ضيف الكرسي لهذا الاسبوع

[امير عبدالباقي]

الاخوه الحبائب الاعضاء
اليوم يوم جديد تستضيف في الكرسي الساخن احد ابناء المنتدي النشطاء صاحب مشاركات جميله وروحه مرحه ويحب التعارف علي ابناء المنتدي لعشقه وحبه القوي لهذا الصرح الشامخ
وجه من الدماء الحاره وشباب المنتدي الذي يعول عليه المنتدي بمشاركاته القويه
رحبو معي بالعضو صاحب الظل الخفيف وائل
يلا ياولي البطاقه الشخصيه

[welly]

مشكور يا أخ امير على هذا الركن الجميل والذى يربط بين جميع ابناء المنتدى
ويجعلهم يدا واحده لكى يقدموا ولو القليل لهذه المدينة المعطاة

أخوكم
وائل عبدالرحمن عباس
مدينة ودمدنى ــ القسم الأول
الميـــــلاد : 1980
المرحلة الابتدائية : الانجيلية
المرحلة المتوسط : الاميرية
المرحلة الثانوية : السنــى
جامعة الجزيرة ــ كلية العلوم الرياضية
بكالريوس علوم حاسوب
مقيم فى ابوظبى

[عشوشه]

الاخ ويلى مشرف الكرسى الساخن وان شاء الله ما يكون ساااااااخن عليك
من البدايه ما كملت التعريف
البطاقه ناقصه
كمل ونواصل

[welly]

ok

[أبوريلان]

الإبن وائل

سلالالالالالالالامااااااااااااااات

لك كل التحايا وأنت تجلس على الكرسى للرد على أسئلة الأخوة والأخوات أعضاء المنتدى وسعيدين بوجودك مع أمنياتى لك بقضاء أسبوعين حلوين وان يكون الكرسى بردا وسلاما عليك ، بعد أن تكمل لعشوشه باقى البطاقة !!

ماهو مجال العمل فى أبو ظبى ؟

أنت خريج جديد ومغترب فى أولى سنوات الإغتراب ماهو شعورك وأنت خارج وطنك لأول مرة ؟

السودان يخطو نحو مستقبل مشرق بإذن الله والطيور المهاجره فى رحلة العودة لأرض الوطن ما هى إنطباعاتك عن مستقبل السودان بالنسبة للمغتربين ؟

نواصل

مع شكرى وتقديرى لشخصك

[welly]

الأخ myrelan
لك كل التحايا والاجلال , واشكرك على هذه المقدمه الجميله

اما عن مجال عملى فاننى بدات اولا فى شركة برمجيات ( netwoak section) ثم بعد ذلك انتقلت الى سوق ابوظبى للاوراق الماليه ( الاسهم والبورصة )وهى كانت من احلام الصغر .

بالنسبه للاغتراب فحدث ولا حرج انا كنت مفتكرو حاجه ساهله لكن والله الواحد ما قادر عديل كده ، زمان كنت بسافر الخرطوم وبكون مشتاق بتين اصل مدنى فما بالك الآن،يعنى لو قلت ليك مشتاق اكون كدبته عليك لأنو الشوق حاجه بسيطه على الشـــئ اللى انا حاســـيه ،بتمر علينا لحظات الواحد ما اقدر افسرها كيف وبرغم انو البلد حلوة وجميلة وفيها كل سبل المتعة لكن الواحد بحس فى حاجه ناقصة.
وفى النهاية بطلب من ربنا اوفقنا واوفق جميع الطيور المهاجره فى غربتهم واردهم سالمين وغانمين انشاءالله .

اما بالنسبه لمستقبل السودان فهو انشاءالله مشرق وبنتفائل خير رغم الظروف الراهنة ولكن نرجو من الله عز وجلاله ان يكتمل السلام ويعم جميع الاطراف ،لأننا باتحادنا هذا نكون يدآ واحدة .

بس عندى وجهة نظر ارجو ان تنظر ببعض الاهتمام وهو انى لاحظته ان ابناء المغتربين بالخارج لا يعرفون اى شـــــئ عن وطنهم السودان بل ان الواحد فيهم يخجل اقول انا سودانى وتجد طبائعهم وتقاليدهم مختلفه فارجو من الاباء بعض الاهتمام ...

وانا فى انتظار ارائكم .. واسئلتكم ..

[نيازى كشك]

الغالى والعزيز وائل
لك تحية حارة واشواق لا حد لها
كلما دخلت الى هذاء المنتدى ورايتك متواجد
ترجعنى الزكريات الى الماضى
وتهفو نفسى وتقول لو نلتقى

واتمنى ان يكون جلوسك على الكرسى هادى الملامح


الزكريات بين ود ازرق 000 وفريق البحيرية000 والقسم الاول0000

وحى المدنين ونادى الشاطى

انا عايزك تعصر مخك وتطلع لى اطرف موقف مر بيك

وما تقول خلاص دة حد الاسئلة
كل يوم انا وراك
بسؤال لمن تقرب تبكى بخليك

[امير عبدالباقي]

الاخ وائل
مرحب بيك وانت في الكرسي البارد حتي الان عندي بعض الاسئله البسيطه البارده
1/ بما انك درست في الانجيليه ماهو الفرق في الدراسه في الانجليه والمدارس العامه مثل الشرقيه والبندر ؟ وهل يوجد اختلاف في المناهج بينها؟
2/اذكر لنا متي واين كان الاغتراب ؟ وكيف كان شعورك وانت تغادر ارض الوطن؟
3/ كيف تعرفت علي منتدي مدني ؟ ومارائك فيه؟
4/ ماذا جنيت من المنتدي ؟ وماهي الاضافه التي استفتها منه؟
5/ بما انك تسكن قريب من النيل ماذا يعني لك؟
6/ تحدث لنا عن بعض الاعضاء من المنتدي لااذكر لك اسماء اخليها من اختيارك انت
ولنا لقاء اخر من الاسئله

[الزبير محمد عبدالفضيل]

بسم الله الرحمن الرحيم

السلام عليكم ورحمة الله وبركاته



عزيزي الاخ وائل نبارك لك الجلوس علي عرش الكرسي الميمون


ونسال الله ان يكون عليك بردا وسلاما


1---- بماذا استفدت من منتدي ودمدني ؟

2---- كيف تقيم وضع السودان الاقتصادي في الفتره الحاليه ؟

3 ---- اعيد لنا الماضي بذكر 3 شخصيات مرحه ومشهوره في مدني


4 ---- الكل يقول ودمدني أجمل المدن أذكر اجمل شيء في المدينه



واكتفي بهذه الاسئله ونطلب لك التوفيق والسداد سيد وائل

[welly]

الحبيب الغالى نيــــــــــازى
لو قلت ليك مشتاق ليك دى حاجه بسيطه لأن كمية الشوق اللى عندى زادت عن حدها وأولدت مشاعر جديده لا اعرف كيف اوصفها او اكتبها لك .
طبعا انت رجعتنى لذكريات عمرو الواحد ما ينساها ، ايام نتمنى ان تعاد ولو كالطيف ،
ايام لها طابع خاص فى نفوسنا .
اطرف موقف مر بى يا اخ نيازى رحلتنا مع فريق براعم البحرية الى مدينة كسلا ، طبعا دى كانت اول رحلة لى خارج مدينة ودمدنى ، الواحد كان فرحان انو حيلعب بره مدنى واول ما وصلنا كسلا انضربت فى الركبه وانا نازل من البص فالمتنى ألم شديد حتى اننى لم استطع ان اجر رجلى ، فاصبحت امشى على عكازة طول الفترة اللى قعدناها فى كسلا ، فكلما نلعب مباراة تلقانى قاعد بره وبضحك على نفسى ، لحدى ما رجعنا مدنى وانا بضحك .


وفى موقف تانى يا نيازى ياريت
تضرب لى تلفون عشان اذكرك
ليو لانو انا كلما اضرب اجينى
جرس من غير ما حد ارد .. ok

[welly]

شنو يا امير كترتها عدييييييل كده .. لكن مافى مشكله

1ــ لا يوجد اختلاف يذكر سوى انها مختلطه ، ويدرس فيها الانجليزى من الصف الاول
2ــ قبل سنة بالضبط وفى ابوظبى ، وشعورى عادى لانى جربته من قبل
3ــ تعرفت على المنتدى بالصدفه وانا اتابع اخبار ودمدنى الرياضية من خلال موقع
ودمدنى الرئيسى ، طبعا انا تابعت منتديات كثيرة ولكنها لم تشدنى مثل منتدى ودمدنى الاكثر من رائع ، لاننى احس فيه كاننى بين اهلى واصدقائى .
4ــ تعرفت الى كمية هائله من الاصدقاء.
5ــ صفاء النفس ويرد الروح ، ده انا كل ما اكون مضايق تلقانى على طول جالس فيه
وبمجرد جلوسى انسى الضيق اللى كنت فيه .
6ــ جميع الاعضاء الذين تعرفت عليهم اصبحوا الان اصدقاء وتعجز الكلمات عن
وصفهم

[القناص فوزي]

الأخ ////////////// وائل

أتمنى عودتك لديارك وأنت سالم وغانم

وأذكر لك بأن الحياة تريد منا الصبر والكفاح

والله يوفقك في غربتك .

ووصيتي لك

أحفظ الله يحفظك

أخوك
القناص

[غابةالابنوس]

وين الصورة ؟؟

[welly]

الاخ السفير شكرا ليك وربنا اوفق الجميع انشاءالله
وبالنسبة لاسئلتك :
1 ــ بالاضافة للكمية الهائلة من الاصدقاء ، وتنمية العلاقات معهم ، الواحد بقى
اعرف اخبار مدنى اول باول ، والتعرف على تاريخ ودمدنى القديم
وشخصياتها
2 ــ وضع السودان الاقتصادى متدنى لدرجة انو كل الشباب اصبحو يفكرو فى
الهجرة المهم الواحد اتخارج وده كلو بسبب تدنى الوضع الاقتصادى .
ولكن الان بدأ الوضع فى التحسن بعض الشئ وانشاءالله يستمر فى تقدمه
حتى نكون من اكبر الدول الاقتصادية .
3 ــ منالشخصيات المرحة :
أـ ذراع : وهو من الشخصيات المرحة فى ودمدنى ، تجده دائما مبتسم
وبتاع نكت ، ما اشوفك الا واطلع فيك نكته .
ب ـ حيدر قطامه : لا اعرف لم سمى قطيما ، مع انه كان حبوب جدا ، ويحب
الاطفال بصورة ما عادية ، وقد كان مفتول العضلات
وكلما رأوه الاطفال يطلبون منه ان يرقص لهم صدره
ويبدو ان العين اصابته فقد تعرض لحادث سيارة
فقد على اثرها احدى يديه نسأل الله له العافية .
4 ــ ودمدنى كلها على بعضها جميلة , اجمل شئ فى وجهة نظرى هو الهدؤء

[welly]

عزيزى
القناص فوزى

لك كل التحايا والاشواق
واتمنى لكم جميعا التفوق
والنجاح فى حياتكم العلمية والعملية

ومشكوووووووووووووووووووووووووور
على الوصية
تسلم

[welly]

الا خ
غابة الابنوس
لك التحية

وبسألك
انت بتسال عن اى صورة ؟؟

[الزمن المريح]

الاخ العزيز ابو اللول

برد و سلام عليك الكرسى ،،
سعدت جدا بانك فى ابوظبى ،، (الامارات)

ما هو الشى الذى تراه جيد فى المنتدى ،،
و ماهو الشى الذى تتمنى ان يجد اهتمام اكبر من اعضاء المنتدى ،،

هل هناك اى علاقة بين ابوظبى و مدنى من ناحية العلاقات و الجو العام

ما ريك فى فكرة الكرسى الساخن ،،

ما هو اجمل موضوع قرأته فى المنتدى حتى الان ،، و من من المشرفين تعتقد انه مثالى فى الاداء ،،

ما هو اجمل موضوع شاركت به فى المنتدى حسب اعتقادك ،،

هل زرت اى امارة اخرى فى الامارات غير ابوظبى

اخيرا لك منى كل الود وأتمنى ان نراك قريبا ،،

[nasirib]

لك الود اخي ولا ابني وائل
اولا ربنا يرحم اخونا وصديقنا حيدر قطامة توفي قبل شهور
كلمات منك لــــــــ :-
1/ مدني
2/ القسم الاول
3/ للمنتدي
لك الامنيات بالتوفيق

[welly]

الاخ الفاضل جمال

1 ــ الترابط الاخوى بين جميع الاعضاء .
2 ــ ان يكونوا دائما على اتصال وان لا تتوقف مسيرة المنتدى انشاءالله .
3 ــ من هذه الناحية بالذات يا اخ جمال اصبت باحباط شديد ، فالعلاقات هنا مختلفه
تماما عن السودان ، الكل هنا غالبا ما تجده مشغول وظروف الشغل زاحماه .
4 ــ الفكرة جميلة ، لكن الاسئلة كتيرة .
5 ــ أجمل موضوع قراته ( ودمدنى ترفع شارة الحب ) لكاتبه حمدتو ، وصدقنى لو قلت
ليك ان جميع المشرفين ادائهم رائع جدا ونرجو لهم التوفيق .
6 ــ بالنسبه لاجمل موضوع شاركت به الاختيار لكم انتم .
7 ــ كلها تقريبا ما عدا ام القوين .

ومشكور يا اخ جمال مع انك سخنته بينا لكن مافى مشكله ، ونتمنى ان نراك قريبا انشاءالله .


مع تحياتى

[غابةالابنوس]

سلام بني وائل واسف في تاخري على الرد اخي الفاضل انا قد قصدت صورتك الشخصية ان وجدت ولك ودي بني

[الزبير محمد عبدالفضيل]

الاخ ويللي لك مني التحايا والود واشكرك علي الرد وازيدك معلومه بان الاخ /


حيدر قطامه انتقل الي رحمة الله من عدة شهور


ربي زدني علما

[welly]

مشكور اخى السفير علي التوضيح

وربنا ارحموا واجعل الجنة مثواه

[welly]

الاخ الفاضل nasirib

مــــــد نــــــــــي : الحضارة والتاريخ

القســـــــم الاول: الذكريات


المنتـــــــــدي : نتمني له مزيد من التقدم والنجاح ، وهذا ياتي بفضلكم جميعا
لذا ارجو ان لا تنقطع مسيرة هذا المنتدي وان يكون الجميع
علي اتصال وتعاون وترابط فيما بينهم .


مهما كتبت او قلت فلن اوفي مد نـــى حقها كاملا

ارجو ان اكون قد وفقت

ولك الشكر اخي نسريــــــــــب

[التيمان]

ولى العسل


ربنا يعينك والله

مع الناس دى


وخلينا نشوفك

تحياتى

التيمان

[نزار حسن محمد]

الاخ وائل مرحب حبابك فى الكرسى واليوم السعيد الليله جابك ...

طيب بما انك شغال فى مجال الاسهم .. قبل فتره قريبه بدات الاسهم تظهر فى بلدنا دايرك تشرح للجميع ماذا تعنى الاسهم .. وماذا يعنى الاكتتاب ... ومامدى نجاح التجربه السودانيه فى مجال الاسهم واخير ..وهذا سؤال اختيارى هل الاسهم حلال ام حرام .. مع تحياتى اخوك ودحسن