المساعد الشخصي الرقمي

مشاهدة النسخة كاملة : اتنين سمعهم تقييييييييييييييل


مــ سواح ــازن
11-05-2005, 09:53 AM
تخيلوا لو اتنين سمعهم ثـقيل اتكلموا مع بعض!!......... ايه اللي ممكن يحصل ؟؟؟.... تعالوا نشوف اتنين من دول.................، واقفين على محطة الاتوبيس ودار بينهم الحوار ده:

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عينيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!! 0

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم

يارب تعجبكم
مرافئ الابداع
11-05-2005, 11:49 AM
:) ههههههههههههههه
والله ماقصرت عديل كدا
مالقيت غير الطرش ديل
لك التحيه اخي سوووووووووووواح
قمر الزمان
11-05-2005, 12:07 PM
ههههههههههههههههههههههه
موضوووووع جمييييييل اخي سووووواح
يدييييييييييك الف عااااااافية

قمـــ الزمان ـــر
نهر الفرات
11-05-2005, 12:19 PM
ههههههههه
حلوه ياجمييييييل

نهر الفرات
همس الشوق
11-05-2005, 12:29 PM
ههههههههههههههههههه
يديك العافية ذكرتني قصيدة للشاعر احمد مطر اسمها (شعواط وساهي)
مزوني
12-05-2005, 04:17 AM
تسلم يا عسللي
حلوة حلوة حلوة منك شيدي خالص
وربنا يديك الصحة والعافية
امينو
12-05-2005, 01:49 PM
هههههههه والله دي بالغتا فيها يا سواح اللهم احفظ سمعنا وسمع الحاضرين
ابراهيم
12-05-2005, 02:34 PM
ههههههههههههههههه

الاتنين شايتين غلط

والله صحي نهارهم مش فايت

:D :D
حلوه واموره
12-05-2005, 09:03 PM
ههههههههههههههه

انا قرات الموضوع قبل لكن ذكرتني فيه

وتسلم على الموضوع
مــ سواح ــازن
15-05-2005, 04:37 AM
تسلمو على المرور والله
وتشكرات يا شباب
ودأبكرش
15-05-2005, 09:10 AM
ههههههههههههههههههههههههههههههه
شفتهم في المول

شكرا يا حبيب عمري