حبت عتاب

[ktloog]

اولا السلام عليكم يا ناس المنتدى كلكم

من غير اى فرز طبعا ليكم زمن من الزول

الكتلوجي دا والله المانع كان خير بس شوية

امور وكدا وانا جيت دخلت المنتدى دا بحت فيهو

حتة حتة وحاتك مافى حتي ولا واحد اتزكر اخوكم

كتلوج ولا سال منو انا ما بقول الكلام دا بتاع زعل

لا ما كدا بس حبيت الفت الناس لي حاجة مهمة ما كل

عضو جديد يدخل ويشارك الناس وفجأة ينقطع ما معناها

ما تتزكروا امكن حاصلا ليهو حاجة والله كمان دا ما طبع

ناس مدني لانوالواحد لمن بيسالوا فيهو بيحس بدفئ البيت

اللامي الاب والام والاخو والاخت والصغير والكبير والواحد لقى

الحاجة دى في البيت الكبير هنا فى منتديات ود مدني

ولكم شكرى واعتزازى

[الشريف الهندي]

معليش الحقيقه لك العتبى حتى ترضي
و ومعليش كمان وقالو العتاب بين الاحباب
وكده انت لفت انتباهنا في المنتدى ان نحرص على انو نسأل عن بعضنا
لكن اتوقع علشان تزيد علاقتنا ببعضنا لا بد ان تكون اقوى خلاف رابط المنتدى
ومره اخرى ليك العتبى حتى ترضى
اخوك الشريف الهنديمعليش الحقيقه لك العتبى حتى ترضي

[الشريف الهندي]

لو عرفت الباب الفي الصوره المرفق ليك هديه كبيره

[aborawan]

الحبيب كتلوج عذراً ان سقط اسمك سهواً عن قائمة الغائبين عن المنتديات

وعذراً لعدم سؤالنا عنك طول فترة هذا الغياب ولك العتبي حتى ترضى اخي الكريم

[أبوريلان]

كاتب الرسالة الأصلية aborawan
الحبيب كتلوج عذراً ان سقط اسمك سهواً عن قائمة الغائبين عن المنتديات

وعذراً لعدم سؤالنا عنك طول فترة هذا الغياب ولك العتبي حتى ترضى اخي الكريم

[خالد حمد موسى]

عودا حميدا الكتلوج نورتي المنتدي

وان شاءالله تاني تواصل معانا من غير انقطاع

اوبعدين مين القال ماسالنا عليك وين فتشته حته حته

يبقي انت مافتشته حته حته اوتبقه انت غلطان

ادخل موضوع (( ياغايب عن العين)) تحصل اسمك موجود وشوف اسمك

دة رابط الموضوع اضغط عليه

http://wadmadani.com/vb/showthread.php?s=&threadid=7279

ونسمع ردك ولك كل الشكر....

[ktloog]

اول حاجة لكم التحية لكل من في المنتدى وتسلم

يا اخونا الشريف الهندى والهدية والله بردت قلب الواحد

وانتم كذلك يا ابوروان وميرلان يديكم العافية سالت عليكم

اما الرائع خالد حمد موسي تسلم والله على سؤالك عني وعن

الباقيين لكن انا طبعا زى ما قلت بحت حتة حتة والظاهر الموضوع

كان قاعد في الحتة التالتة لانى كنت زكرت حتتين اتنين والله

تسلم يا غالى .... بأمانة لقيتني كيف ؟ ما بعرف ازووغ :D

[مزوني]

الغالي والعزيز الكتالوج
هلا بك والله هلا
هلا بالورد والعنبر هلا
هلا بالسكر والملح هلا
هلا بالغالي والعطر هلا
تورت المنتدى من جديد ومعليش للتقصير
وزي مافالو ليك باقي اخواني واخوانك
لك العتبة حتى ترضى يا غالي
وربنا يديك الصحه والعافيه

[الوفي]

معليـــــــــــــــــــــــــــــــــــــــــــــش ولك كل الود والإحترام
اخوك العابر الوفي

[الزبير محمد عبدالفضيل]

الحبيب كتلوج عذراً ان سقط اسمك سهواً عن قائمة الغائبين عن المنتديات

وعذراً لعدم سؤالنا عنك طول فترة هذا الغياب ولك العتبي حتى ترضى اخي الكريم




وارجو المعذره كتالووووووووووووووج نورت المنتدي بنورك


ياغالي


ربي زدني علما وانفعني بما علمتني