المساعد الشخصي الرقمي

مشاهدة النسخة كاملة : زول ساكت جاني مافي !


عمك تنقو
21-08-2005, 05:17 AM
سلام للغاليين
وصلت ومدني وعديت فيها 40 يوم وكلمت الاخت مهيرة ان تخبر الاخوة في المنتدي لزوم التعارف للاعضاء في مدني ونزلت رقم تلفوني وللاسف لم يتصل بي غير الاخ (( أبو مرام )) والزول ده بالمناسبة ماسك مدني كلها .. محل ما امشي القها : محلات ابومرام للاتصالات وللبقالة وللسندوتشات وللمشروبات وللاثاث .. الزول ده منشر في مدني تمام ..
بس داير اعرف علاقتو بالدباغة شنو ؟؟
علي العموم انا كنت بضبح كل يوم خروف علي اساس يجوني ناس من المنتدي .. لكن علي الطلاق زول ساكت هببو لي مافي ..
وعمكم زعلاااااااااااااان شديييييييييييييييد

ودي خوة شنو دي !!

بعد الخلا يايابا http://wadmadani.com/vb/images/icons/icon10.gif
ابو الزعيم
21-08-2005, 08:06 PM
عمنا الغالي .. تنقو
مرحب بيك ونورت مدني وكل السودان بعدين والله انا واحد من الناس لي زمن من المنتدى ... ورجعت لي كم يوم كده وما كنت متابع الاخبار لكن والله الواحد لو عنده علم بي زيارتك الميمونه كان وصلك تب .. وخصوصا انت في طريقنا يوميا ونحن واولاد شرق واحد ... ولكن زيارتك الجاية نكون في استقبالك في الكبري .. رايك شنو ..
اجازة سعيده ...
ونحن في انتظار مواضيعك الرئعة روعت منتدانا .... و حنتوب الجميلة
لك كل الود
امير عبدالباقي
21-08-2005, 08:12 PM
عم التنقو
فرحنا كثيرا بعودتك ؛ لكن الجماعه النزلو اجازات ماعندهم حق والله لو كنت في السودان كنت اول واحد اتشرف بزيارتك ؛ لكن انت عارف اي واحد نزل اجازه مادخل المنتدي وماشافو البوست النزلتو اختنا مهيره عشان كده ياتنقو لاتزعل من الشباب الواحد بكون ماصدق نزل السودان وشاف للاهل
لكم جميعا كل الود
أبوريلان
21-08-2005, 11:57 PM
الأخ عمك تنقو

سلالالالالامااااااااااات

إجازة سعيدة يا عمنا تنقو والحمدلله فى الخرفان الأكلتها دى وشية الجمر وأم فتفت والكمونية ودا المهم فى الأمر .
elshaigi
22-08-2005, 03:01 AM
والله ما عارفين كان عارفين كان رشلنا ليك على الاقل واحد يستقبلك بدلنا
لاننا بعيدين كل البعد عن المنطقة وعلى كل حال اجازة سعييييييييييييييييييييييييييدة
ونورت مدني
مزوني
22-08-2005, 03:17 AM
إجازة سعيدة والله
ما كنت عارف والموضوع دا ماقريتو الا حسسسسسسسسسسسسه
وانا كنت في مدني عاطل ساااااااااااااااااااااااااي
ولو كنت لاقيتك والله كان نمتعك برامج
وعلى العموم ما فات شي خيرها في غيرها وانشاءالله تكون انبست على الاااااااااااااااخر
ودا المهم في الموضوع
وربنا يديك الصحة والعافية
عمك تنقو
22-08-2005, 04:40 AM
كاتب الرسالة الأصلية ابو الزعيم
عمنا الغالي .. تنقو
مرحب بيك ونورت مدني وكل السودان بعدين والله انا واحد من الناس لي زمن من المنتدى ... ورجعت لي كم يوم كده وما كنت متابع الاخبار لكن والله الواحد لو عنده علم بي زيارتك الميمونه كان وصلك تب .. وخصوصا انت في طريقنا يوميا ونحن واولاد شرق واحد ... ولكن زيارتك الجاية نكون في استقبالك في الكبري .. رايك شنو ..
اجازة سعيده ...
ونحن في انتظار مواضيعك الرئعة روعت منتدانا .... و حنتوب الجميلة
لك كل الود

شكرا يا أبو الزعيم
والله كلامك ده ريحني
وبالله انت كنت موجود وبالشرق كمان
في جماعة قصاد الجامع الكبير طريق كلية التربية جامعة الجزيرة
قاعدين يبنو لي د.نادر محمداني صاحب ( معمل محمداني )
عليك الله أسألهم .. هم جنب بيتي بوروك ليهو قول ليهم الطيب
كان بجيب ليكم شنو :
المرارة
والشية
والفول كل يوم ولما فترت بقيت اجيب ليهم
الترمس والكبكبي من التفتيش
من واحدة فلاتية اسمها ياسمين
وكانت مما تشوف العربية تكورك لي
(( هـــــــــــــــــــــــــــــوي ياالزبــــــــــــــــــــــــــــــــون )) http://wadmadani.com/vb/images/icons/icon10.gif
عمك تنقو
22-08-2005, 04:43 AM
كاتب الرسالة الأصلية امير عبدالباقي
عم التنقو
فرحنا كثيرا بعودتك ؛ لكن الجماعه النزلو اجازات ماعندهم حق والله لو كنت في السودان كنت اول واحد اتشرف بزيارتك ؛ لكن انت عارف اي واحد نزل اجازه مادخل المنتدي وماشافو البوست النزلتو اختنا مهيره عشان كده ياتنقو لاتزعل من الشباب الواحد بكون ماصدق نزل السودان وشاف للاهل
لكم جميعا كل الود

فقدتك يا أمير وعارفك ما بتقصر
سلامي ليك كتير والعودة ليكم يا أهلنا
عمك تنقو
22-08-2005, 04:46 AM
كاتب الرسالة الأصلية myrelan
الأخ عمك تنقو

سلالالالالامااااااااااات

إجازة سعيدة يا عمنا تنقو والحمدلله فى الخرفان الأكلتها دى وشية الجمر وأم فتفت والكمونية ودا المهم فى الأمر .

ال MYRELAN
صديقي العزيز
هي شية ساكت !!
كيتن علي الناس الماجوني ديل
وكتر خيرك كتير والعودة لي اهلنا تاني
عمك تنقو
22-08-2005, 04:49 AM
كاتب الرسالة الأصلية elshaigi
والله ما عارفين كان عارفين كان رشلنا ليك على الاقل واحد يستقبلك بدلنا
لاننا بعيدين كل البعد عن المنطقة وعلى كل حال اجازة سعييييييييييييييييييييييييييدة
ونورت مدني


elshaigi

يديك العافية وعندي ليك جنس نكت للشايقية
اسكت ساكت

والله ينور عليك دنيا وآخرة
والعودة ليكم يا اهلنا
عمك تنقو
22-08-2005, 04:54 AM
كاتب الرسالة الأصلية مزوني
إجازة سعيدة والله
ما كنت عارف والموضوع دا ماقريتو الا حسسسسسسسسسسسسه
وانا كنت في مدني عاطل ساااااااااااااااااااااااااي
ولو كنت لاقيتك والله كان نمتعك برامج
وعلى العموم ما فات شي خيرها في غيرها وانشاءالله تكون انبست على الاااااااااااااااخر
ودا المهم في الموضوع
وربنا يديك الصحة والعافية

انت بالذات كنت حاسي انا الاقيك يامزوني.. وكنت مشتاق لذلك لأني وعارفك في مدني وكنت متعشم
لكن والله للاسف عشمي راح ساكت يا اعضاء منتدي ودمدني المحليين
وغايتو الجايات اكتر من الرايحات
لكن توبة تاني من الضبيحة http://wadmadani.com/vb/images/icons/icon10.gif
مزوني
22-08-2005, 05:01 AM
العفو يا حبيب
والله بي حليفتا لكن والله انا آخر أيام كنت مشغول مدني الخرطوم
عشان إجراءات السفر لكن انشاءالله انشاءالله انشاءالله كان الله مد في العمر
كلو بتعوض
بإذن الله
ابو المهتــدي
22-08-2005, 10:12 AM
بسم الله الرحمن الرحيم
تسلم اخي الحبيب تنقو واجازة سعيدة والف حمد لله علي سلامة الوصول
العزر معنا نحن متازلنا حبيسي الغربة 0 ومازلنا 0 ولكن تعوض انشاء الله عند الرجوع ويكون اسقرار نصل فية الاخ والصديق والرحم 0 ونتمني ان تجمعنا الربوع من جديد 00 وتصبح سنين الغربة من الزكريات والله نسال ذلك تحياتي
عمك تنقو
22-08-2005, 09:01 PM
http://wadmadani.com/vb/images/icons/icon10.gif

أبو المهتدي سلامي لك وشوقي الكتير
فتشتك في سوق (( ام سويقو )) لي زول مشلخ بشبهني مالقيتك
اصلو مغتربين مدني خلو فول كشك
وقعدو يفطروا سمك هناك وفي نادي الأطباء سندويتشات مع عصير الأناناس الخطير

والعودة ليكم يا أهلنا
ابو الزعيم
23-08-2005, 01:08 AM
لك التحية العم تنقو ...
والله لكن دي حكاية يعني ضبايح ناس المنتدى اكلوها البناين والكسبان د . محمداني ... ما مشكلة كلهم من مدني واخوانا وحبايبنا بس انا حقي ما بخلي واول ما ارجع مدني ( طبعا انا الان شغال في جنوب السودان ) اول ما ارجع بمشي معمل محمداني واعمل فحوصات كامله وطبعا ملح يعني مجاني بدل الخرفان اللهطوها البناين .. ولا رايك شنو
على العموم نتمنى ليك عودا حميدا مستطاب ... وربنا يرد غربة جميع الاخوة سالمين غانمين .... آآآآآآآآآآآميييييييييييييييييييين................. ..
التيمان
23-08-2005, 03:14 AM
عمك تنقو حمدلله على السلامه


واجازه سعيده مع الاجواء الزيك دى

مع الخرفان حاتبقى انتيكا
عمك تنقو
23-08-2005, 04:53 AM
مشكور أبو التيمان أخوي
وانشاء الله نتقابل في المستقبل القريب
كتر خيرك كتير علي طيبة الخاطر
عمك تنقو
23-08-2005, 04:55 AM
يا أخــــــــــــــــــــــــوان

أنا آســــــــــــــــــــــــــــــــــف

بالجد كده .. الصديق الذي اتصل بي هو :

ابو مـــــــــــــــــــــــــــــــــــــــــــــــــ ـــــــرام

وليس ابو روان

وآسف للالتباس
ومعذرة لعزيزي ابو مرام