ما بين قارئة الفنجان وست الودع والفكي

[ابراهيم]

<CENTER>
<DIV id=cdiv style="BACKGROUND-COLOR: gold">..<P align=right><FONT color=#red size=3>

ست الودع ، وقارئة الفنجان ، والفكي

وتداعيات اللجوء اليهم في اوقات الشدة وعلى سبيل المثال

واحد تتسرق منو قروش او اي حاجة يمشى لي ست الودع ترمي ليه الودع

وهي بي دورها كشوافة ترمي الودع وتبدا تسرح بي صاحبنا

الزول الطويل دا منو ، والبت الخضراء دي شنو ووووووووو ...وفي النهاية تطلع ليهو الزول السرق الحاجات وبكون ضحية في اغلب الاحيان ومسكين لا سرق ولا حاجة ...
أو واحدة باكية ليها في واحد .. وشوف لي الزول دا مالو وبفكر في شنو وووو وبيحبني ولا ما بيحبني ... دا غير مسائل الخطوبة والشواكيش والعرس ومشاكل الحياة الاجتماعية اليومية

وقس على ذلك تنظير كل من قارئة الفنجان والفكي .. وديل ناس اعمل لي حجاب محبة وما ادراك ما شنو ما عارف المهم يا جماعة نشوف وجهات النظر في الحتة دي شنو؟

ومنكم نستفيد ..

</FONT>

<bgsound src="http://www.anwarking.com/music/bi3io/Sit%20Al%20wadi3.wma" loop="infinite">
<br>

[مزوني]

لك التحية عزيزي أبو خليل
والله العظيم كلام فارغ لا ليه اول ولا اخر
وتقريبا سيد الانبياء قال الي يصدق الجماعة ديل
فقد كفر والبيمشي ساااااااااااي وما بيصدقهم
ما بتتقبل منو الصلاة 40 يوم
والكلام دا طبعا في السحرة والمشعوذين لكن الجماعة الذكرتهم انت
قارئة الفنجان وست الودع والفكي لو ما أخاف الكذب قريب غطا منهم
والله أعلم
وشكرا على الموضوع حبيبي أبو خليل

[مــ سواح ــازن]

موضوع خطير والله يا ابراهيم
وانا لحدي الان مامقتنع بست الودع ةلا لفكي
لكن نعمل شنو اهم موجودين وناس كتير مصدقينهم
يا لطيف من كشكشة الودع
ما عندي اي معلومات عنهم
.غير انو الفكي يقول ليك جيب لي غزاله حمرا
وديك بنفسجي بي برتقالي
دي المستحيلات

[نيازى كشك]

ست الودع ارمى الودع لى كشكشى
شوفية لى كان فية شى


مشكور على الاغنية
;) ;)

[aborawan]

هي عادات سيئة من الشعوذة والدجل لا ننكر وجودها ولا صحتها لانها تعتبر فرع من فروع السحر والسحر مذكور في القرءان حمانا الله واياكم من شر السحر والعين ومن المؤسف حقاً انتشار هذه العادة في مجتمعنا السوداني بصورة فظيعة وبالاخص في الفئة الشبابية ( وررووك بجيبو بالعروق ) ، برضو كمان في المجتمع النسائي ومجتمع الحبوبات ( النبي يا ولدي ولا يا بتي كان ما مشيتي ليك لي وداعية تشوف ليك بختك )

وكمان الفككة (( جمع فكي )):D:D ناس جيب ديك برتقالي واقطع لي سبية من شعر راس العايز تكتبوا وهلم جرا من الخزعبلات الفارغة دي

ما فينا غير نقول حمانا الله واياكم من المشعوذين الدجالين وناس الودع وشر كل مخادع ومنافق

تشكرات برهوتا حبيبي

[ابراهيم]

العزيز ... مزوني ،

الغالي .... مــ سواح ــازن

الرائع ....... نيازي كشك ،

الحبيب .... ابو روان

أحترم ارائكم .... وافيض لكم احتراماً

السؤال المحيرني هل الودع وقراءة الفنجان نوع من التراث

ولا بتحسب مع الفكية والدجالين ...؟

[قمر الزمان]

يديك العافية اخ ابراهيم على الموضوع
اما عن الودع فهو تقريبا من العادات لانو
دايما يكون في قعدات القهوة ودا طبعا عند
الحبوبات لكن والحمد لله بدات تقل لانو الناس
شوية وعت ...

[ابراهيم]

الاخت قمر الزمان مشكورة على المرور وابداء الراي

لكي تحياتي

.................................................. ..........................................

[ابراهيم]

أبو روان جيتك تاني

حرقتني بتاعة الـ


وكمان الفككة (( جمع فكي )) ناس جيب ديك برتقالي واقطع لي سبية من شعر راس العايز تكتبوا وهلم جرا من الخزعبلات الفارغة دي

ديك برتقالى دا يجيبو ليه من وين بس وبرضو يقول ليك جيب ضنب سحلية بمبية وعيون كديسة سودا وحاجات كدا مستحيلة والله غالب ..