حاجات عجيبة جداً ... [الأرشيف]

zola

04-06-2005, 09:32 PM

تـٌمنع المواقع المسيئة للأدب في الإنترنت............. ويٌسمح بالقنوات الفضائية الأكثر إساءة للأدب
تصلك رسالة على بريدك لتكتشف أن المرسل أقرب إليك من صندوق بريدك
تطلب كبسة رز مع لحم وتصر على الدايت بيبسى و تشترك في نادي رياضي لمدة 3 شهور لكي تحضر 3 أيام فقط
تكلم البيت بالجوال لأكثر من دقيقة........ فقط لتسأل إذا أهلك محتاجين خبز بريال أو لا
كيف تقيس سرعة الصوت؟ الوقت بين تغير الإشارة المرور من اللون الأحمر إلى اللون الأخضر ومنبه السيارة التي خلفك
ما هو العجز التجاري؟ ........... جوال في يد سيدة
ما هو التضخم (فقدان العملة قيمتها الشرائية)؟.. هو التسوق في محل البائع فيه لبناني
تعريف الرجل المناسب في المكان المناسب؟ تعيين مدير بيتزاهت وزيرا للصحة (بحكم أن البيتزا تصل إلى البيت أسرع من الإسعاف)
أين تذهب في عطلة هذا الأسبوع مع العائلة، السوق ولا المطعم ولا السوق ولا المطعم ولا السوق ولا المطعم ولا المستشفى، ملاحظة (ممنوع دخول العزاب)

zola

06-06-2005, 09:20 PM

ولدى وجنا حشاي العزيز
نحن كويسين وتب ما عندنا عوجة أها إنشاء الله أنت طيب والمعاك طيبين دحين أنا يا ولدي الجواب ده بكتبو ليك براحة براحة اشان أنا عارفـــــاك ما بتعرف القراية بسرعة .. أبوك قرا في الجريدة أنو اكتر الدقشات البتجي بالعرض بتقع حوالي 20 ميل من بيتنا ... عشان كده مشينا بيت جديد مسافة .. يعني كده برضو حوالي 20 ميل ...
وما بقدر أرسل ليك عنوان البيت الجديد عشان اللي أشترينا منو البيت شال عنوانه معاه ما داير يغيروا ..لكن نحنا الأسبوع الجاي ماشين نجيب عنوان بيتنا القديم عشان كده عنوانا ماحيتغير .. البيت الجديد حلو ..عذاب ... شديد شدة الحرامي السرق العدة وستها بتغسل فيها .... شديد شدة الحرامي النشل القاضي وهو بيحكم عليه ... شديد شدة الحرامي السرق الساون سيستم والفنان بيغني . أها ياولدي ما بطول عليك .. لقينا لينا غسالة كبيرة وسط الحمام الما حمام والخمج الما خمج الغسالة ماركة ( سيفون ) بس شكلها ما شغالة كويس المهم الأسبوع الفات خطيت فيها عراقي وسروالين ...
وسحبت السلسلة والهدوم زاغت وسط الغسالة وتاني مالقيناها .. بعدها الجو بقى سمح وجاتنا مطره مرتين في الأسبوع الفات ... المرة الأولى صبت ثلاثة أيام والمرة التانية صبت أربعة أيام ... عمتك قالت ليك ما بتقدر ترسل ليك الجاكيت الطلبته عن طريق البوستة عشان وزنه تقيل بسبب الزراير الحديد بتاعته .. عشان كده فكرت وقطعت الزراير بتاعت الجاكيت وخطتتم ليك في جيب الجاكيت ....
أبوك أشتغل شغله جديده وتحت أيدو 500 عامل بيحصدو ليه البنقو البقوم في المقابر أختك الليلة الله حلاها بالسلامة لكن ماعارفه جابت شنو ولد ولا بت ..ماعارفه أنتى عايز تبقى شنو خال ولا خالة .. عمك حامد وقع في البير وجو ناس الحلة يطلعوه لكن أخو البنات وعشا البايتات قاوم بشجاعة الفرسان في الميدان ........ وغرق .... حرقناه والنار تلاتة يوم مولعه فيه وما نشف لأنو جسمو لسه مرطب من موية البير ...
أها يا جنا حشاي صاحبك وليد أبوه بطلع في الروح وقال لصاحبك وليد أدفنوني وسط البحر كان الله شال أمانتو ... مش ولدو البحر عشان يحفر الحفرة غرق ومات ..

تتذكر لمن كنا لافين لينا سجارة سوى وقلتلي يمه أنا بحبك ساعتا قلتليك خلى علاقتنا علاقة صداقة بس ...آه آه آه كانت أيام حلوه تتذكر لمن كنا قاعدين جنب البحر آه .. حليل البحر طبعاً الحكومة صادرتو وعملتو شارع زلط ..وعملت كوبرى تحته .. والشجرة الكنا بنقعد تحتها شالوها ومحلها عملوا نقطة تفتيش . ...وكمان شالو توتي للكلاكلة بعدوها ما ديل الشالو سيدة وخلو حرم .. وصاحبك وليد بعد ما غرق ومات أتضح أبوه كان مستنسخو بوليد الجزء التاني .. القام إشترا كل الرقشات وعمل ليها لحام وإستثمرا فــي الملاهي بتاعتو توت لاند الشالوها وودوها الكلاكلة فقست وعملوا محلها طرمبة بنزين ... تتذكر البحر العملوه شارع زلط طيب الزلط ده ما داير عربات والعربات دايره بنزين والبنزين أمره هين الكلام كلام الجاز من زمن شرحبيل وكمال كيله وكيلة العيش وكيلو اللحمه وكم كيلو من الخرطوم لـ الجنينة السافر منها جابر جبارة الله جابر للسويد بدون توقف وعليه كان المثل جابر جبارة الله جابر من بطن أمو للمقابر .. فوكد ما صادروا الرقشات ..( عفواً ) أشتراها وليد حقو تهاجروا أمريكا ... سبحان الله الحتة الوحيدة في العالم ما فيها رقشات لأنو أتضح أن الفرق بين الكارو والرقشة ؟ في الكارو الحمار قدام ..بدون زعل يامعلم رقشه ..بس أخير ليك رقشه قدام في أمريكا ولا رقشه وراء في أمبده .. وبمناسبة العيد أهنيك بشهر رمضان جعله الله زواج سعيد وأمطار خير وبركه وعما بها بلاد المسلمين فقط .... أها ياولدي ماعندى شمار جديد ده كل العندي .

أمك الغالية

ملاحظة : أنا كنت عايزه أرسل ليك مصاريف لكن وحاتك ما أتذكرتهم إلا بعد ما قفلت الجواب .