الغائبون العائدون (( ناس السودان حمدا لله على السلامة ))

[aborawan]

كلنا نعلم ان الفترة السابقة كانت فترة ركود في المنتدى وذلك بسبب الاجازات السنوية لشريحة كبيرة من اعضاء المنتديات وخصوصا المتواجدون بدول الخليج وهاهي الاجازات لفظت انفاسها وبدأ الاعضاء بالعودة الا مقر عملهم وانا في هذه السانحة احببت ان احمد الله على سلامة رجوع كل الحبايب الا مقر اقامتهم سائلين المولى لنا ولهم ان يرد غربتنا جميعاً

اتمنى من كل الاعضاء الذين اتيحت لهم فرصة السفر هذا العام ان يحكو لنا عن المواقف الطريفة التي صادفتهم اثناء اجازتهم مع حبي ومودتي

العائدون الذين كانو باجازات وعادو حتى الان هم

الغالي شاشي (ابو احمد ) حمدا لله على السلامة وبركة الجيت طيب ومنتظرين المواقف التي مرت بيك

الغالي عماد الصادق ( ابو اشواق ) الف حمدا لله على السلامة وبركه الشفناك طيب ومنتظرين مواقفك

وياريت اي عضو من الاعضاء عارف ليه واحد كان في اجازة ورجع من الاجازة يسجل لينا اسم العضو عشان ما يزوغ لانو بصراحة كده معروف المغتربين لما ينزلو بكون (( دقوسات )) دقوسات دي يا عمنا عزيز يعني ما فاهمين اي حاجة وممكن اي زول يغشهم :D :D


.يلا يا ابو احمد وعمدة هاتو العندكم واياكم من الزوغان وزي ما قلنا عايزين المواقف الطريفة :D :D