هل فعلا الدنيا حظوظ ؟؟

[صدقى]

هل الذكاء عنصر أساسى للنجاح ؟؟

هنالك ناجحون يتمتعون بذكاء أقل من المعدل الطبيعى ،
و هناك فاشلون يتمتعون بذكاء حاد و ربما يصل الى
حد العبقريه فى بعض الأحيان ،

أيضا الكثيرون من الأغبياء جدا
نجدهم قد نالوا حظا وافرا من الشهرة و النجاح ...
و العكس صحيح فى حالات كثيرة ....

إذن : لماذا يفشل الكثير من ذوو الذكاء و المؤهلات العاليه ؟
و لماذا ينجح الكثيرون ممن يتمتعون
بغباء كبير و لا يملكون أى موهبة ؟

[الزمن المريح]

تسلم اخى الفنان صدقى ،،

و قديما قيل ، لو كانت الارزاق تجرى على الحجا لهلكن اذا من جهلهن البهائم

فالامر غير مرتبط بالزكاء بل بتسخير الرزق ،،،،

مشكرور على الموضوع

[أبوبكرحامد]

أخوى صدقى .............بغنى اغنية البنات " بركة الجيت بركة الجيت عسل انت وبسكويت " على الرغم من عدم تعاملى مع كليهما بداعى السكرى ، اما عن الموضوع فهو رائع وتساؤل مشروع ، وجهة نظرى أن الأذكياء لايهتمون بعرض مهاراتهم الإضافية أو لنقل لايعرضون أعمالهم وأفكارهم بالشكل التجارى وذلك إعتماداً على استيثاقهم من مهاراتهم الذهنية ، بينما محدودو الذكاء يسعون لتجميل مالديهم ببعض من التابلوهات على رأى ناس الكورة ، والبعض يضيف على ذلك بعض الخدمات الإضافية لرؤساهم فى العمل " على رأى الشباب يسمى هذا السلوك شرشرة ، ودى ناس عزيز عيسى الحنكوش مابعرفوها " ، هذه بعض رؤى لأصل المشكلة قد تكون مخطئة وقد تكون جزءاً من المشكلة ، أردت بها المشاركة ولى عودة.
ود الماذون

[madaniboy]

تثلم ثدقي على المووودووع
فادد حنان

[حكم الهادي]

دي جن جديد ولا شنو
مالك داير تبقى شنو
الحمد لله مغترب ولا تاجر غرب ذاتو
و و و و و وبتتغلى على الناس

ولو السالفة حظ نحن الحظنا كعب لأنو من زمان ما شفناك ولا سمعنا صوتك وربنا يجعلنا من أصحاب الحظوظ

كما قالت والدة المقولي في دعوتها لولدها
ربنا يجعلك من أصحاب الحظوظ وما يجعلك من أصحاب العقول
والسبب هو أن الثاني يخدم الأول . إنت لما ولدوك قالوا شنو وربنا يعينك عليه .

وشئ ثاني بقولوا إنو الحياة دي زي ماقال الشيخ المرحوم الشعراوي عبارة عن 24 قيراط مقسمة على كل المناحي يعني زي الميزان المركب ذي الأربع وعشرون كفة ( أم 44 ) يعني لقيت شئ بتفقد شي أو بمعنى أصح تزيد بي جاي تنقص بي جاي ولو عندك طريقة تاني قوله لينا شكلك لقيت ليك طريقة .
يعني ياصدقي القصة موزونة وما تلف وتدور ودي هي الأرزاق واحمد ربك .

شكلك روقته وداير تمشي نهائي .