mohammed abdelh
16-05-2005, 03:45 AM
هندوية جات سنة أولي
برلووووووووووووومة قدر الفولة
كان شفتو عاد هي حلاتا ؟
سماحة مامعقولة
بتبلعا بنعلاتا
أصلو الجمال جد هولا
جيتا من الخليج للسودان دي الأولي
بتمشي بالشمسية
أصلو الشمس تأذيها
صحبانا عاد ناس رامي وهاني ناس الجيهه
يعقوب؟ دا مابتبراهو تب
ولا هو زاتو بجيها
دي مرة نطقت إسمو
لووزاتا قامو عليها...
وعندنا أخونا جاي من البلد
بلدا حكاياتو إنحكن
يوماتي شاقيها الجروف
كرعينو لامن شققن
شايل التقاوي علي الكتوف
إيدينو ديلاك غبشن
وجا الجامعة في سنة أولي
هندويه قعدت جمبو
والحرب دقن طبولا
وأخونا بدا طنطنة
بتقري في سنة أولي؟
قالتل ليهو: ايوة بقرا في اولي
قال ليها: أنا زاتي بقرا في أولي أنحن من عرب الجزيرة أنحن ماأهل الحولة
قالت ليهو: قصدك شنو بكلمة فحولة ؟
قال ليها : المعني ضكرنة....ضكرنة ياااااااااالأخت
قالت ليهو: آآآآآآآآآآآآآآآآ قصدك رجولة
قال ليها: رجول منو بقولك فحولة
قال ليها شن سموك؟
قالت ليهو: أنا هندوية وإسم الدلع بس دويه إسم غريب من نوعو والمكان ضون شموعو
قال ليها: عصام الدين وإسم الدلع بس عوعو
حكي ليها عن ناس حلتو....
عن السرة والشباك وبت عمسيب وكت مادقتو
حكي ليها بالملحات عموم
والويكة كيفن نفختو
المهم البنية إتكيفت من قصتو فلم هندي جاهز خشتو
أه قالت ليهو : بكرة جاي؟
قال : ليها أيه
قالت ليهو : انا انا انا انا زاتي جاية
وشلة أخونا حكاية
قالو ليهو يلا النقة
البت مكسره جايه
ماشفت كيف نظراتا ؟
وإحساسا بيك للغاية؟
إنكرش...........
قال خلاس بستحممممممم الليله
باكر هي قالت جاية
ومشي البيت
وساهر مع نجم السما
ساهر كتير عدد نجومو وقسما
لمن هجد شاف في المنام اللقيا هابة نسايما
هندوية جمبو وماسك إ يدا بسالما
قال ليها أنا إحساسي بيك أنا شوفي لي غيرك عمي
قالت ليهو لأ دا كتير علي وأنا روحي ليك بسلما
وزولك هتف الله أكبر ولمن صحا لقي أخوه جمبو وماسك إ يدو بسالما
دي الدنيا تاخد من فرحنا عشان نعيش واقع قبيل
ونصحا قبل يتم حلمنا عشان حزنا يكون نبيل
واقع قبيل البيهو ناس أدونا نحن عشان نكون ليهم دليل
وإبقي الحلم جوانا عايش ونعيشو واقع مستحيل
برلووووووووووووومة قدر الفولة
كان شفتو عاد هي حلاتا ؟
سماحة مامعقولة
بتبلعا بنعلاتا
أصلو الجمال جد هولا
جيتا من الخليج للسودان دي الأولي
بتمشي بالشمسية
أصلو الشمس تأذيها
صحبانا عاد ناس رامي وهاني ناس الجيهه
يعقوب؟ دا مابتبراهو تب
ولا هو زاتو بجيها
دي مرة نطقت إسمو
لووزاتا قامو عليها...
وعندنا أخونا جاي من البلد
بلدا حكاياتو إنحكن
يوماتي شاقيها الجروف
كرعينو لامن شققن
شايل التقاوي علي الكتوف
إيدينو ديلاك غبشن
وجا الجامعة في سنة أولي
هندويه قعدت جمبو
والحرب دقن طبولا
وأخونا بدا طنطنة
بتقري في سنة أولي؟
قالتل ليهو: ايوة بقرا في اولي
قال ليها: أنا زاتي بقرا في أولي أنحن من عرب الجزيرة أنحن ماأهل الحولة
قالت ليهو: قصدك شنو بكلمة فحولة ؟
قال ليها : المعني ضكرنة....ضكرنة ياااااااااالأخت
قالت ليهو: آآآآآآآآآآآآآآآآ قصدك رجولة
قال ليها: رجول منو بقولك فحولة
قال ليها شن سموك؟
قالت ليهو: أنا هندوية وإسم الدلع بس دويه إسم غريب من نوعو والمكان ضون شموعو
قال ليها: عصام الدين وإسم الدلع بس عوعو
حكي ليها عن ناس حلتو....
عن السرة والشباك وبت عمسيب وكت مادقتو
حكي ليها بالملحات عموم
والويكة كيفن نفختو
المهم البنية إتكيفت من قصتو فلم هندي جاهز خشتو
أه قالت ليهو : بكرة جاي؟
قال : ليها أيه
قالت ليهو : انا انا انا انا زاتي جاية
وشلة أخونا حكاية
قالو ليهو يلا النقة
البت مكسره جايه
ماشفت كيف نظراتا ؟
وإحساسا بيك للغاية؟
إنكرش...........
قال خلاس بستحممممممم الليله
باكر هي قالت جاية
ومشي البيت
وساهر مع نجم السما
ساهر كتير عدد نجومو وقسما
لمن هجد شاف في المنام اللقيا هابة نسايما
هندوية جمبو وماسك إ يدا بسالما
قال ليها أنا إحساسي بيك أنا شوفي لي غيرك عمي
قالت ليهو لأ دا كتير علي وأنا روحي ليك بسلما
وزولك هتف الله أكبر ولمن صحا لقي أخوه جمبو وماسك إ يدو بسالما
دي الدنيا تاخد من فرحنا عشان نعيش واقع قبيل
ونصحا قبل يتم حلمنا عشان حزنا يكون نبيل
واقع قبيل البيهو ناس أدونا نحن عشان نكون ليهم دليل
وإبقي الحلم جوانا عايش ونعيشو واقع مستحيل