مواقف طريفه مع تلاميذي

[صلاح ودالطاهر]

بسم الله الرحمن الرحيم
إخوتي الأعزاء السلام عليكم ورحمة الله وبركاته
اولاً التحية والتقدير الي جميع تلاميذي وتلميذات داخل وطني الحبيب وخارج الوطن ........
أحيهم فمنهم الطبيب والمهندس ومنهم الأديب ومنهم الشاعر..... المهم أحيهم في أي مجال هم فيه فلهم اسمي آيات المني واقول لهم ... قالو المعلم قلت لست أغالي هذا صانع الاجيالِ... التحية عامه الي الاخوه المعلمين في جميع ربوع السودان الغالي والتحية والتقدير الي زملاء وزميلات هذه المهنة في ربوع مدني الغالية.........
يمر المعلم بكثير من المواقف منها المحزن ومنها المضحك ومنها المبكي وانا في هذه العجالة سوف احكي لكم بعض من هذه المواقف الطريفة التي مرت بي من خلال عملي في التدريس تلك المهنة التي عشقتها منذ وعيت في هذه الحياة وكانت أمنيتي ان أكون معلماً ونحمد المولي عزه وجل ان حقق لي تلك الأمنية ........
1/ الموقف الاول حدث في مدرسة الشرطة المتوسطة وعما اذكر عام 1986 م حدث من تلميذي الممثل البارع مع فرقة عز الدين كوجاك الابن والتلميذ المبدع مرتضي خالد من أبناء منطقة حبيب الله اذكر وانا في الفصل في حصة التعبير بالصف الثاني طلبت من التلاميذ اختيار عدت مواضيع ليكتبوا فيها... احدهم يقول الخريف... واحدهم يقول المزارع واخيراً طلبت منهم الكتابة في موضوع اخترته انا لهم وهو عزوف الشباب في ذالك الوقت عن الزواج وكتبت لهم النقاط التي تساعدهم في كتابة الموضوع وطلبت منهم جمع الكراسات وانا في المكتب واصحح في الكراسات بداءت اضحك يصوت مرتفع وسألني الإخوة الزملاء عما يضحكني فقرأت لهم موضوع التلميذ مرتضي خالد الذي كانت خاتمته هي سبب الضحك حيث كتب في نهاية موضوعه الحبيبين يزرعون والمغتربين يحصدون فعلاً مغتربين ذاك الوقت كانوا يحصدون علي حسب راي تلميذي مرتضي.....
2/ الطرفة الثانية حدثت لي وانا بمدرسة احمد عبد العزيز (الشرقية سابقاً) حيث قررت ان اعمل مقارنة بين احد تلاميذي في الصف الاول وبيني عندما كانت بالصف الاول بمدرسة البندر الابتدائية في السبعينات وأحرزت المركز الثالث بالصف وذهبت الي والدي الطاهر احمد عبد الكريم الأهلاوي المعروف و كبير مشجعي نادي الأهلي حتي احصل علي هدية بهذه المناسبة وكان معه عمنا صاحب دكان العجلات المعروف الموجود خلف بنك الادخار حالياً العم حسن خلف الله وقال لي بنص العبارة انا أعطيك هديه عجله لأنك أحرزت المركز الثالث ولكن تنتظر حتي تلد العجلة الكبيرة وحتي الان انتظر مولد العجلة المهم قلت اعمل المقارنة بيني وبين تلميذي الحسين وانا من هنا احي والدته زميلتنا في التدريس واحي الحسين اذا عرفت انه الان بالصف الثامن المهم قلت له كم كان ترتيبك في الامتحانات الشهرية فقال لي الاول فقلت له لك مني هديه عجله ولكن عندما تلد العجلة الكبيرة فقال لي باستغراب ان جاد في كلامك فقلت له نعم فقال لي مع احترامي لك ياستاذ العجلة لا تلد وانا عندي كومبيوتر في البيت ادخلت فيه اسم البنت التي أريد خطوبتها فقال لي الكومبيوتر موافق... موافق.. موافق... ثلاثة مرات وانت تقول لي العجله تلد فهزا رأسه وجري الي الفصل لان وقت الفسحة انتهي .....
إخوتي اتمني ان كون أسعدتكم بهذه المواقف من تلاميذي ونواصل إنشاء الله
أخوكم /ود الطاهر

[حساام]

ههههههههههههههههههههههههههههههه
مواقف ظريفه والله .. تسلم
طبعا أنا واحد من تلاميذك
وجاركم بس بيناتنا بيت واااااحد

لكن والله ياأستاذ أنا بتذكر يوم
أنت جلدتني جلده أصلو ماأنساها
هههههههههههههههههههه

طبعا انت درستنا في المتوسط الأهليه (أ)
مع أستاذ حسبو
وأستاذ حسبو ده كمان أسكت خليه ساي
والله لو جيت ماشي بي جنبو ساااااااي
يقول لي تعال إنت الليله ماإنجلدت؟
هههههههههههههههههههه

تحياتي والله كان زمن جميل

طبعا ياأستاذ لو بتتذكر محمدوح عبدالرحمن أبوسته
هو الان في أمريكا وزواجه حايكون شهر 10 الجاي

ولو بتتذكر (وخالد كرضمه) الان هو شغال مدرس في المرحله الثانويه
وإتزوج طبعا ماشاالله

وبكر عبدالباسط الان مدير حلويات الإحسان بمدني

وأنا طبعا معاك هنا. شغال في جامعة الأمير سلطان الان.
ومدنية طبعا إشتغلتنا شغل جد ههههههههههههه

تحياتي ليك ياأستاذ/ ود الطاهر

حسام الدين فاروق

[مختار بازى]

الحبيبين يزرعون والمغتربين يحصدون فعلاً مغتربين
ههههههههههههههههههههههههههههههه
ومغتربين هسة ديل يا استاذ ما جايبين حقهم ولا شنو

انا هسة لو كنتة في محلو كنتة بكتب الكلام دا عشان المقسة الضوقوني ليها المغتربين ديل

تسلم والله يا استاذ علي البسمة الحلوة

[هشام السماني إبراهيم]

يا استاذ والله دخلت قلوبنا بسمة جزاك الله خيرا عليها





تخريمة : حسام دا شكلو كنتا عامل ليو زلزاااااااااااااااااااااااااااال:D

[عثمان جلالة]

;) أستاذ صلاح .. التحية ليك ونتمنى تواصل في ذكرياتك الجميلة .. انت يمكن ما درستنا لأنو نحن مادرسنا المتوسطة في مدني والثانوية في حنتوب .. لكن دايما كانت سيرتك سابقاك .. لك التحية بقدر عطائك .. والتحية لكل معلمي بلادي ..

[أبوياسر]

فندي فندي فندي فندددددددددددددددددددددددددددددددددددي
أستاذ أستاذ أستاذ ساذ ساذ سسسسسسسسساذ
والله حصتك حلوة هي قصدي قصتك حلوة
لكن يا أستاذ ناس وزارة الصحة هي قصدي وزارة التربية ما صرفوا ليكم
عشان أنا من أمبارح ما راجي مس مكولك وأكان صرفوك يا أخوي سويهو إتصال عديل
وكتر خيرك

[zukibush]

لنقف تحية اجلال وإكبار لكم معلمين بلدى الحبيب
لكم اساتذتى كل الحب والوفاء يا صانعى الاجيال
تلك النعمة التى حرمن منها فى ربوع بلدى المعطالم يحالفنا الحظ اننهل منكم ولكنه حالفنا فى هذه المساحة حتى نتعرف على شخصكم الكريم
لك من استاذى الجليل كل الود والتقدير

[صلاح ودالطاهر]

ههههههههههههههههههههههههههههههه
مواقف ظريفه والله .. تسلم
طبعا أنا واحد من تلاميذك
وجاركم بس بيناتنا بيت واااااحد

لكن والله ياأستاذ أنا بتذكر يوم
أنت جلدتني جلده أصلو ماأنساها
هههههههههههههههههههه

طبعا انت درستنا في المتوسط الأهليه (أ)
مع أستاذ حسبو
وأستاذ حسبو ده كمان أسكت خليه ساي
والله لو جيت ماشي بي جنبو ساااااااي
يقول لي تعال إنت الليله ماإنجلدت؟
هههههههههههههههههههه

تحياتي والله كان زمن جميل

طبعا ياأستاذ لو بتتذكر محمدوح عبدالرحمن أبوسته
هو الان في أمريكا وزواجه حايكون شهر 10 الجاي

ولو بتتذكر (وخالد كرضمه) الان هو شغال مدرس في المرحله الثانويه
وإتزوج طبعا ماشاالله

وبكر عبدالباسط الان مدير حلويات الإحسان بمدني

وأنا طبعا معاك هنا. شغال في جامعة الأمير سلطان الان.
ومدنية طبعا إشتغلتنا شغل جد ههههههههههههه

تحياتي ليك ياأستاذ/ ود الطاهر

حسام الدين فاروق
ودفاروق كيف انساك يا الله زكرتني ايام الاهليه تسلم من كل شر

[صلاح ودالطاهر]

الحبيبين يزرعون والمغتربين يحصدون فعلاً مغتربين
ههههههههههههههههههههههههههههههه
ومغتربين هسة ديل يا استاذ ما جايبين حقهم ولا شنو

انا هسة لو كنتة في محلو كنتة بكتب الكلام دا عشان المقسة الضوقوني ليها المغتربين ديل

تسلم والله يا استاذ علي البسمة الحلوة

قالو في المثل الضايق لدغ الدبيب بيخاف من جر الحبل

[صلاح ودالطاهر]

يا استاذ والله دخلت قلوبنا بسمة جزاك الله خيرا عليها








تخريمة : حسام دا شكلو كنتا عامل ليو زلزاااااااااااااااااااااااااااال:D


زلزال ساااااااااااااااااااااااااااااااي زولك من مايشوف طرف البنطلون من الفريق بيقوم صوف وهو جنس جري

[صلاح ودالطاهر]

فندي فندي فندي فندددددددددددددددددددددددددددددددددددي
أستاذ أستاذ أستاذ ساذ ساذ سسسسسسسسساذ
والله حصتك حلوة هي قصدي قصتك حلوة
لكن يا أستاذ ناس وزارة الصحة هي قصدي وزارة التربية ما صرفوا ليكم
عشان أنا من أمبارح ما راجي مس مكولك وأكان صرفوك يا أخوي سويهو إتصال عديل
وكتر خيرك
ابوياسر او ابويسوره كما قال رضا بريدك في الله لله

[صلاح ودالطاهر]

;) أستاذ صلاح .. التحية ليك ونتمنى تواصل في ذكرياتك الجميلة .. انت يمكن ما درستنا لأنو نحن مادرسنا المتوسطة في مدني والثانوية في حنتوب .. لكن دايما كانت سيرتك سابقاك .. لك التحية بقدر عطائك .. والتحية لكل معلمي بلادي ..
حباب جلاله ومن خلالك التحية لك معلم صامد في السودان علي وجه العموم ومدني علي وجه الخصوص

[صلاح ودالطاهر]

لنقف تحية اجلال وإكبار لكم معلمين بلدى الحبيب
لكم اساتذتى كل الحب والوفاء يا صانعى الاجيال
تلك النعمة التى حرمن منها فى ربوع بلدى المعطالم يحالفنا الحظ اننهل منكم ولكنه حالفنا فى هذه المساحة حتى نتعرف على شخصكم الكريم
لك من استاذى الجليل كل الود والتقدير
zukibush تشكر علي هذا الكلام الرئع روعة ودمدني

[محمد أحمد الشيخ]

والله يا أستاذ أنا واحد من تلاميذك بمدرسة الأهلية
وطبعا ما كنت متخيل أنو ود الطاهر بتاع المنتدي ده هو أستاذ صلاح الطاهر الدرسنا في مدرسة الأهلية . ولكين أتأكته بعد ما نزلت صورتك .
لو بتذكر محمد باسطة لاعب الطائرة وكرة السلة ،، يا ريت الأيام تعود يا أستاذ كنا مافي دورة مدرسية لا ما أخدنا الكاس بتاعها .

لك شكري وتقديري

[مصباحيه]

تسلم يا زول يااااااااااااااااااااااااااااااااااااااااااااااااا ااااااااانت


بازى كرعلى الشوكشتك دى منو

[طارق محمد الحسن]

قم للمعلم وفة التبجيل كاد المعلم ان يكون رسولا **اعلمت اشرف او اجل من الذى يبنىوينشا انفس وعقولا...........التحية لجميع المعلمين فهذة اشرف مهنة عرفها التاريح

[حساام]

والله يا أستاذ أنا واحد من تلاميذك بمدرسة الأهلية
وطبعا ما كنت متخيل أنو ود الطاهر بتاع المنتدي ده هو أستاذ صلاح الطاهر الدرسنا في مدرسة الأهلية . ولكين أتأكته بعد ما نزلت صورتك .
لو بتذكر محمد باسطة لاعب الطائرة وكرة السلة ،، يا ريت الأيام تعود يا أستاذ كنا مافي دورة مدرسية لا ما أخدنا الكاس بتاعها .

لك شكري وتقديري

سلاااااااااام ياباسطه..إنت نسيتني ولشنو؟؟
هــو أنت باسطه بتاع السله؟؟والله كانت أيام جميله جدا

أنا حسام كنت بلعب كرة طائرة وكان بدربنا استاذ عمر
والله نسيت اسمه عمر منو؟؟
وكان بلعب معانا (إيهاب فضل)ساكن في القسم الاول

والله زمنننننننننننننننننننننننننننننننننننننننن

[صابرحسين]

طبعاً يا أستاذ صلاح الطاهر أنت ما درستني لكن درست أخواني الكبار ! وحقيقة يمدوحك دائماً .... لك التحية ولكل معلمي بلادي الحبيبة ......

أخوك الكبير صابر حسين

[صلاح ودالطاهر]

والله يا أستاذ أنا واحد من تلاميذك بمدرسة الأهلية
وطبعا ما كنت متخيل أنو ود الطاهر بتاع المنتدي ده هو أستاذ صلاح الطاهر الدرسنا في مدرسة الأهلية . ولكين أتأكته بعد ما نزلت صورتك .
لو بتذكر محمد باسطة لاعب الطائرة وكرة السلة ،، يا ريت الأيام تعود يا أستاذ كنا مافي دورة مدرسية لا ما أخدنا الكاس بتاعها .

لك شكري وتقديري
تحياتي ليك ولك تلاميذي بمدرسة الاهلية أ

[عماد عبدالشكور]

لك التحية والتجلة والاحترام استاذنا صلاح
تلاميذ مدرسة الشرطة المتوسطة
عنهم تلميذك والفت الصف الاول والثاني والثالث على التوالي
عماد عبدالشكور

[عوض صقير]

الأستاذ القدير صلاح الطاهر

أتمنى أن تفرد لنا مساحة بحجم أخونا عماد عبدالشكور

وتحكى لينا عنه , وحسب علمى لديه طرائف كثيرة معكم !

[مثني ودالعيكوره]

مشكور يا استاذ ودالطاهر علي الطرائف ....

ولعلي اتذكر بعض المواقف التي حدثت ايام الدراسه والتدريس

اذكر قصه في احدي المرات و عند زيارة (الموجهين التربويين)
وكانت الحصه اسلاميه ...
وموضوع الحصه حديث شريف في ما معناه (ان الشيطان يأكل بشماله ويشرب بشماله)
وبعد ان فرغ المعلم من شرح الحديث ... فتح باب الاسئله للتلاميذ
فقام احد التلاميذ اسمه (الكلس) وسأل :
يا أستاد لو كان الزول بشرب لي في شاي بي عيش يعمل شنو؟
لو مسك الشاي بيدو اليمين وخلي العيشه في الشمال بكون اكل بالشمال...
واذا خلي العيشه في اليمين بكون شرب بالشمال... اه يا استاذ يعمل شنو ؟؟؟؟

وقف الاستاذ مزهولاً من( شيطنة ) هذا التلميذ ونباهته ولم ينقذه الا تدخل الموجه
حيث رد وقال للتلميذ: قمسها .. قمسها... ايّ (ادخل العيشه داخل كباية الشاي)

وما كان من الطلاب الا الانفجار بالضحك...
مع عاكر مودتي...

[النور محمد يوسف]

غايتو يا ساتاذ ود الطاهر أنا عندي أوراق مبعثرة وقديمة ...ماشي أفتشها ...إمكن أكون أنا أحد تلاميذك....ما الغربة ما بقى فيها حاجة وياحليل المغترب البقلع داك ....هسع ظهرت فيها فئات تانية تقلع ليك من المغترب ذاتو....وعديل كدا بلا لف ولا دوران ... تجيب ولاااا....

[ابوالنور]

الحمد لله نحنا لسه دورنا ما جي تسلم يا استاز
وربنا يخليك لينا
استاز عماد بسلم عليك شديد

[عصام الدين يوسف أحمد]

الأخ الأستاذ صلاح الطاهر
لك التحية والأشواق من أخ وزميل لك في مدرسة الأهلية 1988-1991
عصام يوسف - معلم إنجليزي سابق
مترجم حالياً بسلطنة عمان

[عصام الدين يوسف أحمد]

منتدى ودمدني سلوى لنا والله رجعت بينا ذكريات زمان وايام زمان ومدني وأيامها الحلوة. أجمل أيامنا في مدني كانت في المدرسة الأهلية (أ) المنوسطة مع استاذ كمال عطية الله وحسبو ومحمود سيد وحيدر أبو القاسم وعصام عموش وووو

[حساام]

الأخ الأستاذ صلاح الطاهر
لك التحية والأشواق من أخ وزميل لك في مدرسة الأهلية 1988-1991
عصام يوسف - معلم إنجليزي سابق
مترجم حالياً بسلطنة عمان

السلام عليكم يا أستاذ عصام يوسف.
أنا واحد من تلاميذك الاهلية أ : حسام فاروق
أستاذ صلاح معزبنا في المدرسة وجاي يعزبنا هنا في الرياض.ههههههه

بالمناسبة يا أستاذ / انت زمان كنت بتقول لينا الكلمة بالانجليزي وتقول
you know
أها أنا لحدي الأن راكزة لي في مخي you know دي...ههههههههههههههه
لحدي مادرست لغة إنجليزية والان شغال بنفس مجالك
جامعة الامير سلطان الرياض - مترجم

لك خالص الود والتقدير يا أستاذ

[عباس الدسيس]

يا استاذ صلاح انا بفتكر عندك كثير من الطرف والمواقف الحاجه القلتها دي بسيطه جدا بحكم فترة العمل والخبره وحكاية تكون نسيت دي ما وارده..... احنا في انتظارك يا رائع بداية البوست حلوه وشكلوا حا استمر وإجرجر اذ ان المعلمين يحملون كثيرا من هذه المواقف.

[114]

ود الطاهر هووووووووووووووووووووووووووووووي
فتحت البوست لسرد الطرائف وقعدت بعداك متحكر وتتفرج على مداخلات الناس، تلاميذ وزملاء، وخليت البوست- ما شاء الله - يصل للصفحة التانية وانت ما جبت ولا طرفة تانية..

فعلاً ذكريات المدارس حلوة، سواء كنت تلميذ او مدرس، والبوست لمه ليك عدد لا بأس به من الزملاء والتلاميذ، ودي ميزة لعصر النت، يعني لولا النت ده إلا كان تحكي ذكرياتك دي في الخور واللا تحت الضل بتاع العصرية واللا في نادي الحي بالليل، هسه قاعد في مكتبك وتحكي للآلاف من الناس، وستبقى تلك الحكاوي ما بقيت الصفحة، وما بقي المنتدى- إلا تحصل كارثة زي الحصلت قبل اسابيع ديك وضيعت بوستاتنا الجميلة- أها، الولد القارنت نفسك معاهو ده بسبب الانترنت هو بيخطب وهو في اولى ابتدائي، وكمان بالنت، وانت في زمنك قايل العجلة بتلد..

اما الحبيبين يزرعوا والمغتربين يحصدوا، فدي معناها انو حتى اولاد المتوسطة- اللي ممكن يكونوا لسه اطفال- عارفين حكايات المغتربين و(قعلهم لخطيبات الناس)، لكن بيني وبينك الغلطة ما من المغتربين، الغلطة من البنات او اهاليهن، تكون الواحده ما لاقيه عريس ويقوم المحلي يكيسها (يجكسها بكلام اليومين ديل)، وأول ما تتجكس تغلا في عيون الناس، وطوالي اهل المغترب يرشحوها ليهو، حساده كده في المحلي المجكس البت دي، اها المغترب يوافق وهو ما عارف القصة والتجكيس ده، ويجي للعرس وهي اول ما تشوف الشنط وطقم الدهب حيلها يبرد، مع انو ممكن يكون المغترب ده ما عندو غير الشنط دي والطقم ده، ولما يرجع ممكن يستدين حق الرجعة، وقد يكون شغال شغلة لو عرفتها البت ما كانت خلت المجكسه ده، او تكون عارفاها لكن توهم نفسها بأنها المهم تفارق البلد الفقر دي، وبيني وبينك في عقد التمانينات كان السودان صعب لدرجة انو لو قلت للبت انا شغال حفار مجاري في السعودية تقول ليك مالو.. أخير من مدرس في السودان.. وزي ما قالت الفنانة منو كده ما عارف: (مغس مغس يا العزابة.. بس تقعدو مغس يا العزابة, المدرسين.. المفلسين) مع الاعتذار للمدرسين أصحاب ارقى مهنة..

[ريمون]

البوست ده بطعم وريحة الوفاء والحنين للصبا ..