عيد الحب وما أدراك ما ...............Valentine

[ابراهيم]

سلام يا اهلنا الطيبين ... ونسأل الله ايامنا كلها تكون اعياد

بدياة مما قمنا عرفنا تلاتة اعياد اساسية

عيد الاضحى

عيد الفطر

عيد المولد النبوي الشريف

ودي احتفالات دينية ليها قدسيتها وطقوسها المعترف بيها

وعندنا الاحتفالات برأس السنة الميلادية والهجرية

وجاتنا اعياد جات تانية حتمتها لينا الظروف زي

عيد الاستقلال ... عيد الثورة ..

بعد شوية ظهرت اعياد تانية

لكن في ثورة العولمة وتقدم العصر ظهرت اعياد جديدة

عيد الشجرة , عيد الام ،..ووووو

وما يهمنا هنا عيد الحب valentine ... الذي يقام في يوم 14 من فبراير في كل سنة والعيد عبارة عن أجواء يملؤها القلوب الحمراء المهشمة والأسهم الخارجة منها والدببة ... وتبادل الهدايا .. ولبس اللون الأحمر الكامل تحلف تقول نادي المريخ ..

واللفت نظري للموضوع دة بس شفت عيد الحب هنا عندنا في القاهرة قلب أحمر كبيييييييييير خاتينو في وسط الطريق ومحل تتلفت بتلقى قلب احمر والعجب البنات اللبس احمر المكياج احمر ..

بس أنا عايز اسال الناس هنا ماذا يمثل لكم عيد Valentine .. وهل حصل لبستو اللون الاحمر ... وهل عيد الحب دة في ليه لزوم يعني لازم يكون في عيد حب والدنيا كلها تبقى حمراء .... ولا الفهم شنو .. دلونا الى النور؟

تحياتي
وتقديري

[امير عبدالباقي]

اخوي ابراهومه
دي خزعبلات ساي ناس فاضيه ماعندها موضوع من جد عيد حب شنو عليك الله الحب في الزمن ده بقي لعبه بين الشباب
الحب احساس دفين في القلب وشعور جبار جارف وهو انبل العواطف الجياشه التي خلقها الله ووضعها في مخلوقاته يارب يدوم الحب بين جميع الاعضاء
احمر قال والله كلام

[نيازى كشك]

ههههههههههههههههههههههههههههههها
واللة لو سالت الناس الابسة احمر ومحتفلين
عن معنى كلمة الحب تلقاهم مش عارفين
حاجة

واللة انا عاوز اعرف من اين اتت فكرة
عيد الحب دة

[ابراهيم]

الغريبة الشباب مقتنعين ومعيدين

كبار وصغار

قالوا واحدة فسخت الخطوبة عشان في الفالينتاين

خطيبها ما جاب ليها هدية

عجايب

[نيازى كشك]

هههههههههههههههههههههههههههههههاهههههههههههههههههه ههههها

واللة عجايب

[خالد هاشم علي]

الغالي برهوته...
تحياتي...
والله أحييك علي التناول الجيد للمواضيع والعادات الدخيلة علي مجتمعنا..
بخصوص عيد الحب فمعظم المهتمين به إن لم يكن كلهم هو الجنس الناعم والرجال بيكملوا الموضوع يعني بيعملوا فيها متابعين وحاسين بي عظمة المناسبة مع إنهم ماجايبين ليه خبر...
حصلت لي قصة لطيفة زمان وانا في أيام الحبحبة والتجكس مع المدام... كانت مع إحدي قريباتها وجيت أزورها ومعاي إبن أختي إسمو ياسر .. وياسر ده زول نكته وساخر شديد..
المهم دقينا الباب فتحت لينا بت من ناس البيت ( من قريباتهم) وأدتني ليك وردة حمراء وأدت ياسر وردة حمراء .. قمنا قلنا لينا :ياسلااااااااااااام عليك مشكوووووووووورة شديد..
قامت قالت لي الوردة الحمراء دي عشان الليلة الفلنتاين؟؟؟؟
طبعا انا وياسر مافهمنا أي حاجة.. ياربي الفلنتاين ده شنو؟؟؟ البت دي مجنونة ولا شنو؟؟.
ماحبينا نوريها إننا مسطحين وعملنا نفسنا ناقشين وقلنا ليها ياسلام بالله الليلة الفلنتاين؟؟؟؟.
وماعرفنا نقول شنو ؟؟ نقول مبروك ولا حمدلله علي السلامة ولا إنشاء البركة فيكم؟؟؟ المهم لقينا روحنا مسطحين خالص؟؟؟
قامت البت قالت لي هاك الوردة دي أديها لي (ام هاشم ) .... ومشت تنادي لينا ام هاشم .. قمت قعدت اعاين لي ياسر قلت ليهو ياولدي الفلنتاين ده شنو؟؟؟ قال لي والله ماعارفه لكن شكلوا كده يكون عيد الفلاح لأني سمعت بأنه عيد الفلاح قرب...
ونحن في مناقشتنا ديك دخلت ليك علينا أم هاشم ومعاها صاحباتها... قام أخوكم وقف علي حيله وبكل ثقة ومديت ليك الوردة الحمراء لي أم هاشم...
والله الولية دي فرحت جنس فرح وصاحباتها فرحن وقربن يزغردن...
قالت لي ياسلااااااااااااااام بالله إنت عارف الليلة الفلنتاين... قلت ليها الله كيييييييييييييييييييف.
خليت ليك صاحباتها قبلن مني كده.. وقلت ليها: يابت الناس الفلنتاين ده شنو؟؟؟ والله أنا لا عارفو ولا سمعت بيهو.. وقريبتك دي أدتني الوردة وقالت لي اديكي ليها...

[ابراهيم]

والله يا ابو هاشم دة موقف صعب لكن انت بقيت اصعب منو

لكن صحبك ياسر كان داير يوقعك بس الله ستر هههههههههههههههههههه

قال عيد الفلاح قال ... غايتو لو كان جبت سيرة الفلاح دي للمدام كان لحقت امات طه ههههههههه

طبعاً العبد لله ثقافتو الفالانتاينية ضحلة وموقفك دة كان دخلت فيه كان لي حسي ما مرقت منو لكن مع العولمة دي الواحد بقى يفهم الحاجات ..

.................................................. ...
على فكرة فيكم واحد بعرف امات طه ديل منو وشنو؟

[أسير الشوق]

اشكرك يا اخي الكريم علي هذه الفته الكريمه ودي واحده من الف عاده انا ناوي اكتب عنها ز
الله يخارجنا من الخططاط الي بتحاك لشباب الامه الي هم عمادها .
واشكرك مره ثانيه.

[الدبلوماسي]

كاتب الرسالة الأصلية امير عبدالباقي
اخوي ابراهومه
دي خزعبلات ساي ناس فاضيه ماعندها موضوع من جد عيد حب شنو عليك الله الحب في الزمن ده بقي لعبه بين الشباب
الحب احساس دفين في القلب وشعور جبار جارف وهو انبل العواطف الجياشه التي خلقها الله ووضعها في مخلوقاته يارب يدوم الحب بين جميع الاعضاء
احمر قال والله كلام

[ابراهيم]

كاتب الرسالة الأصلية أسير الشوق
اشكرك يا اخي الكريم علي هذه الفته الكريمه ودي واحده من الف عاده انا ناوي اكتب عنها ز
الله يخارجنا من الخططاط الي بتحاك لشباب الامه الي هم عمادها .
واشكرك مره ثانيه.

الاخ الغالي ... اسير الشوق

لك اوفى التحايا والتقدير

اخد من استرسالك كلمة (شباب) والتي تعنى في اصلها اللغوي النماء والقوة

والشباب كما اسلفت هم عماد الامم ، وأسس حضارة المجتمعات وسر نهضتها ، ولكن اليوم الوقع يبين حال الشباب فكلما تقدم الزمن تطرفت الاهتمامات والافكار .. رغم التقدم العصري باسراف الا ان غالب الشباب تضيع اعمارهم في مجاراة سفاسف الامور واكتساب ثقافات ذات اتجاهات مخالفة للشرع في المقام الاول ولا تنتمي الى شعب اصيل .. والاغرب ان قناعاتهم بامثال عيد الفالينتاين اقوى بكثير من قناعاتهم باشياء أخرى أهم واثرى .. من هذا الـvalentine عيد الحب ذلك والذي هو ليس من سنة الإسلام ولا من هديه، ففالينتاين هذا اسم قديس وعيد الحب احتفال للوثنيين واهل الكتاب والنصاري وينسبونه الى قديسيهم ..

طيب نحن المسلمين دخلنا في الموضوع شنو؟
فرح سااااااااااااااااااي؟

[ابراهيم]

ليك الف تحية اخوى الدبلوماسي

[عماد الصادق]

عزيزنا ابراهومة

عيد الحب ..وعمك فالنتين ده باين عليهو فاضي

والحاجات دي اظن أن الفراغ وقلة الشغلة بتجيب الحاجات دي..

ونحن غايتو دقة قديمة الحاجات بتمر علينا كأي حدث إجباري !!

لا يد لنا فيه ولا دخل لنا عليه ..

صراحة المدام كانت بتزعل شديد لأني دايما بنسى ليك تاريخ عيد زواجنا

وقدر ما تلمح لي في ذلك اليوم!!! والله ما بتذكر ..

وبرضو أعياد الميلاد البعملو ليها الربة ديك !!!! عجب ..

الناس نسيانه .. وإسم على مسمى ..

قبل ايام جالسين المدام وأشواقنا وأنا .. والبت بتقرأ في الجريدة ..

اتلفتت علي فجأة وقالت لي يا بابا بتعرف .. توم كروز !!

قلت ليها توم كروز .. هه هه .. طبعا بعرفوا .. صراحة سمعت بيهو زمان

لكن وين ما بتذكر .. لكن ما بيطلع من كونه مكتشف .. أو عالم

وغالبا غالبا يكون مكتشف ..

عاينت لي باستغراب واستنكار وضحكة استهجان وسخرية ..

وقالت لي مكتشف ؟؟؟ ده يا بابا ممثل امريكي مشهور !!!!!

صراحة كنت واثق من معلوماتي وقلت ليها بتحدي آي مكتشف .. يعني يكون

اكتشف ليهو قارة كده ولا كده ..

واتلفت للمدام مستنجدا .. مش كلام صاح .. انتي ما متذكرة إسم توم كروز ده

مرّ علينا في الجغرافيا زمانّّّ!!!

وردت بأنها صراحة لا تذكر هذا الإسم ..

المهم قلت ليهم عمكم الــ google حيجيب لينا خبر توم ده!

وأول ما وصلت المكتب على طول فتحت الانترنت .. وختيت اسم توم كروز

وجاتني كمية هائلة من الصفحات ..

وكسبت أشواق الرهان.. وطلع ممثل .. وطلعت أنا غير مواكب!!

[ktloog]

والله يا ابراهيم لو ما الحب دا اساسا ماكنا والله

لانو وبما انو اخوك حبيب قديم لو كان على انا

كنت كل يوم بعد يوم بعمل ليهو عيد عشان ما تبقي علينا

غنية ( عدت يا عيد بلا زهور ) والله يا ابراهيم لو ما الحب دا اساسا ماكنا والله

[ابراهيم]

سلامات يا عمدة لك الشوق وعاطر التحايا
تعرف عمك فالانتاين دة ذاتو ما بكون جايب خبر للموضوع .. لكن المشكلة في الناس المنداحة دي ..... وزي ما قلت الحاجات دي بتجي من الفراغ وقلة الشغلة الخواجات يالفوا في الاعياد والجماعة يعيدوا (عيد الشجرة ، عيد الام ، عيد العامل ، عيد الطفل وووو)
اما ناس توم كروز وبورس ويلس وجت لي وغيرهم كتيرييين دي ثقافة فرضتها علينا الفضائيات يعني الدقات القديمة طبيعي ما يكونو مواكبين ليها ... لك الود والتحية

[ابراهيم]

ازيك يا كتلوج ... صدقني مشتاق ليك كتير

حمد الله على السلامة وبركة الشفناك طيب

شوف يا حبيبي زي حالتك دي انا بعرفها كويس

انت تقوم تاخد حبتين فلفل وحبتين مش فلفل

وفص توم وفص مش توم وقزازه خل وقزازه جمكسين

وتخلطهم بس ما تبلعهمش

تحطهم تحت المخدة وتنوم حتصحي زي الفل والحراره انشاء الله حتنزل

[تكنك مان]

العيد موجود وبالاحتفلو بيه كتار في مدني
ولو عايز تاكد امشي محلات الهدايا في اتجاه واحد يوم 14/2
وبالليل امش في المصاطب حقت البحر

[التيمان]

عيد الحب

واحد مسطول قالو ليه بكرى عيد الحب

قال ده بصلو وين وفيه كم ركعه

هههههههههه

[ماليزي]

ههههههههههههههههههه
نعم الكلام والله
هو فعلا زي ما قلت صار بين الشباب بي كميات
وأزيدك من الشعر بيت
دي مفاهيم غربية وما متوقفة على اللون الأحمر وبس
"حكاية اللون الأحمر كان أول عيد حب بدأ أو ظهر"
وكل سنة بيعلقو وردة في وحده من مدن أوروبا
وعلى لون الورده دي يكون اللبس في هذا العام
" لقيتوني كيف "
طبعا أنا الحمدلله مالي في الحاجات دي لكن الواحد يحب يعرف ألحوالييييه
اللهم زدنا علما وإهدنا السراط المستقيم
وتسلم على الموضوع أخوي ابراهيم