يمر على دورية تفيش برميوت الرسيفر

[ياسر فقيري]

حكى لي قبل قليل أستاذ عزيز جداً عليّ قصة أضحكتني حتى لم اتمالك نفسي من الدخول إلى الموقع مباشرة لأحكي هذه الطرفة التي حدثت له ..
-------------------------------------------------------
في المملكة لا يمكن لك أن تخرج بلا إقامة وإلا فمصيرك الترحيل :D

الأستاذ مستعجل جداً ومحصل ليه حصة في مكان بعيد من بيته ..
وبالعجلة لفح رميوت الرسيفر وخرج به .. ومن غرائب الصدف أن يكون هناك تفتيش يمر الأستاذ عليه .. فيوقفه العساكر ويطالبونه بالإقامة .. فيدخل يده في جيبه ولا يجد سوى ريموته الغريب .. فيضحك الجميع ويمرره العسكري ضاحكاً يقول له .. مر يا زول مر ..:D :D :D

[naz_imam]

أولا عودا حميدا ود فقيرى وبالمناسبة بالأمس كنت بصدد تنزيل بوست بعنوان البحث عن الغائب ولكن لبعض الإنشغالات لم اتمكن من ذلك وها انت ذا تطل علينا من جديد وكما عهدناك رائع بروعة بروعة أهل مدينتنا فحمدا لله على سلامتك ياغالى.

بمناسبة الريموت دى مرحلة متأخره جدا لكن وعلى ما اظن صاحبنا كان بفكر فى حق الحصة شكلوا كدى داخل على امور الشيلة واهل العروس النوع الطلباطو مابتخلص ربنا يكون فى عونوا وقول ليه دى البداية بس

نزار

[aborawan]

ههههههههههههههههههههههههه والله الغربة دي توصل لي اكتر من كده الله يحفظنا وشيلة الريموت دي تقريبا تكون حمى خفيفة في الغربة دي

[صالح ابوشوارب]

الاخ ياسر ويييييييييييينك

الجماعة قالوا من طول الغيبة جاب الغنائم

الاستاذ حالته صعبة لكن في واحد اخونا من امدرمان واسمه

الفاتح التجاني كان في اجازة في السودان وعايز يمشي سوق

امدرمان وكان بيفتش في الاقامة وبعد شوية سألته زوجته

مالك ياراجل قال ليها ما لاقي اقامتي هههههههه

ولك التحية

[أبوبكرحامد]

هذه الحكاية ذكرتنى أحد زملاء الدراسة بالزقازيق وكان يدرس بكلية البيطرة واستيقظ من النوم متأخراً فأخذ أغراضه مستعجلاً للحاق بالمحاضرة ، وداخل القاعة أفرد القطعة البيضاء بإعتبارها الروب فأكتشف أنها سروال أبو تكة ،تسلم ود فقيرى .