بماذا تشعر عندما لايرد على موضوعك

[عشوشه]

اتمنى منكم تقبل هذااا الموضوع بروح رياااضيه وسعت صدر ..

وهو ليس موجه لاحد بعينه ولاااااكن اعتقد انكم تشاركوننى الراى بانهاااا ظااااهره موجوده
وان الردود وتشجيع ودعم لكل من كتب موضوع ورفع من روحه المعنويه مهمااااا كان نوع الموضوع واهميته من عدمهااااا
سيدفع اى شخص كان لتقديم افضل مالديه
وللعلم كل من كتب موضوع فهو قد قااام بمجهود ولذااااااالك يستحق على اقل تقدير (الشكر)
000000

في الحقيقة يراودني سؤال أحب أن أعرف إجابته و هو ما هو شعورك عندما لا يرد أي شخص على مواضيعك؟؟


فمن بين المواضيع الإخبارية و العامة و الدينية و الترفيهية و الجادة و الهزلية و المضحكة و المبكية و المفيدة و الشعر والخواطر والمواضيع التي فى منتديات وفى كل الأقسام هناك سؤال مفروض أن يُطرح؟
000000

لماذا لا يرد أي شخص على مواضيعنا؟؟؟

مع أننا نحن كأعضاء هذا المنتدى من الطبيعي أننا نتعب في وضع مواضيعنا سواء كانت منقولة أو نحن الذين أنتجنــــــــــــــاهــــــــــــا، كانت صوراً أو مقالات.

000000

و هل تعتقدون أن نقل المواضيع بالأمر السهل؟ لأننا بحثنا عنها من بين 1 إلى 50 صفحة بالنت حتى ننقلها للمنتدى.

000000
من خــــــــــــــــــــــلال الموضوع سواء كنااااا كتبنااااااااااااااااااااااه بجهدناااااااااااا......او.......
من خلال النقــــــــــــل، نحن ندقق على الآيات و الأحاديث إن وجدت و نختار أجمــــــــل المواضيع و ننقلها للمنتدى.

000000
و ننصدم أن لا يرد علينا لاااااا عضو و لااااااااا مشرف حتى بكلمة شكر.وقليل من يتفاااعل مع المواضيع

000000

أناااااااا لا أشتكي من هذا الأمر شخصياً و لكن هذه ظاهر تحدث و بكثرة في بعض الأقسام. و أستغرب مرات عن عدم وجود و لاااااااااا مشاركة فيها شكر.

000000
الغريب في الأمر أن بعض الناس تفهم أن شكرنا للأعضاء و المشرفين على بعض مواضيعهم أنها حيلة حتى نزيد من مشاركاتنا أو أنها نوع من أنواع النفاق.

000000
أو لهذا السبب إذاً أنت لا تشكر الناس؟؟ لأنك خائف أن يقول عنك شخص بأنك تريد أن تزيد من عدد مشاركاتك أو أنك شخص منافق؟؟

000000
مواضيعنا و ردودنا هي نتاج إحترامنا لأصحاب هذا المنتدى و مشرفيه و أعضاءه. فإن لم نجد هذا الأحترام و التقدير فإن لا يسعنا إلا أن نرحل عن هذا المنتدى.

000000

بعض الأعضاء يعانون بأن لا يجدون رداً من مشرف أو عضو. فمن المؤكد أنهم يعانون هذا الفقر في المشاركات.

لأنهم كانوا على إعتقاد بأن مواضيعهم في غاية الجمال. فلماذا نحــــــــــن لا نرد عليهم؟؟
وهــــــــــــــــــــــــــذا من حقه
000000

[صالح ابوشوارب]

شكرا بتنا عشوشة

اولا هل انت من الذين يهتمون بالردود علي مواضيع الزملاء ؟

ثانيا ـ في البداية كنت ازعل ولكن في الآخر قلت ليه ارفع ضعطي

اصلا بعض الاعضاء يحبون مواضيع التسلية ( الكرتلة ) يعني مثلا

انا لوني ابيض ولا احمر

البعدي ولد ولا شايب

بعضم يضع صورة قرد وتعالي شوفي الردود بالكوم

البعض يحب مواضيع تكتبها البنات ( مهما كانت اهميتها )

والبعض شيلني واشيلك

والغريبة في بعضم يتصل بيك بالهاتف ويقول ليك موضوعك جميل

جدا ولكن يبخل ان يكتب

انا طبعا اكتب بعض المواضيع الجادة يحتمل لاتناسب البعض

او لايفهما البعض

وتناسب البعض حتي ولو كانو قلة

كنت ارد علي المواضيع الجميلة ولكن عندما رايت هذا الاهمال

قلت سيبك

وتحياتي

[ابراهيم]

أحييك اختي عشوشة والموضوع دة مهم شديد

زي ما قلتي اي موضوع ينزل اكيد كاتب الموضوع بكون اجتهد والقصد في الآخر الاستفادة العامة لكن في مواضيع للقراءة فقط وفكرة التعقيب عليها بتبقى اختيارية زي المقالات مثلاً والاخبار وما شابه ذلك واصلاً بكون الكاتب ما منتظر الرد عليها .. أما المواضيع القابلة للنقاش والردود والتعقيب حقيقة لما الواحد يكتب موضوع من النوع ويلقى عدم اهتمام وتهميش طبيعي جداً رد الفعل يكون عدم رضاء أو دبرسة .. لكن كمان بالمقابل في ردود كدة اخير عدمها .. مثلاً تكتبي موضوع القصد منه النقاش والحوار والوصول لنتيجة يستفيد منها الجميع تلقى واحد يرد ليك بواحد من الردود دي

* تسلمي على الموضوع
* مشكورة على الموضوع
* جزاك الله خير

هو ماكعب الشكر ... ونعم بالله ربنا يجزينا كلنا خير لكن العبارات السابقة دي ممكن تكون خاتمة يعني بعد الرد وابداء وجهة النظر في الموضوع المكتوب ممكن الردود المذكورة فوق دي تكون للمواضيع الما قابلة للنقاش يعني الهدف منها الفايدة وبس ..

تسلمي اختي عشوشة
ومشكورة على الموضوع
وجزاك الله خير

[أبوبكرحامد]

هذه فرصة للنقاش حول تجاهل الرد على بعض الموضوعات ، يؤلمنى جداً تجاهل الأعضاء لأى موضوع سواء كتبته أنا أو كتبه غيرى وأحزن حينما أرى الردود صفر بينما الزوار يفوقون المائة زائر ، التعليق على الموضوع مهم من جهة إثراء الحوار والشكر يدفع المشارك لبذل المزيد من الجهد وفى ذلك إثراء للمنتدى ، ولك الشكر عشوشة على هذا الحس العالى والغيرة على المنتدى ومعكم وبكم نصنع الفرح.

[امينو]

والله الكلام دا مهم شديد
واخ ابراهيم جزاه الله خير قال الكلام الكنتا داير اقولو واضيف عليهو كمان انو معظم المواضيع الايام دي بقت غير هادفة وإن تعب عليها الزول وفتشها ولكن لازم الواحد يخت في اعتباروا الموضوع دا الناس لما تقراهو بتطلع بشنو وهل بهم ناس معينين او بهم اغلبهم لو ما قلنا كلهم عشان كدا انا بفضل انو الناس البتكتب دي عشان ما تتعرض لان يكون عدد الردود 0 لازم زي ما تعبت في تقديم الموضوع تتعب كمان في التأكد من مغزى الموضوع وانا شخصيا احتمال يكون عدد مواضيعي قليل جدا ودا بسبب اني ما لاقي الخامة الجيدة عشان اقدمها للمنتدى وعشان كدا بفضل الرد على الكتابات والتعقيب عليها ، وارجع واقول يا جماعة قدموا لينا مواضيع متفردة عشان يسمو منتدانا الحبيب كمان وكمان ولكي التحية اختي عشوشة على طرح الموضوع المهم.

وتعقيبا لكلام عمي ابو شوارب :
طبعا زي ما اتفضلت وذكرت كثير من الاعضاء بفضلو مواضيع التسلية او (الكرتلة)
ودا برجع لانو المنتدى بدأت تطغو عليهو روح الشباب نظرا لان معظم الاعضاء الجدد من الشباب ، وبالنسبة لمواضيعك يا عم صلاح فهي قد اثرتنا بالكثير وما تخاف احنا الشباب والله فاهمين كلامك و واقع لينا وكمان بننتظر الجديد منك وانا شخصيا بدخل المنتدى دائما بحثا عن مواضيع ( اعمامنا في المنتدى ) لانها بالجد بتحمل معاني مهمة وبنستفيد منها ولك عاطر التحايا يا ابو شوارب.

[خالد هاشم علي]

ياسلام عليك ياعشوشة...

تطرقتي لموضوع حساس جدا كالعهد بك دائما.. ليس لي إضافة أكثر من كلام الأخوة الذين سبقوني فقد أعطوا الموضوع حقة وغطوه من كل الجوانب...

وبالمناسبة حكاية عدم الرد وعدم التعليق علي المواضيع التي تحتاج لردود حاجة حساسة جدا وبتترك إنطباع سيء لدي الكاتب... والحكاية دي زي الواحد يمشي السوق ويفتش ويدور علي حاجة عشان يشتريها ... وأخيرا يقع إختياره علي الحاجة دي وتكون عجبته شديد .. ويجي يفرجها لي ناس بيتهم... يقوموا ناس بيتهم يطنشوهو ومايعلقوا علي الحاجة دي لا بي خير ولا بي شر... أها الزول ده في الحالة دي يعمل شنو...؟؟؟؟ والله لا يعرف إستعملها ولا يعرف يرجعها السوق... لأنه ماعرف إنطباع الناس عنها شنو...فلو علقوا عليها وقالوا ليهو شينه وماحلوة وعرفوه وليه شينة بكون إقتنع ويمشي يرجعها بي مزاج.. ولو قالوا ليهو حلوة وليه حلوة حيستعملها وبرضه بي مزاااج.

معليش ياشباب لو كان المثل بتاعي غريب شوية لكن بس قصدت أوصل الإحساس في الحالتين...


ودمتم..

[صلاح ودالطاهر]

كاتب الرسالة الأصلية أبوبكرحامد
هذه فرصة للنقاش حول تجاهل الرد على بعض الموضوعات ، يؤلمنى جداً تجاهل الأعضاء لأى موضوع سواء كتبته أنا أو كتبه غيرى وأحزن حينما أرى الردود صفر بينما الزوار يفوقون المائة زائر ، التعليق على الموضوع مهم من جهة إثراء الحوار والشكر يدفع المشارك لبذل المزيد من الجهد وفى ذلك إثراء للمنتدى ، ولك الشكر عشوشة على هذا الحس العالى والغيرة على المنتدى ومعكم وبكم نصنع الفرح.
عدم الرد يجعل الشخص يفكر هل يكتب ام لا ولكن انا اقول لازم يكتب وذي ما بيقول المثل العارف عزه مستريح

[فادي الماحي]

الاخت عشوشه لك التحيه للموضوع الجميل
ولكن
المفروض من الواحد مننا لم يكتب موضوع يكتب لانها دي رسارلتوا في المنتدي والمجتمع ؟ ...... .رايك .. قناعاتك .... وجهة نظرك
ليس بالضروري ان تثمر الشجره بعد زراعتها مباشره
وان كان عندك الثقه في موضوعك وهدفه وكان موضعك علي قدر الثقه حقيقة يجب ان تجعل من موضوعك كمن يرمي بقطعة حجر صغير في بركة ماء ؟ في بداية الامر ستشعرين بعدم جدواه ولكن عندما تتكاثر الاحجار ستظهر علي السطح وستصبح معبرا للكل وستكون رمزا يحتذي به
يجب ان لا نيأس ان كنا نحمل قضيه وراي
فلك التحيه :p

[سحابة صيف]

كاتب الرسالة الأصلية أبوبكرحامد
هذه فرصة للنقاش حول تجاهل الرد على بعض الموضوعات ، يؤلمنى جداً تجاهل الأعضاء لأى موضوع سواء كتبته أنا أو كتبه غيرى وأحزن حينما أرى الردود صفر بينما الزوار يفوقون المائة زائر ، التعليق على الموضوع مهم من جهة إثراء الحوار والشكر يدفع المشارك لبذل المزيد من الجهد وفى ذلك إثراء للمنتدى ، ولك الشكر عشوشة على هذا الحس العالى والغيرة على المنتدى ومعكم وبكم نصنع الفرح.




أخي أبوبكر ... وجيمع أهل المنتدي ... سلامات

في إعتقادي الشخصي ... كتير من الأشياء محتاجه إعادة نظر وتقييم من جديد ....، 90% من المواضيع المطروحة ما لقيت حتي شئ يشد الواحد علشان يتم قراية الموضوع .. مش يكتب رد ... ، والنماذج كثيرة جداً جدأً ، ... لاحظ بوست الكشكول.. لانه من الأشياء الجميلة والخاصة شديد بمدني وناس مدني ..لاحظ كمية المشتركين والقراء ...، وعموماً المواضيع الخاصة بمدني .. تحسب في أصابع اليد ، صحيح انا جديد معاكم في المنتدي ..لكن توقعت أن تكون أغلبية المواضيع عن مدني ... وأفتكر مدني ممكن يكتب عنها... وفيها.. وليها.. الكتير الكتير.... وبدون زعل أو حساسية .. يفترض وجود فلتر من قدامي المحاربين .. من ناس المنتدي..لغربلة المواضيع قبل النشر ...، ليس إجحاف في حق ناس ال 90% ..بقدر ما هو إرتقاء بالمنتديات في مدني عموماً... لان ناس مدني .... يكفي ......إنهم ناس مدني...،


كل الود

[shashi]

كاتب الرسالة الأصلية فادي الماحي
الاخت عشوشه لك التحيه للموضوع الجميل
ولكن
المفروض من الواحد مننا لم يكتب موضوع يكتب لانها دي رسارلتوا في المنتدي والمجتمع ؟ ...... .رايك .. قناعاتك .... وجهة نظرك
ليس بالضروري ان تثمر الشجره بعد زراعتها مباشره
وان كان عندك الثقه في موضوعك وهدفه وكان موضعك علي قدر الثقه حقيقة يجب ان تجعل من موضوعك كمن يرمي بقطعة حجر صغير في بركة ماء ؟ في بداية الامر ستشعرين بعدم جدواه ولكن عندما تتكاثر الاحجار ستظهر علي السطح وستصبح معبرا للكل وستكون رمزا يحتذي به
يجب ان لا نيأس ان كنا نحمل قضيه وراي
فلك التحيه :p

[عشوشه]

اخوتى
العبره ليست فى كمية الردود قد يرد عليك البعض رد خارج موضوعك
فانا عن ذات نفسى لا انظر الى عدد الردود على مواضيعى بل انظر الى عدد القراء وكلما كبر عدد القراء .اظن حكايه الردود والتعاليق دى ماذات اهميه لانوا الهدف الاساسى قراءة الموضوع وكلما كبر عدد القراء تعم الفائده
والعبره ليست فى من جامل برد على موضوع شخص معين العبره فى من استفاد من الموضوع.
ودمتم

[فتحي همام]

بنتنا الغالية الواعية عشوشة
الله يخليك ويديك العافية ويسعدك ويحقق أمانيك ( و ده ما نفاق والله وانما لما تطرحيه من مواد هادفة باسلوب سلس و طرح واعي )
نجي لي موضوع التجاهل و نطرح السؤال التالي علي أعضاء المنتدي :
ما هي المواضيع التي تشدك و تحرص علي الرد عليها ؟
فأهتمامات الأعضاء متنوعة و مختلفة
ثم لماذا لا يكون هنالك ركن للمواضيع الجادة فقط وتحجب عنها باقي المواضيع؟
صدقيني أن موضوعك ده موضوع مهم ,,,,,, مثلا أضرب مثلا بنفسي فبرغم مشاركاتي القليلة جدا الا انني طرحت موضوعا أنا أعتبره موضوع قابل للنقاش وهو يهم قطاع الشباب من الجنسين و هو موضوع الزواج العرفي و لم يرد علي الموضوع أي عضو ؟؟؟؟؟؟؟؟؟؟؟؟
ولكن لا يجب علي الأنسان أن ييأس فالمداومة علي طرح المواضيع الهادفة و القضايا قد تأتي بنتائج و هو ما يصبو اليه الكاتب
تحياتي لك و لكل الأخوة الذين أدلو بدلوهم


بعدين يا جماعة حاولت كم مرة أكبر الخط أو ألونه وما عرفت ليه بأرجو منكم توضحوا لي النقطة دي وعذرا عشوشة لو خرمت من الموضوع شوية
دمتم
خط كبير tahoma h.vr