ودمدني بريدك لله

[اسكلاتشي]

هأنذا أبدأ أو ل سطور مشاركتي بمنتدى ودمدني ولكم كنت أرغب في ذلك منذ عهد بعيد ولكن كانت ظروف العمل تقف عائقاً بيني وبين أحبتي ناس مدني . أنا من طيبة ولست من سكان مدني ولكن من عشاقها حتى الثمالة ولي فيها ذكريات منذ عهد الدراسة بمدني الثانوية ولكم كان إسم اسكلاتشي معروفاً لدى زملائي الكثيرون جداً جداً فقد كانت الذكريات لا تنسى كل أحبتي : سعادة النقيب أحمد إبراهيم دهب - سعادة الملازم أول عبد الوهاب ( وهبة) - أيمن سيد سليم - غسان - أبو ستة- عساكر - وداليسع - عبد الحليم خليفة - عبد العظيم ود القبة - وغيرهم فقد كنا بفصلين ولم ننفصل ( ثانية عبد العظيم - ثالثة ضيف الله ) وسوق الدرجة وميدان الشهداء و....و..... وقريب يا ربي إنشاء الله تلمنا لتجديد الذكريات .

:cool: اسكلاتشي :o

[السلامى]

مدنى دائما فى البال ايها الصديق الجديد وبك يزدان المنتدى فنرحب بك اخا وصديقا

[HAMADTO]

بسم الله الرحمن الرحيم

مرحبا بك ياود الشيوخ زارتنا البركة والله نحن سعداء جداً بوجودك بيننا ونتمنى لك وقت ممتع في رحاب منتدياتنا ....... وننتظر مشاركاتك في المنتديات ........ وبهديك هذا الموقع الخاص بشيوخ طيبة
http://a3rak.jeeran.com/index.html (http://)

[114]

اسكلاتشي ، هيجت بي الشجون، انا ذاتي قريت في تانية ضيف الله وثالثة ضيف الله، يا حليل أيام زمان، وفعلا كنا شله نمشي نفطر في سوق الدرجة في مطعم عمك عبد الله (رحمه الله- قتله جاره المكوجي في سوق الدرجة)

[اسكلاتشي]

شكراً على المرور يا شباب ...... السلامي زي ما قلت مدني دائماً في البال وشكراً على الموقع يا حمدتو . وتعرف يا 114 أخبارك عن سوق الدرجة أهاجت في نفسي شجون ورحم الله عمك عبد الله إنا لله وإنا إليه راجعون .

[قوقو]

كل ما تباعد بينا عوارض*** كل مهواك يا طيبه مكني


سلام لكل اهل طيبه

[aborawan]

التحية لك اخي اسكلاتشي والتحية لكل حبايبنا واهلنا بطيبة ومرحب بيك وسطنا وبينا لا عدمناك

[rasheed]

بسم الله الرحمن الرحيم
مرحب بالأخ إسكلاتشي
ولما كنت في مدني كان من عرفات ودونا ضيف الله وجينا بتنا في جماع سنة رابعة وكانت في محل سفرة الداخليات محل العضة وفعلاً والله هيجتني الذكرى وطبعاً نحن قبليكم في مدني الثانوية وهنا كلما أتذكر السور العملوا لمدني الثانوية أقول يا حليل عمك الصول حسين رحمة الله عليه وإبنه عز الدين على ما أذكر جاء بعده وعمك الصول ده من طرايفو أنو ناجي حسن حارس مرمي الأهلي سيد الأتيام مش أهلي هسع ده وكان حارس مرمي مافي منو إلا حامد بريمة وأحمد أدم ومحمود صالح وود صقر وديل كانوا أشهر حراس مرمي وطبعاً قبلوا السر بدوي العجيب .. ياخي مشيت من الموضوع بعيد وكنت بحكي عن الطرفة بتاعت عمك الصول مع ناجي وكانوا واقفين جنب المكوجي عبدالله (هسع في ولا ما في ماعارف راجل طيب كده ) فقامت الحيطة وقعت أو قول نص الحيطة لأنو كان سور قصير ما زي هسع زي سور السجن فقام عمك حسين وداهم للوكيل وقال ليه الطلبة ديل رموا الحيطة بتاعة المدرسة جنب المكوجي فقاليهم الوكيل الكلام صاح قالوا ليه والله ياأستاذ نحن واقفين جات طيره ركت في الحيطة قامت الحيطة وقعت .. قال ليهم الطيرة أصلو العنقاء وصرف لكل واحد عشرة سيطان وطبعاً عمك الصول كان بطراده خمسة وعشرين قرش سنة ما يجلدك .
تحياتي للأخوان جميعاً

[رهيب]

طيبة طيبك جاني 0 الف تحية لك اخي ومليون تحية وحب وحنان لطيبة واهل طيبة

[اسكلاتشي]

شكراً يا رشيد على مرورك وزي ما عارف ذكريات مدني ترجعك للحظة يمكن إنك تبكي فيها بدون ما تشعر ، وشكراً يا أبو روان على كلماتك الرقيقة في حق ناس طيبة ويا أخ قوقو أقول ليك مافي عوارض تاني تمنعنا من حبنا لطيبة ولمدني وكل جميل .

وتصور كيف يكون الحال لو ما كنت سوداني وأهل الحارة ما أهلي
محل ما اتلفت ألقاهم معايا ................. معايا ................ زي ضلي
عرب ممزوجة بدم الزنوج الحارة ديل أهلي

اسكلاتشي

[114]

رحم الله عم حسين الصول، اول مره اعرف انو توفيّ الى رحمة الله،
طبعا متذكر لسه الصول مليجي الفنان
ذكروني بالباقين يا شباب