مـن بــعــــد ما عــز المـــــزار ....

[sama7]

أعزاءى رواد منتدى ودمدني الثقافي

لكم منى عاطر التحايا واجملها عبر هذه المعمورة المصغرة لشوارع ودمدني الحبيبة ...

وانتهز هذه المزارات لاتقدم الى كل عشاق الكلمة
ان ينضموا بالهترشة والفضفضة بالخواطر
شعرا كانت نثرا هجاء ..
فكل كلمة جميلة يجب ان تولد
لترى النور ...

وبداية واهِ انا من البدايات الصعبة ادندن ........



من بعد ما عز المزار
والليل سهى
وملت نجومو الإنتظار
والشوق شرب
حزن المواويل وانجرح خاطر النهار
من بعد ما عز المــــــــــــــــــزار



سماح

[sama7]

القـــــــــــــــرار



كل ما أقول ادور امشى وافوت وانساك
ألاقي خطاي ماشة عليك وماشة حداك
خطاى الضائعة في الدرب العريض يا ملاك
لقت دربك وضاعة فيه دون اسباب
أنا التعبانة من تعبك
أنا الفترانه من فترك
أنا الزعلانة من زعلك
أنا الزهجانه من زهجك
أنا المرضانة من مرضك
أنا الفرحانة من فرحك
وأنا الحزنانة من حزنك
وأوقول يا رب متين ألقاااااااااك؟

ووقت ألقاك ,,,
ألاقي الكون صبح في سكون
والساعات جرت ضدي
وألاقي الخطوة تتعتر
وألاقي الكلمة تتكسر
وسهوووووووووم عينك في جواااااااي تتخلل
تشتتني وتجمعني
تريحني وتعذبني
وما بقدر أنا اتحمل

وساعة الهجر ..
عيونك جافية قاســـــــية عديـــــــل
متل ما تقول سهم في الجوف سكن طوّل

وافتش ليك وما بلقااااااااك
وأقرر أقول خلاص انساك
وبإصرار ودعتك وفُتا هنـــــــــــــاك
وأول لحظة في بعدك
هـــــــلاك في هــــــلاك
فبرجع في القـــــرار بسراع
وما تتحسن الأوضاع
واعيد من تاني وجعي معاك
بشتاق ليك وما بلقاك

واقرر افوت بعيد وأنساك
يطير النوم
والتركيز
وحتى الذاد ما بنضاق
كنت قوية في قرارات
تعلمت الضعف وياك

وافتش ليك وما بلقاك
وما بلاقي الشبيه لهواك
وأعاين في العيون في الكون
بلأقي عينك أحلى عيون
وأحلى جنون
وأحلى طريق سلكتو معاك
وتتضاعف علي اوجاع
وارجع في القرار بسراع
:confused:

ونفس القصة تتكرر
تعذب فيّ زي ما تدور
في الملايانة وفي الفارقة
أراضيك حتى لما تثور
وتتغير ملامحي معاك
فتر وسهاد زبول وضمور
واقرر تاني انسى هواك

وكل ما اقول أعاند وأهجر الأشواق
يقيف الشوق يلح ويلح
يدق في الباب
وتتعسم حياتي بلاك
وأرجع تاني لدربك
ومن الزيرو ابدا معاك
وكليّ حضور
وانت غياب
وأقعد اصنع الأسباب
أكيد مشغول
أكيد تعبان
أكيد وأكيد
وفي جواي يهتف صوت
أكيد كضااااااب

وأقرر تاني أنسى هوااااااااااك
وامشى بعيد هنااااااااك وهناك
إلا عينك قصب عني
تكٍسر العزة في جواي
وادووووووور ألقاك
وابقى معاك
ولا أفوتك
ولا أنـــــــــــــســـــــــــــــــــاك



سماح

[sama7]

إعادة لسياق القرار2

ولا أنســـــــــــــــــــاك؟؟؟؟؟؟؟؟؟؟
ها يالواثق ...
قواي خارت
فترت عديل
تعبت ألولي وأحنس
تعبت أحجي واونس
وانت معاي في الداخل
وفي الواقع شبه معدوم
انقب عنك وافتش
بدون عنوان
غيابك يتعب ويطفش
حضور انسان
برودك يدمي ويعطش
ولو رويان
خلاص مليت وفاض الكيل
قراري اللية دون رجعة
مشاعري اتبدلت منك
بعد ما كنت انت انا
بقيت جوا القليب وجعة
بقيت آهــــــات
في النزلات وفي الطلعة
نسيت طعم الضحك وياك
بدايتي دوام بقت دمعة
بعد ما كنت مشتعلة
اسرد فيك كلام الحب
اكتب فيك بيت وبيوت
وتتعطل عشانك كل أعمالي
النهارية
المساءية
وبين البين
من الجمعة للجمعة
طفيت انت الأمل جواي
زي ما بتطفي في سجارتك
وهوف بتهفى في شمعة
وأفضل بوراك دخان
بدون احسان بدون لمعة
وهم
وهم ظنيت اني في حب
لأنو الحب عطاء بالجد
ومن طرفين

..........

[القدال]

ياليل اشهد باني وحيد
قليبي جراحه تزيد وتزيد
ابقي شريكه واقاسمه الريد
يبقي شمعه ويضوي البيت
كم ياليل عشت سعيد
وكم بي لهفه اتمنيت
اشيل الدبله وساعة الايد
احقق املي واملي يزيد
مضيت ياليل علي هموم
اعد في كوكبك وفاقد النوم
كوكب واحد ياريته يدوم
ويبقي معاي ولو في النوم
يا قلبي اراك مهموم
علي شقاك انا المليوم
تاني الندم عليك ما بحوم
تتوسد ديسه وتشبع نوم
جرحي بليغ وعلاجه صعيب
مين غيرك يبقي ليه طبيب
علاجه حنان وحروف تحبيب
الريد قسم وطريقه صعيب
ياليل اشهد حبه حلال
براك شفت دمعي السال
وجهه قمر وكله خصال
اصد وارجع عن ريدو محال
قمحي اللون وعيونه كحال
في الصيد قليل ما نلاقي غزال
عبدك ضعيف يا زو الجلال
يسر وتم بيت الحلال

[114]

سؤال ما ليهو علاقة بالكلام الرقيق المنسوج من ديباج فنك الراقي: في زول يجي من استراليا يمشي الرياض؟

[sama7]

ناس المزار مساءات معطرة ملونة ملئية بالحضور

القدال .....
يارب بيت الحلال .. كلمات جميلة بجد .....
اشكرك على المشاركة وما تنقطع ..



المشرف ...
والله ضحكتني .. وبيني بينك يعنى "دا زاتو المدنني انا "
:confused:

تحياتي

سماح

[sama7]

.....في صمت أحاول جمع اشتاتي المتناثرة بأريحية مذهلة ...
احاول تشبيع عيناي بتقاسيم وجهه الصبوح
فاغوص بنشوة عارمة في مزاياه الرحبة
لأخرج منها بدفئ مرتاح ..
فما تمضى لحظات إلا وأعاود الغوص مرة اخرى .....

هذا الرحب التفاصيل ..
هذا الانسان ..
انسان عينى وعين انساني ..
رؤيتي .. مهجتي ... وكياني ..
رغم كل شئ انزعج لرحيلي
رغم انه عن رضى تام مني..
اتعجب جدا من كمه الهائل الذي تغلغل
في دواخلي بسهولة وإنسياب ....
ليمتزج بكلي
مؤلفا خليط عنبره الدهشة
ومذاقه سلافات منعشة ..

اعجز من ترميم تلك البقايا المنفية
في اقاصى الاعماق...
فأجده يبني ويعمر....
ليحيل كل يبابا الى هندسية معمارية ..
عزز الأنثى في
فتضخمت حتى اضحت مرحة .. حلوة .. واثقة..
يفوق بريق عينايى كل الفواصل ..
فيدفق ليشمل كل من هم حولي...

سعيدة حقا به. ...
هذا الرجل الحنون المعطاء..
بكل كله جملة وتفصيلا ..
ولكني ارحل في رحلة قصيرة.....
لأعود فــــــــــورا

سماحك

[القدال]

بالجد انا سعيد جدا لاني لقيت احلي ما ابحث عنه في الموقع وده البديني اكبر الدوافع البتخليني اقدر اعرف اني بعرف اكتب ولا دي مواجع غربه السعوديه بتمني اني القي نقد عشان اقدر اواصل

كلي شوق لي ودمدني الحبيبه

[قوقو]

سلام وكلام لكل مكلوم
لكل مجروح
فارق مدنى
فارق بقعت الافراح
فارق درب ناس ملاح
طعمهم في الويكه
في كل فرح وصباح

[mohamed]

يا عيونك يا مداين انبهر فيها واعاين
اندهش بكل صفاته بكل حاجه تصوغ لداته
دي فيها ناس فايضين محنه وفيها طيبه ناس اهلنا
وفيها افراحنا وزعلنا وبيها يتجدد املنا
ويصبح اللون الخرافي


قد يتغير كل شي فينا كمايتغير كل شي حولنا
ولكن اشواقنا كثيرا ما تعاودنا

[Kamal]

التحية لك يا سماح

وبقول ليك :
ادي نفسك الاحساس في كل رحلة عمر تطول
ادي الخطاوي الراجعة لي سكتك وهم الوصول
الدنيا كلها انتظار والغيمة تحلم الهطول

[mohamed]

المزار



بعد ما عز المزار
الليل سهى وملت نجومو الانتظار
والشوق شرب حزن المواويل وانجرف
خاطر النهار
وبقيت اعاين فى الوجوه
وأسأل عليك وسط الزحام قبال أتوه
يمكن الاقى البشبهك
مالليل براح والشوق تعالى بيندهك
شايلاهو وين النيل معاك
عصفوره جنحاتا النجوم
وأنا بى وراك
بسأل عليكى مدن مدن
واعصر سلافة الليل حزن
وأسأل عليك فى المنفي فى مرفا السفن
يمكن طيوفك أخريات الليل تمر
تملا البراحات للحزين طول العمر
ما نحنا بينا الامنيات والتضحيه
بينا المعزات والعذابات فى الحيا
بينا الهوى
اخلاص على قلب انكوى
وكلام قديم قلناهو آخر
الليل سوا
انو راح نتلاقى
لو طال النوى
لكن كلامنا الكان وكان
خايف يكون شالو الهوى