افتقتك

[مصباحيه]

اعزائى بطرح عليكم موضوع جديد وهو نحن بجد ما بنعرف بعض كأعضاء اقتراحى انو الناس المشتركين كلهم كل فتره يشوفوا منو الطول من المشاركات ويعرفوا اخباروا والحاصل عليه شنو علشان نكون ايد واحده ونكون اخوان اخوان واسال الله ما يفرقنا من بعض يعنى الحته دى تكون بس لزكر الناس الإختفوا ومعرفة اسبابن الخلتن ما يظهروا رايكم شنو البوافق على راى ده يبداء يبحث عن صديق ليه مختفى ويسال عنو عن طريق هذا الباب
ولكم اطيب التمنيات بالتوفيق

[الوفي]

الأخت العزيزه نهله أشـــــــــــــــــــــــكرك من الأعماق على فتح هذه الساحه وفعلا نحنا محتاجنها واشكرك يا طيبت الاصل والمعدن
أول سوال بسال عنك موش لانك مختفيه ابدا ولكن لاننا مشتاقين لوجودك رغم وجودك معانا وصدقيني بكل صدق اتمنى ليك التوفيق والسداد محل ما تمشي
وســـــــــوالي التاني وين طير الورور .......... إن شاء الله المانع خير مختفي او يمكن مشاركاتك قلت المهم ياريت تطمنا عليك يا عسل
التيمان
فاقد حنان

تاني حسال عن اي عضو
يا شباب وشابات صدقوني الدنيا دي ما دايمه والدوام لله عز وجل
ولكن في شي كبير بملى قلوبنا
هو اني اعتمد عليكم وانتو زي قلبي واحد
والله شهيد على قولي هذا
اشكركم
اخوكــــــــــــــــــ العابر الوفي ـــــــــــــم:D

[welly]

الاخت نهله

فعلا نحن محتاجين عشان نعرف بعض اكتر ، مش منتدي وبس ، وماشاءالله المنتدي ملئ بالاعضاء واغلبيتهم من مدني ، فلماذا لا يكون بيننا تواصل ومحبه واخاء في الله .

فلذلك ارجو من الجميع ان يتفقدوا احوال بعض وان يتم التقارب بصورة اوسع .....

وبسأل من الغالي نيازي ، فين اراضيك يا حبيب انشاءالله المانع خير ، والله غيبتك طالت المره دي ، طمنا عليك يا أعز عزيز .......

[الزبير محمد عبدالفضيل]

اشكرك جزيل الشكر اختي نهله علي هذه الفكره الجميله وفعلا هذا الصرح الكبير من المنتدي سوف يكون مجمع لجميع افراد المنتدي ومعرفة أخبارهم



اكرر رر لكي شكري وامتناني علي هذه الفكره الجميله


ربي زدني علما وانفعني بما علمتني

[مزوني]

أحييييييييييييييك والله يا نهلة
والله فكرة ولا أحلى تسلمي عليها
وانا بسأل من ناس كتاااااااااااااااار
نيازي كشك وزيكو منيب والشايقي ليهو كم يوم مسجل غياب
وكمان عمنا بابكر والعم عزيز والادمن وكثار هم
وأتمنى منكم يا حبيايبنا انكم تكونوا بخير وترجعوا وتنورا علينا من تاني
وربنا يديكم الصحه والعافيه

[مصباحيه]

اعزائى كيفكم والله مشتاقين للجديد فى شعر ضياء الدين محمد وداعه وايضاً وين نزار احمد امام وينكم ياشباب نزلتوا السودان ولا الحاصل شنو اخباركم مقطوعه

[al zeer]

بسم الله الرحمن الرحيم
لكم التحيه نهلة على الفكرة الجميلة تقوية رابطة المنتدى
و الى الامام

[ابراهيم]

فكرة جميلة اخت نهلة

لامتداد روح التواصل بين ابناء هذه الدار

وهذا نوع من الاصالة

نفتقد الكثير من الاخوان

الزمن المريح ، نيازي كشك ، ود الماذون ، ابو مرام وكثيرون وايضاً الاخوات مروة ، مهيرة ، قمر الزمان ، وليعذرني من لم اكتب اسمه عشان الدنيا رمضان والواحد شايف سبعة سبعة .. عموماً لكل الغائبين والحاضرين فينا رمضان كريم
كل سنة وانتو طيبين

[sandra]

فكره رائعه لتقوية الروابط بينالأعضاء..

شكرا يامبدعه..

يلا نشوف منو الطول..

ســـــــــاندرا..

[madaniboy]

حلوووة والله الفكره وانا اايد هذه الفكره يا نهله
وانا والله فاقد هناد بس ولووو سالتوو عن هناد يا شباب تمام وبي صحه وانا اخباره كلها معاي
واختكم الكوندلا برضوووو تمام التمام
وروبي انا كتير فاقده والله ومرافي الابداع واشر والبعرف حاجه عن الذكرتهم ديل يخبرنا ويبشرنا
ولكم خالص شكري
فاقد حنان

[ابراهيم]

لكم الشوق المسافر

ابو هاشم

امير عبد الباقى

ابو شوارب

عزيز عيسى

عماد الصادق

مازن سواح

وهيب


رمضان كريم
:) وكل سنة وانتو طيبين:)

[Mr Lonely]

فكره جميله والله يا نهله
وربنا يديك الصحه والعافيه
وانا عايز اسأل عن زول واااااااااحد والله ما شايف ليهو اي اثر
الاخ العزيز غااااااااااااااااااااااابه الابنوس
ولكم جزيل شكري

[مصباحيه]

والله ياناس المنتدى ما عندكم ابداً عشره يا خساااااااااااااااااااااااااااااااااااااااااااااااا اااره

[ابراهيم]

الاخت نهلة
بركة الشفناك طيبة

احيناً زحمة الاشياء وهموم الدنيا تحول دون الارادة

زي ما بقولوا

السمحين بسامحو يا نهلة

لكي العتبى حتى ترضى

تحياتي وتقديري

[التيمان]

فكره جيده والله


وانا بسال عن كل الناس دى وين


وانت كمان وينك

[كندشة]

يديك الصحة والعافية يا نهولة
وعمرك ان شاء الله ما يغيب عنك عزيز
(وأنا في اشتياق لشوفتك يا حبيبي وين انت
ولي مدة ما شفتك ياحبيبي وين انت
بفتش ليه في الأعياد
وفي الضل الوقف مازاد
واناديها)
لو فيكم واحد عارف عن حبيبتي حاجة يوريني
معليش طلعت من الموضوع لكن الشئ بالشئ يذكر

[waheeb]

مشكوره اختنا نهله علي اهتمامك باخوانك واخواتك اعضاء المنتدى وهذه شيمه من شيم ابناء ارض المحنه ارض الجزيره الخضراء ...
الاخ الحبيب ابراهومه جزيل الشكر لك مع كامل الاحترام وما عدمناك ان شاء الله..
وانا بسأل عن اختنا روميساء واخونا ادروب واختنا LightRose والله مشتاقين ليهم ....

[مصباحيه]

يا اخوانا الاساتذه ابو بكر حامد و114 والله مشتاقين عددددددددددددددددددددددددددددددددددددددديل كده الشوق بحر وفاقدنكم

[Jamal Elmahi]

حباب نهله...وين غتستي ياالقريبه وحبيبه...ليك وحشه ...
ما سعلت منك شينه يا بت أمي ...ود الماذون قابلتو اليوم عبر الماسينجرفي أجتماع لمجلس الاداره...
صحتو تمام وعضلات تبش...
بركه الرجعتي لينا طيبه ....النبي عليك كان تطولي الغيبه تاني...

جمال الماحي

[مصباحيه]

وين ياود امى والله الشوق بحر فقتك والله مالك عسى المانع خير

[عمر سعيد]

اعزائى بطرح عليكم موضوع جديد وهو نحن بجد ما بنعرف بعض كأعضاء اقتراحى انو الناس المشتركين كلهم كل فتره يشوفوا منو الطول من المشاركات ويعرفوا اخباروا والحاصل عليه شنو علشان نكون ايد واحده ونكون اخوان اخوان واسال الله ما يفرقنا من بعض يعنى الحته دى تكون بس لزكر الناس الإختفوا ومعرفة اسبابن الخلتن ما يظهروا رايكم شنو البوافق على راى ده يبداء يبحث عن صديق ليه مختفى ويسال عنو عن طريق هذا الباب
ولكم اطيب التمنيات بالتوفيق

إبتنــا نهلة

اليوم فقط طالعت هذا البوست ... الفكرة جميلة ... وتشكرين على هذه اللفتة الرائعة ... والتي تتناسب تماماً مع نريده لأبناء وبنات ( ست المدائن ) ... أن يكونوا دائماً متكاتفين ومتضامنين ... ما أجمل أن يكون هناك من يسأل عنك ويتفقدك ... ما أجمل أن يكون بيننــا تواصل ... وتوادد ... ومحبة وإخاء .. يحترم صغيرنا كبيرنا ... ويوقر كبيرنا صغيرنا ... وهذا لن يتم إلاَّ إذا عرفنا بعضنا اكتر .... وأنا حقيقة أهنيئك على الفكرة ( وناسف أن جاءت متأخرة والعلة في عدم إطلاعي عليها سوى اليوم ، فأرجو قبول إعتذاري ) ... وفي ميزان حسناتك إن شاءالله .

وهي مناسبة نتوجه فيها للأخ الحبيب الأستاذ / عصام عموش ... فين اراضيك يا حبيب انشاءالله المانع خير ... غيبتك طالت ، وأفتقدنا طلتك ... وينك يا رجل طمنا عليك وأفتقدنا كثيراً كتاباتك الجميلة .

[بورتبيل]

ابو دجــــــــــــــــــــــانة العبــــــــــــــــاس

اخبــــــــــــــــاره مقـطـــــــــــــــوعة تب

شكـــــــــــــــراً مصـــــباحـيـــــــــــــة على هذه الإضـــــــــــــاءة الجميـــلة ,,, والســــاطعة

[مختار بازى]

مصباحــــــــــــــــــــــــــــــية اول من انقطع اخبارة وهنالك الكثير الكثير

[عوض صقير]

الأخت
نهلة حيدر

كنت بٍسأل عنك وعن أخبارك وفوجئت فى هذا البوست بأنك عدلتى أسمك إلى مصباحية

موضوعك مهم جدا ولازم الأعضاء يعرفوا أخبار بعض ويسألوا عن الغائب ويتفقدوه

وأنا سؤالى الآن عن الأخ حسن على وهو مختفى بشدة وطبعا أكيد بتشوفى فى الجامعة
تحياتى له وفى أنتظار نعرف أخباره

[محمد مصطفي]

مشكوره اخت نهله (مصباحيه) علي الفكره الجميله دي

وانا بسال عن حسووووون

وبقول ان شاء الله المانع خير


ودمتي بود اخت نهله ،،،،،

[مختار بازى]

الصديق العزيز ابورانيا
عساك طيب وبخير

[هيثم عبدالعال]

العزيزه مصباحيه شنو يعني لا تلفون لا نقرى رساله ولا حتى في الخاص
بسأل عن حسون كان في الدوحه ياريت يظهر

[مختار بازى]

بت السودان
ترنيمة حزن

[طارق سنهوري]

الاخت مصباحيه السلام عليكم
اقتراحك جميل جدا وانت انسانه فى اشد الروعة
اتمنا لك دوما بين قلوبنا
وانا اختارك اول صديق
طارق

[عماد عبدالشكور]

الاخت مصباحية
لك التحية
انا بسأل عن اخونا سامبا
ما ظاهر ليه فترة طويلة جدا
اتمنى ان يكون بخير

[مصباحيه]

وين ياشباب ناس الطاحونه والله مشتاقين اخباركم شنو طمنونى عليكم

[مصباحيه]

تسلم اخى طارق دا من زوقك بس وحبابك عشره بلا كشره ومرحب بيك وبصداقتك

[naz_imam]

العزيزة الغاليه نهله
ايتها الشامخه بشموخ هذا الوطن لك التحية ومشكوره على هذا البوست الرائع مثلك وأشكرك على فقدنا ولكن هى مشاكل الحياة التى ابعدتنا قليلا ولكن تأكدى تماما اذا كنتو بعيدين عن العين فلستم بعيدين عن القلب وهذا حال الجميع اكرر شكرى مرة اخرى. وايضا اعتزر عن الغياب ولكم العتبى حتى ترضوا.

ايضا ابحث عن العزيز الغالى ياسر فقيرى من كان يعلم شئيا عنه الرجاء اخبارى ودمتم

نزار