زواج غريب [الأرشيف] - منتديات ودمدني

مشاهدة النسخة كاملة : زواج غريب

بابكر

08-05-2005, 12:46 PM

طبعا الخواجات يا اخوانا مغرمين بالاشياء الغريبه00 واحد اصر انو يتزوج وهو راكب مظله هو والعروسه والمسكينه امتثلت لكلام العريس وطلعوا فى ناطحة سحاب ومن هناك تلبوا0000000000000 ودى النتيجه ياحرااااااااااام0000

بابكر

08-05-2005, 12:55 PM

ودى النتيجه المرعبه الاتنين ماتوا ياحراااااااااااااااااام وفعلا الجنون فنون

ابراهيم

08-05-2005, 03:46 PM

شليقين وبتاعين تنظير

في داعي ينظر في العرس

والمسكينة سمعت كلامو وتلبت معاه الا ما لا نهاية

في حب يا خوانا اكتر من كدة

يا بابكر سمعت بي غنية سميرة دنيا فيها مقطع بقول

بهاجر ليك انا في الكبري وبضحي ليك انا بي عمري

بس دي ضحت بي عمرها على قول سميرة سعيد اقصد سميرة دنيا

ليك التحية يا عم بكور قاعد تجيب حاجات غريبة كيف؟

امير عبدالباقي

08-05-2005, 07:14 PM

مشكور الاخ بابكر
جد الجنون فنون انت عارف ياابراهيم الناس دي ماعندها موضوع الفراغ كاتلهم وخاصه الفراغ الروحي عشان كده تتوقع منهم اي شي
في زول عاقل الحب بخليه يعمل كده هي زاته غبيانه البخليها تسمع كلامه شنو

ابراهيم

08-05-2005, 08:14 PM

يا أمير دي مقتنعة بي مقولة

الحب أعمى:p

aborawan

08-05-2005, 09:06 PM

شلاااااقة عينة لكن اها خمو وصرو قال حب قال

الزبير محمد عبدالفضيل

09-05-2005, 01:18 AM

بس العروس شلاقه منها والعريس كمان حق مغامرات

مشكور علي الموضوع غرائب الدنيا

ربي زدني علما

أبوبكرحامد

09-05-2005, 01:41 AM

الجن بتداوا كعبة الإندراوا ، وكلمة الإندراوا أسألوا عنها أبو المهتدى وبابكر وعمك تنقو وعزيز عيسى وأبو شوارب ، لك الشكر بابكر على الروائع.

عزت الهادي

09-05-2005, 01:51 AM

كاتب الرسالة الأصلية ابراهيم
شليقين وبتاعين تنظير

في داعي ينظر في العرس

والمسكينة سمعت كلامو وتلبت معاه الا ما لا نهاية

في حب يا خوانا اكتر من كدة

يا بابكر سمعت بي غنية سميرة دنيا فيها مقطع بقول

بهاجر ليك انا في الكبري وبضحي ليك انا بي عمري

بس دي ضحت بي عمرها على قول سميرة سعيد اقصد سميرة دنيا

ليك التحية يا عم بكور قاعد تجيب حاجات غريبة كيف؟

al zeer

09-05-2005, 02:36 AM

كاتب الرسالة الأصلية امير عبدالباقي
مشكور الاخ بابكر
جد الجنون فنون انت عارف ياابراهيم الناس دي ماعندها موضوع الفراغ كاتلهم وخاصه الفراغ الروحي عشان كده تتوقع منهم اي شي
في زول عاقل الحب بخليه يعمل كده هي زاته غبيانه البخليها تسمع كلامه شنو

ودأبكرش

09-05-2005, 05:33 AM

انا غايتو حا أشيل المدام
النيل نقطعو عوامه مع بعض
انشاء الله تقدر عليه
كلام سر بيني وبينكم:-
"أنا من حسه بعلم فيها السباحة في الرملة"
هههههههههههههههههههههههههههه

عزيز عيسى

09-05-2005, 05:18 PM

كاتب الرسالة الأصلية أبوبكرحامد
الجن بتداوا كعبة الإندراوا ، وكلمة الإندراوا أسألوا عنها أبو المهتدى وبابكر وعمك تنقو وعزيز عيسى وأبو شوارب ، لك الشكر بابكر على الروائع.

تسلم بابكر على الموضوع.. نوع المناظر دى من شدة ما كثرت عندنا الناس بقت ما بتضع ليها أي اهتمام.
قبل مدة أنا شفت في التلفزيون موضوع عن اثنين برضو اصر العريس والعروس انهم يكملوا عقد زواجهم وهم معلقين في الهواء بدبابيس حديد كبيرة مغروزه في اجسادهم من الظهر.. حتى المأذون كان معلق معاهم.. شايفين كيف الناس ديل وصولوا لدرجة من الجنون؟!
ولو جيتوا امريكا ياما تشوفوا العجب العجاب..

وبعدين يا ود المأذون على قول موسى الثعلب انت خاتيني مع كنكان سته ديل ليه؟
ههههههههههه
المثل ده سمعت بيه قبل كده والاندراوا على ما اعتقد الشقاوة ولا مش كده يا شلة التحكيم؟
مع فائق حبي وتقديري للجميع،

عزيز

ابراهيم

09-05-2005, 05:48 PM

قبل مدة أنا شفت في التلفزيون موضوع عن اثنين برضو اصر العريس والعروس انهم يكملوا عقد زواجهم وهم معلقين في الهواء بدبابيس حديد كبيرة مغروزه في اجسادهم من الظهر.. حتى المأذون كان معلق معاهم

لكن يا اخوي يا عزيز الماذون ذنبو شنو معلقنو معاهم

العرسان عرفناهم بحبو بعض والحب قالو اعمي

والله دي مشكلة ههههههههههه

والله صحي كعبة الاندراوة

يديكم العافية

أبوبكرحامد

09-05-2005, 11:56 PM

أبوبكرحامد

10-05-2005, 12:00 AM

كاتب الرسالة الأصلية azizeisa

تسلم بابكر على الموضوع.. نوع المناظر دى من شدة ما كثرت عندنا الناس بقت ما بتضع ليها أي اهتمام.
قبل مدة أنا شفت في التلفزيون موضوع عن اثنين برضو اصر العريس والعروس انهم يكملوا عقد زواجهم وهم معلقين في الهواء بدبابيس حديد كبيرة مغروزه في اجسادهم من الظهر.. حتى المأذون كان معلق معاهم.. شايفين كيف الناس ديل وصولوا لدرجة من الجنون؟!
ولو جيتوا امريكا ياما تشوفوا العجب العجاب..

وبعدين يا ود المأذون على قول موسى الثعلب انت خاتيني مع كنكان سته ديل ليه؟
ههههههههههه
المثل ده سمعت بيه قبل كده والاندراوا على ما اعتقد الشقاوة ولا مش كده يا شلة التحكيم؟
مع فائق حبي وتقديري للجميع،

عزيز

انت ياعزيز لو عاوزنى أطلعك من كونكان ستة ده رسل لينا صورة حديثة موش صورتك القديمة أيام تسريحة أبراهيم عوض والقميص تحرمنى منك والبنطلون شارلستون والجزمة دبابة " بالمناسبة أنا الكلام ده ماحاضروا حكى عنو أخوى الكبير زيكم "
بعدين الإندراوة هى العوارة وماتعمل فيها ماعارفا ياعمو عزيز

مزوني

10-05-2005, 04:37 AM

يسلم على الموضوع عم بابكر وربنا يديك الصحة والعافية
وفعلا الحب أعمى يذهب البصر
ويا ودأبكرش
شنو يا حبووووووب خلاص الدنيا ضاقت بيك
لما تقطع بيها النييييييييييييييل؟

عزيز عيسى

10-05-2005, 06:12 AM

كاتب الرسالة الأصلية ابراهيم

لكن يا اخوي يا عزيز الماذون ذنبو شنو معلقنو معاهم

العرسان عرفناهم بحبو بعض والحب قالو اعمي

والله دي مشكلة ههههههههههه

والله صحي كعبة الاندراوة

يديكم العافية

والله يا برهوته الناس ديل جن ساكت.. الغريبة المأذون في الحقيقة هي واحدة كان معلقه من ظهرها وكتافينه علشان تقدر تمسك الكتاب وتقرأ للعرسان.. ولو شفت منظر الدم سايل من جلدهم تستغرب زيادة .. مراسم العقد عند المسيحيين بتأخذ وقت طويل جدا.. وطول الوقت ده كله هم معلقين وما حاسين بالألم..

عزيز عيسى

10-05-2005, 06:59 AM

كاتب الرسالة الأصلية أبوبكرحامد

انت ياعزيز لو عاوزنى أطلعك من كونكان ستة ده رسل لينا صورة حديثة موش صورتك القديمة أيام تسريحة أبراهيم عوض والقميص تحرمنى منك والبنطلون شارلستون والجزمة دبابة " بالمناسبة أنا الكلام ده ماحاضروا حكى عنو أخوى الكبير زيكم "
بعدين الإندراوة هى العوارة وماتعمل فيها ماعارفا ياعمو عزيز

انت يا ودالمأذون قايلني راجل عجوز زيك كده.. يا أبوي ده انا لسه شباب.. انت بس اصبر لي شويه صورتي عايز ارسلها من زمان لأبوالمهتدي لكن الايام دي الجو عندنا ربيع ومافيش شمس.. بس منتظر الشمس تطلع علشان الصورة تكون واضحة.. بس ما تسألني ليه ماعايز امشي الاستديو .. بعد ما ارسل صورة حديثه بعدين قارن شوف منو الصغنون أنا ولا انت.. صدقني أنا اللى حأختك مع كنكان ستة..
تحرمني منك بعرفها.. والبنطلون شارلستون لبسناه.. والجزمة دبابة ما لبسناها لكن لبسنا اللى فيها كعب عالي.. والحزام بتاع الكاوبويات العريض.. وبعدين الكلام ده كان في السبعينات وأي شاب صغير في الزمن داك كان عنده رغبة شديدة انه يلبس نوع اللبس ده لزوم الموضة.. يعني هسع عايز تقولي يا ودالمأذون انك ما لبست اللبسات دي.. تتذكر ايام موضة لبس الشقيانة.
بتذكر واحد قريبنا اسمه سليمان كان بحب يغني اغنية مع اخوي الكبير اسمه حنين لازال بيعمل في الادارة المركزية بمدني - زمان كان بيلعب في نيل مدني - يمكن تعرفه.. والله أنا من صغير لازلت متذكر بعض من كلمات الاغنية مطلعها كالاتي:
شايل ملابس.. جاي من وين
جزمة بوز.. نضاره حجر
قميص بوبلين.. بنطلون ترلين

الاغنية ظريفة لكن نسيت باقيها..بتصحبها رقصة توست - أها برضو قول لي ما حضرت التوست -

كاتب الرسالة الأصلية أبوبكرحامد

والله ياأبوخليل لمن قريت كلمة الماذون حمدت الله إنو أبوى لمن توفى ماشاف أمريكا ولاواحد علقوا فى مواعيد حتى "

انت قول البركة المابقيت مأذنون زي ابوك.. لو جيت امريكا وبقيت مأذون ياما حيبهدلوك بهدلة..
كمان شوف دي:

اثنين من العرسان برضو اصروا انهم يأخذوا معاهم المأذون ويعقد ليهم تحت الماء في البحر..

واثنين برضو طايرين في الهواء والمأذون طاير معاهم يعقد ليهم.

ومره عريس زيك كده بعد ما عقد ليهم المأذون - المره دي في الارض ما تخاف - العريس وضع زوجته على موتور من النوع الـ بي بي سي الضخم.. ومن فرحته قام ضغط بالغلط على البنزين .. وبعد شويه الناس تشوف ليك العريس والعروسة طايرين في الهواء من منصة الفرح العالية وتوش داخل حيطة.. بس كانوا محظوظين شوية لانه الحيطة كانت من خشب..

وعروس اصر عريسها بعد ان تمت مراسم العقد انه يضعها على ظهر حصان ويخليها تتجول وسط الحضور.. والله بمجرد ما ركبت العروسة على ظهر الحصان.. جفل الحصان فجأة وتعال شوف ليك جنس فنجطه وجري شديد.. الحصان والعروس على ظهره جرى دخل بيها في وسط اشجار.. بقى ناس الحفلة كلهم جرى وراء الحصان.. العروسة ضربت على احد فروع الاشجار ووقعت على الارض مغمى عليها.. ومن الغابة للمستشفى.

طبعا المأذون حمد ربه انه ما طلبوا منه يركب على ظهر الحصان ويعقد على العرسان.

تحلو الونسة معاكم وتطول،

وتسلم يا ود الصول اللى فتحت الموضوع.

عزوز

صالح ابوشوارب

10-05-2005, 07:25 AM

.

يا بابكر الدهب مرتفع اليومين ديل

المهم اخبارك والعيال

بالله في الحالة دي من يدفع الدية ؟ اظن صاحب العربية . ليه يوقف هنا

والله الجماعة ديل ناس ود الماذون وعزيز خرموا

من الموضوع ذي المرحوم الطنطاوي

الراجل بيقوليكم العرس والعروس تقوموا تقلبوها كونكان ستة

اولا يا ود الماذون انا عندي صورة بقميص تحرمني ايه رايك

تعرفوا يوم كنا طالعين من السينما الدور الاول ولابسين شارلستون

والكعب كيف وريحه ( باترا ) ونحن جايين بود ازرق سمعنا حفلة

وبارينا الصوت ولما وصلنا لقينا الحفلة ما فيها جاز طبعا كنا عايزين

ننزل بتقل لقينا فنان وقاعد في كرسي وماسك عود وباقي عليه عشرة

وقلنا ليهم الفنان دا منو ؟

قالوا : ـ دا فنان من الخرطوم واسمه ذيدان ابراهيم

قلنا ليهم :ــ ما لقيتوا الا دا ( يالا ياجماعة نمشي ننوم دي حفلة مابتنفع

معانا )

هههههههههههههه

ابو شوارب

مرافئ الابداع

10-05-2005, 01:43 PM

عشنا وياااااام حنشوف

خالد هاشم علي

11-05-2005, 12:18 AM

الغالي بابكر...
تحياتي لك ولكل المشاركين...
تعرف يابابكر الفكرة دي لو عرفتها قبل ماأعرس كنت علي طول آآآآخد ليك المدام ونطلع في برج الجزيرة وأقول ليها يلا نتلب ... لكن تلبي إنتي أول وأنا بلحقك... وأخليها تنط من فوق وأنا أنزل بي الأسانسير... هاهاهاها.

شوفوا ياشباب هووووووي المدام حتشترك قريب في المنتديات. حسكم عينكم واحد منكم يجيب سيرة الكلام ده وماتودونا في داهية.

عزيز عيسى

11-05-2005, 07:26 AM

ابوهاشم الخواف،

غايتو أكان على أنا ما حأجيب سيرتك للدكتورة ابدا ابدا.. وبعمل نفسي زي الكأني ما سمعت كلامك اصله.. وكمان بصم خشمي وبقفله بي طبلة وأرمي المفتاح في البحر.. لكن بقول للدكتورة في واحد اسمه خالد هاشم الجاب الكلام ده.. وبقول انك حنكوشه.. بس كدى خليها هى تجي..

عزيز

عزيز عيسى

11-05-2005, 07:39 AM

صالح ود ابشوارب الشقي العجيب،

انت يا ود ابشوارب اتاريك راجل قديم وتجري مع اصحابك زمان وراء حفلات الجاز.. الظاهر عليكم كنتوا في الرقيص بتغلبوا منصور بتاع فرقة جاز البوليس وتتمرمطوا في الواطه وعجاجكم ضارب السماء..
أنا غايتو زيدان ده ما بتذكر اني شفتو في مدني.. لكن حضرت ليه حفلات كثيييره في العاصمة المثلثة الخرطوم ام درمان والخرطوم بحري.. الراجل فنان ممتاز جدا.. لكن الظاهر عليكم كرهتوه قبل ما تسمعوه لانكم زمان كنتوا شرامة شديد وبتاعين خرمجة وما بتعجبكم الاغاني العاطفية.. بس الحمد لله مشيتوا تدورا ليكم على حفلة جاز وما فرتقتوا الحفلة.
ههههههههه

ودي،

عزيز

ابراهيم

11-05-2005, 08:10 AM

والله حقيقة يا جماعة

سمعت بتسريحة ابراهيم عوض ، والبنطلون الشارلستون

لكن قميص تحرمني منك دي جديدة علينا

طبعاً قميص عزيز الفي الصورة دا خطري

بلاي دا هو تحرمني منك ....

وعلى كلامك يا عزيز عمنا ابو شوارب طلع قديم من زمن الجاز

كدى يا جماعة زيدونا من الحاجات دي لسا

ابراهيم

11-05-2005, 08:16 AM

كاتب الرسالة الأصلية خالد هاشم علي
شوفوا ياشباب هووووووي المدام حتشترك قريب في المنتديات. حسكم عينكم واحد منكم يجيب سيرة الكلام ده وماتودونا في داهية.

ما عندك مشكلة يا ابو الخلد طلباتك أوامر لكن بس في سؤال في الكرسي الساخن انت عارفو جاوب علي السؤال وبعدين ما عندك اي مشكلة ما بنجيب اي سيرة يا غالي :D

عزيز عيسى

11-05-2005, 09:55 AM

برهوته الغالي،

ود المأذون و ود ابوشوارب الناس القدام دايل واقعين فيني فل شديد.. وعايزين بأي شكل كان يكبروني.. وبالمناسبة انا القميص ده اشتريته من بانكوك - تايلاند عام 1987 والصورة دي في عام 1988 قبل ما اترك السعودية.. والقميص كان في حالة سليمة جدا (خامة ممتازة).. عاجبني شديد.. وأي واحد يشوفه عايز يلطشه مني.. لكن كنت ناسيه لفترة طويلة لحدى ما وجدته المدام بالصدفة واتبرعت بيه قبل حوالي سبعة اعوام للجمعيات الخيرية.

أنا حأرسل صورة حديثه لى أبوروان.. وبعدين بالله خليهم يقارنوا معاك.

معليش يا بابكر طلعنا بره الموضوع.. لكن الونسة اخدتنا مع الاخوان،

وتسلم،

عزيز

http://www.wadmadani.com/up/pic/313131.jpg

بابكر

11-05-2005, 11:45 AM

السلام عليكم ياشباب

انا طبعا طولت من المنتدى
لان الكمبيوتر بتاعى اخ\منى عنوة 0000
والان اشتريت كمبيوتر محمول آخر حلاوة
وهذه اول مشاركه بالكمبيوتر الجديد

شكرى حبى لكل الاخوان الذين علقوا على الموضوع
ولى مداخلات معكم جميعا
اصبروا على شويه

صالح ابوشوارب

11-05-2005, 09:46 PM

.
الاخ بابكر كيف الاخبار

بالله خليني مع العجوز دا شوية

يا عزيز صورتك دي من زمن ( القجة ) هههههههههه

وبعدين العب غيرها انا متأكد الان انت صورتك كالاتي

الراس ميدان بيللي ههههههههههه والنضارة كعب كباية

البنطلون مقاس 52 يلا سمي

---------------------
ابو شوارب

خالد هاشم علي

12-05-2005, 01:09 AM

الغالي بابكر... مبروك المحمول ودخلت عصر التقنية ... يعني تاني تمشي أي مكان حنكون معاك...

عزيز دنياي...
ماقصرت في إنك ماحتجيب سيرة للمدام ( لكن الفيك إتعرفت ) وصورتك تشبه الجنجاويد... والحقيقة مررررررررررررررررررررررررررررررة وشنا صاح... ياخوي المدام حقتك شافت صورتك دي ؟؟؟؟ وعمال تتحنكش علينا شمال ويمين ، أنا قلت عزيز عيسي ده حيكون بشبه ( ناس هيثم وتامر وكده ) لقيتك تشبه أبوبكر محمد المبارك. هاهاهاها..

إبراهومة...
يعني الحكاية جابت ليها إبتزاز... لو ماجاوبت علي سؤالك حتكلم المدام مش كده... علي العموم أنا جاتني فكرة خطيرة وهي إني حاأقول للمدام.. في واحد صاحبي إسمه إبراهيم وأنا طالبو قروش وماداير يديني ليها وأنا كلمت ليهو أخوهو الكبير وشاكله وقلع منه القروش عشان كده إبراهيم زعلان مني شدييييييييييييييييييد ونفسه يلقي فرصة فيني.

أو أقول ليها إني زمان قلعت من إبراهيم الجكسوية حقته ولسه الراجل حاقد علي وماداير يننس الموضوع ده.
أها شنو ليك ؟؟؟ أنا قايل أحسن تستسلم وترفع يديك فوووووووووووووووووووق.

خالد هاشم علي

12-05-2005, 01:12 AM

بامناسبة ياإبراهومة بخصوص قميص تحرمني منك...

في تسجيل للراحل مصطفي سيد أحمد في التلفزيون ( تسجيل قديم ) بغني فيهو غدار دموعك ... وكان لابس ليهو قميص مخطط... أها القميص ده ياهو ذاتو تحرمني منك...

عزيز عيسى

12-05-2005, 05:04 AM

أهلا بود الصول الحبيب،

مبروك على الجهاز الجديد.. وفي انتظار عودتك.. والله شفقتنا شديد.

معليش.. ارجوك وخر شويه وخليني افلفل العجايز ديل شويه واتونس مع اعمامنا ودالمأذون و ودابوشوارب وخالد لحدى ما تجي.

يا صالح بتقولي :
------------------------------------------------------------------------------------------------------
يا عزيز صورتك دي من زمن ( القجة )هههههههههه

وبعدين العب غيرها انا متأكد الان انت صورتك كالاتي

الراس ميدان بيللي ههههههههههه والنضارة كعب كباية

البنطلون مقاس 52 يلا سمي
------------------------------------------------------------------------------------------------------

لا دي ما (قجة) دي (تفه).. بالله ايه رايكم مش كنت قيافة وحليو.. طبعا انتو هسع بتشبهوا فيني زي ما عايزين.. لكن صدقوني أنا حأنزل احدث صورة لي قريب يمكن باكر او بعد باكر بالكثير.. وزي ما قلت ليكم قبل كده انتو بعدين قارنوا.. هسع انا ما برد عليكم..
ثم ثانيا.. صورة ود المأذون دي أنا شاكي فيها شويه.. اعتقد انها من زمن حبوبتي كانت حيه والدليل على كلامي ده انها ابيض واسود.. أها مصدقني؟..
وبرضو انا قبل ما انزل صورتي عايزكم توعدوني انت وابوهاشم انكم تنزلوا صوركم ونترك امر التحكيم ده لى برهوته وباقي الشلة علشان يشوفوا الشباب فينا منو؟

ويا أبو هاشم،

بتقول لي:
-------------------------------------------------------------------------------------------------------
عزيز دنياي...
ماقصرت في إنك ماحتجيب سيرة للمدام ( لكن الفيك إتعرفت ) وصورتك تشبه الجنجاويد... والحقيقة مررررررررررررررررررررررررررررررة وشنا صاح... ياخوي المدام حقتك شافت صورتك دي ؟؟؟؟ وعمال تتحنكش علينا شمال ويمين ، أنا قلت عزيز عيسي ده حيكون بشبه ( ناس هيثم وتامر وكده ) لقيتك تشبه أبوبكر محمد المبارك. هاهاهاها..
------------------------------------------------------------------------------------------------------

انت بس صبرك للدكتورة.. كدى خليها تجي اقوم افتو ليها فت.. تقوم تقول صورتي الحلوة دي انا بشبه فيها الجانجويد.. حرام عليك انت عايز تختني في قائمة الناس المطلوبين ليه؟.. مش كفاية ود المأذون ختاني في قائمة كنكان سته؟!
وبعدين انت قميصي ده مالك عليه.. هو عجبك بس داسيها.. انتو ناس اصلكم ما بتريحوا وكمان شنافين جنس شنافه على قول اخوي ضياء الدين (الغايب في الركايب.. الظاهر عليه بجمع في حوائج العرس).. يا جماعه قميصي ده ما تحرمني منك ولا حاجه.. كدى عليكم الله دققوا النظر شويه.. سلامة نظركم.. ده لو نظركم كويس يا حبوبات.. انا قلت القميص ده اشتريته عام 1987 وكان معاي في السعودية وأي واحد بيشوفني لابسه عايز يلطشو مني لانه كان قاجي قجه شديدة.. والجكس وراي محل ما امشي.. وانا لو كنت في السعودية لحدى الان انت وود ابوشوارب كان اول ناس لطشتوه مني يا شرامه.

المدام طبعا شافت صورتي.. وهي زاتها شنافه زيكم كده.. وما عاجباها صورتي الحلوة دي.. كل مره تقول لي عليك الله ما توريني صورتك ام قجه الشينه دي.. انت لو خليتها قنبور ولا حلقت صلعة مش كان احسن ليك؟.

يا أبوي ناس هيثم وتامر ديل ناس عجايز مالك لامني عليهم.. و ابوبكر الادمن ده أنا ما عندي ثلاجه زيه لكن الظاهر عليكم يا ناس السعودية كلكم عندكم ثلاجات وكضوم. هههههههه
انتو ما شفتوا ناس زي ابوروان ونبيل حمدتو وبرهوته.. ديل كلهم ناس قياااافه زي كده.

أنا نفسي اشوف صور ناس ثانين في المنتدى زي نيازي كشك وزيكو منيب وغيرهم.. في ناس اتجاوبوا مع ابوالمهتدى ونزلوا صورهم زي أنا واخونا السفير.. لكن ناس زيكم انتو كده لحدى الان مزوغين..

حبي وودي لكم جميعا،

عزوز

صالح ابوشوارب

12-05-2005, 07:40 AM

الاخ بابكر بالله جاوب او رد علي الناس وخلينا نقفل باب

الجلا كين طبعا عزيز اخد المعاش من الامريكان الداقسين ديل

وقاعد ينظر لينا وعايش لينا في الوهم واليوم انكشف
---------------------------------------------------

الاخ عزيز

كيفك

وانا افتش في المنتدي لقيتك بتسأل ضيفة المنتدي صباح

وبتقول ليها انك سنة 2000 قبل 5 سنوات ذهبت الي مدني

بعد غياب 13 سنة في امريكا يعني ليك 18 سنة في امريكا

و15 سنة فى جدة بقت 33 سنة وجيت جدة عمرك 30 سنة

يعني 63 سنة بالله يعني عجوز النصاري بالله تاني لا فردة

ولا شملة انا لا قدرك ولا لحم سدرك . بلاش تعملينه ملاوزة

خلينا نشوف البلوم وجد .. جد .. فرتك

-------------

ابو شوارب

ابو المهتــدي

12-05-2005, 12:57 PM

بسم الله افلرحمن الرحيم
تحياتي اخوتي الكرام 0ضبعا دخلت عليكم متاخر 0 والعتب ذي ما قالو علي النظر 0 اولا بخصوص اللندرابة والله اعلم يعني جن ومعاه التفاتة يمين وشمال ام بخصوص 0 مواضيع العرسان 0اخونا ود المازون 0ما كان هناك ماوضح ليهم انه خليفة ابوه ابن مازون كان علي الاقل سو ليه عرس عرسين 0 0 علي الاقل ناس بانت يلقو منه حركة حركتين 0
ام عن اخوكم عزيز 0 انا عرفت ليكم تاريخة 0 اولا الصوة فيها ختم الاستديو
خلي يصورها ليكم من الخلف 0 خلاف القميص 0 بعدين ياعبد العزيز 0 انت زكرت العكاري في احدي مشاركاتك 0 عارف العكاري دة نحن طلبة كان ياتي في الفسحة مارنجان سنة كم
نحن ضبعا الحمد لله كبار القوم هنا وانت واحد منا 0 ولقد سبق طلبنا الصورة الطازجة وما زال الطلب قايم لك وكل المشاركين حتي تضح الروية
ودي مني بدون رتوش وبدون طاقية 0اولادنا كبرو وعرس مادايرنو 0يعني انا واخوي ود ةالصول 0 معترفين 0 كدي شيلو الطواقي 0 واظهروا بشرط من خلال الجهاز 0صورة بعد المكياج لا تقبل تحياتي

بابكر

12-05-2005, 08:16 PM

هوووووووووووى ياجماعه
والله انا بقيت ذى الاطرش فى الزفه يعنى عشان كنت مافى تقوموا تشنو الحرب على الفرده بتاعتى الولد الظريف عزيز ياناس حرام عليكم الراجل لسه شباب يعنى ما تجاملوه شويه وتهدوا الموضوع عليهو شويه000 وبعدين والله العظيم انا كلمة الاندراوه دى اول مره اسمعها وسألت منها كل واحد يدينى ليها معنى وانا ماعارف ود المأذون جابها من وين وانت ياعزيز ماترسل الصوره الجديده وتريحنا وتريح الناس ولو كانت الصوره خايف منها رسل صورة ولدك على انها صورتك ياراجل ياعجوز ولو مارسلتها حأشيل منك لغب فرده يا اخوى نحن لسه شباب انت كان عجوز شوف ليك غراب جزو وانا ترى رسلت اخر صوره لى يعنى شباب وظرافه ومابشبه ناس كنكان سته يا ابو شوارب يعنى انا لوما قلت ليكم اولادى اتخرجوا ما كان فيكم واحد عرف شىء 000
زمان كلكم تنادونى يا بكوووور وبعد الكرسى الساخن شبكتونى ياعم بابكر
والله انا خايف اطلع واحد يقول لى ياجدى دى لو ما قالوها للعجوز عزيز الامريكى وخلوا الطابق مستور 0000والله يزوجك يا ابوروان

بابكر

12-05-2005, 08:57 PM

شوف الصوره دى يا عزيز شنو ليك ياعمو
وشكرا على مباركة اللاب توب

عزيز عيسى

13-05-2005, 05:00 AM

الاخوان الغالين ابوالمهتدي، ودالصول، ابوشوارب، ودالمأذون، ابوهاشم، وبرهوته،

لكم جميعا تحياتي واشواقي،

ود الصول الحبيب مره ثانيه مرحبا بعودتك لدارك الذي حفظناه لك اثناء غيابك الى ان حان موعد عودتك.

اخواني الاعزاء.. تحلو الونسة معاكم وترجعنا لذكريات مدني الجميلة.. أيام كنا نخرج من المدراس ونسير في الطرقات ونشتم بعضنا البعض بالالقاب المتعارف عليها في مدني وكل القلوب متصافية يملاها الحب والموده.. ومطاردة الجكس بالتي هي احسن.. والكل لابس قيافة وعامل فيها حبيب.

طبعا أنا شفقتكم كثير.. وكل واحد عايز يشوف احدث صورة لي.. (هو أنا مهم للدرجة دي).. والصورة الحديثة دى أنا اخذتها امس الخميس ونزلتها اليوم الجمعة.. يعني طازه

الكل كان بينظر ويقدر في عمري.. وبشتنتوني بشتنه.. واحدين يكبروا فيني وينادوني يا عم عزيز.. وآخرين لو ما لحقت ونزلت صورتي دي عايزين ينادوني جدو عزيز.. وواحدين ما خلوا فيني ولاشعره في راسي.. خلوني اصلع ميطي.. على العموم الله يسامحكم.

أديكم فكره علشان تستطيعوا تقدروا عمري كم.. زمان لما كنت في مدرسة شدو الثانوية العامة كانت لدينا دائما مباريات تنافس في كرة القدم مع اولاد مدرسة الهوارة وفريني.. من الجماعة المشهورين الذين لعبت ضدهم وكانوا من جيلنا اذكر منهم المرحوم سامي عزالدين، والعمدة والطاهر هواري.. ومن زملائي في تيم مدرسة شدو كان الاخ خضر سليمان.. ممكن تسألوه.. بيعرفني حق المعرفة.. حيث كنت ملقب بـ (Teacher).. خضر كان في الصف الثالث وأنا كنت في الصف الثاني (اصغر طالب في الفصل).. وايضا التقيت بنفس المجموعة خلال منافسات الدورة المدرسية مع مدرسة النيل الازرق (السني).. وأيضا عندما كنت العب لنادي الامير بمارنجان كانت لدينا منافسات مع نادي التضامن وبرضو كان ضد نفس المجموعة.

ود ابوشوارب،
يا المسويني عجوز النصارى.. أها أيه رأيك.. حتغير موقفك من مش قدرك ولحم سدرك.. وترجع لي كلمة يا فرده؟

أبوالمهتدى.. العكاري ده حكوا لينا عن قصصه ونحن صغار وشفناه ونحن كبار كم مره.. واعتقد انه توفى في اواخر الثمانينات أو بداية التسعينات.

ودالمأذون و ودهاشم،
أها ايه رأيكم انتو برضو ؟.

ويا برهوته،
انت في لجنة التحكيم.

ودالصول،
ياربي نضاراتك ديل اشتريتهم من وين؟!.. احسن ترجع لي كلمة يا فرده قواااام.

والان اهي صورتي.. ويلا يا أبوشوارب وخالد ورونا صوركم الداسنها مننا دي وخلونا نتعرف بيكم اكثر.

مع خالص حبي وتقدير لكم احبتي.

عزيز

دى صورة بالزي الرسمي:

http://www.wadmadani.com/up/pic/zz.123.bmp

وكمان دي صورة بالزي الملكي:

http://www.wadmadani.com/up/pic/zz.456.bmp

بابكر

13-05-2005, 12:30 PM

الصوره حلوه والله وعينا بارده اهو كده سكت الجماعه يافرده

خالد هاشم علي

14-05-2005, 12:08 AM

عزيز ياغالي...
نحن مابنسكت ولا حاجة...
بعدين ياصالح نضمن من وين إنو الصورة دي ماحقت ولد عزيز؟؟؟ ولا شنو...

نحن عايزين إتنين شهود ومنهم جمال الماحي ... والتاني يكون حبشي... كان حاضر الحفلة.... وبعد كده تختم لينا الصورة من الغرفة التجارية... وبعد كده عندنا قعده نشوف فيها الموضوع ده...

ولا شنو ياصالح...

صالح ابوشوارب

14-05-2005, 12:20 AM

الاخوان بابكر وخالد

تحية طيبة

ياعزيز بالله دا ولدك سامي اكبر من بتك السايقة العربية مع الكابويات

ولا اصغر منه

( ما تلعب في بيت اللعب ) ياخي انت بتعرف موريس الاطرش

ياعزيز قجة شوف ليك هودنه اللعب بيها

وانت صدقت يا بابكر وعفيت منك خالد

madaniboy

14-05-2005, 12:35 AM

هههههههههههههههههه
والله دا شكله كان ناوي ليها
كخخخخخخخخخخخخخخخخ
ويسلمووعلى الموضوع
فاقد حنان

ابو المهتــدي

14-05-2005, 09:55 AM

بسم الله الرحمن الرحيم
الاخوة الكرام انا اثني كلام 00 خالد 00 الصورة لاتقبل حتي تكون من الجهاز مباشرة 0 بدون شهود 0 الصورة ياعبده اشتم فيها ريحة الدبلجة و بعض من لون 0 وما زال الجميع في اجراء تحقيق تسلم

عزيز عيسى

15-05-2005, 07:15 AM

الاخوان الحبايب ابوالمهتدي، بابكر، خالد، صالح و فاقد حنان،

سلامات يا حلوين،

أنا برضى بثني على كلام خالد وممكن تستشهدوا بجمال الماحي.. والحبشي خلوه.. ولو عايزيني احلف ليكم مصحف برضو ماعندي مانع بس امرق من حسادتكم دي..
ثم ثانيا انت يا خالد وصالح ما تنزلوا صوركم زي عمكم ابوالمهتدي وبابكر واخوكم ودالمأذون علشان نشوفكم.. ليه بتتهربوا في كل مره أسألكم.. ولا كمان خايفين من الفضائح... وانت يا فاقد انا عارفك صغنون.. طيب عليك الله نزل لينا صورة حديثه خلينا نشوفك بدل الصورة اللى جالس فيها على الكرسي ومأخوذه من بعيد.
وانت يا صالح اتخيل لي انا شفت صورتك زمان معلقه في القزاز في استديو موريس الاطرش شاقي شعرك و خاتي يدك في دقنك (متمحن)..

ههههههه

تسلموا ولكم حبي وودي،

عزيز

بابكر

15-05-2005, 09:58 AM

الاخ الرائع عزيز لك الحب الشوق0وكيفك000طبعا الصوره حلوه وعظمه,,, بس الجماعه ماصدقوا وقايلنك عجوز 00بس ذى ماقلت خلى الباقين ينزلوا صورهم عشان نشوف ونحكم بعدين عاوز اسألك سؤال انت كوندليزا متزوجه ولا لا؟؟؟؟؟؟

عزيز عيسى

15-05-2005, 12:02 PM

بابكر الغالي،
شوقي لك بدون حدود.. ويا سلام عليك ده انت الاروع..
بالله شايف الناس ديل شايلين حالي كيف في الصورة بتاعتي... وبهناك في الكرسي الساخن لامن فيني اخرج اخرج زي بتاعين الزار.
أنا منتظر جمال الماحي يظهر ليهم ويقول ليهم الحقيقة.. بس انا خايفه يقولها ليهم بالشعر الحلمنتيشي ويضيعني..
كندليزتنا عزابية لازال.. وما شاء الله عليها متعلمه وفاهمة شديد وكلنا معجبين بيها.. انت عندك ليها عريس ولا شنو؟
ايه رأيك ممكن نتصلبت فيها ونقول انها سودانية ونقوم نجوزها لواحد سوداني ونجيب ودالمأذون يعقد عليها.. وأنا ما عندي مانع اتوسط ليكم.

حبي وودي،

عزيز

أبوبكرحامد

16-05-2005, 04:01 AM

اعزيز ياخوى كل شى عرفناهو اما حكاية تورطنى مع المرا اللاوية قدوما دى انا صراحة ماعندى رغبة اودونى غوانتانمو فارجوك خلى النزاع بينا داخلى ومافى داعى للتدويل .

بابكر

16-05-2005, 12:44 PM

[[ افو يا ود المأذون بقيت تخاف من المره من هسى ولاشنو الحكايه فهمنا؟[/ ]