قالت ليه انا بعتبرك زي اخوى

[ابراهيم]

أي واحد فينا سوى كان بنت أول ولد اكيد كان في يوم من الايام اعجبت ليك لشخص معين وهو كمان اعجب بيك .. وتطور هذا الاعجاب الى حبhttp://www.hdrmut.net/vb/images/smilies/0043.gif انتهى بالزواج او نسأل الله السلامة بالشاكوشhttp://www.hdrmut.net/vb/images/smilies/5011.gif

نحن كمجتمع شرقي كما يقولون في الغالب بنكتم مشاعرنا وبنتردد في البوح بيها يمكن السبب خوف من الانكسار والهزيمة .. او انو الطرف التاني ما حاسي نفس الاحساس او يمكن يكون كبرياء يمنعنا من اظهار اعجابنا ومصارحة الاخرين به .. وناس الكبرياء ديل خصوصاً دائماً بكون هم المعذبون في الارض وفي اكثر الاحيان مصيرهم يحبو ويحبو في حنانهم لغاية ما يخطفوها او يخطفوه منو/منها ويعيشو الحسرة والندم ..

وفي نوع تاني ناس دبلوماسيين وديل منتشرين بالكوم ناس التلميحات ما بحبو المخاطرة وما بفكو آخرهم بالساهل للطرف التاني ودي عند البنات اكتر حاجة تكون مكسرة فيك لكن ما توريك لو ما كشفت اوراقك كلهاhttp://www.hdrmut.net/vb/images/smilies/0555515.gif

طيب

افرض انك معجب بواحدة وبتحبها ولمحت ليها اكتر من مرة بس هي عاملة (اضان الحامل طرشة) وحالفة يمين بالله ما تفهم .. http://www.hdrmut.net/vb/images/smilies/050103gig_prv.gif

تسوي شنووووووووووو؟
هل بتغامر وتكشف كل اوراقك؟؟

ام انك تفضل متابعة التلميح واحتمال انها تفهمك قبل ما تغامر ؟؟

ولا بتطفش .. وتخلي ما بالقلب بالقلب.. وتقفل على الموضوع ؟؟

في واحد اخونا كدة ومافى داعي لذكر الاسامي لانو قالو السترة والفضيحة متباريات المهم الراجل كان بحب واحدة موت وكل يوم بالليل يقول لي بكره بصارحها واليحصل يحصل والصباح يبقى مسكين ومما يشوفا تدخل فيه الرجفة ينسى حتى اسمو ومرت الايام شهر ورا شهر ورا شهر لغاية ما تم سنتين حتى بعد كدة صاحبنا اتشجع وكشح مشاعرو ...

وجات الفضيحه

قالت ليهو انا بعتبرك زي أخوى


وانتهت القصه

وصاحبنا النفسات الدخلت فيه لغاية حسي ما مرقت
http://www.hdrmut.net/vb/images/smilies/IC58.gif

[صالح ابوشوارب]

يا ابرهومة كيفك يا حبيب

غايتو اذا التلميح ما نفع أأشر بالمنديل هههههههه

وبعدين اذا المنديل ما نفع اخت اصبعي (( السبابة ))

في خدي ومرات امسح شعري كأنى بسلم وأسرق النظرات

لا كن مما ممكن امد قرعتي واقول بحبك لان التقل صنعة

[ابراهيم]

الحبيب ابو شوارب

لكن لقيتك خترى

عليك الله فضلت شنو حركاتك دي اخير منها تمد قرعتك بالواضح

انت عايز تفك آخرك كيف اكتر من كدة ههههههههههههههه

لك التحايا التقدير

[امير عبدالباقي]

ابراهومه حبيبي
والله كلامك في الصميم لكن انت عارف الواحد او الواحده اذا كاتمه شعور زي ده بتلقاه في شي ظاهر فيه في تعامله ناحيه الشخص البحبو بختلف عن الناس التانيه يعني كاشي منو او بتودد ليه مستني الطرف التاني يلمح او يديه الضو الاخضر
لكن المشكله في الناس الحبو بعض وادوهم شاكوش وجي واحد يخطفه منك بالاغراءات في الحاله دي تعمل شنو؟

[aborawan]

والله يا ابراهومة على كلام ابوشوارب التقل صنة والزمن ده الانكشاح ما حبابو بعدين انتا عارف احسن تخليك دائما انتا التقيل ولمح وطنش عشان االجكسوية راسا يضرب براها بتجي تصارحك :D:D

اما عن المسكين صاحبنا ده والله حالتو تشفق هسه من زمان كان حسم الحكاية وختاها ليها طوالي ما كان اخير ليه من العذاب الهو فيه هسه ده

[أبوريلان]

والله يا أبراهومه أنا بشوف الشخص المشوكش دا أنت زاتك ، بس عامل أضان الحامل طرشه ، ما تخاف فك لينا آخرك , وبعدين زى ما قال أبو شوارب والفنان صديق الكحلاوى الله يرحمه التقل صنعه ، فعلا التقله صنعه فى كل شىء تجيك مقشره ، بس مافى صبر يبل الأبرى . بس بقول ليك والله مشتااااااااااااااااااااااااقين شديد وينك وين أيامك أنا فعلا مختفى بظروف العمل لكن شوق أبعاد لكى تحياتى وتقديرى .

[الزمن المريح]

ابراهومة ،، معليش يا اخوى عارفك مقطها فى قلبك ،،
لكن التقل صنعة دية احتمال ما طوالى تلفق ،،،
عموما انا اتفق مع الاخ myrelan فى رده

و معليس ابراهومة تعيش و تأخذ غيرها ......

[ابراهيم]

والله يا امير ما عارف لكن .. الناس مفروض تكون واضحة تقعد تلمح لغاية ما تقعد تلقط في الحجار احسن شي تحسم امورك سريع سريع بدل ما تقعد تلمح بعدين في بنات غتيتات يكونو عارفنك مكسر وزيتك طالع ويكونو متكيفييييين وانت المسكين بتاع التلميح بعد شوية تلحق امات طه عشان كدة الناس تنجز سريع احسن

[ابراهيم]

يا ابو روان التقلة دي ما طوالي في حالات .. وبعدين كلو محسوب عليك وما معني انك فكيت آخرك يعني خفة .. اها قول طنشتها وما جاتك تاني يا ابو روان بتعمل شنو؟

[ابراهيم]

ياسر والله شوقنا اكتر من ابعاد حسي يجي امير يقول لي بتاع بكش .. فاقدنك والله انشاء الله ظروف العمل تتصلح معانا وتسمح لينا بيك شوية ..
الزول دة ما انا يا اخوي هو راجل صحبي لكن لو استمر الاتهام بفضحو زي الماف حاجة بعدين يا ابو اليا انا زول رهيف ولو اخدت شاكوش بالطريقة دي كان لحقت امات طه انا اخدت شاكوش ما ناكر لكن بطريقة دبلوماسية ممرحلة ....

[ابراهيم]

الزمن المريح .. وينك يا راجل والله ليك وحشة كميات انا كان عارف الموضوع دة بجيبك كان كتبتو من زمان ..
اما بالنسبة لموضوعنا وزي ما قلت التقلة دي ما بتلفق طوالي .. ما عارف التقلة القايمة عليكم شنو ... صنعة شنو يا اخوانا صلو على النبي وختو الكورة في الواطة .. الرسول (صلى الله عليه وسلم) وصانا بالقوارير, فأرجوكم رفقا بالقوارير!. انا بختلف معاكم في قصة التقلة دي يعني في اساليب تانية جميلة وجذابة اكتر من التقلة

[ابراهيم]

في الليلة ديك القصة ذاتها بقت عليك
يا عبدو وأدوك الشريط
يوم قولنا ليك أنضم معاها وكلّما
أبيت تسمع كلامنا وبقيت لميض
وقلته أحسن أكون تقيل أنا ما جميل
وبقيت تقيل لامن سقوك موية الغسيل
وجيت تنطط زي زمان وتباري بقعور الشجر
كايس كراسي الخيزران ..
وقعدته يا زينة الرجال.. كهربجي قال
رفعوا الستار والبت تجي ومرات تقيف
ومعاها يا زول ولداً حريف
والوقفة كانت وقفة ولف
صاحبنا بالاحساس عرف
سألته والناس كلّموك
ووقعته في شارع الزلط
تبكي وتجعّر والعيون اتورّمت
ويد القميص ضهر القميص كم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت دايرين ننوم
يا أخوانّا لأ أنا عايز أموت أقع البحر
يا عبدو عيب
الدنيا حر .. والموية بتسخّن عليك
ثلاثة ساعات زولنا يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
في علاقة بين يوم السبت وعين الحسود؟!
ومقارنات بين الجهل والجمال!!
وسوء الإختيار
قال شينة قال ...!
قال شينة قلنا كلام صحيح
وخطيبها زاتو ولد قبيح
بس ياخي قوم الواطة صبحت دايرين ننوم
قام تاني جاب سيرة البحر
وقام تاني جاب سيرة البحر

.................................................. .....
اها ياجماعة نبقى في حالة عبدو دي
حالة صعبة

[نيازى كشك]

واللة انا الكلام عن الشواكيش بخاف منو
وكسر الخاطر حار جد

بس القصيدة دى عجبتنى شديد

مع اشواقى اخى ابراهيم

[خالد هاشم علي]

الغالي برهوتة...
موضوعك والله زي العسل وعجبني شديد وماتسمع كلام صالح وابوروان... وعليك الله اسال ابو روان قول ليهو انت لمن جيت تكب الحنان للمدام كنت تقيل؟؟؟ وعملت فيها الولد راسي خالص؟؟؟ والله رقد القش وبكا ليها بكي صاح..
انا رائي انك تبكي بكي صاح وترقد القش وتوريها انو حياتك من دونها عدم وتتجرس ليها رسمي وشعبي... وصدقني ماعيب.. وماتقعد تستني المبادرة منها لانو احتمال ضعييييييييييييييييييييييييييييييف انها تبادر ليك.
بخصوص صاحبك اللي قالوا ليهو انت زي اخوي فدي نتيجة طبيعية لانو وضع نفسه في القالب الأخوي وخلي البت تاخد عليهو علي اساس انو هو اخو او صديق .. لكن احتمال كبير لو كان اتشجع من البداية كان حسم الموضوع.
القصيدة الرائعة التي ذكرتها هي للأستاذ الرائع عبد الدافع الخطيب ونعتز جدا ان يكون من مدينتنا الحبيبة ود مدني وهي تحكي عن قصة حقيقية لاحد زملاء الشاعر وقد احسن فيها تصوير الحالة.. مشكور كتير علي القصيدة.
وزي ماقلت ليك ماتضيع الفرصة لانها مابتجي مرتين.. والدنيا مليانة بي ناس زيك واحسن منك عشان كده استثمر الفرصة عشان ماتقعد في نص الزلط ويقولوا ليك يابرهوتة عيب الدنيا حر..

نصيحة..
ارقد القش

[التيمان]

والله الزمن ده بقى فى حاجه اسمها الحنك حنك سنين بتاكل عيش مع الشفوت


تحنك اول يوم تانى يوم تمرق معاها

تلاقى صحبتها تخلى الاولى تمسك صحبتها

رسايل تلفونات وكده

وبالطريقه دى اتعلموا

هع هع هع هع هع هع هع هع هع هع هع هع هع

[ابراهيم]

العزيز الغالي نيازي

لك التحيات وشوقنا ما ليه حدود

بيني وبينك كلام الشواكيش كسر الخاطر صعب ما حبابو

لكن كمان كبت المشاعر السمحة تجاه الناس جميل جداً وبكون دعوة للمحبة اكتر من اي حاجة تانية

لك التحية والتقدير

[ابراهيم]

الغالي ابو هاشم تحيات طيبات

ابو شوارب وابوروان ديل عايزين يضيعوا الشباب انا غياتو الزول البحبو بقولا ليه وماليش دعوة بعد اليحصل يحصل ... شكراً ابو الخلد علي المعلومات بتاعة شاعر القصيدة ما كنت فاكرو من مدني ...


وزي ماقلت ليك ماتضيع الفرصة لانها مابتجي مرتين.. والدنيا مليانة بي ناس زيك واحسن منك عشان كده استثمر الفرصة عشان ماتقعد في نص الزلط ويقولوا ليك يابرهوتة عيب الدنيا حر..


يا ابو هاشم اخوك موضوعو منتهي من زمان (على وزن من جديد) هههههههههه والموضوع دة جبت بس عشان نعرف استطلاع الراي العام في نصارح ولا نتكتم انا من رايي الانكشاح زي ما قلت ولا قاعد اتلفت ... لا بقعد في نص الزلط ولا بجيب سيرة البحر ..

لك تحياتي

[ابراهيم]

التيمان ازيكم وكان واحد ازيك

حنك شنو واتني شنو وتلاتة شنو

انتو ولا انت قصدك شنو

انت ولا انتو يمكن قاصدين بوست تاني

كدة راجع راجعو كلامكم دة


تحنك اول يوم تانى يوم تمرق معاها

تلاقى صحبتها تخلى الاولى تمسك صحبتها

الكلام دة عيب عليك عليكم .. المنتدى ليهو احترامو برضو الرجاء الرد بذوق واحترام في المواضيع ...

تحياتي وتقديري لكما او لك

[عماد الصادق]

تلش .. وأبوهاشم عذراً ... زحو لي

غاب أبو ضنب ولعب أبوشنب (ولاّ شنبين ما عارفين)..
يعني الواحد ما يصدق .. هذه الردود المرتدة.. والتعليقات
التي لا لون لها ولا رائحة..

ما عيب بالله والبلد بتحتفل بالسلام .. وعهد جديد .. وأمل
وحب وأخاء ووفاء ..

هسه التيمان ديل لو عاوزين نشتكي نقول منو.. ؟؟
ولاّ شبهينا واتلاقينا!!!

مع التحية

[عشوشه]

برقوم مشكرو على الموضوع بالجد جميل
انا عارفه الحاجات دى بتغيظك بس ماشى شويه حركات من الصباح ما بتضر

المهم انا بشوف البنت مننا المفروض تكون صنديده وتقطعوا فى حشاها عشان ما تبقى كمان اخر عمرها خفيفه ولفيفه وبعدين الاولاد ديل يستاهلوا يعمولوا ليهم فيها اضان الحامل طرشه عشان الواحد الواحد ما تانى ما يفكر يعمل فيها انو تقليه.

[الزبير محمد عبدالفضيل]

ابراهومة ،، معليش يا اخوى عارفك مقطها فى قلبك ،،
لكن التقل صنعة دية احتمال ما طوالى تلفق ،،،
عموما انا اتفق مع الاخ myrelan فى رده

و معليس ابراهومة تعيش و تأخذ غيرها ......

[ابراهيم]

اختنا عشوشة .. كيفنك انشاء الله طيبة

انتو بس اقطعوا في حشاكم خليكم في الصنددة

بس اوع تجيبو سيرة البحر زي اخونا عبدو

على فكرة التقلية دي واحدة من اكبر المشاكل العاطفية البتواجه بعض الشباب والشابات وبالتالي بتبقى احد الاسباب الغير مباشرة في مشكلة عدم الزواج وتفشي العزاب من الجنسين عشان كدة البعمل اضان الحامل طرشة up to him طيب ليه ما نساهم في حل مشكلة اجتماعية ؟

[التيمان]

يا شباب اعملو اضان جلد عزبو اللقو واعملوا رايحين لمن اتكلمو معاكم



عشان مايقولو ليكم

انظر الصوره

[التيمان]

يا شباب ما قصدنا حاجه والله ما تفهمونا غلط

[سمسم]

ابراهيم كلامك جميل جدا وبشير الى انك قد

تكون تعرضته لى حادث مرزبه موثر معاك حتى الان

ولو احتجته طبيب انا موجود

[ابراهيم]

يا سمسم صباح الفل ..

انت وين من زمان ياخ

دايماً بتجي في الزمن بدل الضايع

هو في الحقيقة انا ما اتعرضت للحادث
الحادث هو الاتعرض لي:)