elfatih
06-10-2015, 11:35 PM
ودمدني كانت أيام جميلة
ظرفاء ودمدني
الحاج ود البشير ( أستاذ الحاج )
(الحاج ود فاطمة بت عامر )
========================
في اوائل الستينات رن جرس التلفون في مكتب الطائف بأمتداد المناقل المتحدث من الطرف الاخر العم يوسف عامر يخبر اخو زوجته ابراهيم حسين بأن الحاج ود فاطمة بت عامر قد ركب البص السريع بص الخواجة الساعة السابعة صباحا وسوف يصلكم في قرية معتوق او 24 عبود في تمام الساعة الثالثة عصرا عن طريق البص والمتجه الي مدينة الدويم كل هذه التوصيات من امه فاطمة بت عامر الي ابنها الوحيد والذي قرر تمضية جزء من اجازته معنا في امتداد المناقل الكان جديد في تلك السنوات وبالفعل في الموعد المحدد حضر الحاج وكان يافعا ولم اسمع بعد السلام الا الضحك من الوالد لقد قال الحاج مجموعة من القفشات لم استوعبها في تلك الفترة لصغر سني ولكن منزلنا كان خلال فترة تواجده مليان بالابتسامة والضحك المتواصل خاصة من جانب اخواني الاكبر مني سنا ,
استاذ الحاج البشير البرهاني من ظرفاء ودمدني منزلهم بالقرب من منزل ال شبك وهو من عائلة (عامر ) الجاك وحسن ويوسف وبابكر عامر اخواله خالته التاية عامر زوجة محمد احمد عباس حسنين وهو من عائلة من قلب المدنيين ووالده ايضا كذلك من الكريبة
هو الابن الوحيد وسط ثلاثة بنات الكبرى زهراء تزوجها عمنا محمد حسين ابوطبيلة والثانية فتحية تزوجها ابن خالتها عبد الفتاح محمد احمد عباس والثالثة نفيسة .
علي الرغم من ان عماتي اثنتين متزوجنهم اخواله واخته الكبرى متزوجها عمي محمد حسين ابوطبيلة الا ان رابط الرحم والدم هو الاقوى فهو :-
الحاج ود فاطمة ابنة امنة ابنة الفكي الصديق ابن عثمان ابن احمد ابن النور ابن دشين ابن ودمدني السني .
وانا الفاتح ابن صفية ابنة فاطمة ابنة حليمة ابنة حويدقة ابنة الفكي الصديق ابن عثمان ابن احمد ابن النور ابن دشين ابن ودمدني السني .
لذلك كنت قريبا منه وخاصة في المناسبات الاجتماعية والحزينة منها دائما الكرسي الخاص بي ملاصق لكرسيه حيث كان استاذ الحاج من يخففون عليك احزانك عند وفاة عزيز لك الكل يجتمع حوله في بيت المناسبة وهو يوزع نكاته وقفشاته ذات اليمين وذات اليسار .
في بيوت البكاء الكل عند حلول وجبة الغداء يكون مضرب وخاتي عينه لي صينية ناس فلان والتي غالبا ماتكون مدنكلة وصاحب الصينية غالبا مايفضل ان يجلس عليها الظرفاء في بيت البكاء وذلك لشكره وتناقل خبر صينيته المدنكلة بين الحضور .
في حي المدنيين وبالتحديد في حي القبة اوربا مظاهر التكاتف الاجتماعي ظاهرة للعيان وكل ذلك مرده ان جميع السكان هم اهل تزداد رابطة القرابة او تبتعد ولكن في النهاية يجمعهم صاحب البنية الشيخ ودمدني السني .
ثلاثة ايام للفراش في بيت البكاء كفيلة بالتخفيف عليك اذا فقدت عزيز او عزيزة لك .
استاذ الحاج وله شلة تتحلق حوله وخالد بشير مكي له نفس الشئ ويعقوب موسى النور نفس الشئ وعبيد ابوحنك نفس الشئ وهنالك الطيب هاشم والحساسية المفرطة بينه واستاذ الحاج والكلام الكثير من جانب الطيب هاشم .
في احد مناسبات العزاء تم الاتفاق مع الطيب هاشم ان يسكت لمدة خمسة دقائق مقابل الف جنيه اذا لم يتكلم وباقي دقيقة واحدة واحد من الخارج قال ان مجهاد وصل من ابوظبي فما كان من الطيب هاشم الا ان قال بلا الف جنيه وصل متين مجاهد .
في بيت العزاء تنظر شمالك وتري قناب ود الدرنيه او مايطلق عليه عبدوووا جالس وقد شرب الكباية رقم خمسين من الشاي.
نحمد الله ونشكره اننا قد عاصرنا كوكبة من ظرفاء ذلك الزمان ينسوك نفسك خلي احزانك.
هولاء الظرفاء لايجتمعون مع بعض تجد دائما بينهم تنافر او بمعنى اخر لايحبون بعضهم واذا اردت ان تنرفز احدهم قل له فلان داك يعني الظريف داك قال كذا وكذا .
في رحلة اغتراب قصيرة الي اليمن السعيد قضى استاذ الحاج فترة كمعلم في اليمن خرج منها بالمثير واذكر قوله اننا كنا في منطقة يدخل علينا السحاب بالشباك ونحن ندرس في الفصل وقوله انه شاهد القمل بضم القاف وتشديد الميم والذي عاقب به الله سبحانه وتعال فرعون وقومه .
استاذ الحاج نهاره مع صديقه وقريبه الفنان احمد شبك في دكانه بتاع النجارة في القريق ومعهم صديقهم نوفل جابر وكوكبة من الاخوان يحلو لك الجلوس وسطهم .
في فترة المساء التواجد في نادي الثوار وهو من المؤسسين الاوائل لهذا النادي مع ابن خاله فتاح بابكر عامر .
في احد الايام والحاج متواجد في النادي حضر احد الاخوان انصار السنة والذين يتميزون بالجلاليب القصيرة وهو يسأل عن احد الاخوان وهو لم يكن موجودا وعند حضوره قال له الحاج ان احد الاشخاص حضر وهو يلبس جلابية زي باب الحمام بسأل منك والمعروف ان ابواب الحمامات في تلك الفترة ولزوم التهوية يتم قص جزء من بابها ويبدو الباب قصير من نهايته .
عندما يكون جالسا مع اولاد الفريق وتنادي عليه اخته الحاج هو يعرف ان الفطور جاهز ويقول لي اولاد الفريق لزوم التمويه جاني تلفون من بره عن اذنكم .
سمع بي قطر والقروش مطر شد الرحال الي هنالك وبدأ في البحث عن عمل انتهت مدة زيارته ولم يحظى بعمل قال الي اولاد مدني هنالك اولاد ابراهيم السناري بلا قطر قروش مطر دي كتاحة ساكت مافيها .
الاستاذ الحاج البشير عندما زار السيد محمد عثمان المرغني مدينة ودمدني وزار قبة ودمدني السني حصلت كرامة لومدني السني فقد نبعت الموية من قبره الشريف قام اخونا بكري حسين عوض بتاع مصنع الثلج قال للحاج البشير والله جدكم راجل صالح نبعت المويه من قبره الحاج قال ليهو صالح ابوك البقلب المويه تلج .
الحاج في بيت بكاء في حي المدنين في نهار رمضان قال ليهو اخونا عباس مرعي البرهاني يا الحاج ودخالتك عبدالرافع محمداحمدعباس دا فاطر في رمضان مابخجل قام الحاج قاليهو صوموا انتو ديل قالوا لربنا شكرا ابهاتم ماتوا وورثوهم انتوا ابهاتكم هلكو ماورثوكم حمار هدوم
استاذ الحاج سالتو امراة يا الحاج عليك الله فاطمة بت عامر ماعندها فلاتية في البيت بتشتغل معاها والله مقروضة لفلاتية قام الحاج قال للمراة الفلاتة ديل في الحي دا مابعرفو الا الله والنبي وعشة زوجة محمدالجاك امشي ليهن امكن تلقي ليك فلاتية.
أيام قراءة عداد الكهرباء جاهو واحددق ليهو الباب بدري الساعة 6 صباحا الحاج قام فتح الباب وهو نعسان ماكمل نومتو قام قال للموظف أنتا جزار جايني بدري تقراء لي العداد .
وللمرحوم الحاج نوادر كثيرة منها نادرة تحصين الاطفال لمن شاف بنات التحصين شايلين السرامس وفيها امصال تطعيم الاطفال وبدقو باب باب وبجو مارقين وبشخطو على الحائط حق البيت قام قال لهم وهو يسخر من نفسه امشو ساي الفريق دا مافيهو اطفال معظمهم ما متزوجين وايتام انا الوحيد المتزوج وعمري53سنة يعني انا اصغر زول عرستا وبعدي احمدشبك عرس عمره 65سنة قام في واحدسمع كلام الحاج وقال ليه الزمن دا كلو يا الحاج كنتا وين اتاخرت في الزواج الحاج زعلان من هذا الرجل قام قال ليهو اناكنت مجنزر عند ودالمكاشفي.
في واحد من البرهانية جاء الفريق يسأل عن عباس ود مرعي والحاج ودالبشير كان واقف امام بيت منزلهم قام الراجل سأله الحاج قال ليه تلف يمين الزقاق القدامك داك تلاقي هونو لولو وبعدين الزقاق الشمال داك تلاقي لوس انجلس تمشي طوالي تلاقي كلفورنيا بس هنالك.
يا اخي بتسال عن عباس ود مرعي عشان اريحك وتريحني دا ساكن في فريق الحلبة امشي هنالك اسأل عنه بلا كلام فارغ وصف لي بيتهم بي وين .
مره تناول الغداء مع ابنا اخوانه وفى اليوم التالى جاء ابناء اخوانه لتناول الغداء معهم فما كان الا ان سألهم هل جئتم لمباراه الرد.
وصادف أن والدته يديها العافيه كانت تاخذ الثياب وحاجيات البنات وتبيعها فى القرى والفرقان وكانت تحفظ اسماء مديونياتها من البيع باسما مثل بتول محمد وامنه دفع الله وست الجيد بله فما كان الا أن قال لها هل هذه مدرسه.
وكان لديهم فى بيتهم زقاق مليان بمياه الامطار ونبت فيه القش والنجيلة الضاره فسألته بنت اخته و كانت صغيره وجاءت فى اجازه من الخليج فقالت له ما هذه الاشجار والاعشاب ؟ وبما عنده من سرعه بديهه قال لها هذه حديقة بيتنا الخلفيه.
كان لديه شيله كان يجهزها لعرسه الذى طال انتظاره ...بسبب ضيق الحال فكان ان تجهيزات العرس فى الشنطه طال عليها الزمن فتحجرت الكريمات وفضيت قوارير الريحه وتصلب المنكير وما الى ذلك فسألته الصغيره من اين اتنيت بشيله العرس
فما كان الا ان جاوبها
لقد ارسلها لى ابى من لندن
وسألته ما هو عمل ابوك
فقال لها محاضر فى جامعه كمبردج
ومحاضر فى جامعه ليفربول.
تزوج ابناء فريقه من القرى القريبة من مدني ويوم في مناسبة في الفريق قال ليهم عملتوا لينا الفريق زي موقف القري .
حمل له احدهم بشاره ان اهله وجدوده المدنيين ورثو ا اراضى واطيان ...فرد بسرعه ( أنا صارقيل ) .
مره عزمو ازهري يوسف عامر عشاء فاخر فى مطم فى الخرطوم 2 حضر الجرسون وقدم للحاج قائمة الطعام نظر فيها الحاج وقال لى ازهري ﻻزم اذاكر عشان اتعشى قال ليه عشان تاكل الحاجه البتفضلها قال لى أزهري جيب اى حاجه خنزير باكله . يقول أزهري طلبت نوعين من اللحمه وسلطات احضر الجرسون كميه عيش فى سبت وغاب فتره واحضر سلطات ثم غاب واحضر مايونيز وكتشب ثم غاب واحضر كورتين شوربه ثم غاب خمسه دقائق واحضر وجبة العشاء الرئيسية اللحوم فقال استاذ الحاج كمان عشاء انت فاكر نحنا اتكسر بينا لورى فى الخلاء.
في مرة اتفقوا هو واخونامتوكل عبدالكريم التتي ربنايمن علية بثوب الصحة والعافية ان يمشو الي حسن جادالله بتاع السمك لذوم الفطور وبعد مافطر وكان الحساب 40ج قام متوكل التتي قاليهو ليه نحن اكلنا شنو اصلا قام الحاج قال ليهو اكلت سمك عامل لي خشمك الكبير دا لسانك براهو يسوي طلبين.
ومرة المرحوم احمدشبك والمرحوم ودبع علي افندي والسر المبارك والاخ استاذحسين الربشة والنور حموري النجار ظبتو ليهم فوله مكلفة بيض وجبنة وتونة وشطة حارة وكان النظام شيرن فجاة داهمهم الحاج على غير زمنه الذي بجئ فبه ودلك بي وشاية اخونا المرحوم ابراهيم ابقنبور فمشى الحاج وسلم على الجماعة فماردوا السلام قام دخل يده في الفول وقال للجماعة باكل باكل لو حدرتو لي ولو ما حدرتو انا بلقاكم وين.
ايام زيارته للدوحة كان أستاذ الحاج له الرحمه مع الإخوان الفاتح الهندي ومحمد سنهوري سألهم العشاء شنو الفاتح قاليهو فول لكن مصلح قاليهم والله لو وديتهو الكوفير ياهو فول.
يقول ابن اخته حسين كان ان ذهبنا انا والحاج لتناول وجبه الافطار فى حديقه وقيع الله وجاء الينا الجرسون فطلبنا كستليته وفول وحاء الجرسون بالفول اولا فبدأنا ناكل ثم جاء الجرسون بصحن كبير يحتوى على قطعتين كستليته فاخره..قلت فى نفسى ديل قطعتين واحده لى وواحده لاستاذ الحاج والفول صحن مشتر بيننا فقمت مددت يدى لاخذ قطعتى من الكستليته ... قام قال لى واشار للفول ؟؟ لا انت اختصاصك هنا بس.
والدته فاطمة ما بتخت الغداء إلا تسمع نشرة 3 في الإذاعة ويوم الساعة بقت 12ظهر والحاج جيعان قام سجل النشرة في المسجل وشغلو ليها.
في يوم رفع الفراش في وفاة رزق الجاك له الرحمة والمغفرة. المغيرة ود السنجك له الرحمة والمغفرة السفنجة التي كان يلبسها المغيرة راحت في الزحمة والمغيرة بقي يفتش في السفنجة ويقول راحت ويلف ويجي يسأل الحاج عن السفنجة وتاني جاء للحاج وقال السفنجة صدقة الي روح رزق اخوي قام الحاج قال ليه اقعد انا بمشي أجيب ليك حقتي من البيت .الحاج جاب ليه السفنجة المغيرة قال للحاج شكرآ لاكن حقتي جديدة .الحاج قال للمغيرة اليسمع سفنجتي يقول لوري سفنجة شاحن بن.
استاذ الحاج البشير رحمه الله من الشخصيات التي وهبها الله محبة الجميع وهو نسمة عطرة تبددت سريعا كان يحمل مسبحته ويلعب الضمنة بنادي الثوار فتمتزج الجلسة بقفشاته اللامتناهية .فيتحدث في جميع المواضيع الاجتماعية والدينية والسياسية والرياضية والادبية بمستوى واحد من الفهم والاستيعاب.
ولد استاذ الحاج في نهاية الاربعينات وتوفي بعد عمر بلغ 54 سنة ليس بالطويل سنة 2001م وتزوج في اخر ايامه من اهله بالكريبة.
رحم الله استاذ الحاج بواسع رحمته وجعل قبره روضة من رياض الجنة لقد كان نقي السريره لايحمل حقدا علي احد ولايماري احدا يحب البهجة وينشر المرح ويسعد الناس بتعليقاته ونكاته وكان شديد الذكاء سريع البديهة لايحتاج لاي تفكير ليرد عليك في اي شي له موهبة وقدرة فائقة علي التشبيه والربط بين الاشياء ،
دائما الظرفاء رحلتهم في هذه الدنيا قصيرة .
رحم الله رزق الجاك عامر مر كالنسمة ياما اسعدنا واضحكنا اللهم اجعل قبره روضة من رياض الجنة وارحم عمنا عبيد ابوحنك واجعل الجنة مثواه وارحم عمنا الطيب هاشم واجعل الجنة مثواه والرحمة والمغفرة الي استاذ الحاج وندعوا الله ان يكون قبرك روضة من رياض الجنة وان يطيل عمر جدتنا فاطمة بت عامر وان يمتعها بالصحة والعافية
رحمهم الله وجعل الجنة مثواهم كانوا فاكهة المجتمعات.
ظرفاء ودمدني
الحاج ود البشير ( أستاذ الحاج )
(الحاج ود فاطمة بت عامر )
========================
في اوائل الستينات رن جرس التلفون في مكتب الطائف بأمتداد المناقل المتحدث من الطرف الاخر العم يوسف عامر يخبر اخو زوجته ابراهيم حسين بأن الحاج ود فاطمة بت عامر قد ركب البص السريع بص الخواجة الساعة السابعة صباحا وسوف يصلكم في قرية معتوق او 24 عبود في تمام الساعة الثالثة عصرا عن طريق البص والمتجه الي مدينة الدويم كل هذه التوصيات من امه فاطمة بت عامر الي ابنها الوحيد والذي قرر تمضية جزء من اجازته معنا في امتداد المناقل الكان جديد في تلك السنوات وبالفعل في الموعد المحدد حضر الحاج وكان يافعا ولم اسمع بعد السلام الا الضحك من الوالد لقد قال الحاج مجموعة من القفشات لم استوعبها في تلك الفترة لصغر سني ولكن منزلنا كان خلال فترة تواجده مليان بالابتسامة والضحك المتواصل خاصة من جانب اخواني الاكبر مني سنا ,
استاذ الحاج البشير البرهاني من ظرفاء ودمدني منزلهم بالقرب من منزل ال شبك وهو من عائلة (عامر ) الجاك وحسن ويوسف وبابكر عامر اخواله خالته التاية عامر زوجة محمد احمد عباس حسنين وهو من عائلة من قلب المدنيين ووالده ايضا كذلك من الكريبة
هو الابن الوحيد وسط ثلاثة بنات الكبرى زهراء تزوجها عمنا محمد حسين ابوطبيلة والثانية فتحية تزوجها ابن خالتها عبد الفتاح محمد احمد عباس والثالثة نفيسة .
علي الرغم من ان عماتي اثنتين متزوجنهم اخواله واخته الكبرى متزوجها عمي محمد حسين ابوطبيلة الا ان رابط الرحم والدم هو الاقوى فهو :-
الحاج ود فاطمة ابنة امنة ابنة الفكي الصديق ابن عثمان ابن احمد ابن النور ابن دشين ابن ودمدني السني .
وانا الفاتح ابن صفية ابنة فاطمة ابنة حليمة ابنة حويدقة ابنة الفكي الصديق ابن عثمان ابن احمد ابن النور ابن دشين ابن ودمدني السني .
لذلك كنت قريبا منه وخاصة في المناسبات الاجتماعية والحزينة منها دائما الكرسي الخاص بي ملاصق لكرسيه حيث كان استاذ الحاج من يخففون عليك احزانك عند وفاة عزيز لك الكل يجتمع حوله في بيت المناسبة وهو يوزع نكاته وقفشاته ذات اليمين وذات اليسار .
في بيوت البكاء الكل عند حلول وجبة الغداء يكون مضرب وخاتي عينه لي صينية ناس فلان والتي غالبا ماتكون مدنكلة وصاحب الصينية غالبا مايفضل ان يجلس عليها الظرفاء في بيت البكاء وذلك لشكره وتناقل خبر صينيته المدنكلة بين الحضور .
في حي المدنيين وبالتحديد في حي القبة اوربا مظاهر التكاتف الاجتماعي ظاهرة للعيان وكل ذلك مرده ان جميع السكان هم اهل تزداد رابطة القرابة او تبتعد ولكن في النهاية يجمعهم صاحب البنية الشيخ ودمدني السني .
ثلاثة ايام للفراش في بيت البكاء كفيلة بالتخفيف عليك اذا فقدت عزيز او عزيزة لك .
استاذ الحاج وله شلة تتحلق حوله وخالد بشير مكي له نفس الشئ ويعقوب موسى النور نفس الشئ وعبيد ابوحنك نفس الشئ وهنالك الطيب هاشم والحساسية المفرطة بينه واستاذ الحاج والكلام الكثير من جانب الطيب هاشم .
في احد مناسبات العزاء تم الاتفاق مع الطيب هاشم ان يسكت لمدة خمسة دقائق مقابل الف جنيه اذا لم يتكلم وباقي دقيقة واحدة واحد من الخارج قال ان مجهاد وصل من ابوظبي فما كان من الطيب هاشم الا ان قال بلا الف جنيه وصل متين مجاهد .
في بيت العزاء تنظر شمالك وتري قناب ود الدرنيه او مايطلق عليه عبدوووا جالس وقد شرب الكباية رقم خمسين من الشاي.
نحمد الله ونشكره اننا قد عاصرنا كوكبة من ظرفاء ذلك الزمان ينسوك نفسك خلي احزانك.
هولاء الظرفاء لايجتمعون مع بعض تجد دائما بينهم تنافر او بمعنى اخر لايحبون بعضهم واذا اردت ان تنرفز احدهم قل له فلان داك يعني الظريف داك قال كذا وكذا .
في رحلة اغتراب قصيرة الي اليمن السعيد قضى استاذ الحاج فترة كمعلم في اليمن خرج منها بالمثير واذكر قوله اننا كنا في منطقة يدخل علينا السحاب بالشباك ونحن ندرس في الفصل وقوله انه شاهد القمل بضم القاف وتشديد الميم والذي عاقب به الله سبحانه وتعال فرعون وقومه .
استاذ الحاج نهاره مع صديقه وقريبه الفنان احمد شبك في دكانه بتاع النجارة في القريق ومعهم صديقهم نوفل جابر وكوكبة من الاخوان يحلو لك الجلوس وسطهم .
في فترة المساء التواجد في نادي الثوار وهو من المؤسسين الاوائل لهذا النادي مع ابن خاله فتاح بابكر عامر .
في احد الايام والحاج متواجد في النادي حضر احد الاخوان انصار السنة والذين يتميزون بالجلاليب القصيرة وهو يسأل عن احد الاخوان وهو لم يكن موجودا وعند حضوره قال له الحاج ان احد الاشخاص حضر وهو يلبس جلابية زي باب الحمام بسأل منك والمعروف ان ابواب الحمامات في تلك الفترة ولزوم التهوية يتم قص جزء من بابها ويبدو الباب قصير من نهايته .
عندما يكون جالسا مع اولاد الفريق وتنادي عليه اخته الحاج هو يعرف ان الفطور جاهز ويقول لي اولاد الفريق لزوم التمويه جاني تلفون من بره عن اذنكم .
سمع بي قطر والقروش مطر شد الرحال الي هنالك وبدأ في البحث عن عمل انتهت مدة زيارته ولم يحظى بعمل قال الي اولاد مدني هنالك اولاد ابراهيم السناري بلا قطر قروش مطر دي كتاحة ساكت مافيها .
الاستاذ الحاج البشير عندما زار السيد محمد عثمان المرغني مدينة ودمدني وزار قبة ودمدني السني حصلت كرامة لومدني السني فقد نبعت الموية من قبره الشريف قام اخونا بكري حسين عوض بتاع مصنع الثلج قال للحاج البشير والله جدكم راجل صالح نبعت المويه من قبره الحاج قال ليهو صالح ابوك البقلب المويه تلج .
الحاج في بيت بكاء في حي المدنين في نهار رمضان قال ليهو اخونا عباس مرعي البرهاني يا الحاج ودخالتك عبدالرافع محمداحمدعباس دا فاطر في رمضان مابخجل قام الحاج قاليهو صوموا انتو ديل قالوا لربنا شكرا ابهاتم ماتوا وورثوهم انتوا ابهاتكم هلكو ماورثوكم حمار هدوم
استاذ الحاج سالتو امراة يا الحاج عليك الله فاطمة بت عامر ماعندها فلاتية في البيت بتشتغل معاها والله مقروضة لفلاتية قام الحاج قال للمراة الفلاتة ديل في الحي دا مابعرفو الا الله والنبي وعشة زوجة محمدالجاك امشي ليهن امكن تلقي ليك فلاتية.
أيام قراءة عداد الكهرباء جاهو واحددق ليهو الباب بدري الساعة 6 صباحا الحاج قام فتح الباب وهو نعسان ماكمل نومتو قام قال للموظف أنتا جزار جايني بدري تقراء لي العداد .
وللمرحوم الحاج نوادر كثيرة منها نادرة تحصين الاطفال لمن شاف بنات التحصين شايلين السرامس وفيها امصال تطعيم الاطفال وبدقو باب باب وبجو مارقين وبشخطو على الحائط حق البيت قام قال لهم وهو يسخر من نفسه امشو ساي الفريق دا مافيهو اطفال معظمهم ما متزوجين وايتام انا الوحيد المتزوج وعمري53سنة يعني انا اصغر زول عرستا وبعدي احمدشبك عرس عمره 65سنة قام في واحدسمع كلام الحاج وقال ليه الزمن دا كلو يا الحاج كنتا وين اتاخرت في الزواج الحاج زعلان من هذا الرجل قام قال ليهو اناكنت مجنزر عند ودالمكاشفي.
في واحد من البرهانية جاء الفريق يسأل عن عباس ود مرعي والحاج ودالبشير كان واقف امام بيت منزلهم قام الراجل سأله الحاج قال ليه تلف يمين الزقاق القدامك داك تلاقي هونو لولو وبعدين الزقاق الشمال داك تلاقي لوس انجلس تمشي طوالي تلاقي كلفورنيا بس هنالك.
يا اخي بتسال عن عباس ود مرعي عشان اريحك وتريحني دا ساكن في فريق الحلبة امشي هنالك اسأل عنه بلا كلام فارغ وصف لي بيتهم بي وين .
مره تناول الغداء مع ابنا اخوانه وفى اليوم التالى جاء ابناء اخوانه لتناول الغداء معهم فما كان الا ان سألهم هل جئتم لمباراه الرد.
وصادف أن والدته يديها العافيه كانت تاخذ الثياب وحاجيات البنات وتبيعها فى القرى والفرقان وكانت تحفظ اسماء مديونياتها من البيع باسما مثل بتول محمد وامنه دفع الله وست الجيد بله فما كان الا أن قال لها هل هذه مدرسه.
وكان لديهم فى بيتهم زقاق مليان بمياه الامطار ونبت فيه القش والنجيلة الضاره فسألته بنت اخته و كانت صغيره وجاءت فى اجازه من الخليج فقالت له ما هذه الاشجار والاعشاب ؟ وبما عنده من سرعه بديهه قال لها هذه حديقة بيتنا الخلفيه.
كان لديه شيله كان يجهزها لعرسه الذى طال انتظاره ...بسبب ضيق الحال فكان ان تجهيزات العرس فى الشنطه طال عليها الزمن فتحجرت الكريمات وفضيت قوارير الريحه وتصلب المنكير وما الى ذلك فسألته الصغيره من اين اتنيت بشيله العرس
فما كان الا ان جاوبها
لقد ارسلها لى ابى من لندن
وسألته ما هو عمل ابوك
فقال لها محاضر فى جامعه كمبردج
ومحاضر فى جامعه ليفربول.
تزوج ابناء فريقه من القرى القريبة من مدني ويوم في مناسبة في الفريق قال ليهم عملتوا لينا الفريق زي موقف القري .
حمل له احدهم بشاره ان اهله وجدوده المدنيين ورثو ا اراضى واطيان ...فرد بسرعه ( أنا صارقيل ) .
مره عزمو ازهري يوسف عامر عشاء فاخر فى مطم فى الخرطوم 2 حضر الجرسون وقدم للحاج قائمة الطعام نظر فيها الحاج وقال لى ازهري ﻻزم اذاكر عشان اتعشى قال ليه عشان تاكل الحاجه البتفضلها قال لى أزهري جيب اى حاجه خنزير باكله . يقول أزهري طلبت نوعين من اللحمه وسلطات احضر الجرسون كميه عيش فى سبت وغاب فتره واحضر سلطات ثم غاب واحضر مايونيز وكتشب ثم غاب واحضر كورتين شوربه ثم غاب خمسه دقائق واحضر وجبة العشاء الرئيسية اللحوم فقال استاذ الحاج كمان عشاء انت فاكر نحنا اتكسر بينا لورى فى الخلاء.
في مرة اتفقوا هو واخونامتوكل عبدالكريم التتي ربنايمن علية بثوب الصحة والعافية ان يمشو الي حسن جادالله بتاع السمك لذوم الفطور وبعد مافطر وكان الحساب 40ج قام متوكل التتي قاليهو ليه نحن اكلنا شنو اصلا قام الحاج قال ليهو اكلت سمك عامل لي خشمك الكبير دا لسانك براهو يسوي طلبين.
ومرة المرحوم احمدشبك والمرحوم ودبع علي افندي والسر المبارك والاخ استاذحسين الربشة والنور حموري النجار ظبتو ليهم فوله مكلفة بيض وجبنة وتونة وشطة حارة وكان النظام شيرن فجاة داهمهم الحاج على غير زمنه الذي بجئ فبه ودلك بي وشاية اخونا المرحوم ابراهيم ابقنبور فمشى الحاج وسلم على الجماعة فماردوا السلام قام دخل يده في الفول وقال للجماعة باكل باكل لو حدرتو لي ولو ما حدرتو انا بلقاكم وين.
ايام زيارته للدوحة كان أستاذ الحاج له الرحمه مع الإخوان الفاتح الهندي ومحمد سنهوري سألهم العشاء شنو الفاتح قاليهو فول لكن مصلح قاليهم والله لو وديتهو الكوفير ياهو فول.
يقول ابن اخته حسين كان ان ذهبنا انا والحاج لتناول وجبه الافطار فى حديقه وقيع الله وجاء الينا الجرسون فطلبنا كستليته وفول وحاء الجرسون بالفول اولا فبدأنا ناكل ثم جاء الجرسون بصحن كبير يحتوى على قطعتين كستليته فاخره..قلت فى نفسى ديل قطعتين واحده لى وواحده لاستاذ الحاج والفول صحن مشتر بيننا فقمت مددت يدى لاخذ قطعتى من الكستليته ... قام قال لى واشار للفول ؟؟ لا انت اختصاصك هنا بس.
والدته فاطمة ما بتخت الغداء إلا تسمع نشرة 3 في الإذاعة ويوم الساعة بقت 12ظهر والحاج جيعان قام سجل النشرة في المسجل وشغلو ليها.
في يوم رفع الفراش في وفاة رزق الجاك له الرحمة والمغفرة. المغيرة ود السنجك له الرحمة والمغفرة السفنجة التي كان يلبسها المغيرة راحت في الزحمة والمغيرة بقي يفتش في السفنجة ويقول راحت ويلف ويجي يسأل الحاج عن السفنجة وتاني جاء للحاج وقال السفنجة صدقة الي روح رزق اخوي قام الحاج قال ليه اقعد انا بمشي أجيب ليك حقتي من البيت .الحاج جاب ليه السفنجة المغيرة قال للحاج شكرآ لاكن حقتي جديدة .الحاج قال للمغيرة اليسمع سفنجتي يقول لوري سفنجة شاحن بن.
استاذ الحاج البشير رحمه الله من الشخصيات التي وهبها الله محبة الجميع وهو نسمة عطرة تبددت سريعا كان يحمل مسبحته ويلعب الضمنة بنادي الثوار فتمتزج الجلسة بقفشاته اللامتناهية .فيتحدث في جميع المواضيع الاجتماعية والدينية والسياسية والرياضية والادبية بمستوى واحد من الفهم والاستيعاب.
ولد استاذ الحاج في نهاية الاربعينات وتوفي بعد عمر بلغ 54 سنة ليس بالطويل سنة 2001م وتزوج في اخر ايامه من اهله بالكريبة.
رحم الله استاذ الحاج بواسع رحمته وجعل قبره روضة من رياض الجنة لقد كان نقي السريره لايحمل حقدا علي احد ولايماري احدا يحب البهجة وينشر المرح ويسعد الناس بتعليقاته ونكاته وكان شديد الذكاء سريع البديهة لايحتاج لاي تفكير ليرد عليك في اي شي له موهبة وقدرة فائقة علي التشبيه والربط بين الاشياء ،
دائما الظرفاء رحلتهم في هذه الدنيا قصيرة .
رحم الله رزق الجاك عامر مر كالنسمة ياما اسعدنا واضحكنا اللهم اجعل قبره روضة من رياض الجنة وارحم عمنا عبيد ابوحنك واجعل الجنة مثواه وارحم عمنا الطيب هاشم واجعل الجنة مثواه والرحمة والمغفرة الي استاذ الحاج وندعوا الله ان يكون قبرك روضة من رياض الجنة وان يطيل عمر جدتنا فاطمة بت عامر وان يمتعها بالصحة والعافية
رحمهم الله وجعل الجنة مثواهم كانوا فاكهة المجتمعات.