المساعد الشخصي الرقمي

مشاهدة النسخة كاملة : فوائد التدخين


elshaigi
14-08-2005, 02:50 PM
فوائد التدخين

قال احدهم : للتدخين ثلاث فوائد ، فالمدخن لا يُسرق ولا تعضه الكلاب ولا يشيخ ، سئل لماذا ؟؟؟
قال : لا يُسرق لانه يظل طول الليل ساهراً يكح ويسعل فلا يجرؤ اللصوص على اقتحام داره وهو يقظ ...
ولا تعضه الكلاب لأن تأثير الدخان على صحته يجبره على حمل العصأ ولذلك تتجنبه الكلاب ولا تعضه ...
ولايشيخ لان ادمان التدخين يقصف عمره مبكراً فلا يبلغ الشيخوخة
[COLOR=red][SIZE=3][SIZE=4][SIZE=4][SIZE=5]
طير الورور
14-08-2005, 11:37 PM
يسالني الله يالشايقي

فوائد التدخين بتاعتك دي

ذي فوائد الغربة ,,,

اول شي ما بتشيخ لانها بتقصر عمرك من كترة الهموم البتشيلها

وبتديك ثقافات جديدة تدعم اللغة العربية بتاعتك

يعني ببقي قرقر بتاعك كتير ,,

وما يمديك ( لا تستطيع ) تتكلم عربي كويس

وانت في معلوم انا مافي معلوم

وبتقلل صرفك الاقتصادي

يعني سكرك حيكون بسيط لانو حيكون عندك سكري

وبرضو الملح بسيط عشان الضغط

المفروض بعد ما الواحد يقراها

فوائد الغربة وفوائد التدخين ...

تكون اخر سيجارة ليهوا وهو طالع من مطار بلد الغربة

لمطار الخرطوم

علي اخر رحلة ليهو خارج البلد الحبيب


عاصم

طير الورور

خالص التحية

تحياتي لناس فداسي

اليزيد وحيدر عباس

ومحمد السنوسي

وخالتك حاجة عشة محمد عبد الحليم

وامنة بتها

والجميع وانشاء الله يطلعوا اهلك
الوفي
15-08-2005, 05:37 AM
أشكرك يا الشايقي على موضوعك الجميل ده وربنا يجعل منه فائده للنااااااااااااااااااااااااااااااااااس كلهم وأعجبتني مشاركتك يا طير الورور
فشكرا ليكم
وربنا يستر علينا وعليكم
اخوكم العابر الوفي
naz_imam
15-08-2005, 10:33 PM
والله يالشايقى ياخوى لما قريت عنوان الموضوع قلت الشايقى جنا بس لما قريت الموضوع كلو عرفتك اعقل واحد ربنا يديك الصحة ويبعد عنك الشر

نزار
نيازى كشك
19-08-2005, 10:35 AM
ههههههههههههههههههههههههههههها
واللة يا لشايقى ابدعت عديل
عليك فوائد
ههههههههههههههههههههههههههههههههه

وبالمناسبة انت وين اختفيت
واعوز تطلع
وكيف جو ليبيا معاك
ابو الزعيم
19-08-2005, 07:46 PM
العزيز الشايقي .. لك التحية ...
والله بصراحة انا لي كم يوم بشوف موضوعك على البورت وما بدخل عليه لاني حاسي انو كمين لينا نحن المدخنين ...
اليوم قلت كدي نخش نشوف الشايقي ده عامل فينا شنو ... وفعلا صدق توقعي ...
لكن صراحة موضوعك رائع واكتر من رائع .. والحمد لله انا ما وصلت مرحلت شيل العصايه ولا انو الحرامية يخافو ينطو علي لكن التالته دي ياها القاطعة قلبي ودي علمها عند الله
نسأل الله لنا الهدايه ولكل الاخوة ...
ومشكور على موضوعك ... ومشكور اخوي طير الورور على المجادعة الحلوه
ودمتم...................
elshaigi
20-08-2005, 02:18 PM
لكم التحية جميعاً ...
وتحية لك اخي الورور على التعقيب الرائع والصائب واقول ليك حاجة والله انا قربت اقول هو دي قصدي ... وناس فداسي كلهم بعرفهم لكن انا من فداسي التانية............. ولك كل الود..
*****
تحية لك عزيزي الوفي وانشاء الله تكون ما بتدخن..
*********
تحية لك اخي نزار ولك كل الود ويديك الصحة والعافية.
****
لك التحية العزيز نيازي والله موجود لكن الظروف حالت لمدة دون لقاكم الذي اصبح زادنا في الغربة المرة ** أما الجو خلي بس.
***
اخي ابو الزعيم حمداً لله على دخولك واتمني ان تعم الفائدة ..
واخيراً التخية لكل من في المنتدي