سلام

[المخلص]

ناس مدني سلام واشواق منهمرة كالمطر وممتدة كالبحر
ارجوا اولا الاذن بالدخول الي منتداكم العامر وامل ان اكون ضيف خفيف الظل..
ولا ابالغ اذا قلت ليكم انا بعشق مدينة ودمدني وليها في نفسي هوي ومكانة خاصة رغم اني ما شفتها حتي الان ولكن زاملت كثير من ابناء وبنات ودمدني في الدراسة والعمل خاصة في مصر الزقازيق واود ان احي عبركم الاخ الصديق تاج السر ابو قرجة وعبره التحايا الي جميع الاخوة والاخوات..ودمتم.

[aborawan]

والله نحنا بنرحب تراحيب بعدد ذرات الرمال المتناثرة في الصحاري وكل h2o من بحار ومحيطات الدنيا وابقى داخل لي جوه
بس عندي عتب عليك
ارجوا اولا الاذن بالدخول الي منتداكم دي ما ليها داعي لانو شعارنا هنا حبااااااااااااااااااااابك عشرة بلا كشره سمعتها ولا اعلي صوتي اكتر من كده :D :D :D :D

[HAMADTO]

بسم الله الرحمن الرحيم

مرحبا بك يا المخلص في المنتديات ونتمنى لك المتعة والفائدة ...... وننتظر مساهماتك .........

وزي ما قال ليك ابوروان الدار دارك بلا استأذان ........


http://a3rak.jeeran.com/4.gif

[المخلص]

الاحباب الاعزاء والله ياها المحرية فيكم اهل كرم واهل شهامة وعشان كدا الواحد كل ما يلاقي زول من مدني يحبها اكتر..
ولي عظيم الشرف ان اكون واحد منكم وعضو في منتداكم الرائع حيث الكلمة الطيبة والاراء الهادفة هذا النتدي الهادي هدوء مدني والطيب طيب نسيمها واريجها الفواح ..
الاخوة ابوروان ..حمدتو ...لكم الود انبله ولكم التحايا اعذبها والي مزيدا من الابداع..ودمتم

[114]

أهلا بالمخلص واخلاصه، ومرحب حبابك، وحللت اهلا ونزلت سهلا، وفي انتظار مشاركاتك

[المخلص]

اشكرك اخي المبدع 114
ولك التحايا اعذبها واروعها بروعة كلماتك الطيبات ودمتم