المساعد الشخصي الرقمي

مشاهدة النسخة كاملة : إعلامنا ... و القشه أم روح


صدقى
17-04-2005, 11:35 AM
ودّيت أولادى السودان عشان يدخلوا المدارس هناك ... و عشان يقولو : يمه ... يابا
بدلا عن ماما و بابا لأنها أصلا ما حقّتنا ... و عشان يعرفو حبوبه و العنقريب
و محمد وردى ، و يلعبوا بالطين و ياكلو البوش ،،،
جونى فى الإجازة ....
يتفرجوا فى إستار أكاديمى .. و يغنوا مع ( فنانات و فنانين كده ... و الله العظيم انا ما بعرفهم و ما بحبهم ) يرددوا معاهم الأغانى حرفا حرفا !!
و بتى عمرها 9 سنوات داخله ترقص و مارقه ترقص ..
و طبعا ما رقيص رقبه

إنعل أبو إعلامنا لأبو .......... .
امير عبدالباقي
17-04-2005, 07:28 PM
دي العولمه ياخوي مابقدر عليها اي اعلام ربنا يكون في عون ابناءنا وبناتنا
بس وين الكركاتير بتاع الشغل ده ياصدقي
نيازى كشك
18-04-2005, 10:48 AM
ههههههههههها
الاخ صدقى واللة دة مشكلة مظبوظ لازم يتشاف ليها حل

بعض القنوات الفضائية والاغانى مع الصور الفاضحة

كما قال الاخ امير هذة العولمة مابقدر عليها اعلام
aborawan
19-04-2005, 05:12 AM
غايتو ربنا يكفينا شر الزمن الاغبر ده وربنا يجيب العواقب سليمة