جكس الزمن ده ( معقوله بس )

[الوفي]

حابي اطرح بكل تواضع موضوع هام بالنسبة لينا كلنا ولكن بنتجاهله او ربما ما بنجد اساسيات لمناقشتها رغم انه موضوع انا بعتقد انه شاغل بال الكتير واصبح بشكل أزمة لينا وفي نفس الوقت اصبح ملحوظ جدا جدا بينا لاحظت في الفترة الأخير والطويلة في نفس الوقت كلمة ( جكس ) المنتشرة بينا منذ زمن طويل كان معناها الحب يمكن او الصداقة الشديده المهم ما عارف بالضبط لانو كل واحد بياخدها بمعنى بيناسبه واليوم معناها الحب ولكن اتبدلت لكي تصبح معناها مجرد صداقة عابرة وكل من الطرفين وقت يحس بأنه اصبحت او شارفت انها تكون جادة العلاقة دي بينسحب بكلمات ربما تكون جارحة او ربما تكون مجرد صداقة او معزة لا أكثر انا ما فاهم مقصد الناس ديل ولكن ربما تكون قريبه جدا من نفس الموضوع الي كتبه اخونا ابراهيم وعنوانه كان ( قالت ليه انا بعتبرك زي اخوي) ولكن عشان ما ابعد جدا من مقصد حديثي انه كيف اصبح مفهوم العلاقة في زمنا ده وكيف اصبحت المفاهيم عبارة عن تملقات ومجاملات لا اكثر لكسب الثقة في فترة معينه وبعدها اهو نحنا في الهوى سوى كلمة هروب لا أكثر ولا اقل ليه بيحصل ده كله
ما اود ان اقوله او اصله انها فعلا اصبحت علاقاتنا غير جاده وربما فيها كثير من الخيانات او المفاهيم الخاطئة الي بيشكي منها شبابنا وفتياتنا ليه اصبحنا نحدد علاقات ونوهم أنفسنا بشي احنا متأكدين من عدم الحصول عليه ليه بنتأمل في كلمات كلها مجرد حروف تراصت لتكون ( ده الجكس) ما أكثر اصبحنا نعمل مليون حساب لعلاقاتنا وعدد 2 مليون كلمة معمول حسابها عشان ما نخطئ في حق زول او نعشمه بشي احنا ما فكرنا فيه
انا ما قصدت توضيحه بالضبط ليه كلمات الحب بالنسبة لينا اصبحت تلاعب ليه علاقاتنا الجميلة اصبحت تلاعب ليه ما بنقدر نعترف بحقيقه عشناها ايام منتهيه ليه بنلعب بمشاعرنا رغم انها حقيقه بنفتح بيها جروح في بعض القلوب ناس يقولو الشواكيش من الأولاد وناس يقولو من البنات وانا عندي واحد سواء ولد او بنت لانو ما في زول فيهم كانت مشاعره صادقة او حلم بشي جميل بعتقد كل واحد فيهم أصبح دمية للطرف التاني عشان يقضي بيها وقته الموضوع ده انا بعتقد انه اكبر مني ومنكم وما حقدر انا اتكلم فيه براي فبرحب بردودكم ومناقشتكم وأفكاركم وأكيد للحديث بقيه أشكركم لانكم شاركتوني هذا الموضوع ولو حتى بمجرد قرائته أخوكم دائما من مدني الحنينه ( العابر الوفي )
مفهوم العلاقة :o :D