدر أباد " مكتظه بالمسلمين حتة يمكن أشبه بي مكه
طبعا العادات هنا في المطاعم الاسلاميه بيفرشوا طرابيز ببيعو فيها حاجه اسمها حليم
" اللي هي في السعوديه هريس " لو بتعرفوها وتلقاها زحممممممممممممممممممممممه بي صوره خياليه
وطبعا المشكله ان المساجد البيوت الحوليها كلها بيوت هندوس عشان كدا ممنوع صوت الاذان العالي
عشان كدا ببقوا بينبهوا بي صفافير أشبه بي صفارت القطار للسحور وللفطور كلو سوا
وبس ما عندهم حاجه جديده لكن المشكله بعد دا كلو ان ماف اي احساس بي رمضان زيو زي الايام العاديه
وتسلم فاقد على الموضوع وتسلم ابراهوما على الفكرا وربنا يديكم الصحه والعافيه