قروش العرس طارت ؟؟؟؟؟؟؟؟؟

[طير الورور]

معليش يا جماعة بس انا اتعودت دائماً ابدأ المواضيع بحرف نديان نداوة شافعة

في حي السنيط وطبعاً عارفين سبب النداوة شنو ,,,؟؟

لا يا جماعة انا قاصد نديانة لانو السنيط جنب البحر ,,, ولانوا الكهرباء بتقطع

كتير عشان كدة الشفع بقوموا من النوم نديانيين ما قاصد حاجة

تانية ,,,,,,,,,,,,,,

المهم اعذروني اخوكم ممكون شديد ......؟؟؟




إن كنتِ قررتِ الرحيلَ فأخبريني

فأنا بلا عينيكِ نهر دُون مَاءْ

إن كانَ قلبُكِ قدْ سلانيِ

فأعذُريني

إنني قَدْ صِرتُ بَعْدَكِ

مِثْلَ أوراقِ السنابلِ فيِ الشِتاءْ

يا مهجتي

يا سلوتي

يا موطنَ الأفراحِ في الزمنِ البُكاءْ

لا تَرْحلي ..

فالقلبُ بعدَكِ ميتمٌ ..

قبرٌ خَواءْ ...

لا تًرْحلي

فأنا رَسمتُكِ بينَ أجنِحَةَ الفُؤادِ

خريطةٌ

خطُ استواءْ

عُودي لأعزفَ مِنْ سَنا عَيْنيكِ..

ألحانَ المحبةِ والوفاءْ

عودي لأنسجَ مِنْ حريرِ الخدِ

أشرعةَ المساءْ

.. عودي لأفتح ..شرفتي

أتَنسمُ الأملَ الرَجاءْ

عودي

فنبضُ الروحِ أنتي

حَبيبتي

بكِ قَدْ خَتَمْتُ رِوايَتي

وقَفلتُ صَفحاتِ النِساءْ

عودي الي




اها ارجع ليكم للقصة بتاعة قروش العرس ....

بس بعد ما ترسلوا لي ,,, لانو انتو شكلكم كدة ما بتجوا الا بالعصر والضغط ,,,

ولو ما وصل العدد للعشرة ما حاقص ليكم قصة قروش العرس ؟؟؟


الثقيل الملولو

عاصم عبد الحليم

طير الورور

[أبوريلان]

( 1 ) .......... بعده .

[الوفي]

(2) ...................... عبده



ارح يا خوانا اصلو ما تدو الزول ده فرصه
ده عسلنا طير الورور:cool:

[طير الورور]

والله عشان خاطرك يا الوفي انا دخلت عشان اكون رقم 3

واقرب الرقم 10 المطلوب ده

ارح

[marwa]

4

[naz_imam]

نقول (5)
وصلنا النص الباقى شوية همتكم ياشباب الشمار كتلنا بس ياخوفى ماتطلع فى قصة ساعتها ارجى الراجيك بس

نزار

[طير الورور]

والله عشان خاطركم يا myrelan

والوفي ومروة ونزار


انا داخل وحاكمل العدد 6 عشان انا زاتي قروش العرس حارقاني شديييييييييييد وعاوز

افضي الوجع الشديد ده

عموماً لكم وللجميع قصة القروش الطارت حتلقوها في الموضوع الاتي :

قروش العرس طارت 2............. ؟؟؟؟

[عزيز عيسى]

انت يا عاصم عايز تحكي لينا قصة ولا تفتح ليك كشف علشان نخت.

طيب 7 بس ما تفتكرها سبعة ألف دولار.

عزيز

[الزمن المريح]

لووووووووووووووول

رائع يا طير وررررررر ورررررررر ،،

8 الله يديك العافية

[naz_imam]

وللمرة التانية وعلشان الشمار بقى حار نقول (9)
وللمعلومية لو فى كشف انا طالب لى 35 سنة بدرس ولسه ماتخرجت .

نزار

[طير الورور]

مدخل اول

في مجتمعٍ أصبح يحسب الأمور في نصاب المال والكم...... ميزانه كم تساوي وكم

رصيدك وما هي أملاكك..... وجدت نفسي ابحث عن هذا المال وهذا الكم ؟؟؟ ربما

لقناعتي بان الكيف موجود وان الكم بالنسبة لي أمر بسيط كلها فيزا وسفر وعودة بعد

سنين في الغربة والواحد يصبح كمه علي الأقل في رتبة المقبولين لدي مجتمعنا.... رغم

علمي أن هناك ( من رحمه ربي ) ولا ينظر للأمور بهذا المقياس ولكنهم قلة قليلة....

المهم بالدارجي كده حزمت أمتعة السفر.. وقررت الرحيل, ووعدتها بأنني

سأعود...وسأعد الأيام يوماً بعد يوم, في انتظار أن يجمعنا القدر وان يبارك الزمان

اجتماعنا..

لميت شديد... وبدأت أمامي تلك اللحظة قريبة.. احلم بها مناماً أو يقظة اخطط لكل

الأشياء دون ملل أو ضجر وابتسم وأنا أضع خريطة للجلسة في الحفلة وشكل القعدة

بتاعة الحنة ولون البدلة حيكون كيف والكرفتة حمراء ولا بني ...

حسبت تلكفة العجل والخرفان والفنانين لا يا خوي الواحد علاقاتو واسعة والحفلة دي

الشباب ما حيقصروا فيها يعني ممكن سند أو هشام مرحوم وبالميت ايمن سوريبة...

كنت دائم الصياح مع عثمان نيران وعمر قدري في طريقة تنظيم الحفل ( طبعا الكلام ده

كلو في احلامى وتخطيطي لتلك الليلة ) وكنت ارمي عليهم باللوم تارة وبالرجاء في عمل

الأفضل دائماً..

رقصت كثيراً مع أخوتي... وتذكرت أخي باكمبا وهو يوزع البسمة يميناً ويساراً وبقربي

تلك الحسناء صاحبة القوام الرشيق والتي اخترتها دون كل البشر...

تمت 18000 ريال يعني باقي يا عاصم تقريباً 10000 ريال ما نحنا حالنا وسط

وكايسين بس سترة الحال.. خلاص امسك طالبين + الراتب يعني العرس إنشاء الله في

شهر 10 عربي ده لو اتاخرت خالص .. وباقي حاجة مهمة كروت الدعوة وكيف إنني

يجب أن أتفوق علي أخي خالد الذي طبع كرت زواج ابنته وكأنه يحضر لدرس في اللغة

العربية أعجبت كل الذين تلقوها ودلت علي موهبته العالية في صياغة الحروف..

المهم ما ادوش رأسكم جمعت المبلغ ووضعته في البنك فحرصي على أن تكون تلك

الليلة في شهر 10 كان شديداً وبدرجة حرصي علي تلك الليلة كان حرصي علي هذا

المبلغ الذي تم جمعه....

مدخل تاني

بعد عناء يوم طويل من العمل والتعب, والشوق المتعاظم للأهل والأحبة خرجت من

عملي ولم أتذكر أن معي ذلك المبلغ المسدد عن طريق عميل المؤسسة, فانا مجهد

ويارب توصلني البيت لأطرح عني تعب ذلك اليوم الطويل.. كان المبلغ كبيراً... كبيراً بما

يكفي لشراء سيارة فاخرة أو قطعة ارض ناصية في حي من أحياء مدني الجميلة...

ودخلت المنزل وأنا أفكر أيضا في تلك الليلة ليلة العرس, زاحمتني ورفضت الخروج عن

مخيلتي كأنها تطلب من التعجيل وتفاعلت معها وأسرعت كي استلقي علي الفراش

وازرع عيني في سقف الغرفة واضعاً يدي تحت راسي ومستغرقاً في الحلم بتلك

الليلة..... واضعاً المبلغ في جيب البنطلون والأوراق الثبوتية وخلافه دون خوف.... أو

شكك....

مدخل ثالث:

الكل نيام... والطابق الأرضي يعج ولكن بالسكون والهدوء وبقربي زميلي مصطفي.. دخل

علينا ونحن لا ندري... دخل وكأنه كان يعلم ما بداخل تلك الغرفة... متلصصاً وجساً

ويخاف أن يستيقظ النائمون... ولكنه يعلم أن بالغرفة ما يستحق أن يزيل خوفه

وهواجسه.... ولابد من المغامرة... لم يكن الأمر عليه صعباً... فكأنه كان موعوداً بذلك

المبلغ..... يكفي فقط أن يبحث في هذا الجيب المنفوخ... ماذا هناك ؟؟ اقامة سارية

المفعول ورخصة واستمارة سيارة وبطاقة تامينات اجتماعية لماذا سادوش نفسي بهذه

الأشياء اعلم أنها فقط أوراق ثبوتيه... وبحث في الجيب الآخر فكانت المفاجاه.... مبلغ

من المال ؟؟؟ شقاء وتعب بتاع سنة كاملة وسط آلام من المعاناة والحرمان الطويل...

وجدها وكلفته فقط تعب دخول الغرفة ومد يده في الجيب....

يا جماعة عذراً لكن الحتة والله العظيم بالعربية الفصيحة ما بتتوصف عشان كده أنا

حاقلب للدارجي السوداني..

اها ود الكلب ده دخل الغرفة وشال القروش وفرتق ... الله لا تكسبوا ؟؟؟ إنشاء الله يشيل

روحوا خلا خشمي ملح ملح وحنظل عيشتي الله يحنضل اياموا والله لو ما المنتدى ده

كان قلت ليك يا ود الحرام انعل أبوك ياحراااااااااااااااااااااااااااااااااااااااامي يا معفن يا

وسخ .......... يا سراق القروش

( من ذلك اليوم تبدل حلمي وتغير )

اصبحت العروس التي رايتها في المنام هي الحرامي وانا ممسك به امساكي بها في

رقيص العروس وحولي العساكر الجرارة تبهدل فيهو وتوريو نجوم الليل وهم يقول (

ابشر ) اقصد دخلوا الحراسة والنساء من حولي يضربون الزغاريد ويقولون مبروك يا

يمة جد لي ( قبض الحرامي ) وانا منفوخ بهذه الكلمات ومع كل زغرودة ادي شلوت

للحرامي ,, واصحا من غفوتي لاجد نفسي في نفس الغرفة التي سرقت فيها والجميع في

انتظاري علي وجبة الغداء واعلم حينها اني احلم وانو باختصار شديد قروش العرس

طارت ...

فاضحك رغم البلاء متذكرا قوله تعالي :( عسى ان تكرهوا شيئاً وهو خير لكم ) واعزي

نفسي قائلاً (يا عاصم امكن الزول ده مزنوق كان في قروش العرس بتاعتو وربنا كمل

ليهوا بقروشك انت ) ...

بقي ان تعلموا اعزتي انو القصيدة الفي اول الموضوع دي انا كتبتها في

القروش الطارت ما كتبتها فوق بت كتبتها باحساس الزول القروش عرسو طارت

لكن في الاخير خجلت من نفسي وحولت في اتجاه البنات

لكم الود

عاصم

طير الورور. .

[ابو الزعيم]

ابدأ ليك من وين ... والله ما عارف ...
اقول ليك كفارة والجاتك في مالك سامحتك .... ولاابدي اعجابي بي اسلوبك الشيق في الكتابة ...
صراحة الموضوع بالرغم الحزن وخيبة الامل الفيه الا انه مكتوب بصورة رائعة ...
اتمنى ان لا تحرمنا من كتاباتك الحلوة ...
كما اتمنى ان يعوضك ربي خير ... وربنا يجازي الحرامي السرق احلامك قبل ان يسرق قروشك ...
وربنا يتم ليك بالخير وفي اقرب وقت ... ويهنيك ويسعدك ... بس ما تنسى تعزمنا
ولك كل الود