ترحاب وسلامات

[عواطف]

أهلا بكم يا أحبابي متصفحي موقع ودمدني00 أنا عضوه جديدة طبعاً أحب موقع مدني جداً لأني من مدني الجميلة أكرر ترحابي بكم لأبعد الحدود0000:D

[عواطف]

يعنى ما في رد يعنى مافي ترحاب ولا أهلا ولا سهلاً00000

[عواطف]

يا هوي يأ أهل الله يا اللي هنا ما فيكم حد0000 والله أزعل:(

[aborawan]

بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
يسرنا تواجدك بيننا وانضمامك معنا ..
وبكل ما تحمله معاني الشوق نتلهف لقرأة مشاركاتك
فمرحباً بك تراحيب المطر إذا هلت ..
وهـلا بـك عـدد نجوم السماء وأكثر ..
عدد ما غرد الطير
مرحباا بك .. بكل كلمه ومعنى ..
وجودك زااد المنتدى .. نوراا .. وبهااء ..

وبالورد .. والبخوور .. نستقبلك
فمن قلوبنــا نهديك
أعطر التحيات ..
وأروع الكلمـات ..
وأجمـل الأمنيـات ..
وأغلى الهمسـات ..
وندعوك لقضـاء أحلى الأوقـات في أعذب وأرقى المنتديـات
ننتظر عطر اقلامك
* و رسم احساسك *
وبديع فنونك..
بــوح قــلــمــك
وجــمــيــل عــبــاراتــك
تحياتي يا بتنا
http://www.q826.com/Picture/files/aborawan-1082972225.gif http://www.q826.com/Picture/files/aborawan-1082972225.gif http://www.q826.com/Picture/files/aborawan-1082972225.gif

[114]

عواطف ساميه اشراقات ونور (طيب الله ثرى ابو داؤود)
ما بقدر اقول ليك زي الكلام القالو ابو روان الأديب الرائع، لكن ود مدني الموقع، ومنتداها واقفين صف في شارع النيل قدام مبنى حكومة ود مدني، وقدام مجمع المحاكم، وقدام البوستة، وقدام حديقة مسك الختام، وقدام فندق انتركونتننتال، شايلين الأعلام وباقات الزهور ويلوحون لعواطف بكل العواطف المدنية(عواطف ناس مدني) والانسانية،
وما عاش اللي يزعل عواطف، بس أكيد الناس ماخدة تعسيلة القيلوله تحت شجرة النيم، وضاربا الهمبريب الجاي من النيل الأزرق.
أهلا بيك يا بت حي البيان، ومرحب بكل أهل البيان وما جاورهم، وحقك علي في تأخير الردود

[aborawan]

شنو يا عواطف كده نحناالحا نزعل

[rasheed]

موسيقى حديثك مع سحر البيان
هكذا قال المساح وغنى الكاشف فكيف نتجاهل ناس البيان مش كفاية بعد ما غنى الكاشف للبيان تربي عصام محمد نور الفنان ومحمد الهادي الإنسان ولؤي جنابو كمان .... كفاية ولا نزيدك أطنان وأطنان ،، ألف مرحب برسالتك منتدانا نور والله نور كلو زينة .. وتحياتي لجمال عمر والعائلة وعصام حسين والعائلة وعبدالحفيظ والعائلة وأسامة مهدي وكل ناس مدني الحلوين .
وإقتراح لناس المنتدى بالمناسبة دي الناس توصل التحايا وتبلغ التعازي وتهني بالنجاح للأخوان البعدين عن طريق المنتدى يعني كان عندي واحد في الدوحة او أمريكا او أستراليا وفي واحد من ناس المنتدى في المنطقة حقوا يرسل تليفون الناس او طريقة الإتصال بيهم للمرسل . وطبعاً ناس مدني ما عاوزين طريقةإتصال لأنهم أينما كانوا أعلام على رأسها نور
وما تزعلي ومنتظرين ردك على أبوروان الشاعر الفنان والبقية عشان نشوفك بتستاهلي الرد ولا تاني ما نرد عليك .:eek: :D :p

[mustafaelgadal]

ألف ألف مرحب بيك عواطف...
و الدار دارك و أنت حتى لو أشتراكك جديد فأنت من أهل البلد بالأقديمية....
مع تحياتي....:p :p

[قوقو]

مرحبتين حبابك في وسط دارك
تتحكري وتقولي البداليك
قــــــــــــــو قـــــــــــــــــــــو

[رهيب]

ياهلا وسهلا بالاخت عواطف والله انا عضو جديد وحبيت ارحب بيكي عشان ماتزعلي والزعل مرفوض في هذا الموقع والرائي مقبول0

[HAMADTO]

بسم الله الرحمن الرحيم

مرحبا بك يا عواطف في المنتديات

نتمنى لك المتعة والفائدة بين اقسام المنتدى

وفي انتظار مساهماتك .....

http://a3rak.jeeran.com/2036-1066580952.gif